استفسار بخصوص طريقة تشييك البيبات بالحمامات

[Almossafer]

هلا

البيب فيتر يقول انه شيك البيبات مع اني شاك بالموضوع ماشوف الجهاز الي يفحص البيبات باالضغط ماعرف شنو اسمه

البيبات طبعا الخضر

مره يقولي شيكته بالدينما ومره يقولي شي وقالي خلاص تقدر تركب البلاط انا شاك بالموضوع

لكن الحين ركبنا البلاط هل اقدر اشيك والبلاط مركب

اللي يعرف شي يفيدني


جزاكم الله خير

[naklan]

اخوي العزيز اولا يجب ان يضع ساعات البرشر لمده 3 ايام على الاقل والفحص كالتالي يوضع ماي داخل البيبات وتضغط الى درجه 10 بار وتترك لمده 3 الى 5 ايام للتاكد واذا لم يحدث تسرب خلال الفتره الفحص يكون الحمام جاهز لعمل البلاط

نصيحتي لك بالاتي ان تصر عليه بعمل الفحص وتركيب الساعه مالت الفحص امامك الى حين التاكد والاطمئنان ولا تتنازل عن ذالك

وان لم يفحص
-----------------------------

تجيب من البايب فيتريه الي عند وكاله الهوندا القديمه لعمل الفحص لضرورته وحتى لا يحدث تسرب في المستقبل وتخسر لا سمح الله كل السراميك الي ركبته لاهمال هاذا الفيتري المهمل في عمله

واي استفسار حاضرين :)

اخوك/ naklan

[ahmed jasim]

أخوي naklan
بقيت أتطمن على البيبات
وين وكاله الهوندا القديمه

[السد]

اخوي بغيت رقم البايب فيتر اللي يسوي الفحص
موضوع في غاية الاهمية

[naklan]

أخوي naklan
بقيت أتطمن على البيبات
وين وكاله الهوندا القديمه

اخوي احمد من دوار البنك العربي تلف يمين كانك رايح لفندق سوفتيل هناك وكاله الهوندا القديمه توجد الاف محلات السباكه تشوف لك مقاول بايب فيتر هو الي عنده اجهزه الفحص اتوقع ما يقارب من 50 الى 100ريال لفحص البايبات



اخوي بغيت رقم البايب فيتر اللي يسوي الفحص
موضوع في غاية الاهمية

هلا فيك اخوي السد معلومه لك وللجميع المفروض فحص البايبات على مقاول السباكه الي ركب لك البايبات ولازم في العقد يعطيك عليهاضمان لمده 8 الى 10 سنوات واذا البيت بني عن طريق شركه مقاولات يعملون لك كتاب تعهد وضمان بصلاحيه العمل وعدم التسرب لمده
10 سنوات لضمان حقوقك


موفقين جميعاً اخوكم/naklan

[Almossafer]

يعطيك العافيه اخوي كلمت الفيتيري قالي بشيك لك من اول وجديد ع البيبات

مع ان خلصنا تركيب السيراميك بالطوفه

يعطيك العافيه اخو ي وتسلم ع المعلومات

[ahmed jasim]

فحص البايبات على مقاول السباكه الي ركب لك البايبات ولازم في العقد يعطيك عليهاضمان لمده 8 الى 10 سنوات واذا البيت بني عن طريق شركه مقاولات يعملون لك كتاب تعهد وضمان بصلاحيه العمل وعدم التسرب لمده
10 سنوات لضمان حقوقك
موفقين جميعاً اخوكم/naklan

أخوي naklan
عندى إستشاري ومقاول تسليم مفتاح
بس ضمان 10 سنوات مو موجودة فى العقد
إش رايك ..

السموحة أخوي Almossafer

[naklan]

يعطيك العافيه اخوي كلمت الفيتيري قالي بشيك لك من اول وجديد ع البيبات

مع ان خلصنا تركيب السيراميك بالطوفه

يعطيك العافيه اخو ي وتسلم ع المعلومات

موفق باذن الله اخوي العزيز Almossafer

باس تاكد انه يفحص بساعه البرشر وعلى ضغط 10 بار

لتطمئن على سير العمل وانه في الاتجاه الصحيح

تحياتي والله يسلمك من كل شر



أخوي naklan
عندى إستشاري ومقاول تسليم مفتاح
بس ضمان 10 سنوات مو موجودة فى العقد
إش رايك ..

السموحة أخوي Almossafer


خلهم يعملون فحص الضغط وانت اشرف على المعاينه

على الاقل اذا ماعندك ضمان تكون فحصت وتطمنت وما تطلع لك

مشاكل في المستقبل موفق اخوي العزيز ahmed jasim

[ahmed jasim]

شكرا أخوي naklan على النصيحة
جزاك الله خير وإرحم الله والدينك

[Almossafer]

شكرا لك اخوي يعطيك العافيه naklan

[naklan]

شكرا أخوي naklan على النصيحة
جزاك الله خير وإرحم الله والدينك

بارك الله فيك اخوي ahmed jasim

ورحم الله والدينا والديك



شكرا لك اخوي يعطيك العافيه naklan

العفو منك اخوي العزيز Almossafer

وسعيد بخدمة اخواني الاعضاء

:nice:

[Chambray]

يعطيك العافيه اخوي كلمت الفيتيري قالي بشيك لك من اول وجديد ع البيبات

مع ان خلصنا تركيب السيراميك بالطوفه

يعطيك العافيه اخو ي وتسلم ع المعلومات

شتستفيد إذا طلع تسريب في الطوف بعد ماركبت السيراميك ؟
الله يوفقك ان شاء الله ومايطلع في تسريب

[Almossafer]

شتستفيد إذا طلع تسريب في الطوف بعد ماركبت السيراميك ؟
الله يوفقك ان شاء الله ومايطلع في تسريب


هلا

ماتركب السيراميك كامل لي الحين باقي الارضيات يعني تقول تحت التشطيب

مو مشكله اذا طلع تسريب بحمام ولا اثنين بس ع الاقل تطمان ع الشغل

وثاني شي هو مشيك ع البيبات سابقا ومافي تسريب لكن غيرنا بمكان تقفيل الماي الي جاي من فوق وخلينا الاقفال كلها برا مش بالحمامات

يعطيك العافيه

[Chambray]

اها
الله يوفقك يالشيخ ويسهل عليك تشطيب البيت

[r07]

اخوي العزيز اولا يجب ان يضع ساعات البرشر لمده 3 ايام على الاقل والفحص كالتالي يوضع ماي داخل البيبات وتضغط الى درجه 10 بار وتترك لمده 3 الى 5 ايام للتاكد واذا لم يحدث تسرب خلال الفتره الفحص يكون الحمام جاهز لعمل البلاط

نصيحتي لك بالاتي ان تصر عليه بعمل الفحص وتركيب الساعه مالت الفحص امامك الى حين التاكد والاطمئنان ولا تتنازل عن ذالك

وان لم يفحص
-----------------------------

تجيب من البايب فيتريه الي عند وكاله الهوندا القديمه لعمل الفحص لضرورته وحتى لا يحدث تسرب في المستقبل وتخسر لا سمح الله كل السراميك الي ركبته لاهمال هاذا الفيتري المهمل في عمله

واي استفسار حاضرين :)

اخوك/ naklan

بعد اذن صاحب الموضوع..اخوي ناكلان انا كان عندي اسئله بخصوص اعمال السباكه ..ف اذا عندك وقت تشوف هالرابط وتفيدني بأي معلومه فلك مني كل الشكر..

http://qatarshares.com/vb/showthread.php?t=377485