.... هل قد واجهتك مشكلة في موضوع الخطبة لأقاربك؟ .... أبي اخطب وتوهقت :( [الأرشيف]

رهج السنابك

20-06-2010, 08:07 PM

؛

السلام عليكم ورحمة الله

موضوع الخطبة ثم الزواج من المواضيع اللي لازم تطرق كل بيت ؛

انا بفتح الموضوع لنقاش العقبات اللي ممكن تعترض طريق الخطابة << لا تفكرون اني خطابة بس ابي اخطب وتوهقت :(

قريب لي على قولة المصريين لؤطة ماشاء الله فيه كل المميزات اللي تتمناها اي وحده بالدنيا

التزام ديني مايدخن في وظيفة جداً عالية ومرموقة ويتمناها اي شخص في قطر
عمره أقل من ثلاثين سنه طموح جامعي وناوي يكمل دراسة
ماعمره رافق اصحاب نص نص كلهم على مستوى عالي من الأدب والعلم والثقافة
تربى تربية عالية ماشاء الله

انا ذكرت مميزاته لأنكم بتستغربون اني لين الحين ماقدرت احصل له بنت مناسبة له وهو طالب مني انا اختار له وحده

وبصراحه كاسر خاطري وخاصة انه يحب الأسرة والأطفال؛

بنات العائلة كلهم يا متزوجات يا صغار ( مافيه وحده تقاربه بالعمر )

المعارف الاخرين والصديقات بعد كلهم تزوجوا :(

ما عاد عرفت وين احصل له بنت هل الديرة ماعاد فيها بنات:eek5:

لي سنة ادور له ومالقيت

فهل وحده واجهتها نفس مشكلتي؟ طيب والحلول؟

انا كنت اتمنى لو فيه جهه حكومية تساعد في التوفيق بين اللي يبون يتزوجون تكون تحت اشراف شيخ ومرشد اجتماعي اظن هذا حل للي كل اهلهم ومعارفهم مايناسبون او ماعنده احد ومقطوع من شجرة ؛

ما رايكم؟

الداهية

20-06-2010, 08:19 PM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

حقيقه

20-06-2010, 08:27 PM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

في كل ديره الزين والشين

اعتقد غلطتي بوصف القطريات بالصنف المضروب

حقيقه

20-06-2010, 08:29 PM

؛

السلام عليكم ورحمة الله

الارستقراطية

بالنسبه لي انا
لو حد قالي شوفي لي عروس برفض

لانه سبحان الله ماتدرين بالانفس ولايغرك المظهر الخارجي
يمكن تصير بذمتس يعني احتمال ماايتم هالزواج او يفشل

واتمنى التوفيق لقريبك

حراير قطر

20-06-2010, 08:38 PM

الله يوفقه ويلقى بنت الحلال ويرزقه بالذرية الصالحه

خليه يستغفر ويقرأ سورة البقرة بنية الزواج ...

ولد خالتي تموا سنتين يدورن له والله

لين ما لقوا بنت الحلال وتزوجها والله يوفقهم ...

ضوى

20-06-2010, 08:38 PM

اسعى في جنازة ولا تسعى في جوازة

بعدين الاخت اللي تقول القطريات صنف مضروب اعتقد عيب هالكلام ومب من حقج تقولين هالكلام عن بناتنا

ولد الخال

20-06-2010, 08:47 PM

ليش القطريات صنف مضروب أختي

ممكن التوضيح لكي لا يغشنا الآخرين بهذا الصنف المضروب

هل بسبب إرتفاع السعر

أو

لسبب آخر

يرجى التوضيح

STAR

20-06-2010, 08:57 PM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

وانتي مب اقطرية؟؟؟ خواتج مب قطريات؟؟؟ والا مضروبين على قولتج؟؟!!!:anger1:

فارس الكلمة

20-06-2010, 09:03 PM

و نحن نبحث مثلك أيضاً لأحد أقاربنا .. و لديه نفس المواصفات و لله الحمد ..

و ما زلنا نبحث .. و نسأل الله التوفيق و السداد ..

sara jsm

20-06-2010, 09:06 PM

حراير قطر

20-06-2010, 09:26 PM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

طلع واحد مب وحده :secret:

كركم

20-06-2010, 09:31 PM

هذه من سلبيات حصر العلاقات الاجتماعية بالأهل المقربيين بس
اخبر قبل دائرة المعارف والأصدقاء كانت اوسع ..وبمجرد ما الواحد يقول ابي اتزوج...يحصل بدال الوحدة عشر..وكل وحده تقول الزود عندي...واللي زاد الطيب بله .. الشروط التعجيزية عند الشباب والبنات عاد يمكن هو بعد حاط من هالشروط....على العموم الله يوفقه ...والبنات تارسين الديرة...وصدقيني كل تأخيره وفيها خيره...

فلتة زمانها

20-06-2010, 10:13 PM

مِنْ صجج مالقيتي شكثر بنات مخللين فالبيوت
وبعضهم عليهم سحوبات مِنْ كثرهم ههههههه اتغشمر لحد يزعل
انزين ليش ماتكلمين خطابه مب احسن
او تشوفين له وحده مِنْ برا مب لازم يقيد نفسه الا وحده مِنْ الاهل
آللہ يرزقه بنت الحلال الطيبه

بـــــــنت النوخـّــــذه

20-06-2010, 10:17 PM

خليه يشوف من ربعه اكيد عندهم خوات 0او خطابه مافيها شي اختي 000

و الي قالت/قال مادري ولد ولا بنت بنات قطر صنف مضروب والله محد مضروب غير مخج/مخك اهههههههه اذا التفكير سلبي ونظره سوداويه 0000 يسمحولنا الحاضرين على هذا اللفظ ^_^

يالله الله يزرق الشباب بالزوجات الصالحات ويرزق البنات بالزوج الصالح 000وياريت والله تتقيدون بإطار الموضوع 00يعني لحد (تطلع /يطلع) لنا ويسوي نفسه ابو العريف بتحليل شخصيات الناس بنظرته السوداويه 000

وثقي تماما اختي الارستقراطيه اذا الله راد له الزواج بيتزوج بالوقت المحدد الي ربج كاتبه كل تأخيره وفيها خيره 00واهم شي ماتكون عنده شروط تعجيزيه هي سبب التأخير والدواره عن بنت الحلال والديره عادها فيها الناس الخيره والله يستر عليكم

لمعة الالماس

20-06-2010, 10:37 PM

ان شاء الله تلقون له بنت الحلال اللي تناسبه

شوفي في محيطكم

جيرانكم ،، موظفات او مدرسات

في وايد بنات محترمات وملتزمات وصعب تحصلينهم الا اذا حد دلج عليهم

اسعاف

20-06-2010, 11:06 PM

عليك بذات الدين

المتقيدة بعادات وتقاليد اهل قطر

البعيدة عن الأفكار الدخيلة

التي تعتبر زوجها محراب تطيع الله تعالى فيه

بدون

20-06-2010, 11:07 PM

الله يوفقكم بالزوجة الصالحة له اللي تعينه على أمور دينه و دنياه
و يستر على بنات قطركللللللهم
و اللي يقول صنف مضروب ما عنده سالفة من قلب
ما نرضى على بناتنا بهالكلام و هالوصف الوقح (مع اعتذاري للجميع من الكلمة) لكن بصراحة انقهرت
هذول بناتنا و خواتنا و أهلنا و ما لنا بد منهم و اللي يمسهم يمسنا

ذوق

21-06-2010, 12:06 AM

تقدرين تشيكين الخاص عزيزتي

الأصيلة

21-06-2010, 12:23 AM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

كلن يشوف الناس بعين طبعه ...( ربعه )
أكيد المضروبين هم اللي حواليكم وفي بيئتكم...
أما بنات قطر الأصلين الكل يتمناهم وفيهم العقل والثقل والأدب والأخلاق...

STAR

21-06-2010, 08:02 AM

طلع واحد مب وحده :secret:

ماعنده خوات؟؟؟ خواته مضروبين على قولته؟!!!!:anger1:

ترى كل يرى الناس بعين طبعه

كركم

21-06-2010, 08:12 AM

كلن يشوف الناس بعين طبعه ...( ربعه )
أكيد المضروبين هم اللي حواليكم وفي بيئتكم...
أما بنات قطر الأصلين الكل يتمناهم وفيهم العقل والثقل والأدب والأخلاق...

وانا اشهد :nice:

الصريحه

21-06-2010, 08:13 AM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

الله يهديك ماراح ازيد اكثر من ذلك لك
البنات موجودين ومن كل قبيله ومن كل مكان بس اسالوا عدل
والله نلاقي اكثر من بنت اصل وفصل واخلاق وبعد جمال
والله يوفق الجميع
التربيه تربيه القطريييييييييييييييييييييييييين اهل الكرم والذوق والزين والحشمه والعفاف
ولا غيره اسفه ..............

Abdullah_89

21-06-2010, 08:16 AM

اختي لو تبين وحده تخطب لج وبالموصفات اللي تبينها وماتختارلج اي بنت انا اعرف وحده قطرية تقدر تساعدج
اما بالنسبة للي يقول ان القطريات مو شي ونروح البحرين ولا السعودية

فأنا اقول بنات الديرة أولى بها عالاقل بكره العيال بيكونون بين أهلهم واللي يتزوج من برع بتطلع عليه اغلى من بيع السوق لان كل يوم والثاني الزوجة تبي تروح لأهلها وتبي توديلهم أغراض وتبي هدايا لهم وهاي شي مكلف

والله ان في بنات قطريات مايبون الا الستر لكن شبابنا الله يهداهم خلصوا الخليجيات الحين راحوا للشعب الاسيوي

الله يستر

وربي يوفق الجميع

بوخالد911

21-06-2010, 08:17 AM

الديرة مليانة بنات
بس لو ال1 يتأنى ويعررف يختار ؛ بيلقى

والله يوفقه

وأهم شي النية

بـــــــنت النوخـّــــذه

21-06-2010, 09:45 AM

شخباركم اعلومك 0000

الا المضروب وينه !!!!!!!!

عموما متابعه الردود وماعلقتي الارستقراطيه على الردود والاقتراحات عشان اندور لج حل ^_^

امس كنت اسولف عنج عند الجماعه انج مهب محصله لاخوج الا قالو بك ماتروح اعراس قاعه العرس بتنفجر من هالبنات الاجاويد 0000فجيه فبالي اقول لج روحي عزايم واعراس ترى الديره مترسه بنات حتى لو طليتي فبيت جيرانكم بتحصلين بنات 00 والله يوفقكم ان شاء الله تفائلو بالخير تجدوه

<<< متابعه معاكم لين ماتخطبون لولدكم اههههههههه:)

رهج السنابك

21-06-2010, 10:13 AM

أختي الأرستقراطية

ادري كلٍ بيقوم علي

البنات اللؤط مايتمون ينأخذون على طول من قريب

عندج السعودية او البحرين

اما الصنف القطري مضروب للأسف

الله يوفق الجميع

؛
غلطانه اختي من قال ان البنات اللؤط ينأذخون على طول ؟ بالعكس أكثر اللؤط في البيوت مستورات ومحد درا عنهم لا يطلعون ولا يروحون مناسبات ولاحد شافهم! وفيهم المثقفات والملتزمات والمحترمات جداً !! ويا كثرهم

بنات السعودية والبحرين مافيه احسن منهم بس للأسف مانعرف احد هناك!

اسمحي لي ماحبيت تحطين كلمة " الصنف " شنو صنف؟؟ تشترين بضاعه اختي بارك الله فيج؟
اعتقد انج مدينة باعتذار للجميع على هالكلمة ؛ وفي كل مكان زين وشين مانحكم ولا نعمم ولا نشمل ؛ ومايجوز نرمي كلام مانعرف معناه ولا نثمنه!

الى هنا كافي الرد عليج

؛

رهج السنابك

21-06-2010, 10:15 AM

بالنسبه لي انا
لو حد قالي شوفي لي عروس برفض

لانه سبحان الله ماتدرين بالانفس ولايغرك المظهر الخارجي
يمكن تصير بذمتس يعني احتمال ماايتم هالزواج او يفشل

واتمنى التوفيق لقريبك

صادقة والله بس الرجل ماله أحد يقدر يخطب له غيري يعني اعتذر منه واقول له شوف احد غيري؟ ولا هو يروح يخطب بنفسه!

انا مجرد بساعد لكن القرار في الاخير له ماراح اجبره على شي ولا راح اقول له شي مخالف للواقع كل اللي علي انقل له وبس وهو يحدد قراره ؛

شاكرة لج؛

رهج السنابك

21-06-2010, 10:15 AM

الله يوفقه ويلقى بنت الحلال ويرزقه بالذرية الصالحه

خليه يستغفر ويقرأ سورة البقرة بنية الزواج ...

ولد خالتي تموا سنتين يدورن له والله

لين ما لقوا بنت الحلال وتزوجها والله يوفقهم ...

؛
جزاج الله خير أحسن نصيحه والله؛

؛

رهج السنابك

21-06-2010, 10:16 AM

اسعى في جنازة ولا تسعى في جوازة

بعدين الاخت اللي تقول القطريات صنف مضروب اعتقد عيب هالكلام ومب من حقج تقولين هالكلام عن بناتنا

؛

صحيح لكن لو ولدج يبي يتزوج ماراح تسعين له؟

دام انتي الوحيدة اللي ممكن تسعين له مالج بد ؛

رهج السنابك

21-06-2010, 10:17 AM

و نحن نبحث مثلك أيضاً لأحد أقاربنا .. و لديه نفس المواصفات و لله الحمد ..

و ما زلنا نبحث .. و نسأل الله التوفيق و السداد ..

الله يوفقه وإيانا ؛

رهج السنابك

21-06-2010, 10:21 AM

يعطيج العافية اختي ,,
:) مواضيع الزواج كثرانه هالفترة في القسم ,, :nice:
الله يتمم لهم على خير ان شاءالله ,,

نصيحة ممكن تفيدج ,,
شوفي اول شي هو يبي وحدة باي عمر تقريبا ً ,,,
وعقب اسالوا بنات العيله عن ربعهم اللي بهالعمر ,,,
او خوات الريل ,, او نسايبكم ,, او جيرانكم ,, او بنات الجامعه ,,
الا ماتلقون وحدة تناسبه :)
اهم شي شروطه ماتكون تعجيزيه نفس اخوي :nice:
وعساه التوفيق ان شاءالله ,,

؛

بالعكس اختي لا عنده شروط ولا شي ؛ لا يهمه الشكل ولا المال ولا الوظيفة ؛ اهم شي عنده الاخلاق والتربية والالتزام

مايبي وحده متبرجه ؛ ولا وحده تعمل بأماكن مختلطة فهل تشوفين هالشرطين تعجيزيين؟

للأسف انا اشوف ايه انهم تعجيزيين لان اغلب البنات الحين كلهم اعمال مختلطة الا المدرسات وان حصلتي مدرسة لقيتيها متبرجه! :(

حتى على التبرج ماعنده مانع لكن بشرط تلتزم بالحجاب الشرعي بعد الزواج < عقليته متفهمه لأبعد حد

وبعد ماعنده مشكلة بالاختلاط لكن بعد لازم تترك العمل المختلط بعد الزواج هذا شرطه ؛ دائماً يقول من تاب تاب الله عنه ليه احاسبه على ماضيه ان كان مختلف مع مبادئي المهم انه يتوافق مع مبادئي عقب

؛

*Shadow*

21-06-2010, 10:48 AM

الله يوفقه ويسهل له بنات الحلال وايد بس هذا نصيبه الله ماكتبه له لين الحين
ياما بنات فيهم كل المواصفات الي يتمناها الرجال ..بس الله ماراد يتزوجون
يعني هذا معناته انهم مب شي ...ولا فيهم شي غلط ؟
هذا نصيب وكل شي بيد رب العالمين

السديم

21-06-2010, 10:51 AM

بو خليفه 123

21-06-2010, 11:28 AM

نسأل الله التوفيق والسداد لأبنكم

بس ماذكرتي أهم نقطه بالموضوع .. هل هو مصلي أم لأ

سبحان الله هذا تسخير من رب العالمين و كل تأخيره فيها خيره .. يمكن لين توصل بنت الحلال و تكون مسخره له .

اكتبي المواصفات اللي هو حابها في البنت لعل او عسى حد من الخوات تدلج على بنت الحلال

ترا كثير من خواتنا القطريات بنات ناس و متربيات افضل التربيه و يحملون الشهادات التعليميه الاهم من ذلك يصلون فروضهم الخمس و تخاف ربها في زوجها ابو العيال المستقبلي

و كثير من الخوات يتمنون الزواج والاستقرار و لكن وضعهم و قلة معارفهم لا تسمح لهم بالاختلاط الاجتماعي مع الناس فلذلك صعب تلقينهم ..

مثل ماقلت لج سوي الي قلت لج عليه و هذا ماهي بمنقود في نظري ..

كل التوفيق و ان شاء الله تعزمينا على العرس قبل آخر السنه :nice:

tulepq

21-06-2010, 11:41 AM

الله يوفقكم أختي الإرستقراطيه ..

بس من الأفضل إنه ( هو يختار على نظره )

يعني موظفه معاه سامع عنها كل خير .. وياكثر ماصارت عندنا ..

أو في السفر يمكن يلمحها مع أهلها ويسأل عنها ..

دام كل الوسائل ما نفعت أختي ..

وإن شالله تتوفقون ..

رهج السنابك

21-06-2010, 03:08 PM

الارستقراطية

اتفق معاج نسمع وايد عن بنات ولكن حزة الحزة ماتلقين مادري شلون هي توافيق من رب العالمين ونصيب وقدر في الاول و الاخير ..

ويابخت من وفق راسين في الحلال .. وكثار بنات العوايل المحترمة واللي يدورون الستر والزوج الصالح وتكوين اسر واستقرار ..

انا موصيني ادور على 2 حق اخوين وان شاءالله نلقى لهم ..

اما بخصوص الصنف المضروب ؟؟ الكلمة بنفسها سوقي وتدل على مستوى هابط !!

شوفي او شوف .. مافي شخص قطري يرضى تنقال هالكلمة على بنات ديرته لانه بالتالي بتشمل زوجته وبناته وخواته ..

ف أما واحد من اثنين شخص غريب ويبي يشوه سمعة بناتنا وهالشي مانرضاه ولا نسمح به ونتمنى من الادارة اتخاذ الاجراء اللازم .. او شخص معقد عفانا الله وليس على اشكاله حرج .

؛
اي والله صدقتي دوم نسمع البنات تارسين البلد ؛ لكن لو جينا ندور مانحصل!

مع اني متأكده ان فيه بنات وايد يناسبونه لكن كيف نلقاهم؟ مو معقوله اطق البيبان واسأل :omg:

اللي سألوا عن الصلاة مدري ان كنت ذكرت في المووضوع او نسيت ؛ لكن الله الشاهد انه محافظ على الصلاة وفي المسجد من يوم كان عمره 7 سنين ! الحمدلله وربي يزيده ثبات

لكن سبحان الله مثل ماذكر البعض الموضوع توافيق من رب العالمين في ناس فيهم احسن الصفات من شباب او بنات لكن المسألة في الاخير توفيق
وفيه ناس مليانه عيوب لكن تتوفق ؛؛ كله راجع للنصيب

؛

سارا البدر

21-06-2010, 03:49 PM

كنج تتكلمين عن اخوي سنتين واحنا ندور له
والحمدلله متزوجه وعنده عيال الحين

الله يوفقه ويرزقه الزوجه الصالحـة

انزين سؤال يبيها بعمر كم تقريبا ؟ لو الله قدرني بساعدج ان شاء الله

استغفرالله

21-06-2010, 05:51 PM

الله يوفقه ويلقى بنت الحلال اللي تسعده

اسعاف

21-06-2010, 06:02 PM

اعرف واحد يبغي يخطب (وهو امطوع )

كان يبغي ( مره) على شروطه وهي

متدينة

ومطيعة

وجميلة

لقوا له بنت الحلال بعد فترة

ولكن بعد شهر العسل مباشرة طلقهه!

ليش !!

قال " طلعت مب متدينة

وغير مطيعة

وقال : صحيح انها جميلة ، بس جمالها جعلها مغرورة وعنيدة

فطلقها

اهل قطر

21-06-2010, 06:21 PM

شوفي
انتوا ممكن حاطين شروط تعجيزيه والكمال لله
انا اشوف الموضوع سهل
وشوفوا النسوان الثقات ممكن يساعدونكم
اعرف وحده زوجت فوق الخمسين لوجه الله بس هي تساعد بحدود قبيلتها لانها تعرفهم

ROSE

21-06-2010, 06:42 PM

الله يوفقكم ان شاء الله وتلقون بنت الحلال اللي تسعده والله يعطيه على قد نيته ان شاء الله

سداوي&مدريدي

21-06-2010, 06:54 PM

الله يوفقه ان شاء الله ويلقى الي يبيه

عليك بذات الدين

المتقيدة بعادات وتقاليد اهل قطر

البعيدة عن الأفكار الدخيلة

التي تعتبر زوجها محراب تطيع الله تعالى فيه

نعم :nice:

أتفق مع أخوي اسعاف :victory:

اعرف واحد يبغي يخطب (وهو امطوع )

كان يبغي ( مره) على شروطه وهي

متدينة

ومطيعة

وجميلة

لقوا له بنت الحلال بعد فترة

ولكن بعد شهر العسل مباشرة طلقهه!

ليش !!

قال " طلعت مب متدينة

وغير مطيعة

وقال : صحيح انها جميلة ، بس جمالها جعلها مغرورة وعنيدة

فطلقها

قصو عليه :(

لعلها خيره :nice:

فارس بلا جواد

22-06-2010, 12:23 AM

عفوا اختي اذا انتي مستحمله ويع الراس والانتقادات واحيانا مشاكل لا لها اول ولا تالي

قو هيد توكلي على الله ودوري حق الريال بنت الحلال الي تستاهله وتسره وتكون معاه في الحلوه والمره

لكن المصيبه اذا اكتشف بعد الزواج انه الي تزوجها مب قد المسؤليه

اعطيج مثال

لو جا الريال الي اتكلمين عنه او الي ناويه تخطبين له

قالج يالارستقراطيه انتي ما سويتي فيني خير !!

الزوجه اطلعت حنانه وتنقل سوالفنا حق امها
و و و الخ .....

والمشاكل اتحذف علينا من كل صوب

شلون راح اتصرفين ؟

طبعا التوفيق من الله

بس لازم تاخذين حذرج

الدنيا ما منها امان يابوج

نسأل الله الستر والعفو والعافية

عسا الله يوفقج ان شاء الله

واذا صارت الملجه ان قالها الله

علي درامات الفيمتو وثلاجات البيبسي والسفن اب