المساعد الشخصي الرقمي

مشاهدة النسخة كاملة : اجازه = ملل ....بنات وشباب help me :(


nawari-999
20-06-2010, 10:25 PM
بسم اللـــه الرحمن الرحيم

السلااااام عليكم ...اخباركم ؟ عساكم طيبين ؟؟

انا طالبه بالجامعه وخلصنا امتحانات والحين انا معطله يعني لاشغل ولامشغله :whistling:

بصرااحه كللش ماني قادره اتحمل الملل والفراااااغ القااااتل بالاجازه :cry2:

بليييز ابي تعلمووني اماكن اقدر اتطوع فيها شركه معهد مؤسسه مستشفى اي مكااااااان المهم ياخذوني اشتغل او اسوي شي يسليني ويفيدني..اي شي المممهم يشغل وقتي

اللي يعرف خل يفيدني ويفيد اللي مثل حالتي :rolleyes2:

بس ياريت تعلمووني وين ومتى وشسوي بالتفصييل لاني ماعرف بهالاشيااااء :(



ومشكووووورين ^^
حقيقه
20-06-2010, 10:27 PM
روحي مركز قطر التطوعي مع اني ماعتقد بياخذون حد لانه واسطه
نعيمه علي
20-06-2010, 10:31 PM
عزيزتي

بعطيكي امثلة لاماكن ممكن تستفيدين منها
1- سباير
كثيرات مسجلين فيه في الصيف
فيه سباحة ورياضة ولياقة والمكان جدا راقي
2- حاولي تسجلين في دورة لغة انجلزية وكمبيوتر واستفيدي من الصيف
3- حاولي تتفقين مع مجموعة من صديقاتج تروحون مكتبة جرير
وتشترون كتاب معين يناسب ميولكم وتتفقون تقرونه وتتناقشون فيه
صدقيني بتلقين فيه متعة كبيرة
4- سجلي في الاماكن التطوعية مثل مؤسسة المسنين ورميله ومركز قطر للعمل التطوعي
وشاركي ببرامجهم الصيفية

مع اطيب تحياتي
اختك نبض



.
كاروهات
20-06-2010, 10:39 PM
نصيحه حبيبتي سجلي في مركز موزه بنت محمد والله راح اتحسين بشعور رااااااااااااااااااائع
وراحة نفسية وطمأنينة
خالـــــد
20-06-2010, 10:45 PM
في حاجه اسمها البيات الصيفي هههههه

ارقدي وظبطي المنبه واول ما يخلص الصيف قومي خخخخخخخخ

نجيي للصج احسن وسيله للاستفاده بالاوقات حفظ كتاب الله روحي اماكن تحفيظ القران اكيد بتتعرفين بصحبه طيبه وبتحفظين القران وبتفوزين بالدنيا والاخره

موفقه باذن الله
حراير قطر
20-06-2010, 10:50 PM
تفضلي الرابط

http://www.qatarshares.com/vb/showthread.php?t=374413

وشوفي البنوك يمكن عندهم صيفي ...
الخير كله
20-06-2010, 10:53 PM
اشتغلي بماك دونالدز
nawari-999
20-06-2010, 10:54 PM
مشكووووورين

خالد والله خوووش نصيحه لوووووول

تسلمون عالردود كلكم
بدون
20-06-2010, 10:57 PM
نجيي للصج احسن وسيله للاستفاده بالاوقات حفظ كتاب الله روحي اماكن تحفيظ القران اكيد بتتعرفين بصحبه طيبه وبتحفظين القران وبتفوزين بالدنيا والاخره

موفقه باذن الله

:victory: أحسن حل

موفقة بإذن الله
بـــــــنت النوخـّــــذه
20-06-2010, 10:58 PM
مثل ماقالو مركز موزه وعندج مركز ابداع الفتاه هذا اذا رحتي تطوعتي يخلونج مشرفه على البنات الصغار بما انج كبيره اهناك اتودونهم رحلات واماكن واتسوون انشطه مفيده متنوعه

روحي وسئلي وربي يوفقج 00ذكرتيني بالذي مضى اول ماخلص الدراسه ب الجامعه على طوووووووووووووول ارقاد ما ابغي اشوف احد :nice:

وعندج البنوك ممكن تنضمين لهم مقابل راتب محدود على قد شغلج وبالتوفيق
درب السعادة
20-06-2010, 11:01 PM
نصيحتي لج كالتالي بس اهم شي تتوفر لج سياره تودي وتجيب ...
1) سجلي في في نادي كيرف الرياضي نص ساعه تمرين بس تظبط المسائل تمام

2) ابدي دورات في التنمية البشريه واقصد كيف تنظم حيانك ، كيف تحقق اهدافك وبتحصلين دورات اشكال والوان

3) سوي جدول قرائة على حسب ميولج ... تحبين عربي دوري كتب عربي - انجليزي دوري كتب انجليزية .... وابدئي بالقراءة ,,,

4 ) اي موضوع يشد انتباهك تعمقي فيه بتحصلين منتديات مهتمه بكل موضوع اكتبي وناقشي وشاركي ... هذا التوقيت بيطور عندج ميول واهتمامات وفي المستقبل كل اللي سويتيه في ها الاجازة بتطلع فايدته

5) ممكن تخططين في تكوين جماعة او جروب ويكون هدفه ان تجمعين اكبر عدد من الزميلات او الاخوات في منزل احداكن كل فترة وتجيبوا لكم مرة حد تعلمكم فنون المكياج مثلا وتتشاركون في القيمة ...

فترة ثانيه تجتمعون وتعملون برنامج محاضرات دينيه بحيث كل وحده عليها مرة تقرا وتجي تناقشكم في اللي اطلعت عليه وتتناقشون او تجيبون داعيه تعطيكم محاضرات ....

في افكار وايد خليني افكر وازيد

تحياتي
ابو ضمير
20-06-2010, 11:04 PM
اكبر مشكله لما الشباب يكون عندهم وقت فراغ احسن لج ساعدي امج في البيت وخلي عن التطوع ترانا شباب ونعرف زين ما زين ايش العمل التطوعي وخرابيطه:secret:
nawari-999
20-06-2010, 11:07 PM
درب السعاده حياك الله مشكوور
nawari-999
20-06-2010, 11:08 PM
ابو ضمير مافهمت شنو خرابيط العمل التطووعي ؟؟؟؟

والله البيت ممل ويجيب الكآبه ههههه
سهم مديون
20-06-2010, 11:16 PM
يجب النظر إلى وقت الفراغ بصورة إيجابية واستثماره قدر الامكان بشكل فاعل وذلك من خلال مجموعة من الانشطة التي يمكن استعراض بعض منها وهي اشباع الحاجات الجسمية وذلك بممارسة الرياضة البدنية المناسبة حيث تؤدي ممارسة الرياضة إلى إزالة التوترات الجسمية وتنشيط الدورة الدموية.
تكوين علاقات إجتماعية فاعلة مع الآخرين فخلال العمل والدراسة قد لايجد الشخص الوقت الكافي للاتصال والتفاعل بشكل مع الآخرين إضافة إلى ممارسة الهوايات المحببة التي قد لا يكون الوقت يسمح بها الإنخراط في مساعدة الأهل في المنزل في أعمال مفيدة.
sadaf_qa
20-06-2010, 11:17 PM
هلا اختي سمعت عن ليدي جيم في الخريطيات يقولون عندهم مسبح مغلق ورياضه وجيم اشتركي واستمتعي
zeroo10
20-06-2010, 11:21 PM
روحي مركز قطر التطوعي مع اني ماعتقد بياخذون حد لانه واسطه

شدعوه حتى ف التطوع واسطه !!


لا مانبي نتطوع !
q6ryah
21-06-2010, 01:02 AM
انا ضد فكرة وقت فراغ ووملل

يعني


ماجربتي تشتغلين في البيت


ساعديهم جربي تتعلمين الطبخ ع الاقل ماتتزوجين الا وانتي ماشاء الله


جربي اشغال يدويه او ممارسه اي هوايه يدويه يمكن تتطور مهاراتج وتقدرين تكون لج


مصدر دخل بالمستقبل او مجال للشهره

عمقي علاقاتج باهلج


امج وابوج قومي جهزي لهم طبق العصر

او زوري اهلج البعاد

يعني في مجالات وااايد
عـ العبيدلي
21-06-2010, 04:42 AM
انا بعد فالجامعه وأجزنا وبصراحه تقريبا مافي شغل

اول اسبوع قضيناه نترجى فالدكاتره يزيدون فالدرجات .. وبس ..

تطوعت في اللقاء التعريفي وفي اليوم الوطني فالجامعه ..

اما باقي الوقت مثل ما قال اخوي بيات صيفي وكاس العالم

والله يعينكم
ابو محمد7
21-06-2010, 07:56 AM
ممكن تقدمين على وظيفة تدريب في الصيف في وحدة من الشركات او البنوك شوفي من حولج من الاهل والاصدقاء يسألون لج في اماكن عملهم , شي حلو تاخذين خبرة ويعطونج مكافأة حتى لو بسيطة

وغير هالشي عندج بعض المراكز والانشطة المميزة واذكر منها فتيات قمم التابع حق جمعية قطر الخيرية وفتيات الدوحة التابع حق مركز شباب الدوحة
عزووز قطر
21-06-2010, 08:01 AM
كلمي قطر للبترول اتوقع عندهم تدريب صيفي (( طبعا هذا العمل الصباحي ))

وعقب العصر أو روحي مركز تحفيظ للقرآن .. وان شاءالله مايجي رمضان الا وانتي حافظة نص جزء

وبتحسين ان اليوم بسرعة يخلص ..
والله يوفقج
الأصيلة
21-06-2010, 08:39 AM
نصيحه حبيبتي سجلي في مركز موزه بنت محمد والله راح اتحسين بشعور رااااااااااااااااااائع
وراحة نفسية وطمأنينة

ومراكز كثيرة منتشرة بكل مكان لم نشعر بالملل..
وقد خلقنا لنعمل في الحياة
لا لنتملل منها ...
عيشي مع كتاب الله المهجور عند الكثير...
تعلمي قراءته وحفظه فإنه الكنز الذي سيدوم لك ويرافقك في الدنيا والقبر والأخرة...
لقد يسر الله للجميع هذه المراكز بفضل منه وبتوجيهات سامية من ولي الأمر أطال الله في عمره
فانتهزي الفرصة ...حيث لانعلم ماذا تخفي لنا الأيام...
فقد يأتي يوم وتتوقف هذه المراكز بـ حجج أعداء الدين ...
فالفرصة الآن سانحه فلا تفرطوا فيها...
al-vtc
21-06-2010, 08:42 AM
احفظي كتاب الله وتفنني في تلاوته

عسى ربي يكتب لي حفظه
nawari-999
21-06-2010, 12:55 PM
مشكووووورين على الاقتراحات ^^
الكاسر99
21-06-2010, 01:04 PM
عليك بنصيحة الأخت كاروهات


أفضل مكان مركز موزه بنت محمد والله راح اتحسين بشعور رااااااااااااااااااائع


وراحة نفسية وطمأنينة


أفضل شي حفظ كتاب الله