الؤظائف بمؤسسه حمد الطبيه

[UM.Rashid]

السلام عليكم

انا اول مره اشارك بالمنتدي بس كل رفيقاتي مدوحه لي وان شاء القي جواب عندكم

بغيت اسئل عن رواتب المؤسسه شلون

اذا جامعي ثانوي

وهكذا

وشكرا

[فلتة زمانها]

حبوبه الرواتب تختلف على حسب التخصص

[UM.Rashid]

ما ادري قالو لها كستومر سيرفس وعقب قالو سوبرفايزر

وبكره بيقابلونها مره ثانيه وهي مستحيه تسالهم عن الراتب تقول وظيفه والسلام

اهي خريجه جامعيه بكالوريوس

[دولة قطر.]

لا تستحي ولا شي يبه الاجنبي اول سوال يسالة كم راتبي ؟
ومب عيب خلها تسال هذا شغل وهي لها الحق تسال عن راتبها عيبكم ما تعرفون حقوقكم وين؟
خلها تسال وتسال وتسال وتكثر بعد من الاساله وتشوف اللى لها واللى عليها
شي تستحي منه بدة
تقبلو مرووري

[محمد2]

حبوبه الرواتب تختلف على حسب التخصص

الأخت شغالة في مؤسسة حمد الطبية (ما شاءالله عليج )الظاهر انج شغالةفي الموارد البشرية . الله يوفقج ان شاءالله

[UM.Rashid]

لا تستحي ولا شي يبه الاجنبي اول سوال يسالة كم راتبي ؟
ومب عيب خلها تسال هذا شغل وهي لها الحق تسال عن راتبها عيبكم ما تعرفون حقوقكم وين؟
خلها تسال وتسال وتسال وتكثر بعد من الاساله وتشوف اللى لها واللى عليها
شي تستحي منه بدة
تقبلو مرووري


سالتهم عن اوقات الدوام قالو شفتات وباي وقت ينادونها قالت لهم اوكيه

شنو ممكن تسالهم عنه بعد

[فلتة زمانها]

سالتهم عن اوقات الدوام قالو شفتات وباي وقت ينادونها قالت لهم اوكيه

شنو ممكن تسالهم عنه بعد

حبوبه شنهو تخصصها الشغل في حمد معروف شفتات في نظام اون كول
مَّثٌَِلٍّ ماقلتي وقت مايحتاجونها يتصلون بس وشو تخصصها

[فلتة زمانها]

الأخت شغالة في مؤسسة حمد الطبية (ما شاءالله عليج )الظاهر انج شغالةفي الموارد البشرية . الله يوفقج ان شاءالله

اي موارد جان زين والله انا فالدايليزيز :(

[وحيد-الشوق]

تبين نصيحتي ابتعدي عن مؤسسة حمد لأنها مؤسسة فاشلة بكل المقاييس ورواتبهم داقه وهذا غير الظلم الي فيها

[UM.Rashid]

تخصصها اداره اعمال

ترا عن جد خلاص بقول لها تهون

خفت انا

مشكووورين :)

[رجل الجزيرة]

حوالي 8000 ريال بدون العمل الإضافي وعلى حسب القسم.

[UM.Rashid]

جامعيه و8 الاف شدعوه

المفروض اقل شي 12 او 13

والا انا غلطانه

[Qt.1]

جامعيه و8 الاف شدعوه

المفروض اقل شي 12 او 13

والا انا غلطانه

كلامج صحيح في بعض الموؤسسات ثانوي يوصل 20 الف واهي عندها بكالريوس ادارة اعمال..اعتقد تستاهل اكثر..

[UM.Rashid]

انزين عادي انهاترفض العرض صح ما راح يتسبب لها بمشاكل

هاذا اذا عطوها عرض لان للحين معطينها موعد بالموارد البشريه وهي ما سالت حق شنو الموعد

تقهر شوي :)

[المخفي]

خليها اتقدم في قطر للبترول

[شويهينــه]

تخصصها اداره اعمال

ترا عن جد خلاص بقول لها تهون

خفت انا

مشكووورين :)

حرام عليها عندها اداره اعمال وتبي تدفن نفسها معانا

نصيحه مني لها خليها ادور مكان ثاني

لان مؤسسه حمد للاسف ماعندها نظام واضح وصريح للرواتب والترقيات وهذي هي مشكلتنا الاساسيه

[بو ملاك]

اختي نصيحه لج ...
حاولي تبتعدين عن مؤسسة حمد كثر ماتقدرين ...
مؤسسة حمد لاترقيات ولازيادة رواتب ولاحتى تقدير لشغلج حتى ولو بكلمه ...لو تشتغلين 24 ساعه مايبين فعينهم ...
لهم اسلوب تطفيش وبالذات للقطرين ...
اختي انتي عندج شهاده ماشاءالله عليج وين تبين تدفنين نفسج فمؤسسة حمد الكل يشتكي من الظلم اللي صاير على موظفينهم ....
اذا تطمحين للاعلى شوفي لج مكان ثاني بس مؤسسة حمد ماعندها الاتقهر موظفينها وتدفن قدراتهم ....
والله يوفقج للي فيه الخير وبعيد عن مؤسسة حمد ...:secret:

[كازانوفا]

من ايش تستحي ؟؟؟؟
موفقه ان شالله

[KhalidQ]

تروح مؤسسة تقدم كتاب في المسمى الوظيفي و الدرجه وهم يدرسون
الموضوع اذا نعم راح يقولولك - الدرجه و المكان العمل و لا راح يختلف عن
الموارد البشريه - اذا قالو لا - مو متوفر عندهم المسمى الوضيفي

قانون الموارد البشريه الجديد مسوي شغل في مؤسسة
بالعربي - هم ملزمين يوظفونك قطريين و قطرييات

و لكن انت تسال وين النقص اللي عندهم و يمكن تحصل درجه كبار الموظفين
اعلى من اي جهه اخرى - و السبب المؤسسات الاخرى تبدى من اول سلم في
كبار الموظفين و مؤسسة تعطي على حسب الاحتياج الدرجه المعمول بها اسؤه
بالعاملين لديها

[فلتة زمانها]

مِنْ قص عليكم شنو 8الاف الجامعي
السكرتيرات الثانويه ياخذون 7 وشي
والتمريض وفني المختبرات والاشعه والتغذيه فوق 11 الف
مقابلة الموارد البشريه راح يوضحون لها كل شيء مِنْ ناحية الراتب
والقريد واللاونس عقب هي تحدد اذا يناسبها او لاء

[UM.Rashid]

راحت لهم طلعو قسم تصديق الشهادات

قالو لها ان المسمي الوظيفي سينير سورفس سوبرفايزر

وقالت لها انها تتبع بند الموارد الجديد لانها بتكون موظفه جديده

فما هو بند الموارد الجديد

[شويهينــه]

مِنْ قص عليكم شنو 8الاف الجامعي
السكرتيرات الثانويه ياخذون 7 وشي
والتمريض وفني المختبرات والاشعه والتغذيه فوق 11 الفمقابلة الموارد البشريه راح يوضحون لها كل شيء مِنْ ناحية الراتب
والقريد واللاونس عقب هي تحدد اذا يناسبها او لاء

لا اختي مب اكثر من 10 الف وهذا اذا كانوا سينيور

اما الموظفه الجديده بتكون 8000

[UM.Rashid]

اختي شويهينه شنو حكايه الموارد البشريه الجديده

لانها اعتقد بتتوكل وتشتغل عندهم

بس للحين مو متاكدين

كل يوم براي
:)

[koketa]

رواتبهم ضعيفه جدا بالمقارنه بالمؤسسات الثانيه

[نسايم قطر]

اللة يرحم والديك ونصيحة مسلم حق اخوة ابتعدي كل البعد عن مؤسسة حمد بتحسفين الى يوم القيامة انك توظفتي عندهم تطفيش وحرقة قلب واللة يسهل امورك

[المغروره]

الرواتب اعتقد 8000 غير الشفتات توصل 11 الف ريال

[UM.Rashid]

الشكر الجزيل لكل من رد علي هاذا الموضوع

اهي ما همها الماديه تقول دامهامن 8 ال 11 الحمد الله نعمه

اهم شي انا مرتاحه للحين من قراري

تقول احس براحه كل ما تذكرت صح واجد ذمو الشغل بالمؤسسه

وهي ما تعرف طبيعه العمل بالضبط

بس قررت انها تشوف شنو طبيعه العمل بالضبط وتقرر عقب

علي قولتها ما وراي شي :)

راحت للموارد البشريه طلبو منها اوراق وبترجع لهم الاسبوع الجاي

ادعو لها الله يوفقها للي فيه خير لها دنيا واخره

اكرر شكري لكل الخوات والاخوان

:)

[سواح]

السلام عليكم ..
يا جماعه الخير .. ترى مب عيب لو ماتعرف ما تالف وتتفلسف :shy: ..

اللي يقولون رواتب حمد تعيسه اتحداهم يقولولي ارقام مب تخيلات مب رؤوسهم ..

عالعموم كلام "فلته زمانها" صحيح الرواتب تختلف باختلاف الدرجه اللي يحطونها عليها وايضا البدلات الملحقه بالتخصص ..

تخصصها مطلوب ترى وفالفتره الاخيره قاعدين يطلبون سيفيات فمجال اداره الاعمال عشان استحدثوا كمن مركز جديد وحاطينهم على قريدات جيده ..

اقتراحي لها عشان ترتاح تكون صريحه وتحط مطالبها من البدايه ..
نفس ما قالوا الاخوان ..
الاجانب اول ما يجون يحطون المطالب الماديه وانا من رايي انها تستوضح اكثر فهالجانب لان مستقبلها ..
ومشكله المؤسسه ان فيها امور رماديه عادي بكره تحصل رفيجتها متعينه معاها ع نفس التخصص والراتب احسن .. :eek5:

بالنسبه للقانون الجديد اللي اعرفه ان قانون الموارد البشريه تبع الدوله مطبق عالاداريين في حمد ..
خل تشوف ع اي درجه بيحطونها ..

موفقه انشاءالله ..
:)

[UM.Rashid]

تسلم اخوي سواح

اهم قالو لها سنيور سوبرفايزر

انت عند فكره عن المؤسسه

تقدر تنصحها بشنو تطالبهم

وشنو الماكس الراتب الي ممكن يقدمون لها

بس اهي للاسف اخر همها الماديات (غبيه وطيبه خخخخخخخخخخخ)

تقول اهم شي اشتغل وافيد البلاد والناس

شنو ممكن يكون راتبها علشان اقولها تقول لهم (اذا قالت لهم)