ابي معلومات عن جنيف؟؟! حد يعرف

[قطريه101]

لو سمحتوا انا انشالله رايحه جنيف واللي عنده معلومات سياحيه عنها يقولي يعني وين الاماكن الحلوه السوق الماركات اللي تكون بنص السعر مثلا بس مب تقليد طبعا والبحيرات وحديقه حيوانات للاطفال ومن هالكلام شاكره لكم ؟:)

[بدوي]

جنيف حلوة واسواقها قريبة من السنتر وتقريبآ البعض منها مطل على البحيرة

هذا لسوق جنيف اعتقد الماركات اما اذا تقصدين الأوت ليت

فأعتذر منج لأني ماقد رحت له :omen2:

جنيف حلوة ولكن جمالها وجمال سويسرا مب في المدينة واذا قستيها بالمدينة

فهي ماتوصل لرقي باريس ونظافة شوارعها ومبانيها حتى الشرطة عندهم سهالات :nice:

يعني بعض الفنادق عاااااادي توقف السيارة قدام الفندق ، بدون مخالفة :victory:

الا من النادر يصير العكس :shy:

لكن خذي طبيعة حلوة :victory:

وبما انج في جنيف انصحج تروحين مدينة آنسي الفرنسية وهي تشبه بحيرة زيلامسي ولكن

السياح العرب والخليج بشكل خاص قليليييييين جدآ

آنسي مدينة صغيرة فرنسية نصها حديث والنص الثاني قديم او تراثي ولكن حلوة وطريقها بعد حلوة

خاصة ان جبال الألب تحيط بها :nice:

انصحج اذا بتروحين إخذي جوازج وياج لأنه فيه منفذ حدودي لسويسرا وفرنسا وهي تبعد عن بحيرة جنيف تقريبآ من 35 الى 40 كلم

واذا احتجتي معلومات أدق وبالتفصيل

انصحج بموقع : (( المسافرون العرب )) فيه كل اللي تبينه وزياااااده :nice:

وبالتوفيق في سفرتتكم ان شاء الله

[قطريه101]

مشكور وماقصرت اخوي كفيت ووفيت :nice:

[بــوعــوف]

السلام عليكم ..

رحت لها العام وقعدت فيها 10 أيام .. كررررهت نفسي ..

وخصوصا شهر 8 أيام المهرجان .. وصخه وكلها بلشتيه و حراميه وطالعني وأطالعك ومغازل !!! ..


انصحج اختي بزيوريخ وعقب انترلاكن <<<< أحلى مكان زرته في حياتي ..

ومن انترلاكن روحو الاوت ليت تقريبا ساعتين بالسيارة اسمه fox town عجيب ..

بالنسبة حق جنيف من وجهة نظري تستاهل بالكثير 3 أيام عن الخاطر خصوصا حق العوايل ..


بالسلامة ..

[قطريه101]

مشكور اخوي ماقصرت بس حابه اسال اذا في حديقه حيوانات حلوه ومرتبه مب الحيوانات الهدد لا لان معاي يهال بيخافون وسؤالي الثاني ابي الالعاب اللي بتكون على الليك (البحيره )كلها للكبار ولا في العاب لليهال بعمر 4 او 3 سنين ..
لاني اتذكر بس العاب الكبار واذا في محلات ثانيه فيها العاب لليهال قولولي :victory: مشكورين

[بــوعــوف]

الالعاب اللي في البحيرة لكل الفئات على ما اذكر ..

وبالنسبة لحديقة الحيوان .. ماعندي فكرة .. بس ممكن تروحين الانفورميشن سنتر في آخر الشارع قريب محطة القطار وتسالينهم لأن عندهم مواقع سياحية ورحلات واااايد .. وانا تحسفت أني ما صدت الانفورميشن سنتر الا آخر يوم !!

بس أهم شي تحضرون آخر يوم في الاحتفال حق الالعاب النارية ..


موفقين ان شاء الله ..

[انا احساس]

انشاء الله رايحه لها بعد اسبوعين وطبعت لي دليل كامل من منتدى المسافرون العرب للاخ رجل شرقي جزاه الله كل خير . اجازه سعيده اختي

[انا احساس]

انشاء الله رايحه لها بعد اسبوعين وطبعت لي دليل كامل من منتدى المسافرون العرب للاخ رجل شرقي جزاه الله كل خير . اجازه سعيده اختي

[الابداع]

مانصحج بجنيف
روحي زيورخ وانترلاكن ولوزيرن ولوزان احلا بوايد واهدأ

[عين قطر]

جنيف حلوه
بس الاحلى المناطق المجاوره
روحي شامونيه وانسي والروعه مونترو وانترلاكن ولوغانو
اما جنيف ما فيها شي غير البحيره
وروحي مصنع الشوكلاته والاجبان

[خليفة77]

جنيف حلوه
بس الاحلى المناطق المجاوره
روحي شامونيه وانسي والروعه مونترو وانترلاكن ولوغانو
اما جنيف ما فيها شي غير البحيره
وروحي مصنع الشوكلاته والاجبان
وحلاتها ماتطولين داخل بجنيف واذا تبين تستانسين عليج بكرنفال جنيف على البحيره وحاسبي منهم خاصة الخليجيين لان الكل يرش ماي على الثاني برشاش مائي بس وناسه .