فرصة لا تعوض ,,,, مواصفات بنك التنمية ...

[al_qa76ani]

طبعا يا شباب ويا اخوان ويا أخوات هذا ماأصبحنا نراه علا جرائدنا ومنتدياتنا ايضا ..ولما نتصل
طبعا تلاقي الفاجعه والمأساة ...

نلاقي طبعا ... اخ عربي شقيق يكلمك ويحسسك انه الف واحد علا راسه لأنه رجل مهم وطبعا بكل سخريه عندي وعندي وعندي ولما تسأله السعر طيب زي ما كاتب حسب مواصفات بنك التنميه مليون وميتين ... يفطس عليك من الضحك .. ويحسسك انك انسان منتف عايش في زمن الماضي نافخ نفسك اكثر من اللازم وكأنك ضفدع متخرع ... ويقولك بكل سخريه : مليون وميتين ايه ... متلقاهاش حتى في الخور .

طيب ياخي خافوا ربكم واحترموا البلد اللي لحم اكتافكم من خيره لا تتلاعبوا بالالفاظ و بمشاعر القطريين
سواء بالولاده او متجنس او امه قطريه .. علا الاقل اسمهم اقطريين ولو قسى عليهم الوقت اشوي ..
وللاسف الشديد منطقه كامله تقريبا حاولت ادور فيها بيوت لقيت صاحبها واحد وكلها بيوت عزاب ..ياخي مو حرام اللي تسويه اكثر من 40 او 45 بيت تسكنهم عزاب جنب اسر متزوجه

لا حول ولا قوة الا بالله ....

ياجماعه انا عن نفسي اناشد الجهات المسؤووله باعادة النظر في حالنا او حالتي انا ..يكفي انه عمري بيصك اربعين يكفي اني مواليد قطر ..يكفي ابوي من 70 سنه اهنيه يكفي اني سنير ومن كبار الموظفين في الاونه الاخيره ...بس مديون وما ابي ازيد اديوني بالحرام ..

مطلبي بسيط بيت يلمني انا وعيالي بس .

[MCTs]

الله يعينك وان شاء الله الله يفرجها عليك وعلى اخوانك ..اخوي المشكلة مش في الاخ العربي .. المشكلة في اللي المستثمريين اللي احتكروا فلل التنمية ورفعوا الاسعار .. اسأل بتعرف انه المستثمريين اشتروا الفلل المطابقة للمواصفات وعرضوها للبيع اكثر ب 200 الف واكثر .. ان شاء الله بنك التنمية يعرض مشروع البناء على الدولة واللي نوى يستغل حاجة الناس الله لا يبارك له ويضيق عليه يا رب ..

[al_qa76ani]

الله يعينك وان شاء الله الله يفرجها عليك وعلى اخوانك ..اخوي المشكلة مش في الاخ العربي .. المشكلة في اللي المستثمريين اللي احتكروا فلل التنمية ورفعوا الاسعار .. اسأل بتعرف انه المستثمريين اشتروا الفلل المطابقة للمواصفات وعرضوها للبيع اكثر ب 200 الف واكثر .. ان شاء الله بنك التنمية يعرض مشروع البناء على الدولة واللي نوى يستغل حاجة الناس الله لا يبارك له ويضيق عليه يا رب ..




حسبنا الله ونعم الوكيل ...هاي اللي اقدر اقوله ,,,

[ولد النصر]

والله ياخوي شاقولك

خلها على الله ربك كريم

متى بس تنفرج الأزمة وتنحل كل هالمشاكل اللي جالسين نسمع عنها كل يوم

[حيهور]

لاحول ولاقوة الا بالله


حسبي الله ونعم الوكيل

الواقع الرسمي يقول

ان الدولة توفر سكن للمواطنيين وان كل مواطن قطري له فيلا بدوريين وراتب عالي وبرميل بترول في البيت.

والحقيقة المرة تقول

ان المواطن القطري لايملك بيت وواجد عليه غرفة بحمام الله يعزكم وراتب مندوب في شركة خاصة.

[alwahesh]

الله يعينك وان شاء الله الله يفرجها

[al_qa76ani]

لاحول ولاقوة الا بالله


حسبي الله ونعم الوكيل

الواقع الرسمي يقول

ان الدولة توفر سكن للمواطنيين وان كل مواطن قطري له فيلا بدوريين وراتب عالي وبرميل بترول في البيت.

والحقيقة المرة تقول

ان المواطن القطري لايملك بيت وواجد عليه غرفة بحمام الله يعزكم وراتب مندوب في شركة خاصة.

الحمد لله علا كل حال ونعوذ بالله من حال أهل النار .. الحمد لله رواتبنا زينه بس الديون اهي كانت المشكله اللي خربت .. المهم
اليوم في الجرايد بنك التنميه يبني 63 بيت يقول حق القطريين واحنا مقدمين من92 انشاء الله ننطر وش ورانا بس اخاف اخرتها مثل بروه ... المشكله حتى الربع ما وفاها بس هذي خطوه للامام نعتبرها ..ويشكر عليها..
المشكله ان هذي اعتبرها ابر بنج عشان تهدي الوضع,,,, والله العظيم الدولة ما قصرت بس المشكله احنا ندري وينها ...الطمع ... لو يتم التوزيع الصحيح علا الناس المستحقين زين لكن مشكلتهم كانت في الاوراق اللي كل ما قدمناها اقعدوا 4 اسنين واخرتها يقولون قدم من جديد اوراقك ناقصه ويعطونك رقم جديد ومعامله جديده وعقب 4 اسنين نفس الاعاده ... ويجيك واحد توه الله بالخير قب طلعله شبح وبلمح البصر فرك المصباح وبنا الفله واليوم الثاني فتحله شركات ومقاولات ودب علا راس المواطن الصابر ..(( عزيز النفس )).
يا شباب لا تلوموني ..الله يحفض حكومتنا ... والله ان احنا بخير ونعمه ونقول الحمد لك يارب علا النعمه ..وابشركم مازلت صامد ومنتظر اللي اسمه بنك تنميه يسويلنا شي ..الحمد لله أكل زين ..ارقد زين..امشي زين..وانا زين والحمد الله ما قاصرني شي ..واذا طلع لي شي اوهبه للولد يعني ماراح يضيع حق وراه مطالب ..وان ضاع يقدم طلب جديد يعني شنو المشكله ...

[آآآه ياقطــر]

بالتوفيق انشاء الله

[al_qa76ani]

اليوم في الجرايد بنك التنميه يبني 63 بيت يقول حق القطريين



*** «قطر للتنمية» ينفذ أول مشروع سكني شمال الدحيل
الدوحة - الراية : أعلن بنك قطر للتنمية، المؤسسة الرائدة في تنمية القطاع الخاص القطري أمس عن تنفيذ أول مشروع سكني في منطقة شمال الدحيل لفائدة الأسر القطرية وسيشمل المشروع في مرحلة أولى ٦٥ فيلا تنفذ على مراحل لمدة ١٨شهراً، ويتوقع أن ينطلق المشروع في يوليو المقبل. وقال السيد عيسى الحمادي، مدير إدارة المشاريع العقارية في بنك قطر للتنمية: مشروع المساكن الشعبية يعد من المشاريع التنموية والحيوية المهمة والذي يخدم إحدى الشرائح المهمة في المجتمع.


طيب الدوله اصرفتلي القرض وماقدرت انتفع خذاه الحبيب ( بنك التنميه ) وبنا هالبيوت بفلوسي وافلوس الدفعه اللي معاي ....طيب السوال اللي يطرح نفسه انا بستلم شي من هالبيوت وليش ما اتصل فيني وقالي او بالاصح من اللي بيستفيد منهم احنا اصحاب الميزانيه اللي راحت والا الاصحاب الجدد للميزانيه الجايه ؟؟؟؟

[al_qa76ani]

اليوم في الجرايد بنك التنميه يبني 63 بيت يقول حق القطريين



اقتباس




*** «قطر للتنمية» ينفذ أول مشروع سكني شمال الدحيل
الدوحة - الراية : أعلن بنك قطر للتنمية، المؤسسة الرائدة في تنمية القطاع الخاص القطري أمس عن تنفيذ أول مشروع سكني في منطقة شمال الدحيل لفائدة الأسر القطرية وسيشمل المشروع في مرحلة أولى ٦٥ فيلا تنفذ على مراحل لمدة ١٨شهراً، ويتوقع أن ينطلق المشروع في يوليو المقبل. وقال السيد عيسى الحمادي، مدير إدارة المشاريع العقارية في بنك قطر للتنمية: مشروع المساكن الشعبية يعد من المشاريع التنموية والحيوية المهمة والذي يخدم إحدى الشرائح المهمة في المجتمع.



طيب الدوله اصرفتلي القرض وماقدرت انتفع خذاه الحبيب ( بنك التنميه ) وبنا هالبيوت بفلوسي وافلوس الدفعه اللي معاي ....طيب السوال اللي يطرح نفسه انا بستلم شي من هالبيوت وليش ما اتصل فيني وقالي او بالاصح من اللي بيستفيد منهم احنا اصحاب الميزانيه اللي راحت والا الاصحاب الجدد للميزانيه الجايه ؟؟؟؟




للعلم هذي 65 فله فقط للارامل والعجزه والمطلقات والايتام

وتابع لادارة الاسكان ... حسب ما جاء في وطني الحبيب صباح الخير


يعني طلعت من السالفه !!!!