مطلوب مساعدتكم في مخطط شهر العسل

[VIP-QATAR]

السلام عليكم

انشاء الله بيكون عرسي في نهاية شهر 9 :nice: وابي منكم مساعدتي في مخطط شهر العسل
والمطلوب نصيحتكم بافضل فندق طبعا لازم يكون 5 ستار
ورقم سائق تعاملتو معاه في نفس المنطقة

بيكون الجدول كالتالي
ميلان (ليلتين)
فينيس (3 ليالي)
زيلامسي (4 ليالي)
باريس (4 ليالي )

وشكرا :ok:

[البعد الخامس]

مخطط رائع

وأستغلي الوقت من الآن لغاية شهر 9 بالقراءة عن المناطق السياحية لكل منطقة

وأختيار الأنسب لكما

تحياتي

[VIP-QATAR]

مخطط رائع

وأستغلي الوقت من الآن لغاية شهر 9 بالقراءة عن المناطق السياحية لكل منطقة

وأختيار الأنسب لكما

تحياتي

شكرا اخوي الرد

وثاني شي انا رجال المشكلة انه اسمي يخربط شوي

وانا من الحين ناوي اخلص كل الحجوزات عشان اتفرق حق ترتيبات العرس

[VIP-QATAR]

وينكم ياخبراء اوربا

[وارث العز]

مبروك مقدما ياعريس ...بكرة تندم هههههه

[هذلان]

تستاهل يا معرس .... ااكد على مقوله بكره تندم :nice:


طال عمرك ما قد رحت المناطق الي ذكرتها لذلك مابي افتي .

هي مجرد نصيحه واقعيه ... قلل من التنقل في شهر العسل .

و اهتم بمستوى الفندق الي بتسكنه لانه اغلب وقتك بيكون في الغرفه و طلعاتك قليله .

انصح بان يكون شهر العسل في مناطق ذات خصوصيه (شاليه مثلا)

بالتوفيق الله يرزقك الذريه الصالحه

[VIP-QATAR]

مبروك مقدما ياعريس ...بكرة تندم هههههه

الله يبارك فيك ومايفيد الندم الحين :secret:

[VIP-QATAR]

تستاهل يا معرس .... ااكد على مقوله بكره تندم :nice:


طال عمرك ما قد رحت المناطق الي ذكرتها لذلك مابي افتي .

هي مجرد نصيحه واقعيه ... قلل من التنقل في شهر العسل .

و اهتم بمستوى الفندق الي بتسكنه لانه اغلب وقتك بيكون في الغرفه و طلعاتك قليله .

انصح بان يكون شهر العسل في مناطق ذات خصوصيه (شاليه مثلا)

بالتوفيق الله يرزقك الذريه الصالحه

بعد اندم الكل يقولي مبروك وبتندم احس مايمشون مع بعض :rolleyes2:

وشكرا على النصايح والتنقلات بتكون بسيطة انشاءالله

[Eyeliner]

والله ماعندي خبره الا في باريس
بس نصيحه فنيسا ماتصلح اكثر من ٣ ايام << راي شخصي
باريس سكنا في منطقه برج ايفيل يعني فندقنا كان مطل على برج ايفيل كان الهيلتون
بس مانصح فيه للعرايس

بعطيك افضل الفنادق للباريس


Hôtel de Crillon
روووعه واحسسه يناسب معاريسس
InterContinental Paris
جدا راقي ومرتب

كان التنقل في باريس مشي + تكاسي والقطار لديزني

زلامسي رحت لها ورجعت نفس اليوم لان حسيت ماتستاهل الواحد يضيع وقته فيها غير يوم
مؤمله في اليل لاحياه فيها

وانشاء الله اصحاب الخبره تفيدك اكثر مني

[انسان]

السلام عليكم و رحمة الله و بركاته

مبروك اخوي مقدما والله يتتم لكم على خير

بالنسبه لتوزيعك للمدن المذكوره فخذها مني نصيحه تراك بتتعب كثيرا خصوصا من زلامسي الى باريس المسافه بينهم كبيره جدا . وبتقضي سفرتك في افتح الشنطه و سكرالشنطه و التنقلات بين مدينه و اخرى بسبب ان كل مدينه ستقضي فيها من ليلتان الى 4 ليالي
يفضل تكون المدن متقاربه نوعا ما من بعض يعني مثلاً ميلان ثم فينيسا ثم زلامسي ثم الرجعه تكون من ميونخ. وشطب باريس من الرحله و الامر راجع لك

# يفضل اعادة النظر في المدد لكل مدينه

# راجع المسافات بين كل مدينه و اخرى في google map

[qtrose]

مبروك مقدماً والله يوفقكم ، بس نصيحة مني كخبيرة في السياحة >> :shy:

لا تتنقلون كثير، لأنه بصراحة تعب في تعب. أسألني أنا ، تخيل كل مرة

اقعد بس رتب الشنط ، وعسى ما اتريح شوي إلا يلا استعد للرحلة الي

عقبها. صحيح ان الواحد خاطره يلف ويشوف كل مكان بس راح يكون شي

متعب. أنتوا رايحين شهر عسل يعني تبون جو يغلب عليه الاستقرار والراحة

مب كل شوي التزام بموعد طيارة أو فندق والتشك إن والتشك آوت ، وحتى

لو كان التنقل بالسيارة راح يكون بعد متعب.

أنصحكم تروحون زلامسي أو كابرون بعد أحلى من زلامسي وهم قراب من بعض

وتقعدون فيها مثلاً اسبوع والاسبوع الثاني تروحون مثلاً سالزبورغ ، أو ميونخ

في ألمانيا .

فكر عدل أخوي بالموضوع ، وعقبها ان شاء الله ماراح نقصر معاك.

وبالتوفيق.

[qtrose]

مخططك حلو بس يصلح حق شباب صدقني ، أما حق معاريس

راح يكون فاااااشل :rolleyes2:

وبالنهاية القرار بيدك .

[مها88]

بالمبارك أخوي ..

وعسى ربي يوفق ما بينكم ويرزقكم الذرية الصالحة ..

ومثل ما قالوا الأخوان .. قلل من التنقلات بين المدن ,,

وربي يهنيكم ..

[qatar.1995]

مبروك مقدمأ وانا مع اختيار المدن القريبه

اقضل من تبطيل وتسكير شنطه


هذا شهر عسل

[نشميّه]

ابعد عن ايطاليا في اخر ٩ حر وملل .. وفينيس حرررر بس تشوفها وخلاص تملل
اذا بغيت ايطاليا مرها في الشتا .. لكن شهر عسل .. انصحك باريس و ميونخ لندن
فيينا هالأماكن لاتروح بعيد عنها .. احسن شي بس تأكد من الفنادق ..
يعني باريس وفيينا باريس وميونخ .. بتستمتع ،، والله يوفقك

[الـقـاسـي]

على البركه اخوي وعسى الله يهنيك ..
وانا أأكد على كلام الاخوان لاتكثر من التنقلات لانه المده عندك في كل مدينه بسيطه جدا صدقني مراح تستانس اصلا اخوي انت محدد 11 يوم وتبي تقسمها على اربع وجهات اشوفها كثير وتعب عليك ..

[السهم السريع]

السلام عليكم ورحمة الله وبركاته
خير ما سويت ياخوي
وأسأل الله عز وجل لك التوفيق والنجاح في حياتك
ومنك المال ومنها العيال والذرية الصالحه إن شاء الله

نصيحه مني لك أول مكان تروح له بيت الله يوم أو يومين وأطلب من الله سبحان في ذاك المكان يسترك وويوفقكم في الدنيا والآخرة والعمل الصالح
وعقبها سافرو وين ما تبون وانتو مرتاحين البااال
والله يهنيكم يالشيخ

[غزلان]

معاهم حق قلل من التنقل لنه مزعج ومتعب

ميونخ رووووعه احلى مافيها هاديه والطبيعه تاخذ العقل

[بوخالد2]

الله يهنيك ان شاءالله

[ummalaz]

الله يهنيك ويجمع بينكما على خير ويرزقكم الذريه الصالحه

[VIP-QATAR]

جزاكم الله خير على الردود والله يبارك فيكم والفال حق الي ماتزوج للحين
وانا اشوف تقريبا اجماع اني اقلل التنقلات معناتها لازم ارتب من اول وجديد
وتقريبا بيكون
ميلان 4 ليالي-انترلاكن 5 ليالي-باريس 4 ليالي
والمسافه بين ميلان وانترلاكن بسويسرا بسيطة 240 كم

[VIP-QATAR]

ابعد عن ايطاليا في اخر ٩ حر وملل .. وفينيس حرررر بس تشوفها وخلاص تملل
اذا بغيت ايطاليا مرها في الشتا .. لكن شهر عسل .. انصحك باريس و ميونخ لندن
فيينا هالأماكن لاتروح بعيد عنها .. احسن شي بس تأكد من الفنادق ..
يعني باريس وفيينا باريس وميونخ .. بتستمتع ،، والله يوفقك

انا رحت فينس من سنتين في شهر 8 صج كانت حر وتمللنا بس في اخر 9 يعتدل الجو انا شفت مواقع الارصاد يكون الجو بين 26 و16 والله يستر

[نجمة في سماه]

السلام عليكم, اخوي أقولك مبروك مقدما على الزواج وربي يوفقكم إن شاء الله...
الجدول حلو.. بس ياخوي أنا أقول دام انك امخطط اتروح زلام سي نصيحتي لك أنك تبدى رحلت شهر العسل من ميونخ او بعديين تاخذ لك تاكسي يوديك زلام سي صدقني ابتستانسوون انا اقولها لك عن تجربه بس ما كنت في شهر العسل كنت امسافره في الصيف ...بعدها خذلك تلكسي من زلام سي على فيينا أنا الصراحه لين اليوم ما نسيت المناظر الي شفتها على الطريق من زلام سي لين فيينا , اما عن فرنسا انا انصحك انك اتروح اول بريطانيا او من اهناك تحجز على القطار السريع على فرنسا هاذي طبعا كانت رحلة العمر بالنسبه لي لأني كنت في شهر العسل !!أو صدقني ابتستانسون ولا راح تنسوون الأيام هاذي ..في النهايه اقول لك الله يوفقك والقرارالأول والأخير لك. وأسفه لأني طولت عليك.