المعرض التجاري

[بوفاطمه]

السلام عليكم ورحمة الله وبركاته.........:nice:
صبحكم ومسااكم الله بالخير....
موضوعي اليوم عن المعرض التجاري الي انتهى قبل كم يوم.
عقب ماخلص المعرض انا اتكلم عنه.
اولا:ايش رايكم في جو المعرض بشكل عام؟
ثانيا:ايش رايكم في اسعار المنتوجات بشكل عام؟
ثالثا:هل انتو راضيين على الاسعار من العطور والملبوسات والعاب الاطفال..............الخ.
رابعا:الوقت كان مناسبا لاقامة المعرض في ظل اباءنا او بناتنا كانوا يمتحنون او كانت الامتحانات قريبه؟
خامسا:ايش رأيكم في محلات النساء الي كان فيه البياعيين شباب؟:eek5::shy:
الكل عارف ايش اقصد،مايحتاج توضيح.:omg:
ارجو الرد منكم اخواني واخواتي بصراحه

[كيفـي]

بإختصـــار:

معــرض جشع.. وأسعار مبالغ فيها..!!
وحتى أخر يوم الأسعار مضاعفة..

يعنـي..!!

فاشـــل مع مرتبة النصب..

[UM.Rashid]

الصراحه البيت كامل ما راح له ولا وحده

لان الكل كان مشغول يا بالامتحانات او بشغلهم

والي سمعته من الي راحو ان الي فيه

تشابه الي بشروه و زون

واسعارهم غاليه ما رخصت الا اخر يوم

قد يكون هنالك بعض الاشياء الجديده

وشكرا

[ام علاوي]

صح والله نصب في نصب والمشكله انه نفس اللي قبله ايش الفرق اللي فيه مادري..!!والناس تشتري بالهبل لي صلح واللي ما يصلح الحمدلله على نعمة العقل ..

[الجزوع]

الصراحه مارحت بس ماحد من زميلاتي بالدوام مدحه .

[ولد العديد]

حراميه ويفكرون ان احنا اغبيه ما نعرف الاسعار ههههههههه
والله ما يدرون ان احنا مسافريني الصين ونعرف اسعارهم
والمعرض مافيه شي فيه خير حتى سوق واقف احسن من معرض الفاشل

[سكون]

المعرض حلو بس الأسعار ما كانت مناسبة والتوقيت سيء جدا

[طبعي كذا]

الاسعار كانوامبااااااالغين فيها ..وقت المعرض كان إمتحانات فبعضهم ماقدريروح ..

والبضاعه نفس كل مره..فاالله المستعااااان ..

[مبارك سعد]

المعرض فاشل بما تعنيه من كلمه والاسعار حدث ولا حرج , الظاهر أنهم يفتكروون أن أهل قطر مايعرفوون في الاسعار على العمووم الموضوع كله نصب في نصب وخاصه اللي يبعوون من الجنسيه العربيه , ماأقوووول ألا الله المستعان ...:omen2:

[فلتة زمانها]

المعرض مب حلو احس مافيه شيء يديد
والشباب اللي تكلم عنهم اهما نفسهم السوريين
البياعه اللي فالزون وشروه عادي يعني

[ابو محمد7]

الكل يقول مب حلو وفاشل ! انا مارحت بس شنو سبب الزحمة اللي هناك ؟!

[البعد الخامس]

من ناحيتي

المعرض جاء بالوقت المناسب
حيث صادف إجازتي وإجازة لجميع أطفالي
ولكن جميع المعارض المقامة سابقاً والمشابهه له كانت بنفس المستوى ونفس البضائع
وقليلة الجودة وبأسعار مبالغ فيها
الى جانب أني في هذه الأجازة غير مسافر الأ لدولة خليجية قريبه
فلن أحتاج لتجهيزات تخص الصيف من ملابس وأحذيه أستعداداً للسفر
وبذلك سيكون التسوق بأذن الله من الدوله الخليجيه القريبة منا والتي سوف أزورها بأذن الله قريباً
وستكون زيارتي مخصوص للتسوق

[La Bella]

شي بط جبدي بالمعرض البنات الي ملبسينهم ملابس عرايس ومكياج عرووس
مسخرررررررررره مسخرررررررره
ومافي شي مميز بالمعرض مثل المعارض السابقة

[Doha Sun]

الاسعار مبالغ فيها ..
محلات العبي اللي من البحرين والكويت مالهم حل .. ( والله لوحطت هالمبلغ في بلادها سكروا محلها )
ناهيك عن الاشكال الغريبة اللي تطلع في المعارض ..+ زحمة عالم فوق بعض ..
وابشركم بيرجعون الشهر الجاي اللين شهر 8 .. يعني عجبهم الوضع

[koketa]

ما رحت له لان ما احد امدحه لي

ويقولون ان الجوده قليله بالمقارنه بالاسعار المبالغ فيها

[الشقيان]

صج المعرض فااشل بالاسعار والاغراض الي فيه بس نااجح بالحضووور:nice:

الكل يتمشى وقزالجساام وكشخات وعباايات اول مره اشووفها في حيااتي :omg:

وامر على شباب وحصلهم يغازلون عيني عينك وامر على بنات واسمعهم يسالفون عن الي

وااقف اهنااااك وكل وحده اتقول خلينا انصيده :(

يعني المعرض حق المصخره :anger1:

هذا لازم يسمونه معرض الحب والمغازل للاسف :rolleyes2:

اسمحولي بس هذا الوااقع :weeping:

[بدون]

ما فيه شي جديد
زحمة و مغازل و حر
يعني عوار راس على ماميش !!!

[بيت الخليج]

الحمد لله والشكر ربي على كلامكم والسموحه منكم بس المعرض كان زحمه وكل قطر زارو المعرض واشرو حك رمضان والعيد والى مازاره راحت عليه نتريا شهر واحد ويا مرحبابه بس قريت بعض الردود عن زون وش هذه زون الى تعرفوه هو فيه 20 محل يعني كلامكم غير معقول لان المعرض كان فيه 2000 محل من كل دول العالم وبضايع متنوعه بشكل خرافي وما متوفره بلدوحه انه عني شفت المعرض وايد حلو وعليه اقبال شديد ولله وصدكوني اكثر زبايني كانوا راضين على الاسعار

[بوحارب]

الحمدلله مادخلته وحرمت ادخل مثل هالمعارض

كله فتن وبضائع مستواها كشره وغالية

[المخفي]

الحمد لله والشكر ربي على كلامكم والسموحه منكم بس المعرض كان زحمه وكل قطر زارو المعرض واشرو حك رمضان والعيد والى مازاره راحت عليه نتريا شهر واحد ويا مرحبابه بس قريت بعض الردود عن زون وش هذه زون الى تعرفوه هو فيه 20 محل يعني كلامكم غير معقول لان المعرض كان فيه 2000 محل من كل دول العالم وبضايع متنوعه بشكل خرافي وما متوفره بلدوحه انه عني شفت المعرض وايد حلو وعليه اقبال شديد ولله وصدكوني اكثر زبايني كانوا راضين على الاسعار

وين 2000 محل وين عايش حدهم 200 الى 300 محل و نفس البضايع الي في زون و محلين يعرضون مواعين زهران و الملاحف الصينية الي جايبنها من دبي و بعض المحلات المصرية و التونسية و المغربية و الخليجية

[ابن قطر]

الله يخلي رحلات كوانزوا

يشترون بعشر البيع بميه

و اول مرة اعرف التقليد درجااااااااااااااات قاصين على بناتنا شنط تقليد احذية تقليد عطورات نصفها كحول

الله المستعان

لا يكون شريت وايد اخونا بو فاطمة

[بيت الخليج]

وين 2000 محل وين عايش حدهم 200 الى 300 محل و نفس البضايع الي في زون و محلين يعرضون مواعين زهران و الملاحف الصينية الي جايبنها من دبي و بعض المحلات المصرية و التونسية و المغربية و الخليجية

صح كلامك جائز لاني ماطفت المعرض كامل بسبت الزحمه بس وعد مني شهر واحد راح اعدلك كم محل فلمعرض واخبرك نحن بس قسم الامارات 150 محل

[بيت الخليج]

الله يخلي رحلات كوانزوا

يشترون بعشر البيع بميه

و اول مرة اعرف التقليد درجااااااااااااااات قاصين على بناتنا شنط تقليد احذية تقليد عطورات نصفها كحول

الله المستعان

لا يكون شريت وايد اخونا بو فاطمة

ابن قطر شو شريت من المعرض خبرني

[سحـابة خيـر]

محد راح له من الاهل :omen2:

الكل انشغل مع الامتحانات ..هاي غير وقته الي مادري شلون

والزحمه

وعلى كلام الكل الي فيه في زون وشروه

بس معرض حق الزحمه والحر والمشاكل

:victory: