ظاهره على دوارات قطر

[The End Qtr]

السلام عليكم شلونكم

بختصااار

في كذا دوار في الدوحه اشوف فيها على طرف خيمه وفيها عايله .. واكثر شي اتكون العايله من رجال وزوجته وطفل او اثنين

هذولا صناع اللي يصفرون الدلال = ينظفون الدله ........ اسمهم صناع وهذي شغلتهم متوارثينها اب عن جد

لكن السؤال بما ان الحراره وصلت 53 وقابله لزياده انا مريت على احدى الدوارات اليوم في عز الظهر ولقيت الرجال لابس ثوب صوف وغتره حمرا وزوجته لابسه عبايه وبرقع والطفل عمره قريب السنه .. هذولا هل الظروف فعلن حدتهم على الوضع هذا .. او انها مهنه متوارثه وما راح يغيرونها .. او انهم فعلا كما سمعت عنهم انه لديهم اموال كثيره ولكن يفضلون العيشه هذي؟؟

بصراحه حالتهم يرثى لها ولا نقول الا الحمد لله ربع العالمين على النعمه

[البدع]

؟؟؟؟؟؟؟

[The End Qtr]

ننتظر حروفك

[الحجاجي]

فكرتك بتقول ظاهـــرة بيع اعلام المنتخبات الأجنبية تماشياً مع مباريات كاس العالم

احنا ما صدقنا كأس الأمير وولي العهـد حفظهم الله خلصت

من الزحمه اللي كانت تصير في الدوارات على الشراء

والسؤال عن الاسعار والخ ..


/


بالنسبة للي شفته

الله يستر عليهم ..
منـظر مب حضاري .. ولا آمن .. لو جهـة تتبناهم وتحط لهم مكان بسوق واقف
ولا بسوق معين مقابل مبلغ رمزي منهم احسن ..

/

الله يعين كل انسان واقف تحت هالشمس الحارة


/

والله يبعدنا عن حرها وحر النار آمين يارب

[الجزوع]

الله يلعن الحاجه اللي حدتهم على ذا الشغله وصار الكل يتكلم ويقول منظر مب حضاري ، ياناس خلوا العالم تترزق .

[The End Qtr]

يا الحجاجي بدال لا تفكر في المنظر الحضاري او الحضاره طال عمرك .. فكر وقول ليش هم موجودين

على الاقل وجودهم في وجهة نظري نعمه .. علشان اللي يشوفهم يعتبر ويحمد ربه على الخير اللي هو فيه ..

[The End Qtr]

اي والله يا الجزوع انك صدقت

[فلتة زمانها]

صاجه والله مره شفت المره راقده فالخيمه وريلها منسدح ههههه
فشله الصراحه هاذيلان نور اذا ماخاب ظني بس مايخافون
يجيهم واحد متهور ومسرع يطيرهم مكانهم ان سيفتي
آللہ يعينهم ويرزقهم

[The End Qtr]

صاجه .. لايكون يوم كنت اكتب الموضوع لابس نقاب ..
وهاذيلان نور مافهمت شتقصدين

[محمد2]

والله انا اشوف زمن (تصفير الدلال وجدور الهريس انتهى . لأن المواد كانت مصنوعة من النحاس مثل دلال القهوة وجدور الهريس )
والحين الدلال والجدور وغير ها من الأواني المنزلية مصنوعة من الخام ذات الجودة العالية وألأشكال اللي تبهر الواحد.

[La Bella]

الحمدالله رب العالمين على النعمة الي أحنا فيها

[محمد افندي]

هذولا الصلب .. و ذا طبعهم

[ذوق]

ممكن توضيح لاني لم استوعب الموضوع بصراحه

[شموخ العز]

هذولي بشر مثلنا حرفتهم كذا خلقهم الله مثلنا وشغلتهم الصفاره يعني يصفرون المواعين والدلال

ورزقهم على ذي الشغله

وجعلناكم شعوب وقبائل لتعارفو ان اكرمكم عند الله اتقاكم

والله يسهل عليهم

[CH Engineer]

الحمدلله على النعمه

[@north_star@]

الحمد لله على النعمة والحمد لله على كل حال

[بوحارب]

صح كلامج موجودين على دوار الميرة في ازغوة

الله يوفقهم

والحمدلله اللي على كل حال :)

[حقيقه]

متعودين وهذول صلب والبعض منهم عندهم بيوت سنعه في السعوديه بس هم مايتركون شغلتهم


زين البدو عايشين كذا عادي بدون مكيفات وحتى الماي يكون قليل ساعات :nice:

[عليه العوض]

الحمد لله على النعمة
وهذه المهنه مهنة صفارة الدلال راح زمنها وراحت ايامها بس انامستغرب من هولاء كيف يصبرون على
الحر و عدم وجود دورة مياه وغيرها من خدمات يحتاجها الانسان ما نقول الا الله يعينهم

[رهج السنابك]

؛
السؤال الاهم هل لهم زباين؟

؛

[خفوشه]

وصار الكل يتكلم ويقول منظر مب حضاري ... وهو في منظر حضاري في الدوحه...

خرابيط الاجانب من كل صوب..>> لاتنسون..

هذولا ناس يبون يترزقون ... ياما ناس قلبهم متعلق بالماضي..

[انسان]

يعني المنظر الحضاري ما تشوه الا بسبب هذا الفقير المسكين انت لا تشوفه شوف المنطقه اللي حوله و بعدين تكلم عن المنظر الحضاري


وللي يقول هذا صلب و للي يقول من النور عسى ما شر تتكلمون عن اصله وفصله ترى هذا الكلام عيب وما ينقال عن الناس

[بوعبدالله779]

والله انا اشوف الموضوع ماله داعي لانه المهنه اللي بحلال شرف والله يهديك يا راعي الموضوع بدل من تقول يارب انك ترزقهم الحلال وتغنيهم عن الحرام وتفتخر بكل مسلم رضى بالعمل الحلال وما مدى يدى لاي انسان ولا تقول منظر مب حضاري وغيره من كلام يعني الحين تشوف هل اجنبي يحط يده بيد البنت او على كتفها يصير المنظر حضاري او غيره من المشاهد اللي الحين صارت عند كثير من الناس حضارية وهي بعيد كل عنا وعن دين الاسلام ---اسال الله انك تفتح باب رزق الحلال لهم من اوسع ابوابه وان تكثر من امثالهم اللي ما يرضون الا الرزق الحلال وبعرق جبينهم

[الرادار]

حاسدين الفقير على موتة الجمعه:anger1:

[بدون]

الله يرزقهم و يوسع عليهم
احنا متعودين نشوفهم من سنين و لا نستغرب وجودهم

[بو فهد]

هذولا الصلب .. و ذا طبعهم

اخوى انت غلطان هذا قطري

الي عند دوار زغوة

انا اعرفة زين

هذا بوسالم عويد العنزي ودايما نسوى الدلال عندة بيض الله وجهة نشمي

حتى لو مامعك فلوس يقول اخذ دلالك والفلوس لاحقين عليها. وحبوب من الجميع

وراعي هرج طيب والله انة يمدح قطر لليل ونهار.

[سداوي&مدريدي]

اخوى انت غلطان هذا قطري

الي عند دوار زغوة

انا اعرفة زين

هذا بوسالم عويد العنزي ودايما نسوى الدلال عندة بيض الله وجهة نشمي

حتى لو مامعك فلوس يقول اخذ دلالك والفلوس لاحقين عليها. وحبوب من الجميع

وراعي هرج طيب والله انة يمدح قطر لليل ونهار.


كلامك يعور القلب

[فتى الجود]

ياخوى هذه الظاهرة من زمان

الفقر والحاجة اللى حدتهم

[كاشف الغطاء]

نفس الغجر اللي تشوفونهم في الافلام الاجنبية اللي يتنقلون بعربة واشكالهم غريبة

[الدوحة 2010]

الله يكون في عونهم