رسبت في مادتي العلوم والرياضيات اول ثنوي عام

[آآآه ياقطــر]

بسم الله الرحمن الرحيم

السلام عليكم ورحمة الله وبركاته

اخواتي اخواني من اساتذة و خريجي الثنويه انتم تعلومون كم هو صعب أول ثنوي عام ، في مادتي العلوم والرياضيات وكم طالب عاد العام الدراسي بسبب هالمادتين عدت سنوات ، واللحين انا من ضحايا هذه المادتين وبسبب هذه المادتين تم إلتحاقي بالدور الثاني فيترتب علي مراجعة كتاب الرياضيات الفصل الاول والفصل الثاني كتابين في كتاب ، وكذالك يترتب على مادة العلوم في فترة لاتزيد عن اسبوعين فقط ، وانا من هذا المنبر
منبر منتدى الأسهم القطرية اطلب من اساتذه أوالمتفوقين في الدراسة الثنوية بمساعدتي في كيفية تخطي هذه المادتين من مدرسين اكفاء أو من ملازم علوم تشمل الكتابين وكذالك الرياضيات والاشياء المهمه التي تساعدني في تخطي ذالك الصف صف اول ثنوي الصف العاشر الذي لايخفى على الكثير بسبب لقبه (( مقبرة طلاب الثنوية )) الظحلة ،

انا في تحري ردودكم التي انشاء الله لا تخلوا من الإفادة والأستفادة ويمكن بطلبي هذا يساعد الكثير الكثير لطلاب العالقون في اول ثنوي وبذات في هذه المادتين ،


ملاحظة : اول ثنوي عام ليلي وليست مدرسة مستقلة

تحياتي وتقديري للجميع ووفقكم الله بما ترضون وتحبون اجمعين .:)

وشكرا

[الجزوع]

هارد لك وخيرها في غيرها ، والله يوفقك في المرات الجايه وان شاءالله الاخوان والاخوات يفيدونك ، انا اللي بقوله لك وهذي نصيحه اخويه مجربه من قبل ذاكر اول بأول صدقني هذي احسن طريقه وان شاءالله تتوفق في الدور الثاني

[Toomy]

معروف اول ثانوي أكثر الرسوب فيه في الرياضيات و العلوم و الانجليزي و يبي له دراسه اول باول مش تأجيل لين قربت الامتحانات ندرس الحين مب وقت نلوم أنفسنا,شد حيلك وحط لك استاذين بس بشرط يكونون يدرسون نفس الصف وخل يجيبون لك امتحانات سابقة و تدرب على الحلوالله يوفقك و الرياضيات اهم شي القوانين تحفظهاو الله يعينك

على فكرة لو تبي ارقام مدرسين ممكن ازودك بهم
أختك
Toomy

[كــرت احمــر]

على طول دايركت للمدرسين المتخصصين في المادتين اللي عندك في نفس المدرسة وتشبث فيهم هم طوق النجاة بأذن الله من هالصف الظحل ، بس لايستغلونك بالعقل وانا اخوك خلك ذيب ماراح اقولك هاردلك لانك انشاءالله تقدر تتخطاه اذا سويت اللي قلتلك عليه .

[طموحي مبدع]

خذ مدرسين علوم ورياضيات

المعاهد التعليميه مامنها فايده

خذ مدرسين من المدرسه الي انت فيها لان هم الي عارفين كيف تجي الامتحانات

والله لايهينك راجع المجلس الاعلى وشوف المدرسه الي بتعطيك حصص حق هالمواد



وشد حيلك في العلوم لان العلوم صعب فيه احياء وكيمياء وفيزياء وعلى فكره امتحانات الدور الثاني اسهل من الي قبل

وشد حيلك وان شاءالله بتنجح والحمدلله دور ثاني بمادتين وماعندك ضغووط واايد

واستقل وقتك بالدراسه ترى اول ثانوي اصعب من ثاني ثانوي

السنه الجايه بترتاح

[البهتري]

لو سمحت قول لي اسم المدارس
علشان أقدر أساعدك

[بنت^البحرين1]

ربي يكون في عونك وان شاءالله تبشرنا بنجاحك في الدور الثاني

ربي يوفق كل الطلبة ان شاءالله ويفرحهم وان شاءالله الكل يستانس في العطلة

[Doha Sun]

معوض في الدور الثاني ..

[بـــــــنت النوخـّــــذه]

شد حيلك ولاتيأس 000 فيه دور ثاني والله يسهل عليك وايد ارسبو في الدور الاول وانجحو في الدور الثاني 00

[فارس بلا جواد]

الله يعينك و يوفقك يارب

شد حيلك ياريال كلها كم يوم وراح تقدم الدور الثاني

اخوي اذا انت راعي صمله و ودك تنجح راح تنجح ان شاء الله

بمعنى اذا انت مستعد اتوعى اخر الليل وتراجع لك كم سؤال حق الامتحان

وفي اتصالات بينك وبين ربعك

حتى لو رفيجك قالك مر علي المجلس وخذ البراشيم عفوا اقصد المذكرة حق المادة الفلانية روح وتوكل على الله لازم تتعب عشان تنجح

اسئل الله لك التوفيق والسداد

[خالـــــد]

لا ياس مع الحياه

الله يوفقك وينولك اللي في بالك

[Abu Abdullah]

تكبر وتنسى والله يوفقك

[طموحي مبدع]

اخووي الحق عمرك وخلص اول ثانوي

لان المجلس الاعلى ناوووين نيه شينه

يمكن هالسنه او الي بعدها المنهج القديم يتغير

[آآآه ياقطــر]

هارد لك وخيرها في غيرها ، والله يوفقك في المرات الجايه وان شاءالله الاخوان والاخوات يفيدونك ، انا اللي بقوله لك وهذي نصيحه اخويه مجربه من قبل ذاكر اول بأول صدقني هذي احسن طريقه وان شاءالله تتوفق في الدور الثاني


تسلم على الكلام الطيب اخوي وانشاء الله خير

[آآآه ياقطــر]

معروف اول ثانوي أكثر الرسوب فيه في الرياضيات و العلوم و الانجليزي و يبي له دراسه اول باول مش تأجيل لين قربت الامتحانات ندرس الحين مب وقت نلوم أنفسنا,شد حيلك وحط لك استاذين بس بشرط يكونون يدرسون نفس الصف وخل يجيبون لك امتحانات سابقة و تدرب على الحلوالله يوفقك و الرياضيات اهم شي القوانين تحفظهاو الله يعينك

على فكرة لو تبي ارقام مدرسين ممكن ازودك بهم
أختك
Toomy

اكون شاكرلج Toomy طرشيهم ع الخاص والله يكثر من امثالج وشاكرلج ع الطعاطف معاي .

[آآآه ياقطــر]

على طول دايركت للمدرسين المتخصصين في المادتين اللي عندك في نفس المدرسة وتشبث فيهم هم طوق النجاة بأذن الله من هالصف الظحل ، بس لايستغلونك بالعقل وانا اخوك خلك ذيب ماراح اقولك هاردلك لانك انشاءالله تقدر تتخطاه اذا سويت اللي قلتلك عليه .

صدقت ياكرت احمر المدرسين اللي في المدرسه هم طوق النجاة ابشر بروح لهم وبضبطهم والله يكون في العون .

[آآآه ياقطــر]

خذ مدرسين علوم ورياضيات

المعاهد التعليميه مامنها فايده

خذ مدرسين من المدرسه الي انت فيها لان هم الي عارفين كيف تجي الامتحانات

والله لايهينك راجع المجلس الاعلى وشوف المدرسه الي بتعطيك حصص حق هالمواد



وشد حيلك في العلوم لان العلوم صعب فيه احياء وكيمياء وفيزياء وعلى فكره امتحانات الدور الثاني اسهل من الي قبل

وشد حيلك وان شاءالله بتنجح والحمدلله دور ثاني بمادتين وماعندك ضغووط واايد

واستقل وقتك بالدراسه ترى اول ثانوي اصعب من ثاني ثانوي

السنه الجايه بترتاح

اشكرك على النصيحه واشكرك على تجوابك وتعاطفك معاي شاكرلك من القلب ، ولابد اضم مدرسين المادة نفسها .

[آآآه ياقطــر]

لو سمحت قول لي اسم المدارس
علشان أقدر أساعدك

هلا بخوي البهتري اسم المدرسة الاخلاص لثنويه العامه ليلي ، والله لايهينك وانتظر منك الرد على الخاص يالشيخ وتسلم على التجاوب معاي يالشيخ

[آآآه ياقطــر]

ربي يكون في عونك وان شاءالله تبشرنا بنجاحك في الدور الثاني

ربي يوفق كل الطلبة ان شاءالله ويفرحهم وان شاءالله الكل يستانس في العطلة


اشكرج على المشاعر النبيله اختي

[آآآه ياقطــر]

معوض في الدور الثاني ..


وياج اختي

[آآآه ياقطــر]

شد حيلك ولاتيأس 000 فيه دور ثاني والله يسهل عليك وايد ارسبو في الدور الاول وانجحو في الدور الثاني 00


صدقتي اختي بنت النوخذه وانشاء الله بشد حيلي وبتخطى هالمرحله بأذن الله ومشكوره على تعاطفج معي

[آآآه ياقطــر]

الله يعينك و يوفقك يارب

شد حيلك ياريال كلها كم يوم وراح تقدم الدور الثاني

اخوي اذا انت راعي صمله و ودك تنجح راح تنجح ان شاء الله

بمعنى اذا انت مستعد اتوعى اخر الليل وتراجع لك كم سؤال حق الامتحان

وفي اتصالات بينك وبين ربعك

حتى لو رفيجك قالك مر علي المجلس وخذ البراشيم عفوا اقصد المذكرة حق المادة الفلانية روح وتوكل على الله لازم تتعب عشان تنجح

اسئل الله لك التوفيق والسداد


شتسوي البراشيم في هالمادتين العلميه ماتنفع بيزه يعتمد على الفهم ومشكور اخوي على النصيحه .

[آآآه ياقطــر]

لا ياس مع الحياه

الله يوفقك وينولك اللي في بالك


نعم لا يأس مع حياة ولاحياة مع يأس ، وتسلم على هالدعاء الطيب .

[آآآه ياقطــر]

اخووي الحق عمرك وخلص اول ثانوي

لان المجلس الاعلى ناوووين نيه شينه

يمكن هالسنه او الي بعدها المنهج القديم يتغير

الله يستر لا تقول حتى انا سمعت بس ماظنتي هالسنة .