المساعد الشخصي الرقمي

مشاهدة النسخة كاملة : حاسبوا من نصابين الصيف


Bluetooth
22-06-2010, 10:19 AM
السلام عليكم
يوم الاربعاء 19/6/1431هـ 2/6/2010م رجعت من العمل تقول زوجتي انه المكيف سبليت عطلان يطلع حراره قلت طيب ونزل واروح نجيب فني التكييف

دخل الدكتور والفني العبقري والمحتال الكبير للبيت واخذ الريموت وشغل المكيف وقال بسيط نشوف الوحده قلت نطلع للخارج

ويفتح لنا الوحده الخارجيه ويقول ايه بسط هذا كبستر بس 280 ريال اقول سديق كم اخر يقول هو 250 اخر قلت طيب انتظر كم يوم عشان نستلم الراتب قل خلاص

هو نزل من هنا وانا طلعت من هنا واخذ القطع معي وطلع للسوق قطع غيار المكيفات طلع سعرها 20 ريال :( نصدمت بالسعر قمت وركبتها وشتغل المكيف حتى الان له خمس أيام ما فيه احلى منه

المشكلة اذا طلع هواء حار عليك بتغيير هذه القطع فقط وفر فلوسك وقلت حق واحد من الشباب السالفه يوم الخميس وضرب عنده المكيف يوم السبت وسوى مثلي واتصل يقول انت صادق كلامك 100% صحيح

نصيحه الى كل من عنده مكيف اى نواع واى صناعة كورية او ماليزية او عربية فقط قم بتغيير هذه القطعه

http://sn107w.snt107.mail.live.com/mail/SafeRedirect.aspx?hm__tg=http://65.55.85.103/att/GetAttachment.aspx&hm__qs=file%3d48e5f0ad-3b57-4c32-86bc-cce5467a30e9.jpg%26ct%3daW1hZ2UvanBlZw_3d_3d%26nam e%3daW1hZ2UwMDIuanBn%26inline%3d1%26rfc%3d0%26empt y%3dFalse%26imgsrc%3dcid%253aimage002.jpg%254001CB 07AF.78599880%26shared%3d1&oneredir=1&ip=10.13.12.8&d=d6079&mf=0&a=01_0e9a0747f490cbb14961c32abfeb6fe08b9d1ee9e81d0 2336c7b3dd4881ecfdd
ALHAJAJI
22-06-2010, 10:22 AM
انا عندي مكيفات ال جي التعبانة دائما هالقطعة تخترب ويوم يجون يصلحونها يأخذون وياهم 150 ريال .

متى افتك بس من هالمكيفات التعبانة
ابو محمد7
22-06-2010, 10:25 AM
وين نلاقي هالقطعه وشكرا عالموضوع
مستثمر 999
22-06-2010, 10:28 AM
وين نلاقي هالقطعه وشكرا عالموضوع

:nice::nice::nice::nice:
FAUCHON
22-06-2010, 10:29 AM
تسلم على هالمعلومه وجزاك الله خير
Abo Ahmed
22-06-2010, 10:46 AM
هلا أخوي...

ممكن تصور القطعة وتقولنا وين مكانها في مكيفات الويندو إذا كانت موجودة للفائدة

أخوكم

Abo Ahmed
Grnas
22-06-2010, 10:49 AM
مشكور Bluetooth على النصيحة وبالفعل كلفني مرة تصليحه حول هالمبلغ اللي قلت لي عنه .. 150 ريال وزود

الكابساتر هو مسؤول لتشغيل الكمبيرسور. أو هو اللي يعطيه الكهربا

فمن وظايفه اذا انه يحافظ على الكمبيروسور. مثل الواحد اللي يشغل ويطفي المكيف مرات وايد عبث فهذا يخرب الكمبيروسر. فعلشان ما يخترب يركبون الكبستر

ولما يخترب تحصل هوا حار لأنه مايشغل الكمبروسر. او ما يوصل له كهربا. فاستبدال القطعة هذي تحل لك المشكلة من دون ماتدفع مبلغ خيالي حق استبدال الكمبيروسور واللي بيكلفك مبلغ وقدره....
Riku3
22-06-2010, 10:53 AM
صورها لنا الله يخليك علشان نستفيد :] .. ووين هذا الشارع الي نحصل فيه قطع الغيار ؟
ALHAJAJI
22-06-2010, 10:55 AM
صورها لنا الله يخليك علشان نستفيد :] .. ووين هذا الشارع الي نحصل فيه قطع الغيار ؟



اخوي تعرف فلتر السيارات , نفس الحجم بالظبط بس لونها ابيض كامل
بطل الفريج
22-06-2010, 11:06 AM
وين نلاقي هالقطعه وشكرا عالموضوع

جمب شركة الهوندا القديمة
s o s o
22-06-2010, 11:19 AM
صورها لنا الله يخليك علشان نستفيد :] .. ووين هذا الشارع الي نحصل فيه قطع الغيار ؟


الصوره ماعليك امر

:shy:
مضاربه
22-06-2010, 12:50 PM
انا عندي ترين وحار تركب عليه هذي القطعه يليت نشوف شكلها كل مره يجي الفني يقول 800 ريال و1000 مادري يلعبون علينا
al-vtc
22-06-2010, 01:10 PM
باااااال يا كم دفعت فوق المئتين وكله نفس الخلل

وانا اقول المحل الصغير اللي في فريجنا ليش صار شركة كبيرة
CH Engineer
22-06-2010, 01:23 PM
هم يلعبون علينا لانهم متوقعين ان احنا اغبياء مانعرف شي بس عندنا فلوس... وهم يستغلونا

الي جمعته من الموضوع
الكابستر هو الي يخترب..
وقيمته 20 ريال
وينباع في محلات قطع غيار المكيفات, جنب وكالة الهوندا < كلام عضو

شكله مثل فلتر السياره واكيد يختلف من مكيف لمكيف..

خلنا نحمي نفسنا بنفسنا حماية المستهلك للحين ماعندها خبره بهالامور..
بويعقوب
22-06-2010, 02:05 PM
انا اشتري القطعه 45 ريال بس مب اصليه لاكن اشتغالها نفس الشي القطعه الاصليه في شركه lg في الصناعيه تقريبا سعرها من 80 الى 120 المحل الي اشتري منه موقعه المواقف الي خلف سفريات تورست القديمه الي صوب ناشونال محل معروف متخصص في قطع غيار المكيفات
بوحارب
22-06-2010, 02:17 PM
باااااال يا كم دفعت فوق المئتين وكله نفس الخلل

وانا اقول المحل الصغير اللي في فريجنا ليش صار شركة كبيرة

هههههههههههههههههههههههههههه:nice:
الصريحه
22-06-2010, 06:47 PM
شكرا للمعلومه
بوخالد911
22-06-2010, 10:49 PM
معلومية قيمة جدا

اشكرركم وبعنف

بس ممكن تحطوون الصورة

ووين تتركب بالضبط؟

وهل هي سهلة التركيب؟


تحياتي قبل تعطل مكيفاتي
eXpert*
22-06-2010, 10:54 PM
شوفوا كم يوم وبتلاقون سعر القطعة من 20 ريال بيوصل فوق الـ 50 !!

والسبب في الأخير اللي محتاج القطعة واللي مب محتاج بيروح بيشتري !!
استغفرالله
22-06-2010, 11:45 PM
احنا دافعين يمكن 3000 ريال صيانه مكيفات

بطرش ولدي يدرس صيانة مكيفات واحنا محتاجين بعد
بودحوم
22-06-2010, 11:57 PM
وأسمح لي اخوي أضيف نصيحة ثانية

للي يودون مكيفاتهم للصيانة .

لازم تحطون نيشان على الكمبريسر وخصوصاً إذا المكيف جديد

لأن الفنيين يستبدلون الكمبريسر الأصلي بكمبريسر قديم .

ويركبونه لزبون ثاني بقيمة توصل الـ 500 ريال وأكثر

معظمهم حرامية ويستغلون عدم معرفتنا في هذه الأمور ...
بطل الفريج
23-06-2010, 12:04 AM
اللي يبي يشوف يدخل
http://www.onaizah.net/majlis/t132027.html شاقول بس
مشكور ع النقل, يااخي اكتب منقول
بدون
23-06-2010, 12:57 PM
:tease::anger1::tease:
المخباط
23-06-2010, 01:48 PM
الله يجزاكم خير
سواء لصاحب الموضوع وكل من ادلى بدلوة

عندي 3 مكيفات سبيلت يونت متعطلة من بعد ما جبت فنيين السرق اللي في فريقنا يصلحونها
ادمروها الله لا يبارك فيهم :anger1:
شلون شكلة الكابستر ذا ؟ممكن نشوف صورتة
captana
23-06-2010, 06:27 PM
يا شباب هذي صورة لبعض احجام الكباسيتر Capacitor للفائدة
السندان
30-08-2010, 06:36 AM
صارت معاي كذا مره وقدام عيني يبدلون الكابستر 5 دقايق والشغل خالص

لاكن انتبهوا اي واحد يبي يغير بنفسه لابد يعرف حجم القطعه لانها تختلف

ويطفي كهرب المكيف قبل لا يحط يده في الشغل .. ودمتم سالمين
القمه
30-08-2010, 07:05 AM
أعزائي>>نصيحه مكيف الجنرال% صار معاي من 7او 8 سنين

غاز فقط وكامل البيت استخدم الجنرال وماله مثيل والباقي المكييفات لي ذكرتوها مب جيده