اطالب الداخليه سحب كل شخص [الأرشيف] - منتديات شبكة الأسهم القطرية

قطر دزاين

22-06-2010, 03:26 PM

البدع

22-06-2010, 04:18 PM

شوفة عيني

الشرطة مخالفين واحد في جامعة قطر

مواقف اسليارات كانت فاضية بنسبة 80 الى 90%

وواحد صاف سيارته وعلى الخط الابيض

وخالفوه

صدق صدق مبالغة

cobra

22-06-2010, 04:25 PM

ونحن نطالب بالزج بأي شخص يحرر مخالفه بالخطأ في السجن لكي يتعلم من اخطاءه

الوعب

22-06-2010, 04:29 PM

السؤال : هل طريقه المرور في رصد المخالفات صحيحه 100%

كالوقوف على جانب الطريق ورصد المخالفين بدون توقيفهم واخطارهم بالمخالفه كاثبات حاله.

وقد حصلت مع موظف عندي خولف وهو لم يذهب الا ذاك المكان وتم حذف المخالفه

وحصلت ايضا معي في الكورنيش خولفت وايضا خطأ وتم حذف المخالفه

فهناك اخطاء موجوده وذلك بسبب طريقه او اسلوب رصد المخالفه . وعندما يكون هناك اثبات حاله فالخطأ ممنوع واتهام رجال المرور لا مكان له.

Gh2o

22-06-2010, 04:29 PM

والله عبالي عندك موضوع مهم

بو فهد

22-06-2010, 04:48 PM

في لندن اذا خالفك رجل المرور وطلع رجل المرور غلطان عوضوك

بالاف الدولارات علشان ماترفع عليهم قضية

اما عندنا ضابط يقولك احنا اسفين المخالفة جاتك بالخطا يالله مع السلامة.

الحـ قطر ــب

22-06-2010, 04:49 PM

اطالب باغلاق الموضوع لانه ماخذ مساحه عالفاضي ولا يزعل صاحب الموضوع

شكله الحبيب واحد من اللي يخالفون العالم صادووووووووووووه

الخير كله

22-06-2010, 04:55 PM

هذا اسخف موضوع قرأته على مستوى منتديات العالم..
صج اتحب اعيال بلادك الظالم تعينه على ظلمه والمظلوم تدوسه

شبيــه الريح

22-06-2010, 04:58 PM

يمكن الاخ شرطي واخذته الحميه معاك حق اخوي في الكلام هذا( اتمنى في حاله اتهمام اي شخص للرجال المرور وليس لديه اثبات قاطع ان يسحب ويزج به في الحجز لمده شهر) ليش شهر بعد شهرين بس اذا رجل
المرور مخطىء فكم شهر تعطيه وخصوصا المخالفات صارت وايد ومبالغ فيها والواحد وين يلحق اجار وعيال
ومخالفات

هاب الريح

22-06-2010, 06:54 PM

السلام عليكم
كثرت في الاونه الاخير اتهام رجال المرور بشتى الطرق اللي يقول انا راقد وخلفوني واللي يقول الشرطي بنط عليك ويخالفك واللي حاط كركتير واشياء تسئ للرجال يقفون في خدمه البلد

اتمنى في حاله اتهمام اي شخص للرجال المرور وليس لديه اثبات قاطع ان يسحب ويزج به في الحجز لمده شهر حتى يعرف يحترم بما من يقمون بعملهم

والتصويت ازاح القناع عن وجوه لا يهمها مصلحه البلد في موضوع احد الاخوان

http://www.moi.gov.qa/intservices/actions?action=viewdiscussionsuggestion

كلامك لا يمت القانون بأي صلة ويجب عليك أولآ أن تحترم نصوص القانون ومواطنين هذا البلد و لسنا في غابة !!!!
وهل في القانون صلاحية للداخلية بسحب المواطنين وزجهم في السجون لمدة شهر أم هناك جهات تخّول الداخلية بتنفيذ القانون كالنيابة والقضاء !!!! والداخلية أحدى وزارات الدولة وليس من يعمل فيها منزه او معصوم من الخطا !!!!

قطر دزاين

22-06-2010, 07:21 PM

دام هذا تفكيركم على مصيبه صراحه
لانتو بلبسين حزام ولا متقيدين بالقاونين امركم عجيب شرايكم طالبون في الغاء المرور

قطر دزاين

22-06-2010, 07:24 PM

كلامك لا يمت القانون بأي صلة ويجب عليك أولآ أن تحترم نصوص القانون ومواطنين هذا البلد و لسنا في غابة !!!!
وهل في القانون صلاحية للداخلية بسحب المواطنين وزجهم في السجون لمدة شهر أم هناك جهات تخّول الداخلية بتنفيذ القانون كالنيابة والقضاء !!!! والداخلية أحدى وزارات الدولة وليس من يعمل فيها منزه او معصوم من الخطا !!!!

انتو من يعترض على قانون المرور وهو قانون موضوع من الدوله من المخالف انا او انت

واذا عندك عتراض روح الداخلية

لاجئ عاطفي

22-06-2010, 07:27 PM

بيانو

22-06-2010, 07:31 PM

كاتب الموضوع لم يعترض على القانون

للأسف بعض الاعضاء هى اللى فهمت خطأ

الراجل بيناشد الجميع بإحترام القانون وليس العكس

ومن عنده إعتراض عليه بالجهات الرسميه إن كان يملك الدليل

هاب الريح

22-06-2010, 07:42 PM

انتو من يعترض على قانون المرور وهو قانون موضوع من الدوله من المخالف انا او انت

واذا عندك عتراض روح الداخلية

أخي أنا مع القانون ولست ضده !!! أنا ضد كلامك على حسب ما فهمت أنه لا يجوز انتقاد الداخلية !!! ولا توجد أخطاء في عملهم !!! وهذا كلام بعيد عن المنطق !!! ومن ينتقد يسحب و يحجز !!! اشرايك لشفناك نوقف السييد وننطرك لين تمر ونظرب لك تعظيم سلام !!!
بس عطنا تواقيت مرورك ههههههه .

رجل الجزيرة

22-06-2010, 08:10 PM

قسم بالله إن فيه شباب مطنشين مقطعين مستهترين البارحة بعد ما صيلت صلاة العشاء راحت للعزيزية علشان أشتري خبر وأنا مقبل على دوار عين خالد وفوق الجسر الجديد للمنطقة الصناعية إلا وإثنين متسابقين واحد من يميني والثاني من يساري وأنا في الوسط والله برق، طيب وين الردار عنهم أو الشرطة ومن سرعتهم ما قدرت أحفظ أرقام سياراتهم بالله عليكم هذولا ما يستاهلون السجن لين يخيسون، فأنا مع القانون بس مع الشرطي للي يحترم القانون ولا يتعمد الغلط.

Google

22-06-2010, 09:14 PM

شوفة عيني

الشرطة مخالفين واحد في جامعة قطر

مواقف اسليارات كانت فاضية بنسبة 80 الى 90%

وواحد صاف سيارته وعلى الخط الابيض

وخالفوه

صدق صدق مبالغة

الصراحة تقال لو فعلا المواقف فاضيه يعني أبرك له يصف على راحته قانونيا وهذا مايعيبه بس لو وقوفه على الخط الأبيض يخالف فهو يستحق المخالفه . ليش ما ننصف أنفسنا ويقول الواحد فينا انا غلطان. يعني ياما غلطنا وغلطنا ليش مايجي اليوم اللي ننعدل فيه ونعترف بينا وبين انفسنا ان احنا غلطانين. وهذي من شيم المسلم. والعيب في الأستمرار على الخطاء. أما لو كانوا مخالفينه وهو واقف صح فأنا معاك مايجوز لكن لو غلط لازم يتحمل ولا يعيدها مره ثانية. أتمنى أن ردي مايكون فيه زعل لحد وهي من نيه صافيه

hamoor4ever

22-06-2010, 09:20 PM

المعامله بالمثل تكون حلوه ولو ثبت ان الشرطي مخالف بالخطأ ياليت يتم الخصم جزء من راتبه وفي حاله تكرار اخطائه يتم انذاره ومن ثم تفنيشه علشان يتعلم مايكتب مخالفات بالغلط حق الناس واللي يقول ليش مايروحون يشتكون اذا المحامي على حسابهم بتلاقي القضايا بالالاف عندنا لكن للاسف اذا اشتكى ماخذ حقه بعدين من اللي يقدر يشتكي على وزاره الداخليه ويكسب القضيه

الصريحه

22-06-2010, 09:27 PM

؟؟؟؟؟؟؟؟؟؟؟؟؟؟؟؟؟؟؟؟؟؟ظ
وش هدفك ماادري مااعتقد حد بيشتكي او بيزعل الا اذا كان مظلوم

tawareq

22-06-2010, 09:29 PM

:nice:
والله عبالي عندك موضوع مهم

:nice:

@north_star@

23-06-2010, 08:15 AM

الاسبوع اللي طاف كان علي مخالفة في سلطنة عمان وانا ولا مرة رحت عمان وراجعت المرور وشيكوا السجلات وقالوا بالغلط وشالوا المخالفة وكل شي يبين على الكمبيوتر وبنظري اي واحد يشوف انه مخالفته مب في محلها او فيها غلط شالمانع انه يراجع المرور ..هي صج عوار راس تروح تراجع بس على الاقل بفايدة وبتاخذ حقك اذا لك حق وبتدفع دامك محقوق

بعيد الدار

23-06-2010, 08:36 AM

اتمنى في حاله اتهمام اي شخص للرجال المرور وليس لديه اثبات قاطع ان يسحب ويزج به في الحجز لمده شهر حتى يعرف يحترم بما من يقمون بعملهم

الحمدلله أنه أكتفا بالسجن شهر للي يتكلم عن الشرطة ما زودها وقال سيارته بعد بالحجز

ياخي أنا عند دوار البدع واقف أنطر الناس يمشون إلا وناقز شرطي من ورا لوحة الاعلانات ويصكني مخالفة حزام (( أنا أخبرهم يخشون رادار متحرك يخشون أي شي بس أنهم يزودونها ويخشون شرطي ورا اللوحة هذي قوية والله )) وبعدين عندنا والله زودوها يعني المعروف عن المخالفة أنها لتثقيف الناس حول قانون المرور وأتباعه مو تجميع أموال والله أنا واحد يالله يالله يلقى لقمة عيشة من راتبه ويوم صكوه مخالفة قام يتسلف علشان يغطي المخالفة في ذمتك ياخوي هذا حلال ولا حرام أنا أتحدى المرور أنهم أذا حصلوا أحد مخالف أنهم يوقفونه ويبينون له سبب المخالفة بدون ما يدفع والله هالكلمة بتخليه يستحي أنه يسويها مرة ثانية ترى الكلمة الحسنة صدقة مو أسلوب تعسفي وتجميع أموال الناس

الحبتور

23-06-2010, 08:40 AM

شكلك شرطي ..

ع العموم .. موضوع ماله داعي

ابو محمد7

23-06-2010, 08:45 AM

اذا في شخص اتهم شرطي او اي موظف في البلد وذكر اسمه بتصريح او تلميح بدون مايثبت لازم يتحاسب لكن اعتقد الشباب قالوا مواقف مروا فيها ومادري اذا كان في مبالغات الله اعلم.

ادارة المرور قاعدة تبذل جهد مشكورين عليه ويحاولون يقللون من الحوادث محد ينكر هالشي لكن كل عمل وكل مؤسسة تقع فيها اخطاء وعليها ملاحظات

المطلوب ان الناس يكون نقدهم بناء بذكر المواقف اللي مروا فيها بدون استهزاء وسخرية وبدون تشهير واتهام وتشكيك في النوايا وغيره من هالامور

يعني انا لو قلت انه صار معاي الموقف الفلاني مب معقولة اتحاسب ! بس لما اقعد اشتم واستهزء واتهم اكيد ممكن اكون عرضة للمحاسبة

ابو محمد7

23-06-2010, 08:48 AM

اللي يقول ان رجل المرور اخطأ في حقه ليش ما يلجئ للمحاكم ويطالب تعويض ان كان هو على حق ؟؟ ليش يسكت عن حقه ويروح يراجع مدير المرور عشان يلغي مخالفته ؟؟ بصراحه انتوا غريبين لان لو كلامكم صحيح ليش تسكتون عن حقكم؟ لكن انتوا تدرون انكم مخطأين ولكن ماعندكم الجرأة انكم تعترفون بالخطأ .. في الاخير اللي يشوف ان رجل المرور حرر مخالفة بغير حق يروح المحكمة ويرفع قضية ويطلب تعويض مانبي كلام بس

وشرايك في اللي متسجلة عليه مخالفة حزام على موتر جديد توه ماخذه وتاريخ المخالفة قبل تاريخ تسجيل الموتر يمكن ب 4 او 5 ايام !

وطبعا بروح المرور وبراجعهم بالموضوع , بس بعد مب حرام اجي هني واقول الموقف اللي صار لي !

يعني مب لأن احنا مخطأين وماعندنا الجرأة

وبعدين من فاضي حق المحكمة والقضايا

The Blade

23-06-2010, 09:08 AM

موضوع غريب ياخوي اسمحلي ,
انا اشوف احسن حل ان اي مخالفة يتم تحريرها يتم تصوير المخالفة ,
كحالها من مخالفة الرادار لان هذا الحل الوحيد ولو انه حل تعجيزي ولكن الانسب .

غير عنهم

23-06-2010, 10:12 AM

:nice::nice:
ونحن نطالب بالزج بأي شخص يحرر مخالفه بالخطأ في السجن لكي يتعلم من اخطاءه

+abc

23-06-2010, 10:22 AM

السبب الرئيسي للخطأ في المخالفات ولاتقولون مافيه أخطاء

انه الشرطي يكون واقف منخش مثل مطار الدوحة ورا سور صالة ال v i p ويصيد الناس وممكن مع الزحمة مايلقط الرقم عدل لانه السيارات متحركة مش واقفة مثل الاشارات

او

على الدوار السيارة متحركة والرقم ملخبط والعرق يصب على عينه وعينه ترف مايشوف عدل ويسجل فالدفتر والله مش ملحق صفحة ورا صفحة اشلون ماتبغونه يغلط

FAUCHON

23-06-2010, 10:58 AM

اذكر مره في ايام الدوري القطري واحد كان سافط موتره بالغلط
وخالفوه ويوم يقرا الرجال الرقم مغلطين في اخر رقمين يعني خالفو واحد ثاني

وهذا عدم تركيز من رجال المرور ..

ابو محمد7

23-06-2010, 11:04 AM

اذكر مره في ايام الدوري القطري واحد كان سافط موتره بالغلط
وخالفوه ويوم يقرا الرجال الرقم مغلطين في اخر رقمين يعني خالفو واحد ثاني

وهذا عدم تركيز من رجال المرور ..

ماشاء الله حظه حلو انا مكانه بستانس وبعتبر وماراح اسويها مرة ثانية بس بكون مستانس

والله المفروض اللي يخالف اول مره يسجلون عليه انذار واذا كرر المخالفة يدفع او تنحط عليه نقاط !

واذا مر شهر على الانذار يطيح عنه الانذار

شرايكم حل جميل خاصة مخالفات الحزام والتلفون والمواقف

اما السرعة المتهورة (فوق ال 120) وقطع الاشارة والسباق والاستعراض مخالفة على طول

بوهلال

23-06-2010, 11:11 AM

من اسبوع كان اخوي في سيارته على دوار الديوان طبعا هو قانوني ما شاء الله عليه المهم وهو داخل الدوار لمح الشرطي يبحلق فيه وهو طايف شاف الشرطي في المراية العاكسة وهو ينظر لسيارته ويسجل رقمه .. اخوي خذ الدوار ورجع له وسأله خير ليش سجلت رقمي أجابه الشرطي ( كأنك ) مب رابط الحزام

أخوي قاله من صجك تتكلم وهذا شنو اللي تشوفه رد عليه الشرطي خلاص الظاهر ما شفت عدل وشطب الرقم .

المشكلة الشرطة وبدون زعل لما يشوفون قطري وبالذات شاب وفي نيسان أو كروزر يسجل بسبب وأحيانا بدون سبب والله المستعان

Master_qtr

23-06-2010, 11:15 AM

يحاول الجماعة في ادارة المرور محاذاة الغرب في تطبيق القوانين ..وهذاااااا صعععب جدااا ولعدة اسباب وسأخذ الامريكي على سبيل المثال:

1- الشرطي الامريكي لو يمر عليه او باما يخالفه ..ربعنا على حسب سيارتك ..اذا السيارة "جخ" ماخالفوك.. ..وخاصة اذا كنت معروف في البلد..يدقون له تحية ..اما ابو طقة ..هذا يفردون عضلاتهم عليه
2-الشرطي الامريكي مايعرف اخو.. ولد عم والا رفيج ..والا من يكون ..القانون قانون ..هني لااا لو مر اخوه .. ولد عمه ..ولد خاله ..رفيجه ..مايخالفه ..وطبعاا ماينلام ..من بيخالف اخوه..

3- االمسؤولين عندهم ..ملتزمين بالقوانين ..قبل غيرهم ..يعني احنا عندنا في الدوام مدراء كبار ..ولايعرف شي اسمه حزام اصلن ..

4- قالك الشرطي مسكين واقف في الشمس يحاول ينظم السير ويتأكد ان القوانين تطبق..ياحبيبي هذا من اهم الاسباب اللي تدفع شرطي المرور ان يخالف الناس بعشوائية ..حر+ورطوبة+وزحمة+ومافي تقدير..بس تخمة ويسجل اي رقم يمر عليه

5- ان افراد الشرطة هم اكثر ناس يخالفون ..لو تروح مرور المعمورة او الريان..تلاقي السيارات كلها مخفي كامل..وانا اعرف ناس شخصيا من تستوي مسيرة ..هم من يبدأ الاستعراض ..

اسف على االاطالة ..كل الشكر لصاحب الموضوع :victory:

راعي ال VXR

23-06-2010, 11:26 AM

وشرايك في اللي متسجلة عليه مخالفة حزام على موتر جديد توه ماخذه وتاريخ المخالفة قبل تاريخ تسجيل الموتر يمكن ب 4 او 5 ايام !

وطبعا بروح المرور وبراجعهم بالموضوع , بس بعد مب حرام اجي هني واقول الموقف اللي صار لي !

يعني مب لأن احنا مخطأين وماعندنا الجرأة

وبعدين من فاضي حق المحكمة والقضايا

وانت الصادق كل هالمشاوير وترجي فلان بن علان علشان 500 ريال مخالفه بالغلط وهاذا لو حولوها المحكمه وتعال خذ مواعيد واطلع من شغلك كل اسبوع مره او مرتين علشان ترووح عند رفعت الجلسه وحضرت الجلسه وكل ابوها علشان 500 ريال ابرك لي ادفعها ونا مغمض

عزووز قطر

23-06-2010, 11:34 AM

1- الشرطي الامريكي لو يمر عليه او باما يخالفه ..ربعنا على حسب سيارتك ..اذا السيارة "جخ" ماخالفوك.. ..وخاصة اذا كنت معروف في البلد..يدقون له تحية ..اما ابو طقة ..هذا يفردون عضلاتهم عليه

5- ان افراد الشرطة هم اكثر ناس يخالفون ..لو تروح مرور المعمورة او الريان..تلاقي السيارات كلها مخفي كامل..وانا اعرف ناس شخصيا من تستوي مسيرة ..هم من يبدأ الاستعراض ..

اسف على االاطالة ..كل الشكر لصاحب الموضوع :victory:

والله انا من المؤيدين للنقاط اللي ذكرتها
موترك بورش أو bm يمكن يسجلون عليك مخالفة بس مايوقفونك وينشدونك عن الليسن والاستمارة،، كأن هالسيارة مالها استمارة في المرور ..
بس من يشوفون جي اكس أو نيسان كأن هالموتر مطلوب للكونجرس الامريكي يوقفونك ويسألونك عن الليسن والاستمارة والبطاقة الشخصية والبطاقة الصحية وفاتورة الآيل والفلتر ...الخ الخ

والنقطة ان اكثر الشباب اللي يخالفون هم نفسهم أفراد الشرطة
والله ان اعرف شباب يداومون في أماكن حساسة ومن تصير مسيرة عرس أو نادي تشوف الاستعراض على اصوله .. بس مانلومهم هم شباب مثلنا ويبون يستانسون

دلة الرسلان

23-06-2010, 12:44 PM

الله يهداك يا اخوي فازع للداخلية تأكد لو لها حق ماراح تفرط فيه .

technical

23-06-2010, 01:11 PM

مشكله ان نجد الشرطه يستخدمون نظام فاشل في تسجيل المخالفات المروريه ! ومشكله ثانيه ان نجد من يدافع عن نظام الشرطه الفاشل !

لكن الي يطيب الخاطر ان الكثير ممن شاركوا في استبيان الداخليه ايدوا مناقشه موضوع مخالفات الحزام وقيمتها !

الكثير منا بستطيع ان يدفع للداخليه ! لكن وين التفاتنا للضعيف ! وغير كذا الفقير المسكين احق بالفلوس ذي من الداخليه !

اعرف بيردون ويقولون الأمن والأمان والنظام ! ونقول الامن والنظام ما قالكم صيروا عويان ولا صيروا مطنزه للعالم ! وزياده على هذا شوفوا المانيا , عندهم السرعه مفتوحه على الخطوط زمع ذلك أئمن الطرق عندهم ! ايه عاملين اسألوهم ؟ لأن شغلكم توفير طرق امنه وليس التفنن باخذ غرامات من الشعب !

الرادار

23-06-2010, 02:08 PM

( المخالفات الغيابيه - خطأ )
ما تحقق ردع تحقق الهدف المادي فقط + تسبب نفور وعدم تقبل .
( المخالفه الفوريه لما يوقفك الشرطى)
تحقق الهدف المادي + ردع للمخالف + تآلف بين الشرطي والجمهور ممكن انه يسامح المخالف اذا تفهم السبب ظرف طارئ مثلا او ما كان منتبه او اكتشف ان وضع الشخص المادي ضعيف (فقير) + تكسب رجل الشرطه حسن التعامل + توعيه مجانيه من ضمن الباكج .

بعيد الدار

23-06-2010, 02:10 PM

الرادار

23-06-2010, 02:14 PM

اقترح انشاء قسم تابع للمرور تكون مهمته :

مراجعة المخالفات حسب نوعها مثال سرعه ربط حزام توقف في مكان غير مخصص ،،، الي يلاحظون تكرر نوع معين من المخالفات عنده (يتصلون فيه من قسم التوعيه ويعطونه محاضره في التلفون) بهذي الطريقه بيقضون على المخالفات . :)

شبح الصمت

23-06-2010, 02:32 PM

عندي سؤال لصاحب الموضوع

لو شرطي مب على راس عمله فرضا حلوو وهالشرطي نحاسته فالشارع لفيت عليه أو ما عجبـه شكـلك أو يعني أمور واجد او مب رابط الحزام أو تكلم فالتلفون أو حاط مخفي ...

هل يحـق له يسجل المخالفة عليـك وهو مب على رأس عملـه يعني في وقت اجازتـه يعني تناحس معاك وحلف أنه يسجل عليـك !!!!!

اهو يمكن يكون صادق شافك مب ملتزم بالقوانين بس ما كان باللبس العسكري !!!

هالسؤال محيرني أبي أجابة له

هل يحق له مخالفتـك وهو مش على رأس عملـه !!!!!

كاشف الغطاء

23-06-2010, 03:30 PM

اخوي انت مب قاعد في دولة بوليسية

اللي اعرفه انها دولة مؤسسات وقانون

ليكون تبي يحطون قانون طوارئ وحظر التجول

عشان كمن واحد استعرض

كاشف الغطاء

23-06-2010, 03:50 PM

ماشاء الله حظه حلو انا مكانه بستانس وبعتبر وماراح اسويها مرة ثانية بس بكون مستانس

والله المفروض اللي يخالف اول مره يسجلون عليه انذار واذا كرر المخالفة يدفع او تنحط عليه نقاط !

واذا مر شهر على الانذار يطيح عنه الانذار

شرايكم حل جميل خاصة مخالفات الحزام والتلفون والمواقف

اما السرعة المتهورة (فوق ال 120) وقطع الاشارة والسباق والاستعراض مخالفة على طول

اقترااحك حلو ويمكن يحل مشاكل كثيرة خصوصا لذوي الدخل المحدود

قطرية فذة

23-06-2010, 03:55 PM

صراحه أخوي موضوعك (( ماله داعي ))

له ابعاد وايد وماله داعي فتح باب الفتنه

مابي ادعي عليك اقول جعلها على راسك

الله يهديك لكل خير يارب

لو انك مهدي شوي عقب تكتب موضوع افضل لك

مثل ماقال الاخ لاجئ عاطفي في رده

واللي متظلم يصور مكان سيارته عشان يدافع عن حقه

محد بكامل ياخوي الظاهر شايل بخاطرك شوي

لو متهيد جالس مع خوياك ابرك لك بدال الموضوع مكتوب بالمنتدى

يوفقك ربي للصالحات يارب

zeroo10

23-06-2010, 04:01 PM

واحنا نطالب باي شخص يخالف غلط .. وقبل ماتطلب برمي الي يتبلى على الشرطه المفروض تطالب بتعديل قوانين المرور وتعديل الشوارع وطلب تعويض على كل سياره تتكسر من الشووارع المكسره

tulepq

23-06-2010, 04:06 PM

حسستني .. إنك أول مره أطالب بشي في حياتك ..

الله يهديك .. ما تبيهم بعد يسحبونا في الشوارع عشان نكون عبره لمن لا يعتبر

نصيحه : خفف ترا الأمبير صك حده

السهم الملتهب

23-06-2010, 04:21 PM

موضوع وللأمانة تافة ولا يستحق التعليق ويليت لو يحذف في سلة المهملات .

المغروره

23-06-2010, 05:14 PM

والله اتمناااا من فزعه يحطونهم كلهم بالسجن لانهم يخالفون على الفااااااااااضي
واهل قطر ما اعتقد يخالفون بشي غلط الا بثبات
خالفوا الاجانب الي يمشون ويدعمون خلق الله لا والي يبط الجبد لا جاتك مره اجنبيه تسوق سياره
شوي الي بتركب فوق موتررك لاجيت بتشتكي تقعد تبكي انها بريئه
واهي الله يرحم حالناا ام المشااكل
تحياتي لك

سداوي&مدريدي

23-06-2010, 05:21 PM

واحنا نطالب باي شخص يخالف غلط .. وقبل ماتطلب برمي الي يتبلى على الشرطه المفروض تطالب بتعديل قوانين المرور وتعديل الشوارع وطلب تعويض على كل سياره تتكسر من الشووارع المكسره

عجبني كلام هذا الرجل :nice:

انسان

23-06-2010, 08:10 PM

مسكين راعي الموضوع :sorry:.....حط الموضوع وتوهق escape....واحد يرفع والثاني يكبس :tomato:

هذلان

23-06-2010, 08:18 PM

تباً للمرور :omen2:

الحـ قطر ــب

23-06-2010, 09:05 PM

صدق المتنبي يوم قال ( مفيش حاقة تقي كده ) يالربع شوي شوي هدو الوضع شوي تعبتوا المرور بكلامكم

القاسي مساكين ياتلهم حاله نفسيه

اخر العنقود

23-06-2010, 10:08 PM

أكد مواطن تلقيه مخالفة مرورية، رغم أنه كان خارج البلاد في هذه الفترة، وأشار إلى أنه سافر بسيارته يوم الجمعة الماضية، وتفاجأ برسالة تخبره بأنه تلقى مخالفة مرورية، بنفس التوقيت الذي كان فيه خارج البلاد، لافتا إلى أنه جلب إفادة من المنافذ تؤكد أن السيارة كانت بالخارج في هذه الفترة، لكن إدارة المرور لم توافق على إلغاء المخالفة، منوها بأنهم أخبروه بأن المخالفة سجلت عليه، ولا يمكن إلغاؤها.

اليوم قريته من جريده الشرق

بس ماأنكر تعبهم ولهم الف شكر

فلتة زمانها

23-06-2010, 10:38 PM

شدعوه ينسجن تراك تبالغ شوي:court:

الحـ قطر ــب

24-06-2010, 04:40 PM

ping

ping

ليث العرين

25-06-2010, 12:57 AM

والله عبالي عندك موضوع مهم

:nice:

AL_MUTAEM

25-06-2010, 05:10 AM

بصراحه الموضوع لا اعلم لماذا كُتب ..؟؟

يعني اذا المواطن اتهم زورا وتم اعطاءه مخالفه وليس لديه دليل تطالب بسجنه ..!!

ولكن اذا الشرطي اخطا بالمخالفه ماذا تريد بهم ان يفعلوا به ؟؟

هل السجن ام تعويض السائق من جيبه الخاص ..!!

مجرد خزعبلات لا اكثر ..

في شهر فبراير الماضي وصلني مسج من مطراش بمخالفه حزام الامان وبتاريخ قبل وصولها بثلاث ايام وبعد الاتصال بهم افادوا ان علي مخالفتين حزام الامان بيومين متتاليين وذكرت لهم انني حاليا خارج قطر والتاريخ المذكور انا بالخارج فضحك الموظف وقال شبعنا من هالسوالف ..!!

وراجعت المرور واتضح الخطأ ولكن ماهو التعويض الذي اخذته ؟؟؟

هل اطالب بسجن الموظف يا اخي الكريم كما انت تطالب بسجن المواطن ..

لو اننا متقدمين وحضاريين كنا نطالب بتعويض ولكن الغاء المخالفه الخاطئه هو التعويض ..!!