واقع المعلمات والاداريات في احدى الروض المستقلة .. وينكم عنهم يالمجلس الأعلى ؟؟!!

[راية الفخر]

السلام عليكم ...
.
.
.
.
.
.
.
.
.
.
.
.

حبيت انقل لكم واقع احدى الروض المستقله واللي تحمل اسم احدى زوجات الرسول ( ص ) وكيف تستغل مديرتها منصبها لإذلال المدرسات اللي يعملون بالروضه والتعامل مع الموظفات والمدرسات بتعالي وكبر هذا غير الالفاظ البذيئه اللي تستخدمها مع الموظفات للاستهزاء بهم و اللي تحاول تطفشهم لانهم يرفضون اسلوب الاستغلال ومايسايرون رغباتها ..

الموظفات يشتكون من سوء المعامله واكثر من مره متهاوشه مع بعض مدرساتها وادارياتها ومتبادله معاهم الشتائم على مسمع من الموظفات بالروضة ..

الصراحه هالمديره تفتقر للأسلوب الاداري الاسلوب الحضاري في تعاملها مع الموظفات .. حتى السلام ماتلقيه عليهم واذا الموظفه سلمت عليها ترد من طرف خشمها .. للاسف هي تحسب انها اذا سوت جذيه الناس بتخاف منها وبتحترمها ماتدري انه العكس راح تحتقرها وتنفر منها وتحقد عليها ..

المشكله ان المجلس الاعلى ما اتخذ معاها اي اجراء رغم ان المدرسات تقدموا بشكوى عليها وعلى سوء المعامله اللي يعانون منها ..
واذا صار خلاف بينها وبين اي مدرسه تقول لها روحي دوري لج مكان غير انا مابيج عندي .. بذمتكم هذي تستحق انها تكون مديره ؟؟!!
والمشكله انها قدام الاهالي مافيه احسن منها تطلع لهم الوجه الثاني وتصير الانسانه الطيبه الحنونه وهي عكس ذلك تماما من وراهم ..

اتمنى ان المجلس الاعلى يحققون في هالموضوع ويتحققون من كلامي عن طريق سؤال الموظفات في هالروضة وويستفسرون منهم عن هالمعامله السيئه اللي يعانون منها من قبل المديره .. وعلاوه على الكرف والشغل اللي يسوونه المدرسات مافيه تقدير ولا حتى كلمة شكر او ثناء .. مديره متسلطه ماتقبل اي استئذان حتى لو لسبب انساني او مرضي .. وفي المقابل تسمح لشلتها من الاداريات بالاستئذان في اي وقت والحضور في وقت متاخر عادي مرفوع عنهم القلم ..

مع العلم انها ماتداوم بالروضه بعض الايام الا بعد الساعه 9 ؟؟!! وين المجلس عنها ؟؟؟
انا مستغربه شلون هذي تصير مديرة روضه .. هذي حتى ماتستحق تكون مديرة مخبز ..

يالمجلس الاعلى خلوا عنكم التطبيل للتعليم المستقل وانزلوا على ارض الواقع وشوفوا شلون المدرسات والاداريات يعانون من تسلط بعض مديرات المدارس والروض المستقله وسياسة التطفيش اللي تمارسها عليهم والاهانات اللي يتعرضون لها .. اذا المدرس مب مرتاح نفسيا لاتنطرون منه يعطي بالشكل المطلوب .. واذا حد من المسؤولين يبي اسم الروضه ماعندي مانع اني اذكر له اسمها على الخاص وقواكم الله

[الأصيلة]

ياليت الامجلس الأعلى يتحقق من الشخصية اللي بيمنحها الترخيص...
مو بس من خطط مزيفة ...


ولي عودة

[ام علي1981]

كلكم راع وكلكم مسؤول عن رعيته

[جهام]

عندنا وعندكم خير ياهوى قطر ...الله كريم

[بدون]

الله يمهل و لا يهمل

[الأصيلة]

يعني تغيرت طرق التدريس وطرق التقييم
ونصاب المعلمات ومباني المدارس وكل شيء في التعليم طرأ عليه التغير
إلا عقول هؤلاء ...!!!
ليه مافيه الا هي ؟؟؟
المفروض تتعاقب على كل اللي تسويه وتنال جزائها..
مب بس العقاب على من لم يفعل شيء
ومن نجاح لـ نجاح ومن تميز لـ تميز...
ومع ذلك تنزل عليه أقسى العقوبات النفسيه عليها وعلى طاقمها الإداري والتدريسي وطالباتها...
الإصلاح لمن يستحق الإصلاح لا لمن يستحق التكريم..
والله الدنيا صارت معكوسة...

[قناص 787]

والله انكم اتعبون نفسكم مافي فايده تأذنون في خرابه وللعلم ترا كل مديره تمسك مدرسه تجمع فلوس وتطلع بسسسسسسسس ترا هاذي شغلتهم هالايام ماتشوف المديره الا قاعده في مدرسه لمدة سنه بس تحاول قد ماتقدر تجمع فلوس وبسسسس ياريت ترجع الامور نفس قبل ااااااه ياوزارة التربيه والتعليم والله كانت الامور افضل والتعليم افضل اما الحين ااااخ بسسسسسسسس قهر كلام فاضي حتى خطه ماعندهم :anger1:

[kitmat]

الحين جمع فلوووووووووووووس ياسلام على المديرات اختي لوسمحتي على الخاص اسم الروضة والمنطقة

[kitmat]

انا وصديقاتي مقدمين في مدرسة الله عليهم ماردو علينا مع ان مدرسات العلمي كلهم اجانب

[بوعبدالله779]

مب هيه مديره ؟؟؟؟؟؟ خلاص تداوم وقت اللي تبيه وتسوي اللي تبيه ؟؟؟؟؟؟؟؟ بس يوم الحساب ما راح تكون مديرة ......................

[راية الفخر]

شكرا على ردودك اخواني وخواتي .. والله ان الوضع ماينطاق صاروا المدرسات يروحون الروضه وجنهم رايحين لجهنم لكن لقمة العيش صعبه وحسبي الله على كل ظالم مايخاف الله ويستغل منصبه علشان يذل خلق الله ..

[راية الفخر]

مب هيه مديره ؟؟؟؟؟؟ خلاص تداوم وقت اللي تبيه وتسوي اللي تبيه ؟؟؟؟؟؟؟؟ بس يوم الحساب ما راح تكون مديرة ......................

لا مهب على كيفها لازم تتحاسب واذا تبي تداوم على كيفها خل تفتح لها مدرسة خاصه

[شموع قطريه]

انتي نقلتي لنا واقع روضه وحده من الروض المستقله ومع الاسف الواقع في كثير من المدارس المستقله يدعو للحزن على حال المدرسات القطريات .. هذا غير المدرسات اللي قطوا عليهم اوراقهم وقالوا لهم روحوا دوروا لكم مدارس تقبلكم احنا ماعندنا شاغر ..الله يعين بس

[نمر بن عدوان]

ماعليه اختي لاتزعلين من الحق ممكن يكون كلامج صحيح وممكن يكون تصفية حسابات لازم نسمع للطرف الثاني وبعد نشوف رأي اولياء امور الطلاب الي في المدرسه ورأي احد من العاملات في المدرسه حتى يكون الحكم صحيح.

صحيح في مدراء تعاملهم سيء لكن في نفس الوقت في موظفين مايصلح معاهم الا الشده والتهديد.

[ام وليد]

ماعليه اختي لاتزعلين من الحق ممكن يكون كلامج صحيح وممكن يكون تصفية حسابات لازم نسمع للطرف الثاني وبعد نشوف رأي اولياء امور الطلاب الي في المدرسه ورأي احد من العاملات في المدرسه حتى يكون الحكم صحيح.

صحيح في مدراء تعاملهم سيء لكن في نفس الوقت في موظفين مايصلح معاهم الا الشده والتهديد.

الصراحة انا اؤيد كلام الاخ نمر بن عدوان ... واحب انوه للاخت هوى قطر
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )
الاخت هوى قطر انا اعرف مديرة الروضة وبنتي تدرس في الروضة وعلى علاقة وطيدة مع معظم المعلمات .. الصراحة كلامك غير صحيح وبعيد كل البعد عن الصحة .. وتذكري ان كل كل كلمة تكتبينها في هذا المنتدى سوف تحاسبين عليه يوم القيامة .. ارجو ان تتأكدي من المصدر ثم انشري ..

الصراحة والحق يقال المديرة انسانة رائعة جداً وعلى درجة كبيرة من العلم والانفتاح ولبقة جداً بالتعامل مع موظفاتها لاأعتقد ولاأصدق انها بهذه الصورة السيئة التي وصفتيها .,.

اتقٍ الله ... في كل كلمة تتلفظين بها ..واحب اذكركِ
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏

[فيزيائية]

الصراحة انا اؤيد كلام الاخ نمر بن عدوان ... واحب انوه للاخت هوى قطر
( يا أيها الذين ءامنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين )
الاخت هوى قطر انا اعرف مديرة الروضة وبنتي تدرس في الروضة وعلى علاقة وطيدة مع معظم المعلمات .. الصراحة كلامك غير صحيح وبعيد كل البعد عن الصحة .. وتذكري ان كل كل كلمة تكتبينها في هذا المنتدى سوف تحاسبين عليه يوم القيامة .. ارجو ان تتأكدي من المصدر ثم انشري ..

الصراحة والحق يقال المديرة انسانة رائعة جداً وعلى درجة كبيرة من العلم والانفتاح ولبقة جداً بالتعامل مع موظفاتها لاأعتقد ولاأصدق انها بهذه الصورة السيئة التي وصفتيها .,.

اتقٍ الله ... في كل كلمة تتلفظين بها ..واحب اذكركِ
(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) ‏

انا مع الاخت وبنتي في الروضة
والمديرة تداوم قبل ال7
وكانت هي اللي تستقبلهم عند الباب
ولو كانت مثل ماتقولين ليش ماطفشوا منها الستاف الاداري
بالعكس موجودين ومستقرين ..

والله اعلم

[خفوق]

مب هي بروحهاا في مدرسه مديرتها قالت حق المدرسات اللي تبي دوره تسجل اسمها والمدرسات مساكيين كلهم مسلجين يبون هالدوره تخيلوا اخر شي من خذت

هي واختها النائبه ومره اخوها وكم مدرسها من اهلها :) شرااايكم

بذمتكم هذالاشكال يستحقون انهم يمسكون مدرسه لكن وش نقول حسبي الله ونعم الوكيل في كل شخص يستغل منصبه لمصالحه الشخصيه وحسبي الله ونعم الوكيل في المجلس الاعلى اللي لعب بحسبه المدارس والطلاب ولعب بمستوى التعليم بكبرره


افففف مقهوررره :anger1:

[ريم المدينة]

قطر لغير القطريين...

والله عالظالم...