%%% جاني اتصال من كيوتل تتوقعون ليش ؟ %%%

[الجوكر90]

السلام عليكم ورحمة الله وبركاتهالسلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين


شحالكم يالربع



يالربع بقولكم شي صار اليوم


خل نقول السالفه من اولها



الله يسلمكم ع الساعه 12 ونص وصلت الجامعه وصفيت وتوني ابي انزل الا تلفوني رن شفت الرقم طلع رقم بيت
الا رديت الا وحده تقول انا فلانه من كيوتل
الي يشوفني فهل الوقت راح يشوف هالعلامه ع ويهي !!!!
الا تقولي انت عندي رقمين فاتوره xxxx وuuuu
قلت اي اشفيهم
الا تقولي انا من خدمه ارضاء العميل واكتشفنا انك ماتستخدم هالارقام كلش فحبينا نعرف شالاسباب يمكن نقدر نساعدك
قلت فقلبي كيوتل مايتصلون ويوم اتصلوا يبوني اتكلم فالتلفون عشان الفواتير تزيد

المهم قلت ولا شي بس عندي ارقام ثانيه استخدمها
قالت يعني مافي شي قلت لا

والا تقولي انزين عندك اشيا ثانيه مب عاجبك او مريت فيها او عندك اقتراح يفيدنا
وانا بسجل كل شي وراح ناخذه بعين الاعتبار
وطبعا قعدت اتكلم لمده 10 دقايق لين ماصكرت




بس حبيت اقولكم شي
قبل 3 ايام اتصلت فيرجن وقلت لهم انا كنت باخذ رقم والرقم انحط فالسله وبقدره قادر اختفى
الا قالوا لي يمكن من النظام
قلت لهم انا مب شغلي وبروح اشتكي عليكم
ماتعقدون ان من هالشي اتصلوا ؟

وفي احد اتصلوا له ؟
او صار معاه نفس الشي؟


والسموحه ع الطوله


اخوكم
.:. الجوكر90 .:.

[tulepq]

صارت أخوي .. ترا عادي ...

شكلهم تطوروا بخدماتهم لإرضاء العميل

[hamoor4ever]

ماعتقد له خص ولاتوقع ان كيوتل بيكونون خايفين اصلا اللي بيشتكي هو اللي يخاف حاسب لايرفعون عليك قضيه

[قلب شامخ]

هههههههههههه يحبونك
(أكيد يبون يستغلونك)

[@north_star@]

انا كلموني من فترة وتموا اكثر من 7 دقايق اسالة عن الخدمات والعروض وما ادري شنو

[الغلا]

لا يبون الاقام الي انت ماتستخدمها شكل الاقام عاجبه واحد من عندهم

[البهتري]

مرة جاني رقمعلى تلفون ولدي وهو 4249000
ولما أتصل فيه يعطيني خارج الخدمة ممكن أحد يفيدني بالرقم

[Doha Sun]

نفس السالفة صارت لي ..
كيوتل عليهم حركاااااااااااااااااااااااااااااااات

[KING OF FISH]

مرة جاني رقمعلى تلفون ولدي وهو 4249000
ولما أتصل فيه يعطيني خارج الخدمة ممكن أحد يفيدني بالرقم

هذا أنسر ماشين يذكرك بدفع المبلغ وإذا دفعته يقولك انسى المسج طبعا يتكلمون عن فاتورة البيت لكن لاتتصل على هالرقم وتقبل تحياتي .

[الجوكر90]

صارت أخوي .. ترا عادي ...

شكلهم تطوروا بخدماتهم لإرضاء العميل

والله يمكن
اي معليه تطوروا انت صدقت
وتسلم ع المرور
ولاهنت

[الجوكر90]

ماعتقد له خص ولاتوقع ان كيوتل بيكونون خايفين اصلا اللي بيشتكي هو اللي يخاف حاسب لايرفعون عليك قضيه

هاهاهاها
خل يرفعون
وشو بيطلبون 15مليون
عاد عرفنا هالحركه وقبل لايشتكون بسبقهم وبطلب 30 يمكن اربح القضيه واحصل 5 مليون<<< انطر بس
وتسلم ع المرور
ولاهنت

[الجوكر90]

هههههههههههه يحبونك
(أكيد يبون يستغلونك)

شي اكيد يحبون فلوسي وفلوس غيري
وتسلم ع المرور
ولاهنت

[الجوكر90]

انا كلموني من فترة وتموا اكثر من 7 دقايق اسالة عن الخدمات والعروض وما ادري شنو

عاد انا ماصدقت طلعت كل العيوب
ماخليت شي
وتسلم ع المرور
ولاهنت

[الجوكر90]

لا يبون الاقام الي انت ماتستخدمها شكل الاقام عاجبه واحد من عندهم

تهقين جي
شرط اني ابيعهم كلهم وخل يموت قهر الي يبي الرقم
وتسلمين ع المرور
ولاهنتي

[الجوكر90]

مرة جاني رقمعلى تلفون ولدي وهو 4249000
ولما أتصل فيه يعطيني خارج الخدمة ممكن أحد يفيدني بالرقم

امممم
وايد صارت فيني هالحركه
بس ماذكر وشو ذي
بس الي اخبره انه رقم البداله يكون
يعني مثل البنك قطر الوطني عندهم رقم حلو بس يتصل مايستقبل
يعني عادي لاتشيل هم
واذا بغيت تعرف الرقم اتصل 111 وهم راح يقولون لك وشو ذي
وتسلم ع المرور
ولاهنت

[الجوكر90]

نفس السالفة صارت لي ..
كيوتل عليهم حركاااااااااااااااااااااااااااااااات

مادري شكل العائد السنوي قل هالسنه يبون يزيدونه باي طريقه
وتسلم ع المرو
ولاهنت

[حقيقه]

انا اتصلو علي يعزموني على حفله وبيعطوني هديه

[زقرتي ومزاجي]

يمكن يبون يعرفون هل تركت كيوتل ورحت لـ فودافون
((( يبون يعرفون الشركه المنافسه قدرت تسيطر او لا ))

يتصلون يبون يقنعون المشتركين ان احنا نسأل اذا عندكم اقتراحات او لا (( شعور المشترك بالاهميه ))

ولا وينهم عنا ذيك الايام اللي ماتقدر تتناقش وياهم ولا يسالون فيك

[meme~qatar]

هههههههههههههه
كيوتل وما ادراك ماكيوتل

[حراير قطر]

اي بعد صديقتي اتصلوا فيها

وقالوا لها ليش ما تستخدمين الرقم ...

[ابو محمد7]

يمكن يبون يعرفون هل تركت كيوتل ورحت لـ فودافون
((( يبون يعرفون الشركه المنافسه قدرت تسيطر او لا ))

يتصلون يبون يقنعون المشتركين ان احنا نسأل اذا عندكم اقتراحات او لا (( شعور المشترك بالاهميه ))

ولا وينهم عنا ذيك الايام اللي ماتقدر تتناقش وياهم ولا يسالون فيك

شي طبيعي ان المنافسة بتخلي اي شركة تزيد من جهودها

[ابو محمد7]

مادري شكل العائد السنوي قل هالسنه يبون يزيدونه باي طريقه
وتسلم ع المرو
ولاهنت

قل !

شكلك ماتابعت النتايج المالية نهاية 2009 ارجع لها وشوف الارباح

كيوتل الحين لها فروع في حدود 17 دولة وتخدم من 50 -60 مليون مشترك حتى وان كانت قطر مصدر رئيسي حق دخلها بس عندها الحين فروع اخرى

[بعيد الدار]

والله أحنا صرنا دجاجة كيوتل اللي تبيض ذهب وأذا ما باضت قالوا عسى ماشر يادجاجتي ليش مابضتي

أستنجدنا بالفودافون طلعت أطمع من كيوتل والله ماعاد عرفنا من فيهم اللي يبي مصلحتنا

والنتيجه ولا حد فيهم كلها بوق في بوق في بوق

ما تشوفون أصحاب الارقام المميزة اللي زادوها رقم وراحت عليهم أرقامهم ولا تعويض ولا شي

أهم شي الفايدة ولا يفكرون في العميل

[الجهه مجهولة]

ايدلعونك بعد شوراك كيوتل بكبرها تتصل فيك تقولك شفي خاطرك !!!

ههههههههه

تستاهل الخير وانا اخوك

وعساك قلت اللي في خاطرك

وجزاهم الله خير

قاموا يحاتون الكاستمر

بس ماعليك امر اذا دقولك طرشهم صوبي وازهلهم

[khalid.qtr]

يمكن خايفين الناس اتسوي احتجاج وماتستعمل الأرقام مع التغيير الجديد في الأرقام بدون تعويض من طرف الشركة.

[الجوكر90]

انا اتصلو علي يعزموني على حفله وبيعطوني هديه

لالا
هاي شوي صعبه يعطونج هديه
فودا فون يسونها اما كيوتل يفكرون فيها
واذا بيعطونج هديه لازم يخلونج تشتركين فشي عشان يطلعون فلوس الهديه وزود

[الجوكر90]

يمكن يبون يعرفون هل تركت كيوتل ورحت لـ فودافون
((( يبون يعرفون الشركه المنافسه قدرت تسيطر او لا ))

يتصلون يبون يقنعون المشتركين ان احنا نسأل اذا عندكم اقتراحات او لا (( شعور المشترك بالاهميه ))

ولا وينهم عنا ذيك الايام اللي ماتقدر تتناقش وياهم ولا يسالون فيك

اي والله
يوم نتصل عشان يحلون لنا المشكله كل واحد يحولنا ع الثاني واخر شي يقولون روح الفرع وجيك معاهم
وتسلم ع المرور
ولاهنت

[الجوكر90]

هههههههههههههه
كيوتل وما ادراك ماكيوتل

والله ماعندهم شي
وتسلم ع المرور
ولاهنت

[الجوكر90]

اي بعد صديقتي اتصلوا فيها

وقالوا لها ليش ما تستخدمين الرقم ...

حسافه ماكنت ادري انهم يتصلون حق الكل
ولا كنت بسفل فشركتهم
تسلمين ع المرور
ولاهنتي

[الجوكر90]

شي طبيعي ان المنافسة بتخلي اي شركة تزيد من جهودها

الا كيوتل ماتغيروا الا شوي
اسلبوهم شوي تحسن
وتسلم ع المرور
ولاهنت

[الجوكر90]

قل !

شكلك ماتابعت النتايج المالية نهاية 2009 ارجع لها وشوف الارباح

كيوتل الحين لها فروع في حدود 17 دولة وتخدم من 50 -60 مليون مشترك حتى وان كانت قطر مصدر رئيسي حق دخلها بس عندها الحين فروع اخرى

ولا ازيدك من الشعر بيت
شرت 51 % من اسهم شركه اتصالات فالكويت
مادري اي وحده بس الي اخبره شركه زين
وتسلم ع المرور
ولاهنت

[الجوكر90]

والله أحنا صرنا دجاجة كيوتل اللي تبيض ذهب وأذا ما باضت قالوا عسى ماشر يادجاجتي ليش مابضتي

أستنجدنا بالفودافون طلعت أطمع من كيوتل والله ماعاد عرفنا من فيهم اللي يبي مصلحتنا

والنتيجه ولا حد فيهم كلها بوق في بوق في بوق

ما تشوفون أصحاب الارقام المميزة اللي زادوها رقم وراحت عليهم أرقامهم ولا تعويض ولا شي

أهم شي الفايدة ولا يفكرون في العميل

والله اخوي الكل يحط مصلحته اول شي وبعدين مصلحه الغير
وعن الارقام كيوتل عندهم مبرر
اما فودا فون لا
لان كيوتل ماعرضت ارقامهم فالنت وقالوا اشتروا
وكانوا يبيعون الارقام بس فالمزاد والفلوس تروح حق غزه
اما فودا فون اعرضوا فالنت وماعوضوا الناس
وتسلم ع المرور
ولاهنت

[الجوكر90]

ايدلعونك بعد شوراك كيوتل بكبرها تتصل فيك تقولك شفي خاطرك !!!

ههههههههه

تستاهل الخير وانا اخوك

وعساك قلت اللي في خاطرك

وجزاهم الله خير

قاموا يحاتون الكاستمر

بس ماعليك امر اذا دقولك طرشهم صوبي وازهلهم



ليش عبالك ابلاش
يبوني استخدم الارقام
تستاهل الخير اخوي
وافا عليك ماطلبت شي
اول مايتصلون ع طول بقولهم اذا تبون تتكلمون تفضلوا هالرقم وبعطيهم رقمك
وتسلم ع المرور
ولاهنت

[الجوكر90]

يمكن خايفين الناس اتسوي احتجاج وماتستعمل الأرقام مع التغيير الجديد في الأرقام بدون تعويض من طرف الشركة.

اي والله اخوي انا عندي ارقام عفتها بعد الزياده
وتسلم ع المرور
ولاهنت