الإحتكار x الإحتكار

[Mr.Hamad]

موضوع قديم أو جديد ما يهم

أهم شي أنه يبط الجبد

السؤال المطروح

ليش الإحتكار في كل شي مع أن توجه الدولة للديمقراطية والإنفتاح الثقافي والعلمي ??

كل شي صار فيه إحتكار

إحتكار في وكالات السيارات
أسعار مبالغ فيها بالمقارنة مع دول الخليج مادري لا يكون السيارات الي في الدوحة على توايرها نقش الحنا
حتى لو تشتري سيارة من برا الدوحة حطو عليك قوانين من ضمنها ما فيه ضمان
ليش لا يكون شاري سيكل

إحتكار في فتح صالات للزواج
ليش ما تنفتح صالات جديدة لمساعدة الشباب والبنات على الزواج بإسعار مناسبة مثل ما هو حاصل في السعودية والكويت والبحرين حتى لو تروح جزر الواق واق بتلقى فيه تراخيص لفتح صالات
ما اشبعوا أصحاب الصالات من الفلوس بس عاد خلاص

إحتكار في الوظائف
يعني الأولية بدل ما تكون للقطري تكون للأجنبي بو عيون كحيلة بو عيون زرق ولا خضر
البدلات والترفيعات والسفرات للأجنبي حتى حفاظات أعيالهم على حساب الدولة
أما القطري أنسى يشوف هالأشياء
دايم فيه مقولة تقال دائماً "الأجنبي مسكين" و "القطري شيخ" !!!

مادري يمكن فيه أشياء محتكرة وأنا مادري
مابقى إلا القطري يحتكرونه بعد

سؤال يقرقع في قلبي "متى نفتك من الإحتكار؟"

[فلتة زمانها]

:telephone:

[Noora.]

مايرفع الضغط الا الأجانب اقوول مافيه الا الشكوى لله

كل شي يلاقونه هنا ماعمرهم تمنوه في بلادهم تلاقيهم لازقين في قطر لزقه ومايبون يطلعون الا لين يشفطون كل الفرص الذهبيه الي تجيهم =)

حسبي الله على الي كان السبب

[الخير كله]

محطات البترول
المطابع
محلات الصرافه
البنوك
الصناعات اثقيله
ياليت عالاحتكار كان هانت ..... قامو ينافسونكم بمشاريعكم
خلكم على بيع الهريس بسوق واقف تراه خوش مشروع
وسلم لي على الرقاق:)

[رهج السنابك]

؛

احتكار في المواصلات " الأجرة " لكروة وعيونها التركوازية

؛

احتكار في خطوط الطيران لعيون الباكر العسلية

؛

احتكار في المشاريع الصغيرة دكاكين وصوالين وغيره لعيون اصحاب العمارات التجارية

؛

احتكار في خدمات الانترنت لعيون كيوتل السماوية

؛

الديرة نتفه وكل شي فيها محتكر ورجاءا لا احد يستخدم كلمة ديموقراطية !! لان هالكلمة كبيرة على العرب ومن قال اصلا ان قطر فيها ديموقراطية؟ لو فيها ديموقراطية اتحدا تطلع في تلفزيون او جريدة وتشتكي من الاحتكار اللي الدولة تسويه بالتعاون مع مؤسساتها لمصلحة اصحاب الكروش الضخمه!

[فارس بلا جواد]

للحين يبيعون خبيص في سوق واقف ؟

انا خاطري فيه من زمان !!

[قطرية فذة]

الهوامير وايد

[moonبنتnight]

الله يعين الجميع 00
هذه آفه لي تاكل راتب الموظف 00 والمشكلة حتى رسوم ومخلفات المبالغ فيها 00 وفواتير جوال 00 حتى لو ما تتكلم فيه فاتورة تجي مبالغ تستغرب تلاعب ولاحسب ولا رقيب 00 فوائد البنوك 00 يقولن شعب قطري ما يقرأ قبل ما يوقع على قرض 00 ويوم نقولهم شدعوهه ما أحد يوقع عمياني ونعرف لي فايدة جاءات جدولة القروض يوم الازمة المالية محد أخذ حق ناس وهذا أحتكار بنوك 00 تسلم على طرح 00

[AMAAHF]

رئيس مجلس الوزراء ناوي "يقلّل" من الاحتكار كما صرّح في
آخر مؤتمر اقتصادي..

ننتظر الفرج، الله مكثّر التجّار اللي يقدرون يفتحون وكالات سيارات
وصالات افراح، لكن التراخيص لهالنوع من المشاريع اصبحت حكر
على فئه معينه من الهوامير! إذا نشف بحر الهامور، ماله أمل يعيش :nice:

[FAUCHON]

الاحتكار يعم جميع الدول

كل دوله لها سياستها

[Mr.Hamad]

الاحتكار يعم جميع الدول

كل دوله لها سياستها



أيه ما هو واضح

يمكن أمريكا بعد فيها إحتكار !!!

[Mr.Hamad]

محطات البترول
المطابع
محلات الصرافه
البنوك
الصناعات اثقيله
ياليت عالاحتكار كان هانت ..... قامو ينافسونكم بمشاريعكم
خلكم على بيع الهريس بسوق واقف تراه خوش مشروع
وسلم لي على الرقاق:)

مشروع حلوووو ينفع يبيله الواحد يحتكر الهريس ومشتقاته :nice:

[هام السحاب]

محطات البترول
المطابع
محلات الصرافه
البنوك
الصناعات اثقيله
ياليت عالاحتكار كان هانت ..... قامو ينافسونكم بمشاريعكم
خلكم على بيع الهريس بسوق واقف تراه خوش مشروع
وسلم لي على الرقاق:)

محلات سوق واقف محتكرينها ولا للكل !!

[Mr.Hamad]

؛

احتكار في المواصلات " الأجرة " لكروة وعيونها التركوازية

؛

احتكار في خطوط الطيران لعيون الباكر العسلية

؛

احتكار في المشاريع الصغيرة دكاكين وصوالين وغيره لعيون اصحاب العمارات التجارية

؛

احتكار في خدمات الانترنت لعيون كيوتل السماوية

؛

الديرة نتفه وكل شي فيها محتكر ورجاءا لا احد يستخدم كلمة ديموقراطية !! لان هالكلمة كبيرة على العرب ومن قال اصلا ان قطر فيها ديموقراطية؟ لو فيها ديموقراطية اتحدا تطلع في تلفزيون او جريدة وتشتكي من الاحتكار اللي الدولة تسويه بالتعاون مع مؤسساتها لمصلحة اصحاب الكروش الضخمه!



ما شاء الله طلعتي شاعرة :victory:

إلهام الشعر شكله يالج من القهر من الاحتكار ^_^

[Mr.Hamad]

الهوامير وايد

يبيلهم قراقير

[لطيف الروح]

الإحتكار سياسية قديمة باليه مع تطور الوقت والزمان
خلاص ما عاد فيه شي إسمه إحتكار في هالوقت

[Mr.Hamad]

الإحتكار سياسية قديمة باليه مع تطور الوقت والزمان
خلاص ما عاد فيه شي إسمه إحتكار في هالوقت

شتقول بعد كلن تطور إلا إحنا !!!