هنا نحن محرومون من مشاهدة كاس العالم

[asad100]

في اغلب دول العالم وخصوصا فترة كاس العالم راح تلقى شاشات ضخمة لنقل المباريات في الحدائق العامة ، في المقاهي ، في المطاعم ،على جانب الشوارع .......الخ

يعني تتمشى وانت تشوف كأس العالم
تمارس الجري وانت تشوف كاس العالم
تاكل وانت تشوف كاس العالم
جلسة مع الشباب وانت تشوف كاس العالم
توقف عند الاشاره وطالع المباره
يعني تعيش فعلا عرس كروي مثل مايسمونه

لكن هنا نحن فعلا محرومون مع الناقل الرسمي للبطوله لشرق الاوسط عندنا هنا ، بس الشرق الاوسط قاعد يتفرج من كل مكان واحنا هنا لا. .

خصوصا اذا كنت شاب او عزوبي راح تلقى جميع الاماكن مغلقة في وجهك . . .
"منبوذ ومرفوض ومكروه وعصى السيكيورتي عالطول فوق راسك"

اللهم:
1- يايكون عند كرت الجزيرة في البيت


2-خيمة سوق واقف:
-لازم تجي قبل المبارة بثلاث ساعات على الاقل
-سوء تنظيم
-الناس مكدسة فوق بعض
-فقط للعائلات يسمح لهم بالدخول حتى لو اتوا قبل المبارة بخمس دقائق.


3-او حديقة اسباير

وطبعا ممنوع دخول الرجال والشباب والعزوبية

بس يسمح للعائلات

وبعض المرات ما يكون في نقل لوجود عطل في الشبكة على قولتهم

والله اعلم


بالله عليكم ياشباب من اكثر من يشاهد كاس العالم

النساء ام الرجال
الأطفال ام الرجال

جاوبوني

[فارس بلا جواد]

المشكله ياخو اسد حتى لو قررت تروح سوق واقف مهب سالم من الفتن والي راح تشوفه

من بلاوي وحركات ما انزل الله بها من سلطان

حتى صلاتك بتضيع عليك

احسن حل تحاطط انت والربع واخذو لكم كرت وشوف لكم

ميلس واحد من الربع وشوفو المبارة

ودلة الشاي والقهوه عندكم وان بغيتو عشا

المعصره حذاكم تلفون واحد نص ساعه والعشا عندكم

وشلكم في الزحمه واللغلاغه وعوار الراس

مبارة الارجنتيين واليونان كانت خوش مباره انا شفت شوط واحد بس مع الاخوان
ورحت ارقد والكرت شغال في الميلس

اقرا اليوم في الجريدة الارجنتين فازو 2/0 يستاهلون معاهم ميسي وين ما تبيهم يفوزون

[ابو محمد7]

انا سمعت ان التنس والاسكواش عنهدم نقل او شي جذي وان الدخول ب 20 ريال بس بعد سمعت ان الوضع مختلط ومايشجع مثل ماقال الاخ قبلي فتن

انا ماشفت بعيني سمعت !

[قطر love]

كل مكان عندهم حتى الفنادق حاطين شاشات بس الله يستر من الفساااااااااااااااااااد

[ضوى]

والله وجهة نظري تقول لو يستثمرون المبالغ اللي بيقطونها على عرض المباريات في اصلاح البنية التحتية للبلد افضل الف مرة من عرض المباريات ، لو يسهلون القروض العقارية لابناء البلد افضل ولو يزيدون عدد الجامعات العربية التي لا تطلب توفل او ايلس افضل ، والاحلى والاحلى لو يستثمرون الانسان القطري واليمقم ويعطونه هالفلوس لتنفيذ مشاريع صغيرة براس مال صغير تدر ارباح معقولة في هذه البلد افضل وافضل على الاقل نكون بلد منتج مش مستهلك

[وطن]

في السينما تنعرض اخوي

وبعدين مب كل الناس عاشقين الكوره عشان يشوفونها في كل مكان

[الحجاجي]

والله وجهة نظري تقول لو يستثمرون المبالغ اللي بيقطونها على عرض المباريات في اصلاح البنية التحتية للبلد افضل الف مرة من عرض المباريات ، لو يسهلون القروض العقارية لابناء البلد افضل ولو يزيدون عدد الجامعات العربية التي لا تطلب توفل او ايلس افضل ، والاحلى والاحلى لو يستثمرون الانسان القطري واليمقم ويعطونه هالفلوس لتنفيذ مشاريع صغيرة براس مال صغير تدر ارباح معقولة في هذه البلد افضل وافضل على الاقل نكون بلد منتج مش مستهلك

صح لسانج

ويبقى السؤال

من يسمع ؟

ومن يطبق ؟

[نسايم قطر]

نصيحة الواحد الي مايبغي يشوف الفساد لايقربة لايدخل هالاماكن المشبوهة يروح النوادي ولا المجالس ولا يعور راسة

[شموخ العز]

طيعني نصيحة من محبه في الله خل عنك الكوره ووجع الراس كثر من ذكر سبح الله استغفر الله

وجع راس ووقت فاضي في غير طاعه الله

اجلس مع نفسك وشوف كم عمرك ؟ كم راح وكم باقي صدقني راح تنسأ كاس العالم

وجزاك الله خير وتحملني شوي

[nyzk]

اللي ممعوش مايلزموش

[كاشف الغطاء]

حياك في مجلسي تشرفنا ^_^

[تحداني]

والله وجهة نظري تقول لو يستثمرون المبالغ اللي بيقطونها على عرض المباريات في اصلاح البنية التحتية للبلد افضل الف مرة من عرض المباريات ، لو يسهلون القروض العقارية لابناء البلد افضل ولو يزيدون عدد الجامعات العربية التي لا تطلب توفل او ايلس افضل ، والاحلى والاحلى لو يستثمرون الانسان القطري واليمقم ويعطونه هالفلوس لتنفيذ مشاريع صغيرة براس مال صغير تدر ارباح معقولة في هذه البلد افضل وافضل على الاقل نكون بلد منتج مش مستهلك




عرض المباريات غاليتي لا يكلف كثيرا
لما لا تكون الرغبات والأماني على هذا الشكل
أن نلبي كل الرغبات في آن واحد وما المانع في ذلك ؟؟ :) ..




جملك الله برضى الرحمن

[asad100]

المشكله ياخو اسد حتى لو قررت تروح سوق واقف مهب سالم من الفتن والي راح تشوفه

من بلاوي وحركات ما انزل الله بها من سلطان

حتى صلاتك بتضيع عليك

احسن حل تحاطط انت والربع واخذو لكم كرت وشوف لكم

ميلس واحد من الربع وشوفو المبارة

ودلة الشاي والقهوه عندكم وان بغيتو عشا

المعصره حذاكم تلفون واحد نص ساعه والعشا عندكم

وشلكم في الزحمه واللغلاغه وعوار الراس

مبارة الارجنتيين واليونان كانت خوش مباره انا شفت شوط واحد بس مع الاخوان
ورحت ارقد والكرت شغال في الميلس

اقرا اليوم في الجريدة الارجنتين فازو 2/0 يستاهلون معاهم ميسي وين ما تبيهم يفوزون

لازم انثبر واشوفه في البيت ، ياخي القضية والواحد يبي يغيير
لان الوضع يساعد على التغيير ، وضع ما يتكرر الا كل 4 سنوات

يعني حكرة طوال السنه ما في مكان تروح من الملل ، ولما جت امور تكسر الروتين بعد نقعد في البيت

ياخي محسسني ان الشعب القطري شعب بيوتي ، يا في البيت يا دواره في السيارة

عشان كذا الشعوب الاخرى بدون ذكر اسماء تقول ان الشباب القطري شباب انطوائي منتكس على نفسه!!!!

[asad100]

حياك في مجلسي تشرفنا ^_^


تسلم يالغالي . .


ومجلس عامر دوم

[asad100]

والله وجهة نظري تقول لو يستثمرون المبالغ اللي بيقطونها على عرض المباريات في اصلاح البنية التحتية للبلد افضل الف مرة من عرض المباريات ، لو يسهلون القروض العقارية لابناء البلد افضل ولو يزيدون عدد الجامعات العربية التي لا تطلب توفل او ايلس افضل ، والاحلى والاحلى لو يستثمرون الانسان القطري واليمقم ويعطونه هالفلوس لتنفيذ مشاريع صغيرة براس مال صغير تدر ارباح معقولة في هذه البلد افضل وافضل على الاقل نكون بلد منتج مش مستهلك

تشعرني وكأن البلد نايمه وما قاعدين يستثمرون المليارات في تنمية البلد في مختلف القطاعات
ما لقيت الا هالطريقة علشان تقدم مطالبك ، يايعروضون المباريات أو يحذون التوفل

[asad100]

طيعني نصيحة من محبه في الله خل عنك الكوره ووجع الراس كثر من ذكر سبح الله استغفر الله

وجع راس ووقت فاضي في غير طاعه الله

اجلس مع نفسك وشوف كم عمرك ؟ كم راح وكم باقي صدقني راح تنسأ كاس العالم

وجزاك الله خير وتحملني شوي


اشاهد الكورة ، واستغفر الله ، واصلي ، وازكي ، وانام ، واكل مالذ وطاب، وامارس الرياضة واخرج للسياحة واخرج للعبادة واعمل للاخرة ولا انسى نصيبي من الدنيا

جزاك الله خير

[M!$s ĀŁ!eN]

في خيمه في فندق ازدن تنقل الكاس العالم
الشخص 50 ريال ..


تروح عند واحد اسمه فادي ..
لبناني ماااششاء الله عليه ذووووق ..

اذا تبي عندي كرت بس عليك اتحط فيه الاشتراك .. كاس العااالم ..
بس بعد كاااس العاالم اترد لي .. << لاني حقها وهديه بعد ..
تبي ولا اسحب العرض

[Doha Sun]

في الستي مكان مخصص لمشاهدة كاس العالم ( في البراحة ) صوب ستار باكس و51 e

[بروق QTR]

الله يعينا على طاعته وقضاء الاوقات فيما يرضيه...