بخصوص فيزة امريكا

[Bond 007]

السلام عليكم بغيت اعرف اشلون اقدر اطلع لي فيزا لأمريكا انا سمعت ان اجراءاتهم صعبة شوي
واذا في حد يعرف مندوب ولا شي لا يبخل علينا


وشكراً .

[ماسة قطر]

السلام عليكم بغيت اعرف اشلون اقدر اطلع لي فيزا لأمريكا انا سمعت ان اجراءاتهم صعبة شوي
واذا في حد يعرف مندوب ولا شي لا يبخل علينا


وشكراً .


هلا أخوي

بخصوص أصدار الفيزا الأمريكية أخوي سهل جدا وأهم شي أنك تاخذ كشف حساب من البنك لمدة 6 شهور وبعدها تدفع الرسوم عن طريق البنك التجاري بعد تعبئة الطلبات في موقع السفارة على النت وبعد الدفع تاخذ موعد ولازم انت تروح للمقابلة والبصمات وتقديم الطلب

ولا تنسى أخوي الصور مع الخلفية البيضاء وتكون بدون غترة وتقريبا بس ولو في أي شي أكيد الأعضاء مش أمقصرين

تحياتي

[Bond 007]

ماسة قطر

تسلم اخوي ماقصرت

[البدع]

اشهد ان الي قالك انها صعبة ..... صدق

طلعوا عيوني عشان اطلع فيزا

اذا انت مب خبير في الانجليزي او الكمبويتر فلا تتعب روحك ودور لك احد يسويه لك

طلباتهم غريبة

اعبي الطلب على الانترنت .... عقب يفصل (لازم تعبي في الوقت)

لازم ترفع الصورة الكترونيا (فشلت ووديتها السفارة)

اسالتهم كثيرررررررررررررررررررررة

كثيرة

كثيرة (جلست 30 دقيقة اجاوب عليها)

وبعد الطلب لازم تسوي مقابلة (والمقابلة زحمة ... بسبب الصيف)

وتدفع للتجاري مبلغ 500 ريال

وتاخذ كشف حساب

وتروح السفارة (اقل شيء ساعتين)

واذا انت قطري فاسالتهم سهالات

بس خلق واثق وقولهم وين رايح بالضبط

ولاتجيب طاري السعودية قدامهم ... عشان لاتتوهق مثل واحد من الربع

واذا عندك سؤال فراجعني الخاص لاني ما ادخل هنا

وطريق السلامة

[clouds]

انا عندي فيزا امريكا اسهل منها مافي والفيزا مدتها 10 سنين
كل شي عن طريق النت وبعدني يحددون موعد المقابله مثل الشنغن تروح السفاره وعاادي ساالتهم عاديه ودمهم خفيف بالعكس انا رحتا لسفاره الفرنسيه لوووعه اما الامريكيه كبيره والانتظار مكان كبير ومنظم احسن من الاوربيين..والاسئله بتكون عن سبب سفرك لامريكا وبس ثاني يوم فيزتك جاهزه

[@فهد@]

اشهد ان الي قالك انها صعبة ..... صدق

طلعوا عيوني عشان اطلع فيزا

اذا انت مب خبير في الانجليزي او الكمبويتر فلا تتعب روحك ودور لك احد يسويه لك

طلباتهم غريبة

اعبي الطلب على الانترنت .... عقب يفصل (لازم تعبي في الوقت)

لازم ترفع الصورة الكترونيا (فشلت ووديتها السفارة)

اسالتهم كثيرررررررررررررررررررررة

كثيرة

كثيرة (جلست 30 دقيقة اجاوب عليها)

وبعد الطلب لازم تسوي مقابلة (والمقابلة زحمة ... بسبب الصيف)

وتدفع للتجاري مبلغ 500 ريال

وتاخذ كشف حساب

وتروح السفارة (اقل شيء ساعتين)

واذا انت قطري فاسالتهم سهالات

بس خلق واثق وقولهم وين رايح بالضبط

ولاتجيب طاري السعودية قدامهم ... عشان لاتتوهق مثل واحد من الربع

واذا عندك سؤال فراجعني الخاص لاني ما ادخل هنا

وطريق السلامة

كان بامكانك تحفظ الطلب علي الكمبيوتر عندك عشان ماتعيد تعبي الطلب من جديد

بس وش كانت اسئلتهم لك ؟؟

وش سبب مشكلة طاري السعوديه .. اكثر القطريين يسافر السعوديه بالشهر اقل شي مره .. ويمكن كل اسبوع ..

كم يوم لين خذيت الفيزا بعد المقابله ..

ويعطيكم العافيه

[clouds]

شدخل السعوديه؟؟اصلا مايسالون الا عن سبب السفر وبس والمقابله اقل من 5 دقايق...
والفيزا تطلع ثاني يوم العصر

[البدع]

هلا اخوي

كنت جالس اعبي الطلب

(ومشكلة الطلب) اذا قلت نعم .. طلع لك 20 سؤال غيره

فتقول لا وريح بالك

ويوم وصلت للنهاية قال الوقت خلص ... وعبيت مرة ثانية

والمشكلة الاثنية عندك رفع الصورة .. ودوم ماتضبط

والمشكلة اذا جوزاك عليك ختم السعودية يعطونك فيزا سنة وحده

والمقابلة تكون في دقائق ... بس الحين صيف وطابوووووووووووور ... كلهم يدورون لجوء

[الحجاجي]

السلام عليكم اخوي
الطريقة سهلة في حالـة اذا لغتك الأنجليزية اوكيه وتعرف للنت شوي ..

وهي كالتالي :-
تدخل موقع السفارة الامريكيه قسم الفيزا وتقرا الكلام المطلوب
http://qatar.usembassy.gov/niv.html

فيه فورمـه على الانترنت لازم تعبيها بالبيانات الصحيحة
وتلتزم في هالبيانات بعدها تضغط موافق عليها

https://ceac.state.gov/genniv/

وراح تنطبع لك الفورمـة ويكون فيه لك رقم خاص بالطلب
تستفيد منه عقب في تحديد وقت المقابلة من خلال الموقع

بعدها تروح تتصور بشكل خاص
وهم محددين أماكن التصوير
في اللاند مارك تروح تقوله صورة فيزا
وهو يضبط كل شي

بعدها تروح تدفع رسوم الفيزا
في البنك التجاري تقول لهم رسوم الفيزا لامريكا
يعطونك وصل ضروري تخليه معاك ( يطلبونه منك)

لما تخلص هالخطوات
تلصق صورتك في الطلب اللي انطبع قبل

وترجع على الانترنت وتدخل قسم الفيزا
وتروح على تحديد المقابلـة
https://evisaforms.state.gov/default.asp?postcode=DOH&appcode=3

تدخل رقم الطلب
وتدخل رقم الوصل حق دفع المبلغ ( اللي من البنك )

وراح يجيك جدول بالايام والاوقات اللي متاح فيها المقابلة
تختار اليوم والوقت اللي يناسبك
وتضغط عليه وبعدها راح تجيك صفحة
لازم تطبعها فيها معلومات موعدك مع السفارة

/

يوم الموعد تكون هناك بدري
راح يستلمون اوراقك في الشباك هناك
ويرتبونها لك ( ويتاكدون اذا كامله ولا لا )
اللي هي كالتالي :-
جوازك وصور منه .
فورمة الطلب .
الوصل حق البنك .
وخل معاك اشياء ثانية مثل
صور شخصية ، كشف حساب عادي ( اثبات ان عندك راتب شهري ) ، آخر شهادة لك ، كتاب من جهة عملك

وعلى فكرة الاشياء هذي الاخيرة ما يطلبونها من كل شخص ( عني شخصياً ما طلبوها نهائياً مع اني كنت مجهزها ) ..

/
بيفتشونك وبتدخل صالة الأنتظار ولما يجي رقمك
بتروح داخل ..
وبعدها تدخل تاخذ رقم ثاني ..
وتنتظر الموظف يشيك على اوراقك ويدخلها في النظام عنده
بعدها بيقولك خلاص انتظر اللي بيقابلك بنفس الرقم
تنتظر وتروح عنده بكل ثقة
راح يسئلك اسئلة عشوائية على حسب ما يشوف اوراقك
وغالباً ما تكون عن سبب زيارتك لامريكا

يدققون على البلدان اللي انت زرتها ولازم تكون صادق ودقيق فيها .
سألني ليش زرت السعودية وكم جلست ؟ وسألني كم مرة رحت مصر ؟ وكم قعدت ؟
/


وبعدها راح ياخذ اوراقك
ويعطيك وصل فيه رقم لطلبك على الانترنت ..

تدخل بعد 3 ايام تشيك على حالة طلبك في صفحة الفيزا في النت
http://qatar.usembassy.gov/visas/visa-status.html

هل وافقو عليه
بتحصل رقم طلبك
معناتها امورك سهالات ...
وافقو عليك

/

تروح هناك الشباك تسلم لهم جوازك
وتجي اليوم الثاني تستلمه ..

ومبروك عليك الفيزا ..

هذا اللي صار معاي ..
لا مكتب .. ولا شيء ..

والمقابلة سهلة .. اهم شيء انك تكون جريء
حتى لو ما عرفت تتكلم انجليزي ..

المهم انه يحس اللي يقابلك انك تقدر تتكلم وتتفاهم وتتخاطب وتقدر تعتمد على نفسك
ومب رايح هناك تورطهم وتسوي لهم مشاكل سواء بسكوتك ولا باشياء ثانية ..

وسلامتك
وبالتوفيق