سؤال إلى الداخلية؟؟!!!!!!!!

[كيفـي]

السّلام عليكم ورحمة الله وبركاته

ماعرف اللف وأدور.. بدخل بالموضوع او السؤال على طول..

أنا عندي شغالات 2 أشردوا مع بعض.. من تاريخ 1 أبريل..
حسبي الله عليهم ونعم الوكيل..

وسؤالي:

عرفت مكان تجمعهم.. وهل بإمكاني امسكهم وأنادي الشرطة؟؟
وإلا لا؟؟

لأن البعض يقول: مب من حقج توقفين أي حد حتى لو كان سارقج؟
وهم فعلاً سارقيني..!!

هل معقولة أمر من جنبهم وقلبي يحترق وانطم..:secret:
بنفجر من القهر إذا كان صج.. ما أقدر أبلغ عنهم..:anger1:


ياليت حد يفيدني.. وشكراً لكم..:(

[كازانوفا]

اذا تحت كفالتك اكيد يحق لك ونص
والله على بلاوي هالخدم اعوذ بالله منهم ومن شرهم

ربي يكون بعونك وان شالله الاعضاء بيساعدونك

[شبح الصمت]

اختي انتي تقولين شاردين !!

اشلون ما يزخونهم الشرطة


بلغي عليهم الله يهداج

اش ناطره

[SULTAN1]

الافضل التبلغ عن اماكن تواجدهم ، اصبح الموضوع بعد تبليغك عن هروبهم مسئوليه الجهات الامنيه وليست مسئوليتك .

[وطن]

تبلغين عن مكان تواجدهم

[كيفـي]

وحدة تعرفهم قالت لي يتجمعون يوم الجمعة عند الكنيسة..!!

وللآسف جايبتها بصفة مسلمة وطلعت مسيحية..!!

وأن شاء الله ببلغ..

[وارث العز]

سوي لهم اول شي بلاغ هروب على شان حتى لو ما توا ما تتحملين مسؤليتهم ( من ناحية رواتب ) بعدين اتبلغين البحث والمتابعة عن مكانهم وذا قدرتي تمسكينهم وتودينهم الابعاد بعد البلاغ احسن بعد .

[qtr.wolf]

السّلام عليكم ورحمة الله وبركاته

ماعرف اللف وأدور.. بدخل بالموضوع او السؤال على طول..

أنا عندي شغالات 2 أشردوا مع بعض.. من تاريخ 1 أبريل..
حسبي الله عليهم ونعم الوكيل..

وسؤالي:

عرفت مكان تجمعهم.. وهل بإمكاني امسكهم وأنادي الشرطة؟؟
وإلا لا؟؟

لأن البعض يقول: مب من حقج توقفين أي حد حتى لو كان سارقج؟
وهم فعلاً سارقيني..!!

هل معقولة أمر من جنبهم وقلبي يحترق وانطم..:secret:
بنفجر من القهر إذا كان صج.. ما أقدر أبلغ عنهم..:anger1:


ياليت حد يفيدني.. وشكراً لكم..:(

روحي الابعاد على ما اعتقد قدمي بلاغ هروب واذا شفتيهم في مكان خليهم يولون لان راح تدفعين تذاكر السفر لهم

يعني على حسابج الخاص مب على حد غيرج
بلغي انهم شاردين و ودي ورقة بلاغ الهروب الاصليه عند الجوازات عشان تستفيدين من فيزا ثانيه بدالهم

[hamoor4ever]

هه خير ان شاء الله اذا سارقينج سوي بلاغ سرقه بس بعد بالنهايه انتي بتخسرين سعر التذاكر الله يعينج

[مـــــنــاف]

فــــي الــبدايـه لابــد مــن تــقديم بــلاغ لــدى إداره الــبحث والـمتابـــعه , وفــي حـالـه مــعرفـه أماكـن تـــواجــدهم يــتم إبـلاغ نــفس الإداره للـقبض عــليـهم وهــذا مــن صــميم أخـــتصاصـهم .

بالــنسبه للـــتذاكــر .. فــي حــاله مــرور أكــثر مــن شـهر مــن تاريـخ تـــقديم الــشكوى وتــم الــقبض عــليهم , فـلا يــتحمل الـكفيل قــيمه الــتذكره أمـا إذا كـانت الــمده أقــل مــن شــهر فــيلتزم الــكفيـل بـدفع قــيمه الــتذكـره .

[الصاعق الحارق]

المشكله حتى لو صادوهم بيدفعونك قيمه تذاكرهم
يعني بتسفرينهم على حسابك
احس القانون ضد المواطن