محلات التواير في الحــســا

[مسباح عاج]

السلام عليكم ،،

بغيت استفسر منكم عن محلات التواير في الـحـســا ؟؟

وين مكانها في اي شارع بالضبط ؟

وهل اسعار التواير هناك اقل من اسعار الدوحة ؟

مع العلم اني ادور تواير من مقاس 17/265/70 نوعها ميشلان أو دانلوب أو جنرال
لسيارة جمس ، وهل تواريخ الانتاج جديدة ؟

لكم جزيل الشكر ،،

[fahadvx97]

مساك الله بالخير اخوي

صراحه ما عندي فكرة عن التواير بالحسا لكني انصحك ما تركب خارج قطر حتى وان كان ارخص وما اتوقع ان الفرق اكثر من 30 الى 40 ريال بالتاير الواحد وما تسوى عليك ضربت الخط
والسبب الثاني انه حتى ولو تأكدت ان التاريخ جديد فبعض الناس تخزن التواير بشكل خاطئ معرضة للشمس وهالشيئ يقلل من عمر التاير وبالدوحه لو ركبته وطلع فيه اي عيب خلال اسبوعين او شهر تقدر ترجعه ويركب لك جديد بداله لانه مضمون من الوكيل اما بالحسا لازم تسافر وسالفه علشان تغيره والله اعلم يغيرونه لك والا لا

هذي نصيحة من اخوك وفي شيئين الواحد ما يتساهل وياهم بالسياره وهم التواير والسفايف لانه عشان فرق 100 والا 200 ريال يمكن تسوي حادث لا سمح الله والا تتلعوز

ولك مني الشكر

اخوك فهد

[KhalidQ]

المشكله السعوديه التقليد

السعر حلو و خرتها تقليد

[البجادي]

والله مع احترامي لاراء الشباب انا ماعمري غيرت في غير السعوديه مع ضمان سنه وتاريخ

الانتاج جديد بعد اما سالفة التقليد لقيتها بالشارجه اقول الشيخ غير وتوكل على الله الفرق وايد احسن

من الدوحه والضمان حتى بالخليج بالنسبه للماركات المعروفه ميشلان برجستون جوديير الخ

[لـبـيـه]

سآلت عندهم والفرق لايتعدا 50 ريال للتاير الواحد وفوق هذا يمكن يكون مخزن بطريقه خاطئه بالشمس او تاريخ الانتاج قديم

مايسوا عليك وبتطلع عليك اكثر من سعر السوق
خلك على الدوحه ابرك لك

[القلم الصريح]

انا اخذت توايري من الحسا فالدوحه تاير الواحد 700 ريال للند كروزر وفي الحسا 550 ريال سعودي وبضمان

[قطـــر 386]

السلام عليكم

اخوي انصحك تركب في الحسا بس على شرط شيك على تاريخ التواير
لاني ركبت تواير ميجر 18 للكزس وكان السعر 770 ريال
والتواير اليوكن الاصليه 17 ( جنرال) حصلتهم على 540 ريال
مع ضمان

[ahmed jasim]

انا اخذت توايري من الحسا فالدوحه تاير الواحد 700 ريال للند كروزر وفي الحسا 550 ريال سعودي وبضمان

فى الدوحة
الدنلوب عند الوكيل (الدرويش) عتد جسر مدماك ب 650 ريال (ضمان أعتقد سنة)
و مقابل الدرويش (قبل ماكدونالد) ب 600 ريال (ضمان 6 أشهر)

[بوجاسم566]

أخووي في شارع ما اذكر اسمـة صوب القيصريه

يعني خل القيصرية على يدك اليمين

بعد الاشارة سيدة بتلقى شارع كامل

قطع غيار سيارات واكسسوارت ورنقات

وانا ركبت تويو حق لاند كروزر ابـ 550 ريال

واستعملتها 5 سنين وتوني مبدلهم

تحياتي لك

[al-vtc]

بالتوفيق يالغالي

[أبو طلحه]

طيب كم الفرق لاني بمر الحسا انا بعد اذا رخيص بآخذ من هناك

[RaaaaKaN]

اخوي اذا اانت بتعنى للحسا عشان كفرات ماانصحك السالفه ماتحمل
لكن اذا على قولتهم حج وحاجه لا والله السعر انزل بشي بسيط
والوصف بعطيك ايه لاني مركب عندهم بشارع الملكي عند محل لوحته كبيره
اسمها بريجستون في واحد يماني محترم اسمه خالد وشيك ع التاريخ كم اسبوع

[باشا البدو]

كل اللي تبيه لسيارتك في الحسا في الشارع الملكي على امتداد القيصيريه

والاسعار نفس الاسعار ويمكن أغلى

[مستثمر 999]

انا توني شاري 4 تواير نفس المقاس من الدوحه على 425 للتاير

يعني 1700 للاربع

مع ضمان سنه وهديه

المحل اسمه امالكو - طريق سلوى - قبل محطة بترول عزيز

[الواصـل]

انا اخذت توايري من الحسا فالدوحه تاير الواحد 700 ريال للند كروزر وفي الحسا 550 ريال سعودي وبضمان

انا مع اخوي القلم الصريح .. في كلامه .. وضمان وتاريخ التواير جديد .. :nice:


أخووي في شارع ما اذكر اسمـة صوب القيصريه

يعني خل القيصرية على يدك اليمين

بعد الاشارة سيدة بتلقى شارع كامل

قطع غيار سيارات واكسسوارت ورنقات

وانا ركبت تويو حق لاند كروزر ابـ 550 ريال

واستعملتها 5 سنين وتوني مبدلهم

تحياتي لك

:eek5: لاتعليق ..

[الماليه]

اخوي مسباح عاج توكل على الله وروح الحسا وهاذا الشي عن تجربه الحسا ارخص بكثير بس السعر من تاير وتاير يختلف يعني تاير 100 ريال وتاير 50 ريال توصل في بعض الاحيان الي النص مثل تاير البليزر ماركت دونلوب نفس اللي راكب على الموتر من الوكاله في الدوحه 800 ريال للتاير وفي الحسا 450 نفس التاير
في شي ثاني اخوي انا درت الدوحه كلها ماحصلت تاير a+ a+ كلهم a+ -b وهاذي الرموز تعني درجه الحراره اللي يستحملها التاير وللاسف هاذي من اسباب انصلاخ التاير
فتوكل على الله والقلب داعيلك اخوي

[رياني qtr]

الشارقة ارخص بوايد اهم شي تتاكد بانه مب تقليد ويكون اصلي وعن تجربة اخذت من هناك تواير للرنج في الدوحة التاير على 1700 ريال ومن هناك ب 900 ريال :nice:

[الوهاااااج]

اخوي روح للاحساء شارع الملك سعود وانت داخل الاحساء تجيك اشاره السجن المركزي روح يمين تجيك اشاره كمل سيده وبتجيك القيصريه على اليمين كمل وتجيك اشارة الكترونيات كمل وتجيك محلات الزينه والبناشر على اليمين واليسار وتوكل على الله والله يستر عليك

[بوجاسم566]

:eek5: لاتعليق ..

:nice: ادري 5 سنين وايد

بس خبرك الموتر مايمشي وايد

يعني كل اسبوعين اطلع في مره او مرتين بالكثير :shy:


اخوي روح للاحساء شارع الملك سعود وانت داخل الاحساء تجيك اشاره السجن المركزي روح يمين تجيك اشاره كمل سيده وبتجيك القيصريه على اليمين كمل وتجيك اشارة الكترونيات كمل وتجيك محلات الزينه والبناشر على اليمين واليسار وتوكل على الله والله يستر عليك

هذا الشارع الى اقصدة جزاك الله خيــر وبيض الله وجهك

اخووي الوهاج ع التوضيـح