طريق بوسمرة .. وعلامة تعجب ..!

[انتر ميلان]

السلام عليكم ورحمه الله وبركاته

بدخل في الموضوع على طول ..
انا صارلي فترة واسافر مع الشباب طريق بر .. واحسن شي في سفر الشباب انهم شايلين نفسهم :nice: ..

بس الاسبوع اللي طاف سافرت مع الاهل ومعانا اليهال .. وتعرفون اليهال عند كل محطة بترول يبون يوقفون ( سوبرماركت أو حمام الله يعزكم )

في السعودية الله مكثر المحطات على الخطوط الخارجية كل كم كيلو نحصل محطة ونوقف والامارات بعد نفس الشي ومحطات على مستوى راقي وعالي من الخدمة

بس الغريب في الموضوع ان من دخلنا قطر وبالتحديد من عقب جمارك بوسمرة مافي ولا محطة بترول .... باستثناء محطة الرمزاني اللي أكل عليها الدهر والحمامات الله يعزكم لاتصلح للاستعمال البشري ..

وانا على الخط مااشوف أي مشروع لبناء محطة بترول :omen2:

السؤال اللي يطرح نفسه : هل في خطة لبناء محطات بترول على خط بوسمرة ؟

[البدع]

اشهد ان موضوعك حلو

وهذا الكلام يجي على بالي كل ما اسافر السعودية

[الألماسي]

السؤال اللي يطرح نفسه : هل في خطة لبناء محطات بترول على خط بوسمرة ؟


اي اخوي " محطات وقود " في طور البناء حالياً و لوّ مركز كان لاحظت هـ الشئ . .

:)

[كلاسيك قطر]

يالغالي انا تذكرت عنوانك وانا تذكر اني تكلمت في الموضوع من قبل

بس مافي رد من محطات وقود شوف الموضوع

ورد علي

http://www.qatarshares.com/vb/showthread.php?t=319280

[cobra]

اي اخوي " محطات وقود " في طور البناء حالياً و لوّ مركز كان لاحظت هـ الشئ . .

:)

:nice:

[بوخالد911]

خط بوسمرة يبلغ 95 كيلوو
المفرووض يحطون على الأقل 3 محطات
تتوافر فيها كافة الخدمات

[شبح الصمت]

تصدق محطة الرمزاني خلاص احس كل ما اروحها اخاف انه السقف يحول على الموتر من قوة الهواء

ما نبي استراحات ولا شيء نبي بس محطات وقود مرتبه ومنظر وواجه عالاقل من بعد بونخله بخمسين كيلو وتكون موفرين فيها كل شيء من مسجد وحمامات الله يعزكم

الله يرحم والديك على الموضوع المميز

[نسايم قطر]

هناك خطة خمسية لشركة وقود ومن ضمنها المحطات الخارجية كطريق سلوى والشمال وسوف تنفذ بعد اكتمال المحطات الداخلية وسط العاصمة

[AL_MUTAEM]

بصراحه من اول ما تدخل قطر مافيه ولا محطه عاليمين بتشوف الرمزاني اللي كل يوم اقول بكرا بتطيح لان مافيها اي اعمال صيانه وحتى مافيها اي خدمات مثل مطعم بنشري ولا دورات مياه نظيفه وبعدها محطه بونخله بس عاليمين ماتحصل اللا محطة بترول الجزيره وتبعد عن مركز بوسمره تقريبا 100كم

وحتى لو فيه محطات يعني بتتوقعون انها نفس المحطات اللي نشوفها برا يعني محطات السعوديه فيها كل شي فندق .. مطعم .. حلاق .. مغلسة ملابس .. بنشري .. سوبرماركت كبير .. تسجيلات .. كوفي .. محل العاب اطفال وحنا مافيه اللا مضختين بترول ونقول الحمدلله

[al-vtc]

انا سمعت ان وقود في طور انشاء محطات لمحطات وقود المعروفه بكامل المرفقات

بس ماشفت شي لى اللحين

[سهم طايش]

محطة الرمزاني من ايام افلام كلينت استوود الكابوي

[ثاني]

ابشركم اخبر لما سافرت قبل شهر كانت هناك محطة على قيد الانشاء وهي محطة وقود
طبعا تصميمها يوحي انها بتكون اكبر محطة وقود في قطر
ناسي وين مكانها قبل الرمزاني او بعدة

لكن مبين من شكلها انها اكبر محطة وقود في قطر
واتمنى ان يتم انشاء محطة وقود اخرى وانت داخل ابوسمرة ....

[ممنوع اللمس]

محطة وقود قريبه من مركز مكينس في طور الانشاء ويوميا يجون العمال يعني مستمرين فالشغل ومب متوقفين وان شاء الله قريب بتخلص

[السد]

بامكانك اخوي الدخول الى موقع الشركة وارسال ملاحظاتك على هذا الرابط
تقبل تحياتي
http://www.woqod.com.qa/net/eng/others/yourfeedback

[أم قطرية]

فعلا محتاجين محطات وتكون وقود فقط

وقود بتكون نظيفة وتناسب هالجو المتقلب

نفس ادنوك في الامارات

[باراكودا]

تقصير واضح من شركة وقود بعد هذي السنين الطويلة تبني لنا محطات مثل القوطي
وأكبر دليل محطة بترول نادي الغرافة أتمنى من أدارة وقود ان تتدارك الاخطاء وتبني
محطات واسعة تستوعب العدد المتزايد من المركبات .

[صوت الضمير]

تقصير واضح من شركة وقود بعد هذي السنين الطويلة تبني لنا محطات مثل القوطي
وأكبر دليل محطة بترول نادي الغرافة أتمنى من أدارة وقود ان تتدارك الاخطاء وتبني
محطات واسعة تستوعب العدد المتزايد من المركبات .

والله انك صادق

[بو الطيب]

اتمنى من وقود فتح محطتين على خط بوسمره

ومحطتين على خط الشمال

ومحطه على خط دخان

ومحطه على خط الزباره الغويريه الساحلي وطيب الله فالهم

[مرحوم قطر]

يارجال صل على نبيك كلها 90 كيلو

و اسمحولي انا اختلف مع اغلبكم في الراي

صحيح ما في الى الرمزاني وهي تعبانه انا معاك

بس تصلح للاستعمال الادمي و بشكل كبير مسجدها زين

و من الرمزاني لين محطة بونخله اقل من 70 كيلوا يعني ربع ساعه

الامور سهالات و الحياه حلوه و ماعلينا شر


من وجهة نظري الامور طيبه على الخط و الخط مافي احسن منه


بس في نقطة نظام

صحيح مافي الا بونخله و الرمزاني و الجمارك

بس على الاقل تكرمون حمامات تندخل

اما السعوديه اعوووووووووووووووووووووذ بالله


والله يا شباب اني دخلت حمام و ندمت اني دخلته


النظافه معدووووووووووووووووووووووووووووووووووووووووووومه نهائياً


و بيني و بينك القليل الطيب ولا الكثير السيئ


تحياتي و هذي وجهة نظري ارجوا تقبلها

[بوحارب]

اي اخوي " محطات وقود " في طور البناء حالياً و لوّ مركز كان لاحظت هـ الشئ . .

:)

:nice:

[ثاني]

اتمنى من وقود فتح محطتين على خط بوسمره

ومحطتين على خط الشمال

ومحطه على خط دخان

ومحطه على خط الزباره الغويريه الساحلي وطيب الله فالهم

ابشرك وانت طالع من دخان بتجيك محطة وقود على يمينك

وانت رايح دخان عند جسر الشحانية مقابل محطة بترول الشحانية
قاعدين يسوون محطة وقود واعتقد للحين على قيد الأنشاء