مكتب شكاوي المخالفات في ادارة المرور

[سهم متردد]

بسم الله الرحمن الرحيم
انشأت ادارة المرور مكتب شكاوي المخالفات في حال وجود اي شكوي او تظلم على مخالفاتك
وجهد يشكرون عليه
ولكن عندي كمن استفسار يريت لو احصل لهم رد
1- الساعه 10 صباحا الارقام خلصت ومافي مراجعه تعال بكره (ليش الدوام يخلص عنكم 10)
2- اذا عندك استفسار عن اي مخالفه عطاك اياها (الخويا) راجهم (بالعربي اغسل ايدك )
3 - وهي الطامه الكبري المسؤليين هناك هم 2 واحد ينحط عل الجرح يبرى والثاني يكلمك بدون نفس ويحاسبك كانك قاتل شخص والي راجعوا هناك يعرفونه عز المعرفه


(في النهاية)
ادفع مخالفاتك وانت ساكتت

[Qatarianes]

ههههههههههههههه استعلامات دوائر حكوميه شتتوقع
سكر المكتب وحط رقمك برا وارقد

[سهم متردد]

ههههههههههههههه استعلامات دوائر حكوميه شتتوقع
سكر المكتب وحط رقمك برا وارقد

ليش ليكون مايعطونهم رواتب

[برزان]

هذا القسم يحتاج قسم آخر لتقي الشكاوي عليه ....

ويا للاسف ثم يا للاسف ....

من خلال تجربتي الشخصية ضيعت يوم كامل من عملي وانا جالس بس اتفرج ...
ايقنت كل اليقين اني ماراح أخلص من موضوعي الناس مثل الطوابير من كل الجاليات
الي واقف عند الباب ولا ساد عليك مشاهد شاشة الرقم اتقول ايشوف مباراة البرازيل
الحالة حاله ...وانا جالس مثل الغريب ماسك رقمي جالس أتلفت بس ...
والناس واقفين عند باب الضابط بالطابور وكلن ايطالع نقشت السيراميك تحت :)
وفجاءة طلع الضابط من مخبئ الذئب قال السستم توقف كلن ايروح ايخلص شغله ويرجع مره ثانيه متى مادري .
يا الله راحت ساعات النقعه و حرقة الاعصاب تقول كنا ننتظر اسامي الناجحين في الريدوا:omen2: .

يوم كامل مهب عارف اوصل للضابط المرموق الي بضغط زر يلغي لك المخالفة او ايخلها دخلت عليه قبل لا ينتهي دوامه بربع ساعه بعد المعاناه .

و الحقيقة المره الي اكتشفتها ........

لا تفاهم ولا تقدير وعدم التميز بين الصادق والكاذب وبين المتعلم والجاهل والمتسلل ... عدوم وجود اجراءات بديلة للاسف يرى الناس كلهم شخص واحد .
والمشكلة والادهى والامر الاوراق الثبوتية في المشكله كلها موجوده وهي ليست دعوى شيل عني مخالفة رادار ولا ياليت لو تخفض لي مبلغ اجمالي المخالفات امر مختلف .
ولاكن ندمت كل الندم اني تحدثت معاه .

واكرر مره اخرى هذا القسم يرى الناس كلهم شخص واحد وللاسف هذا اسلوب بدائي
مسئلة انك تكون غلظ وجاف مع 10 اشخاص من الجاليات لشعورك انك قادر عليهم ومن ثم ياتيك شخص قطري وتمارس فيه هذا الاسلوب هذا محد يرضى به وله العديد من الطرق الي بامكاننا نوصل لحقوقنا فيها باذن الله.

ولاكني من خلال تقييمي لهذا القسم ....

قسم ليس فيه بعد نظر ويحتاج قسم شكوى آخر حتى يرى في موضوع الشكوى المرفوعة على القسم نفسة ... و اعتبره حقيقة النقطة السوداء في ظل تطور وزارة الداخلية .


هذا كلامي بكل صراحه والي تعايشت فيه فهذا المكان .

[الحجاجي]

هذا القسم يحتاج قسم آخر لتقي الشكاوي عليه ....

ويا للاسف ثم يا للاسف ....

من خلال تجربتي الشخصية ضيعت يوم كامل من عملي وانا جالس بس اتفرج ...
ايقنت كل اليقين اني ماراح أخلص من موضوعي الناس مثل الطوابير من كل الجاليات
الي واقف عند الباب ولا ساد عليك مشاهد شاشة الرقم اتقول ايشوف مباراة البرازيل
الحالة حاله ...وانا جالس مثل الغريب ماسك رقمي جالس أتلفت بس ...
والناس واقفين عند باب الضابط بالطابور وكلن ايطالع نقشت السيراميك تحت :)
وفجاءة طلع الضابط من مخبئ الذئب قال السستم توقف كلن ايروح ايخلص شغله ويرجع مره ثانيه متى مادري .
يا الله راحت ساعات النقعه و حرقة الاعصاب تقول كنا ننتظر اسامي الناجحين في الريدوا:omen2: .

يوم كامل مهب عارف اوصل للضابط المرموق الي بضغط زر يلغي لك المخالفة او ايخلها دخلت عليه قبل لا ينتهي دوامه بربع ساعه بعد المعاناه .

و الحقيقة المره الي اكتشفتها ........

لا تفاهم ولا تقدير وعدم التميز بين الصادق والكاذب وبين المتعلم والجاهل والمتسلل ... عدوم وجود اجراءات بديلة للاسف يرى الناس كلهم شخص واحد .
والمشكلة والادهى والامر الاوراق الثبوتية في المشكله كلها موجوده وهي ليست دعوى شيل عني مخالفة رادار ولا ياليت لو تخفض لي مبلغ اجمالي المخالفات امر مختلف .
ولاكن ندمت كل الندم اني تحدثت معاه .

واكرر مره اخرى هذا القسم يرى الناس كلهم شخص واحد وللاسف هذا اسلوب بدائي
مسئلة انك تكون غلظ وجاف مع 10 اشخاص من الجاليات لشعورك انك قادر عليهم ومن ثم ياتيك شخص قطري وتمارس فيه هذا الاسلوب هذا محد يرضى به وله العديد من الطرق الي بامكاننا نوصل لحقوقنا فيها باذن الله.

ولاكني من خلال تقييمي لهذا القسم ....

قسم ليس فيه بعد نظر ويحتاج قسم شكوى آخر حتى يرى في موضوع الشكوى المرفوعة على القسم نفسة ... و اعتبره حقيقة النقطة السوداء في ظل تطور وزارة الداخلية .


هذا كلامي بكل صراحه والي تعايشت فيه فهذا المكان .

بشرك الله بالنور ياخوي .. والله يعوضك ..
دام السالفه هناك تالفـــــــه ..

عيل راحت علي في المخالفة اللي اخذتها والموتر واقف في البيت ..

[Abdullah_89]

هههههههههههه

رحت حق مخالفه

ولما جابوا الشرطي قال نسيت

خخخخخخخخخخخخخخخ

والاخير دفعت المخالفه مالت عليهم ماعندهم سالفه

[ابو محمد7]

اذا رحت ولقيت السالفة جذي بدفع وبفك نفسي مب فاضي اقعد ساعات عندنا شغل

يمكن هذا اسلوب تطفيش او عدم اهتمام بس شكل

وبعدين كل هالزحمة على قولة الشباب هني والله اعلم لاني ماشفت بنفسي معناها ان في اخطاء كثيرة جدا يعني حتى لوفرضنا نص هالاشخص او ثلاث ارباعهم ماعندهم سالفة بس الباقي اصحاب حق !

[برزان]

هذا القسم اعلن عنه في وسائل الاعلان المرئية والمسموعة كابرة بنج في وجه كل شكوى عشان لو تكلمت ايقولك في قسم الشكاوى في ادارة المرور وان شاء الله مهب مقصرين ...
لا ياخي لا تقصر ولا اتطول أعطي كل ذي حق حقة ...

و الشي العجيب ...ان في تحرير كل مخالفة يحط لك نص المادة القانونية الجزائية للمخالفه نفسها الي تحتمل عدة مخالفات بجزاء واحد ... يعني كل او او او او او
والمخالفات مختلفه .

تقوله طيب الحين انا شمخالفتي بضبط دامك حاط عدة احتمالات ايقول المخالفة الي مسجله عليك موجوده هذا نص المادة الي عندك بس ... اذا تبيها بنطلعها ...
وين بتطلعها ؟ بيقولك روح المكتب الي على يسار الاستقبال ...
بللللللللللللللللللللل ماطولك ياليل ....وياليل المعاناه ....:omen2:
انا مابغيت اوصلك الحين اروح مكتب ثاني ...
وهناك عاد موضوع مختلف ... اذا مايصيد ربطا صليبي من الوقفه عند الباب
تلتفت على الكراسي ماتلقى الا العمالة الحلوة ايطالعون قناةا لجزيرة ولو حاطين لهم مباريات كاس العالم كان الحين مافي ارقام .

الله المستعان بس ... هالمكان انا من ادخله احس اني داش مكان قبل عشرين سنة من الخربطة والعشوائية .




الله المستعان بس ...

[jajassim]

لا حول ولا قوة الا بالله العظيم

يرجى كتابة إقتراحاتكم وملاحظاتكم عن هذا المكتب التي تؤدي المطلوب وتريح النفوس ،، وان شاء الله ما يصير خاطركم الا طيب ،،

[BIG-VEGA]

بسم الله الرحمن الرحيم
انشأت ادارة المرور مكتب شكاوي المخالفات في حال وجود اي شكوي او تظلم على مخالفاتك
وجهد يشكرون عليه
ولكن عندي كمن استفسار يريت لو احصل لهم رد
1- الساعه 10 صباحا الارقام خلصت ومافي مراجعه تعال بكره (ليش الدوام يخلص عنكم 10)
2- اذا عندك استفسار عن اي مخالفه عطاك اياها (الخويا) راجهم (بالعربي اغسل ايدك )
3 - وهي الطامه الكبري المسؤليين هناك هم 2 واحد ينحط عل الجرح يبرى والثاني يكلمك بدون نفس ويحاسبك كانك قاتل شخص والي راجعوا هناك يعرفونه عز المعرفه


(في النهاية)
ادفع مخالفاتك وانت ساكتت

هههههههههههههههههههههههههههههههههههههههههههههههههه ههههههههههه

عيل ليش تعبتنا وخليتنا نقراء الموضوع

ههههههههههههههههههههههههههههههههههههههههههه
هههههههههههههههههههههههههههههه

[BigBrother]

السلام عليكم ورحمة الله

قبل عدة ايام ... ذهبت الى "كوفي شوب " مع صديق
وجدت شرطي المرور يحرر المخالفات للمخالفين
سالناه ... اين المواقف الصحيحة ؟؟
اشار الى موقف وحيد وقال هذا فقط الصحيح !!

وقفت في اليوم التالي في هذا الموقف الصحيح !!! فتمت مخالفتي
هل اتوجه بالشكوى؟
ام ادفع بالتي هي احسن ؟

شكرا لصاحب الموضوع

[CH Engineer]

مرات تمر من جنب شرطي وتشوفه يكتب مخالفه عليك اول ماتمر.. وانت لابس حزامك
تنتظر يومين اسبوع اسبوعين وللحين مانزلت
تكتشف انه قاعد يشخبط وماسجل مخالفه عليك

سؤال
يوم انك تمر ويطالعك الشرطي واطالعه ويطالع رقم موترك وعقبها ينزل راسه ويشخبط على الورق؟ ليش هالحركة؟
يعني لازم كل مره ادق ريوس وانزل الدريشه واسئله سجلت مخالفة ولا لأ ؟؟

ولا اسجل التاريخ عشان اكون متاكد اني ماخالفت هالمخالفة؟

يعني اذا بهاليوم سجل علي المخالفة وانا ماشفته ورحت للمرور وشفت علي مخالفه اكيد بتوقع ان الشرطي صادني فيوم ماكنت لابس فيه الحزام!
او حد من هلي او ربعي خذ الموتر ومالبس الحزام؟


ليش التعقيد!!!
مب الافضل مخالفة الحزام والجوال تسلم في نفس الوقت!

ركوب الرصيف وانك ماتقدر تلحق السائق طيب سجل عليه مخالفه انا معاك يالخرجي
بس الحزام والجوال؟
في مخالفة حزام تسجل على الخط السريع او جوال؟
وين العذر ؟

[كاشف الغطاء]

هذا القسم يحتاج قسم آخر لتقي الشكاوي عليه ....

ويا للاسف ثم يا للاسف ....

من خلال تجربتي الشخصية ضيعت يوم كامل من عملي وانا جالس بس اتفرج ...
ايقنت كل اليقين اني ماراح أخلص من موضوعي الناس مثل الطوابير من كل الجاليات
الي واقف عند الباب ولا ساد عليك مشاهد شاشة الرقم اتقول ايشوف مباراة البرازيل
الحالة حاله ...وانا جالس مثل الغريب ماسك رقمي جالس أتلفت بس ...
والناس واقفين عند باب الضابط بالطابور وكلن ايطالع نقشت السيراميك تحت :)
وفجاءة طلع الضابط من مخبئ الذئب قال السستم توقف كلن ايروح ايخلص شغله ويرجع مره ثانيه متى مادري .
يا الله راحت ساعات النقعه و حرقة الاعصاب تقول كنا ننتظر اسامي الناجحين في الريدوا:omen2: .

يوم كامل مهب عارف اوصل للضابط المرموق الي بضغط زر يلغي لك المخالفة او ايخلها دخلت عليه قبل لا ينتهي دوامه بربع ساعه بعد المعاناه .

و الحقيقة المره الي اكتشفتها ........

لا تفاهم ولا تقدير وعدم التميز بين الصادق والكاذب وبين المتعلم والجاهل والمتسلل ... عدوم وجود اجراءات بديلة للاسف يرى الناس كلهم شخص واحد .
والمشكلة والادهى والامر الاوراق الثبوتية في المشكله كلها موجوده وهي ليست دعوى شيل عني مخالفة رادار ولا ياليت لو تخفض لي مبلغ اجمالي المخالفات امر مختلف .
ولاكن ندمت كل الندم اني تحدثت معاه .

واكرر مره اخرى هذا القسم يرى الناس كلهم شخص واحد وللاسف هذا اسلوب بدائي
مسئلة انك تكون غلظ وجاف مع 10 اشخاص من الجاليات لشعورك انك قادر عليهم ومن ثم ياتيك شخص قطري وتمارس فيه هذا الاسلوب هذا محد يرضى به وله العديد من الطرق الي بامكاننا نوصل لحقوقنا فيها باذن الله.

ولاكني من خلال تقييمي لهذا القسم ....

قسم ليس فيه بعد نظر ويحتاج قسم شكوى آخر حتى يرى في موضوع الشكوى المرفوعة على القسم نفسة ... و اعتبره حقيقة النقطة السوداء في ظل تطور وزارة الداخلية .


هذا كلامي بكل صراحه والي تعايشت فيه فهذا المكان .

اتفق معاك اسلوب تعاملهم مع المواطنين غير حضاري وكانهم خدم عندهم

مع ان الظاهر منهم ان بعض الموظفين اجانب اصلا

الله يرحم الزمن الاولي ماكان في اجنبي كفو يرفع صوته على قطري

[" فـارس قـطر "]

في المرور بدون واسطه تتلته
عندك واسطه والله انهم يكونون ولا شي جدامك :)

[وريث الطيب]

لا حول ولا قوة الا بالله العظيم
هم يعرفون يخالفون وحاطين ناس العالم مب قطريين ولا ياخافون الله بس يبي يخلص اوراق المخالفات الي عنده ويروح ادارت امرور عشان الجو حر يبي يفتك
يمكن حزام الا مان شي طيب وفي الاخير يصب في مصلحتنا وسلامتنا طبعا الحافظ هو الله سبحانه وتعالى
بس انا صارتلي قصه انا عودة نفسي اني اطلع من البيت اربط الحزام والتزم بقواعد المرور بحذافيرها
ومريت في يوم عند دوار التلفزيون طالع على دوار المرخيه وشفت 2 من افراد شرطة المرور واحد يقرا ارقام السيارات والثاني يسجل ولاحظته يتابع رقم سيارتي وانا طبعا واثق اني رابط حزام الا مان وملتزم بقواعد المرور وفي ثاني يوم جاتني مخالفه في بنفس التاريخ بس المشكله المخالفه كانت في المعموره وانا المعموره ما جيتهافي ذاك اليوم اتصلت ادارت المرور عشان اكلم الضابط رد علي الي في البداله قالي باعطيك رقم الضابط افلان هو المسئول وهذا رقمه المباشر بس حبيت اقولك لا تعب نفسك لا نه مب راد على التلفون قلت باروح باقابله شخصيا بس خفة اني مالقا وجه اقبال منهم ويطلعني كذاب وشرطي هو الصاج يعني ادفع المخالفه وفي ذمتهم احسن لي
يعني شل حل يا جماعه مالتزمت اتخالف التزمت بعد اتخالف اخر شي فكرت احط ادريول واربطه على الكرسي وقعد ورا عشان افتك من مخالفات المرورهذا اذا فتكيت من مخالفاتهم

[برزان]

لا حول ولا قوة الا بالله العظيم

يرجى كتابة إقتراحاتكم وملاحظاتكم عن هذا المكتب التي تؤدي المطلوب وتريح النفوس ،، وان شاء الله ما يصير خاطركم الا طيب ،،

والله اتمنى يعاد النظر في هذا القسم ...من الصفر ولا يكون تابع لادارة المرور نهائيا بل ايكون
تابع لمكتب سعادة وزير الداخلية و تضع له لوائح قانونية وشروط لقبول الطلبات المقدمة في التظلم على مخالفات ادارة المرور
لان المشاكل الي بعض الناس اتعرض لها وهي عادة لها مبالغ ضخمة صلاحياتها اتعدى ادارة المرور عشان ايذب الحرج عنه ايقولك روح راجع الادارة الفلانية وهي ايضا تابع لوزارة الداخليه وضاع عمرك ياصابر بين الروحه والجيه هذا ايقولك انا مب مسؤول وهذا ايقولك المرور .

الامر الآخر ...

كاونترات خاصه لمراجعة القطريين فقط. في الفترة الصباحية اما في المسا بصرهم....
لان الي انتعرض له في المراجعه ....كلشي معفوس عباس على دباس ....
العامل والسواق والمدير والمراسل و الدرويل والشريطي والانجليزي....الخ
كلهم مع بعض ... طيب ياناس احنا نطلع من اشغالنا الصباح و معظم المراجعات ماتخلص الا الصبح يعني الواحد لازم ايقدم ايجازه يوم كامل عشان ايروح ايخلص شغله في المرور و البلاد اتغير واتضخم بحجم السكان كل يوم بزيادة .

الامر المهم ايضا والي بسببه صارت حصيله كبيره من المخلفات في هاذي الفتره
هو سوء الخدمات الموجوده في معظم الدولة .

على سبيل المثال .
اتجيك وزارة حكومية فيها مراجعات ومصالح خلق الله تاخذ لك البرج الي شكبره ...
وكل المواقف الي تحت والعدلة والي ممكن الواحد مايتخالف فيها مخلينها حق الموظفين .
طيب المراجعين وين ايروحون .... خدمات الباركنات زيروا ...وايجيك الحبيب مال المرور يمشي ويلصق ... شتسوي الناس انا مادري ...


ينبني سوق تجاري فيه محلات تجاريه وعلى شارع مافيه مواقف في جزء من الشارع على يساره تستخدمه الناس مكان يصفطون سياراتهم فيه ...ويجيك مال المرور يمشي ويلصق ...
والله ان مافي حولهم مواقف ..... طيب الناس شذنبها الحين ....

ليش مايكون فيه معايير لقبول اي مشروع تجاري او سكني ......الخ ...وين مواقفك وين خدماتك و ين الامن والسلامه .....الخ

ايسوي لك دورواحد تحت الارض مواقف سيارات ماتوعى الا المبنى مأجره بنك ...و خذ يامراجعين
الناس فوق الرصيف والي على طرف الشارع والي .....الخ .....اهمال و فوضى لابعد حد.

لا تروح بعيد

شوف شارع حمد الكبير ... الي كل بنوك و مصالح البشر في البلاد هناك ....
كم سنة الحين من الفوضى الي مالها حد من قبل ايام الطفره و مع الطفره ولين الحين ....
الناس تلزز سيارتها يمين ويسار وايصف في الشرع الثاني فوق الحصى ويمشى قطع من الشارع و يندعس تحت الحديده عشان ايعبر المقطع الثاني عشان يدخل البنك ايشيك على حلاله ولا ايخلص معاملته ...الخ

هاذي حاله يعني .... لا و المساحة هاذيك احتلتها باصات كروه بعد ....
و يوم خلص مشروع المبنى الي قالوا بيحل مشكلة المواقف 3 سنوات وهو ينبي ..عقب قالوا مواقف حق الموظفين ....والله مالك رفيق ابد ...

يا ادارة المرور ياطيبين يا اهل ابلادنا ....ترى في الكثير من هل قطر يشتغل شرطي مرور في غيابك كم من المواقف شاهدناها وعشناها في غياب شرطة الفزغة في الوقت نفسة قاموا هم بنفسهم وافزعوا و سوا وماطلبو شكر من احد ...ولا قالوا ادارة المرور مخلفتني امس خلهم انا مب مسوي شي ....

هاذي بلادنا وبلاد اهلنا وعيالنا ولا نرضى لها الشين حتى لو ضاق الحال علينا .

لاكن الي نبيه نبي حكمة العقل والمنطق مانبي اثبات الجداره على ظهور خلق الله .


سامحوني ياجماعة مشحون ومقهور ...و انا اتكلم واكتب وموضوع يسحب موضوع .

[الجوكر90]

مرات تمر من جنب شرطي وتشوفه يكتب مخالفه عليك اول ماتمر.. وانت لابس حزامك
تنتظر يومين اسبوع اسبوعين وللحين مانزلت
تكتشف انه قاعد يشخبط وماسجل مخالفه عليك

سؤال
يوم انك تمر ويطالعك الشرطي واطالعه ويطالع رقم موترك وعقبها ينزل راسه ويشخبط على الورق؟ ليش هالحركة؟
يعني لازم كل مره ادق ريوس وانزل الدريشه واسئله سجلت مخالفة ولا لأ ؟؟

ولا اسجل التاريخ عشان اكون متاكد اني ماخالفت هالمخالفة؟

يعني اذا بهاليوم سجل علي المخالفة وانا ماشفته ورحت للمرور وشفت علي مخالفه اكيد بتوقع ان الشرطي صادني فيوم ماكنت لابس فيه الحزام!
او حد من هلي او ربعي خذ الموتر ومالبس الحزام؟


ليش التعقيد!!!
مب الافضل مخالفة الحزام والجوال تسلم في نفس الوقت!

ركوب الرصيف وانك ماتقدر تلحق السائق طيب سجل عليه مخالفه انا معاك يالخرجي
بس الحزام والجوال؟
في مخالفة حزام تسجل على الخط السريع او جوال؟
وين العذر ؟

اممممم
لو الخرجي سووا جي العائد السنوي راح يقل وايد
مافي مخالفات بالغلط
ولا في ناس تدفع بدون ماتدري
مافي موتر مكنسلينه من 2004 وسنه 2010 عليه مخالفه
يلا خل نشوف هالكرسي شراح يفيده الي يسوي اي شي عشانه