بخصوص وظيفة رجل اطفاء في مؤسسة قطر للبترول

[MoTeC]

السلام عليكم ورحمه الله وبركاته..

حبيت اسأل عن وظيفة رجل الاطفاء فالمؤسسة كم رواتبهم للقطريين ؟؟

هل الشغله زينه ؟؟

وشلون الترفيعات كل كم سنه ؟؟


انتضركم

[ثاني]

والله مدري عن رواتبهم بس يقولون اوكي ودورة الاطفاء اعتقد تاخذها في عمان

[مخباط]

الســــــــلام عليكم ياخوي

بالنسبه للرواتب والترفيعات تتحدد حسب الشهاده واللغه النجليزيه

توكل على الله والله شغله حلوه وكله قاعد

[المرحب]

الله يوفق الجميع

[فتك العديد]

الســــــــلام عليكم ياخوي

بالنسبه للرواتب والترفيعات تتحدد حسب الشهاده واللغه النجليزيه

توكل على الله والله شغله حلوه وكله قاعد



اخوي المشكله الترفيعات في هاي الوظيفه صعبه وايد لانه الدرجات فيها محدوده الا اذا كنت في راس لفان اما اذا في مسيعيد ولا دخان انسى موضوعك تحصل شي الا بعد طلوع الروح
وبالنسبه للراحه تعتمد على حسب المنطقه مثلا عندك اريح مكان دخان وام باب واخس مكان مسيعيد واشغالها ماتوقف لانهم ماسكين صيانه معدات الاطفاء كامله
بس بالنسبه للراتب حلو يعني بعد ماتداوم كم سنه وتتثبت في الوظيفه اذا كنت عزوبي بتحصل تقريبا 16000 واذا متزوج 19000 ولا 20000 وطبعا الراتب يختلف من منطقه لين منطقه لانه راتب حالول هو اقوى راتب بس طبعا الدوام اسبوع بسبوع
واذا عندك استفسار ثاني انا حاضر

[نعيمه علي]

في شخص عندنا في العيله رجل اطفاء
وهو الحين صار له فوق العشرين سنة
وهو ترقى لين صار مدرب اطفاء
واعتقد رواتبهم كثير ممتازة
واحس ان هالوظيفة حلوه كثير
كنت اتمنى يكون في سيدة اطفاء
فيها شغل وجهد وفيها انقاذ للآخرين
بصراحة احس بالفخر لما اشوف القطري وهو يطفي حريقة او ينقذ شخص

موفق اخوي

.

[qtr35]

دش في لامن الصناعي احسن لك من الاطفاء ..
Security
اذا تدور انك تتطور وتترقى ..

اما اذا تبي الراحات .. روح الاطفاء

[الدستور]

كيف التقديم عندهم ،،

[ثاني]

التقديم في راس بوعبود
الكبائن مركز التدريب

بخصوص Security تثبيتهم اعتقد اسهل
تخلص لفل 3 ف الانقليزي
و رجل الاطفاء لازم تخلص لفل 4

تقريبا تبدأ من لفل 2 في كل الحالات سواء سكيروتي او اطفائي او فني او . الخ

[الفورتك]

اييييييييي ابعد عن الشر وغنيله يالحبيب

روح سكيورتي احسنلك ..

صج راحه بس مافي ترفيعات كللللللش ... الا عقب طلعة روووووووووح
يعني يمكن تشتغل ٢٠ سنه وعقب بيتذكرون انك ماترفعت وبيعطونك مسمى من غير درجه
يعني بس ام والراتب مايتغير واذا تبي المسمى والدرجه في شروط شبه تعجيزيه علشان تاخذها

[qtr35]

مافي شي تعجيزي .. شد حيلك وبتحصل
التقديم في راس بوعبود

[فتك العديد]

اييييييييي ابعد عن الشر وغنيله يالحبيب

روح سكيورتي احسنلك ..

صج راحه بس مافي ترفيعات كللللللش ... الا عقب طلعة روووووووووح
يعني يمكن تشتغل ٢٠ سنه وعقب بيتذكرون انك ماترفعت وبيعطونك مسمى من غير درجه
يعني بس ام والراتب مايتغير واذا تبي المسمى والدرجه في شروط شبه تعجيزيه علشان تاخذها

هههههههههههههههههههههه عندي احساس انك في البترول وصايدتك هاي المشكله الي مبهدلتنا

[الفورتك]

هههههههههههههههههههههه عندي احساس انك في البترول وصايدتك هاي المشكله الي مبهدلتنا

خلها على الله بس لاروح اقدم استقالتي <<< على كيفك تقدم استقالتك .. والبنك ؟؟

[@فهد@]

يعطيكم العافيه ..

استفسار رواتب السكورتيه ... وياليت تفصيل يعني راتب اساسي .. والبدلات كم للمتزوج ؟

صح السكورتي تعب لكن اعتقد في اماكن مثل المطافي كله نوم :nice:

[الفورتك]

يعطيكم العافيه ..

استفسار رواتب السكورتيه ... وياليت تفصيل يعني راتب اساسي .. والبدلات كم للمتزوج ؟

صح السكورتي تعب لكن اعتقد في اماكن مثل المطافي كله نوم :nice:

رواتب السكيورتيه نفس رواتب الفاير تقريبا ..

ومن قاللك ان المطافي كله نووم .. لالا سلامتك

[MoTeC]

يالربع انا قريت اعلان فالجريدة عن الوظايف وقريت رجل اطفاء وسكيورتي وفني كهربا وشي جي

عطونا بالتفاصيل رواتب العزوبي وشلوون الدوام كرف ولا .. والرقيات..

[kuwari]

أخوي توكل على الله وانا توني أمخلص level 4 ورايح عمان بعد رمضان تمنوا لي التوفيق وأدعولي

[ممنوع اللمس]

تعال عندنا فالدفاع المدني صحيح الراتب دآق
بس ياشيخ وناسه ههههههههه كأنك رايح رحله وطلعة شباب
بس وقت البلاغ تشوف ذيابه يتحاذفون نعجبك

[برشلوني قطر]

واحد من الربع يشتغل ف لفان .. ( فاير مان )

راتبه متزوج تقريبا 22 الف

لاااكن الترقيات الله يعينك عليهاا..واخبر قالي مافي فرق بين الشهاده الثانويه والشهادات الاقل..

والله يوفقك اخوي

[الدستور]

تم الاتصال بهم على حسب الأعلان الموجود في الجرايد

الأستقبال لخريجي الثانويه فقط !!

اما البقيه تقديم عن طريق الموقـــــع . .

[ابومشخص]

لبى قلوبهم الاطفاء اخوياي النشاما

[ANONYMOUS]

الرواتب ممتازه ..

والشغله زينه للشخص اللي بدون طموح ...

والترفيعات تعتمد على اشيا كثيره ..

اهمها.. توفر شاغر للدرجه الاعلى .. بالاضافه للغه والشهادات ان وجدت

مش نفس العسكريه او الحكومه.. كل فتره محدده تترفع درجه ..

[باسكن روبنز]

واحد من الربع يشتغل ف لفان .. ( فاير مان )

راتبه متزوج تقريبا 22 الف

لاااكن الترقيات الله يعينك عليهاا..واخبر قالي مافي فرق بين الشهاده الثانويه والشهادات الاقل..

والله يوفقك اخوي


:yes:







أخوي توكل على الله وانا توني أمخلص level 4 ورايح عمان بعد رمضان تمنوا لي التوفيق وأدعولي

الله يوفقك يالكواري وترجع بالسلامه آن شالله ،:thumbup:

[kuwari]

توكل على الله والأطفائي أحسن من الأمن الأطفائي في المحطة والأمن عند البوابات واللي قال انه راحة صحيح في مسيعيد ودخان لاكن لفان شغلها كثير وعلى حسب المحطات اللي فيها بس الترقيات بلفان اكثر واللي يشد حيلة نصيبة يجية ....

[Doha Sun]

في شخص عندنا في العيله رجل اطفاء
وهو الحين صار له فوق العشرين سنة
وهو ترقى لين صار مدرب اطفاء
واعتقد رواتبهم كثير ممتازة
واحس ان هالوظيفة حلوه كثير
كنت اتمنى يكون في سيدة اطفاء
فيها شغل وجهد وفيها انقاذ للآخرين
بصراحة احس بالفخر لما اشوف القطري وهو يطفي حريقة او ينقذ شخص

موفق اخوي

.


اتفق معاك ..

[خالد32]

توكل على الله والأطفائي أحسن من الأمن الأطفائي في المحطة والأمن عند البوابات واللي قال انه راحة صحيح في مسيعيد ودخان لاكن لفان شغلها كثير وعلى حسب المحطات اللي فيها بس الترقيات بلفان اكثر واللي يشد حيلة نصيبة يجية ....

اخوي الاطفائي محكوك في كل مكان خاصة مسيعيد كل يوم اشوفهم يتدربون و يشيكون المعدات حتى فالليل و درجاتهم ... خلني ساكت

الي عنده ثانويه يروح فني احسن له و الترقيات حسب الشغل