المسجد والجوال في قطر

[كلاسيك قطر]

السلام عليكم ورحمه الله وبركاته
في احد المساجد في دولة قطر

رحت اصلي صلاه المغرب

وكان جنبي رجال قطري وانا ماعرفه

وصلينه صلاه المغرب و اشوي رن تلفون الرجال الي جنبي وياريت رنه التلفون رنه نوكيا

لا اغاني

يعني حرام عليك انزين سكر التلفون وله حطه ع الصامت

ويوم خلصنه من الصلاه اول ماخلصنه ع طول اتصل وتكلم انزين اطلع من المسجد واتصل

والامام تكلم في في المسجد

والله انه احراج والله


والمسجد في مدينة المره

الله يهدي والله

وانتو الحين شنو اتقولون عنه

[نعيمه علي]

يمكن لو كان في اجتماع مع المدير العام
حطه ع الصامت

الله يهديه ويهدينا جميعا


.

[كلاسيك قطر]

نبض القلب المشكله انا شفته قبل ليدخل المسجد قاعد يتعبث في الجوال

انا فكرت انه بيحطه صامت له شي

[رجل الجزيرة]

يا مكثرهم وبعضهم يستعبطون، ومن يوم ما طلعت الجوالات ما قدرنا نخشع في الصلاة.

[كلاسيك قطر]

يا مكثرهم وبعضهم يستعبطون، ومن يوم ما طلعت الجوالات ما قدرنا نخشع في الصلاة.

صحيح اخوي انزين \حط الجوال في السياره عيزان عنه

وانزين وماتقدر تتركه 10 دقايق

لحول وله قوه

[نعيمه علي]

نبض القلب المشكله انا شفته قبل ليدخل المسجد قاعد يتعبث في الجوال
انا فكرت انه بيحطه صامت له شي



يمكن كان يرسل مسجات
في ناس والله ما تحترم المكان اللي هي رايحه له

.

[فيرست كلاس]

الحين الاشخاص اكثرهم يدشون مسجد ولا يحطون جوال علي صاامت


اذا رن جوال وده صلاه تخلص بسرع عشان يعرف من لي تصل فيه


الله يهدينا ويهدي ناس الجمعين

[كلاسيك قطر]

يمكن لو كان في اجتماع مع المدير العام
حطه ع الصامت



.

اي والله مثل ماقلت يالغالي

صدقت

[نعيمه علي]

اي والله مثل ماقلت يالغالي
صدقت




جمعه مباركة

اختك نبض

.

[كلاسيك قطر]

شكرج اختي

[النهار]

احسن شي يركبون اجهزه مانعه للارسال والاستقبال

[كلاسيك قطر]

يالغالي هم ركبوا ي كل المساجد وبعض المساجد ماركبوا لاجهزه

[بوحمد1]

الله يهديهم

[رجل الجزيرة]

احسن شي يركبون اجهزه مانعه للارسال والاستقبال

حطوهم من 3 سنوات وبعدين شلوهم، يمكن فيه تأثير على المصلين.

[م. عبدالعزيز]

اي والله ، استغفر الله بعض الناس الله يهديهم وصل الى مرحلة الاستهبال ،

احيانا احنا بنص الصلاه، يرن جوال واحد من المصلين وتطلع الاغنيه ، والمصخره انه هالشخص مايخلي عالصامت على الاقل (يعني اذا سمع الرنه اثناء واحد يتصل له يقدر يخليه صامت) وانما يخلي الجوال يرن، لا أدري شالمغزى من هالحركه؟ هل هي متعمده أم على اساس انه الشخص خاشع ومايقدر ينشغل بالجوال أثناء الصلاه !!!؟ والله عيب جدام ربه يسوي جي..

واقتبس تعليق (نبض القلب) ايضا متفق 100%

هالظاهره لازم تختفي من المساجد علشان نأدي الصلاه على أكمل وجه لله سبحانه وتعالى..

[نيساني]

الله المستعان

وتسلم يالغالي على الموضوع الهادف واتمنى من الجميع الاستفاده

وشكرا

[qtr35]

والله مشكله
اكيد كان بلاك بيري

انا شفت شي في بعض المساجد وبصراحه عجبني

حاطين مانع الارسال في البنيان .. يعني يروح ارسالك وانت في المسجد
احسن طريقه
وبعدين اعتقد انه ماده او طبقه في السقف .. مب جهاز

شكرا عالموضوع .. بصراحه الاحظه بكثره

[كلاسيك قطر]

لا يالغالي مو ابلاك بيري مادري شنو