ممكن مساعدة بخصوص المطاعم اللي بالفنادق ادخلو بليز

[دمي قطري]

السلام عليكم

انا عندي مناسبة هالأسبوع وحابة اعزم زوجي على العشا او الغدا يكون بفندق انا رحت شيراتون يوم الاربعاء في مطعم السي فود بوفية الله يديم النعمة ماعجبنا ابدا

وانا حابة اعزمة هالمرة على شي احلى ممكن ترشحون لي مطعم في فندق او خارج الفندق مو مشكلة بس يكون الاكل بيرفكت رووعه يعني ناكل اصابعنا وراة ولو يكون سي فووود افضل

انتظركم بليز

[بوعلى 1]

انا اشوف تونة ولوبا في البيت افضل من 1000 مطعم وفندق !

[الدوحه%]

اخبر الرزوج يعزم زوجته مب العكس :rolleyes2:
ان شالله غيري يساعدج لان ماعندنا هالسوالف ..:)

[monatee]

في مطعم عربي في الدبليوو يمدحونه

[qatar1111]

اختي عندج دبليووووو

وعندج فندق الماريوت شي حلووووو

وبالتوفيق

[وتبقى الدنيا حلوه]

امممممممممممممم الاختيارات وايد

اذا تحبون الاكل الهندي

عندج مطعم صوب المول اسمه رويال هادي و حلو

في مطعم في الملينيوم واااااااااااااااو جو رومانسي من جد في وحده تعزف غيثاره بس هالكلام كان من فتره مدري اذا موجوده للحين او لا

بخصوص مطاعم الفنادق انشالله الاعضاء يفيدونج اكثر مني

[shgawia]

الريتز كارتون والماريوت واذا بغيتي مطعم ايطالي في مطعم فيسوق واقف رووووووووعه ومافي حد وهادي عقب مطعم الطواش بس ماذكر اسمه وجربي عصير العنب ولا الرمان وبتدعين لي

[خوخه وحلو]

فيه فندق شرق مطعم اسماك راقي وحلو اسمه الدانه تخصص سي فود روعه بس غالي بس يستاهل

[البحار00]

يوم الخميس تغديت في فندق جراند ريجنسي

صراحه الاكل كان روعه والفندق اروع بوفيه طبعا

والحساب 295 ريال لشخصين

[غلا أبوووي]

الغاليه

1- النادي الدبلوماسي

عندج المطعم اليطالي روعه الاكل عنده والجلسه حلوة فيه رومانسية


2-فندق الريدز

فوق في مطعم وايد حلو بس ما اذكر شنو الاسم
وبعد المطعم اللي تحت روعه

3-الانتركونتنيتل

فيه كم مطعم حلو

4- دبليو

بعد الجلسة حلوة فيه


وووووووووووووووو وايد فيه

وربي يسعدج انتي وزوجج

[القلم الصريح]

مطعم السلطان في فدق الانتر متخصص بالاسماك
ومطعم في فندق شرق بعد متخصص بالاسماك
ومطعم البندر قبل كان على الكورنيش شلوه والحين في سوق واقف
فندق سوق واقف داخل في سوق الاسماك حلو وسعره مناسب انصحج به

[دمي قطري]

مشكورين

[NoooN]

اختي نصيحه تبين مكان رومانسي ومطل على البحر

روحي فندق الفور سيزن تحت فيه مطعم ايطالي بس قبل اخذي حجز وقولي لهم عندي مناسبه عيد زواج :shy: وبيسون لك الطاوله حلوه بينثرون عليها ورد وبيعطونكم طاوله مطله على البحر

والاسعار انا شخصيا دايما اروح له مع 6 اشخاص او اكثر والحساب يطلع حدود ال 1200

بس المكان والجو

يستااااااااااااهل

[دمي قطري]

اختي نوون مب جنة الجوو ماا يساااعد هالفترررة

[umhend]

شدخل الجو مايساعد داخل فندق مغلق ومكيف ولا يفوتج اختي لاسيجال روعه ممكن تطلبين ممكن بوفيه
170 تقريبا وعل حسب اذا كان فطور ولا غدا ولا عشى ... وبعد فندق شرق روعه والله يهنييج اختي

[حمد بن سعد]

عن نفسي ارقى مطعم شفته الشاهين الي في الشراتون فووووق

[d.romance]

فندق لاسيجال على البسين جو ولا روعة

[شيوخيه]

ربـيــ يوفقـكـ

[حليتان*]

عندج الدبلماسي مطعم الصياد سي فوود عجيب



حتى الشيرتون يوم الاربعاء عجيب ..بس شكلكم ماجربتو ام الربيان

[al-vtc]

الفش ماركت في الانتر

[بو ملاك]

اختي عندج النادي الدبلوماسي عندهم مطعم الصياد
والله السي فوود اللي عندهم عجيب وخصوصا الشوربه مالها حل ...:)

[NoooN]

اختي نوون مب جنة الجوو ماا يساااعد هالفترررة

اختي المطعم داخلي مب خارجي ..
وهذا صورتهـ ..
:shy:
http://www.fourseasons.com/image_library/DOH/custom_sizes/DOH_115_400x320.jpg

[A.L.I]

مطعم السلطان


:nice::nice::nice::nice::nice::nice:

[بوحارب]

يالربع حطوا لنا اسعار المطاعم عشان انشوف ونقرر اذا انروح او لا ؟

والله حركات هالمطاعم كلها اجواء رومنسية

مسكينة ام وضوح كله اعزمها على كنتاكي وتيك اوي

بس اهم شي مستانسين ههههههههههههههه

دمي قطري الله يوفقج اختي انتي وابو العيال وتعجبني المرة اللي تعزم زوجها

تراه يحس بشعور حلو وسأليني انه

موفقه اختي

[بوحارب]

نوووووون اشدعوة 1200 ترى وايد اختي

[بو خليفه 123]

فكره رائعه و عسى الله يتمم عليكم هذي المناسبه بكل خير ان شاء الله


تفضلي هذي القائمه المفضله لدي :


فندق رمادا - مطعم شنغاري (اطلبي الغرفه الخاصه)


الرتز كارلتون - فندق لامير الفرنسي (اطلبي الطاوله عند الزجاج)


فندق شرق - مطعم الدانه


فندق دبليو - مطعم سبايس ماركت (الطابق الأول - الطاوله المغطاه بالبارتيشن)


اللؤلؤه - مطعم السي فود المكسيكي


اللؤلؤه - مطعم Maze


فندق شرق - اطلبي الكوخ الرومنسي


هناك المزيد من المطاعم .. ان شاء الله لي عوده


و مقدماً , اتمنى لكم ليله سعيده مع ابو العيال .

[BURBERRY]

مطعم البحيره تحت في الرتز عنده سي فووود

[الجوكر90]

السلام عليكم
مثل ماتفضلوا الاخوان ومازيد عليهم
عندج فندق شرق
ودبليو
وبس
وبالتوفيق ان شاء الله

[clouds]

الفورسيزن المطعم الايطالي رهيب وعندج لاسيجال فوق عندهم ريزوتو سي فود احلى ريزوتو بقطر..اما الريتز كلش ماعجبني لا اللي فوق ولا تحت اكلهم الله يعز النعمه
الانتر ماجربته بس مدحوه وشرق جربت مطعم الدانه وخذت سي فود مشكل مب حلو كللللللللش واصلا حلاته شتا وتطلعين برا على البحر اما داخل مب حلو
اما اكوخ ماجربت بس الفكره حلوه ياريت حد يفيدنا اكثر عن هالكوخ شسالفته
ورمادا ايش هي الغرفه الخاصه؟؟والمطعم سي فود ولا ايطالي ولا هندي؟؟

[MeMe]

سوق السمك Fish market
في الانتر بوفيه سي فود بس مب كل يوم اتصلي إسالي أي يوم
وربي يسعدج دووم

[دنهل]

في مطعم في الريتزاللي فوق المطعم الفرنسي لامير وتكون العزيمة يوم عادي علشان زحمة اللوبي وخذي طاولة علفيوووووووووووو او المطعم الهندي في ماريوت يكون فاتح ماعدى الاثنين مسكر اومطعم الشاهين في الشيراتون على الزاوية الشمالية الشرقية ماعليك من السوالف الباقي اكلهم تعبان وطعم بلاستيك اومطعم السفير طريق سلوى طقي هرن وبيجيك لين باب السيارة