قاعات الأعراس ..؟؟

[مها88]

السلام عليكم ورحمة الله وبركاته

أخواني الأعزاء ..

ممكن تفيدوننا ..؟؟

قاعات الأعراس .. وش كثر وصلت أسعار تأجيرها ؟؟

وإيش الميزة بين كل قاعة والثانية ؟؟

وما هي الخدمات اللي توفرها مع تأجير القاعة ؟؟

وش كثر العربون اللي يأخذونه ؟؟

وقبل كم شهر لازم يكون الحجز ؟؟

وهل تشمل الكوشة والطاولات والكراسي .. والأكل ..؟؟

*****

اللي عنده أي فكرة .. ممكن يشاركنا .. ويعطينا فكرة ..؟؟

*****

مع خالص شكري وتحياتي ..


:omg::weeping::telephone::eek5::):rolleyes2::discu ss::anger1::tease:

[روح الاطلس]

اذا مب عازمتني مب معلمه:tease:

[بوغزلان28]

والله صالات الاعراس ايجاراتها نار , اخوي مأجر قاعة الدانه بمبلغ ما يقارب 50 الف هذا بدون تلبيسات طاولات والا كوشه اللي يعين اللي بتزوج هههههههههههاي

[مها88]

اذا مب عازمتني مب معلمه:tease:


هلا أختي روح ..

العزيمة ..مقدور عليها ..

بس أسعااار القاعااات ...؟؟؟؟:secret:

[مها88]

والله صالات الاعراس ايجاراتها نار , اخوي مأجر قاعة الدانه بمبلغ ما يقارب 50 الف هذا بدون تلبيسات طاولات والا كوشه اللي يعين اللي بتزوج هههههههههههاي

يعني الـ 50000 بدون كوشة والطاولات قرعة .. :omg:

وفي عشا ولا بعد بدون ؟؟؟:eek5:

[qtr35]

فالبيت احسن لج
اسعار مولعه وخياليه وتفلس الجيب

[مها88]

فالبيت احسن لج
اسعار مولعه وخياليه وتفلس الجيب

لا إله إلا الله ..

والله حااالة ..!!!:shy:

[مشتاقة لقطر]

الله يتمم لكم على خير

[مها88]

الله يتمم لكم على خير

آمين يارب

ويوفقك يارب ..

[طــمــوحــة]

هلا اختي

الاسعار تختلف من مكان للثاني وعلى حسب الخدمة وطريقة العرس اللي تبينه

القاعات اجارها يكون على عدد المعازيم والحسبه تكون على درجة البوفيه

يعني طلبتي بوفيه درجة اولى بيكون اغلى من الدرجة الثالثه

الكراسي والطاولات موجودين من القاعه بس التلبيسات والكوش الورد الديكور الفرقه الضيافه كلها منج

والاسعار تبدا من ال45 اعتقد الى مالا نهايه انتي واللي تبين تسوينه
اذا تبين شي دقيق اتصلي على القاعات واسألي بنفسج


اتمنى اني افدتج
والله يتمم لكم على خير

[مها88]

طموحة

تسلمين أختي على الشرح والتوضيح

ما قصرتِ ..

[الخير كله]

تبين قاعة المعارض ؟؟؟؟؟؟؟؟
















بس مليون...
اصبري





وكل شي عليج











لا تصدقوني

[عالم المحيطات]

قاعة في معيذر..
قاعة ريجنسي..
قاعة الدفنة..
قاعة فندق رمادا..
قاعة فندق جنة الخليج.. اقل من 30 الف
قاعة فندق ميلينوم السد.. اقل من 50 الف
قاعة الريتز كارلتون..
قاعة الشيرتون..

... هاذي من الي عندي وحاولي تتصلين لهم وتتأكدين..

تحياتي

اخوج

vip-99

[مها88]

قاعة في معيذر..
قاعة ريجنسي..
قاعة الدفنة..
قاعة فندق رمادا..
قاعة فندق جنة الخليج.. اقل من 30 الف
قاعة فندق ميلينوم السد.. اقل من 50 الف
قاعة الريتز كارلتون..
قاعة الشيرتون..

... هاذي من الي عندي وحاولي تتصلين لهم وتتأكدين..

تحياتي

اخوج

vip-99

مشكور أخوي ...

ما قصرت يعطيك ربي ألف عافية ...

[واحد 11]

من 50 الف وطالع للاسف واحنا اقل شعب في العالم .. ونسبة العنوسة عندنا الاكبر في الخليج ما اقول الا اللهم ياكافي

[جمال النعيمي]

ما يكفيكم يكون العرس في البيت

احلا ما يكون عرس في بيت والفريج كله يفرح على الاقل شجعو التراث شعبي هذا الي كان يتم قبل ايش صار الحين ليش قاعات وصالات واكثر الي يحضر بيشيله بيت العروس العقده فيكم واصحاب الصالات فهمت لكم مضبوط يكفي محتكرين صالات على عدد محدود لو انهم بيريحونكم كان افتحوها للكل شفتو تنافس على الاسعار وشفتو صاله ما تعدى 10000 ريال

[مها88]

ما يكفيكم يكون العرس في البيت

احلا ما يكون عرس في بيت والفريج كله يفرح على الاقل شجعو التراث شعبي هذا الي كان يتم قبل ايش صار الحين ليش قاعات وصالات واكثر الي يحضر بيشيله بيت العروس العقده فيكم واصحاب الصالات فهمت لكم مضبوط يكفي محتكرين صالات على عدد محدود لو انهم بيريحونكم كان افتحوها للكل شفتو تنافس على الاسعار وشفتو صاله ما تعدى 10000 ريال

هلا أخوي ..

والله ودي يا أخوي يكون في البيت ..:victory:

بس خايفين تخترب كشخة العروس والمعازيم من الحر والرطوبة ..

واليهال يلعوزون البيت ..

[مها88]

من 50 الف وطالع للاسف واحنا اقل شعب في العالم .. ونسبة العنوسة عندنا الاكبر في الخليج ما اقول الا اللهم ياكافي

الله يعين ..

ما بيدنا حيلة ..

[انا حره]

اختي اذا ماتبون قاعه سوو الخيمه الملكيه مره حضرت هديه فيها ماشاء الله كانها صاله مكيفه وديكورات وثريات وجابوو محل افراح سوالهم كوشه بسيطه وزين الطاولات وسوو خيمه متصله فيها حق العشا وماهان تبااارك

[STAR]

قاعة في معيذر..
قاعة ريجنسي..
قاعة الدفنة..
قاعة فندق رمادا..
قاعة فندق جنة الخليج.. اقل من 30 الف
قاعة فندق ميلينوم السد.. اقل من 50 الف
قاعة الريتز كارلتون..
قاعة الشيرتون..

... هاذي من الي عندي وحاولي تتصلين لهم وتتأكدين..

تحياتي

اخوج

vip-99

قاعة في معيذر؟!! وينهي؟


عالعموم محد جاب طاري نادي الغزال..يقولون سعرها زين..

وعندج الخيم الملكية ارخص

[جمال النعيمي]

هلا أخوي ..

والله ودي يا أخوي يكون في البيت ..:victory:

بس خايفين تخترب كشخة العروس والمعازيم من الحر والرطوبة ..

واليهال يلعوزون البيت ..

الله يهديك المعاريس في المجلس و الاهل في الحوش ان كان صاله صغيرة

وحلات اليهال في بيت ويلعوزونه يكون احسن بعد

والله كانت احلا ايام وفريج كله يفرح معاكم

[Abdullah_89]

اسعار القاعه عباره عن ( عدد الاشخاص x سعر الشخص الواحد )

الاسعار تتفاوت تبدى من 180 ريال للشخص وانتي طالعه لحد 500 ريال شامله البوفيه والطاولات والكراسي وبس والخدمة والمشروبات والقاعه بس

اما الكوشة والتلبيسات فهاي انتي تروحين محل تجهيز افراح وانصحج انتي تصصمين بنفسج ارخص لانهم بيفقرونج


اما بالنسبه للحجز طبعا الصيف زحمة والعيد مافي امل يعني انتي راجعي وشوفي

انا في نظري احلى القاعات :

سلوى في الشيراتون
الوسيل في الريتز كارلتون
جراند حياه ماعرف اسمها
جراند ريجنسي ماعرف شسم القاعه
قاعد الدفنه للإحتفالات


ولو تبين تسوين العرس فالبيت انا اعرف محل سوى عرس فالبيت حق هلي عرس حريم جاب خيمة من خيام اللي مثل البداد ووايد كبيره وروعه كانت مع الزل والطاولات والمكيفات والليتات مالت العرس حق اسبوع والمحل مو وايد غالي وبيساعدج فالباقي من مطاعم وتوزيعات وغيره اسم المحل الواجب للمناسبات تقدرين تاخذين رقمهم من كيوتل ولو ماحصلتي الرقم قولي لي وباطلعه لج

بس اذا ماعندج مشكله وتبين تريحين بالج خذي فندق وخلصي عمرج
خخخخخخخخخ

وبالتوفيق يارب

[مها88]

اختي اذا ماتبون قاعه سوو الخيمه الملكيه مره حضرت هديه فيها ماشاء الله كانها صاله مكيفه وديكورات وثريات وجابوو محل افراح سوالهم كوشه بسيطه وزين الطاولات وسوو خيمه متصله فيها حق العشا وماهان تبااارك

هذي بعد فكرة زينة وطيبة ..:victory:
بنشوف بنسوي تصويت .. وبناخذ رأي الأغلبية ..:telephone:

ما قصرتي خيتي ..

[انا حره]

ولله انا اشوف الناس قامت تبالغ يخلص العرس وتشوفين الناس راحووو وتتحسفين على كل الي انحط وانصرف خساااره ولا مع غللا اسعارهم تتحاسبون لاخترب شي ولا نقص شي

[مها88]

قاعة في معيذر؟!! وينهي؟


عالعموم محد جاب طاري نادي الغزال..يقولون سعرها زين..

وعندج الخيم الملكية ارخص

قاعة .. رحت لها مرة ولوعت جبدي .. حتى مكيفاتها ما تشتغل .. !!

ونادي الغزااال ... الله لا يراويك ...

والخيم الملكية .. بعد فيها مخاسير ..

*****

مشكور أخوي .. ما قصرت .. على الرد ..

[مها88]

الله يهديك المعاريس في المجلس و الاهل في الحوش ان كان صاله صغيرة

وحلات اليهال في بيت ويلعوزونه يكون احسن بعد

والله كانت احلا ايام وفريج كله يفرح معاكم

صج كلامك ..

بس يا خوي ما تدري بسوالف الحريم ..

إذا حطينا العروس بالمجلس .. كل البنات يبون يقعدون عندها .. >>>> يعني زحمة ..

وإذا حطينا الطق برع في الحوش ....>>>> بتلقى العروس متحرمصة ..>>> ودها تشوف الرقص والهيلة ...!!! >>>> يعني حوووسة :rolleyes2:

لا .. وبعد اليهال .. زعيج وصريخ .. داشين ,,طالعين ...>>>> يعني المكيفااات بتروح وطي ..

وما بيوصل المعرس ... إلا المكياج سايح .. والتسريحات مشوطة ..والفساتين متقطعة ..secret:

*****


معليه .. أخوي .. الله بيعيننا .. وبنلقى إن شاء الله قاعة .. زينة ومعقولة ...

الاتصالاااات جارية ..:telephone:

****

وشكراً .. على المداخلة والرد الطيب ..

[CH Engineer]

انا ماعندي خبره بس هالامور
يبيلها تفترين على القاعات وتاخذين التفاصيل..

اللي اعرفه اكثر القاعات تعطي خصم 30% للعسكري برتبة ضابط وفوق..

ونادي الغزال عليه خصم 70% لموظفين قطر للبترول..

اذا تبين خلي حد يقربلج يحجز لج

وبالمبـارك

[شبه الملاك]

شوفي قاعة ازادن القاعه تشيل 280 شخص ب 10500ريال

موقعها ف الدفنه

[الكونغرس]

الله يرحم زمان اول في البيت ولا صاله ولا شي ويتبارك بدال لفلوس الي تنقط في يوم واحد بعد هاليوم نست العالم وش صار لبركه في كل شي بدون تبذير الله يزوج بنات هل قطر كلهم

[مها88]

اسعار القاعه عباره عن ( عدد الاشخاص x سعر الشخص الواحد )

الاسعار تتفاوت تبدى من 180 ريال للشخص وانتي طالعه لحد 500 ريال شامله البوفيه والطاولات والكراسي وبس والخدمة والمشروبات والقاعه بس

اما الكوشة والتلبيسات فهاي انتي تروحين محل تجهيز افراح وانصحج انتي تصصمين بنفسج ارخص لانهم بيفقرونج


اما بالنسبه للحجز طبعا الصيف زحمة والعيد مافي امل يعني انتي راجعي وشوفي

انا في نظري احلى القاعات :

سلوى في الشيراتون
الوسيل في الريتز كارلتون
جراند حياه ماعرف اسمها
جراند ريجنسي ماعرف شسم القاعه
قاعد الدفنه للإحتفالات


ولو تبين تسوين العرس فالبيت انا اعرف محل سوى عرس فالبيت حق هلي عرس حريم جاب خيمة من خيام اللي مثل البداد ووايد كبيره وروعه كانت مع الزل والطاولات والمكيفات والليتات مالت العرس حق اسبوع والمحل مو وايد غالي وبيساعدج فالباقي من مطاعم وتوزيعات وغيره اسم المحل الواجب للمناسبات تقدرين تاخذين رقمهم من كيوتل ولو ماحصلتي الرقم قولي لي وباطلعه لج

بس اذا ماعندج مشكله وتبين تريحين بالج خذي فندق وخلصي عمرج
خخخخخخخخخ

وبالتوفيق يارب

هلا أخوي عبدالله ..

ما قصرت يالطيب وجزاك الله كل خير ..

ما عليك أهل المعرس مشغلين كل المعارف في التصميمات والتوزيعات والترتيبات ..

وهذا المحل اللي قلت عنه بنروح له .. وبنشوف شلي يناسبنا ..

ومسألة الفندق .. واردة في أغلب الاحتمالات ..

*****

تقديري لجهدك الطيب في الرد ..

تحياتي الخالصة ..

[مها88]

ولله انا اشوف الناس قامت تبالغ يخلص العرس وتشوفين الناس راحووو وتتحسفين على كل الي انحط وانصرف خساااره ولا مع غللا اسعارهم تتحاسبون لاخترب شي ولا نقص شي

إي والله خيتي .. وهذا الي معور قلبي ..ومخليني في لوية ..

****

تسلمين خيتي على جمال تواجدك ..

[مها88]

انا ماعندي خبره بس هالامور
يبيلها تفترين على القاعات وتاخذين التفاصيل..

اللي اعرفه اكثر القاعات تعطي خصم 30% للعسكري برتبة ضابط وفوق..

ونادي الغزال عليه خصم 70% لموظفين قطر للبترول..

اذا تبين خلي حد يقربلج يحجز لج

وبالمبـارك

هلا أخوي ch المهندس ..

شغلنا الواسطات والقرايب .. والحمدلله .. ماهم مقصرين ..

الله يبارك لك في حياتك ..وما قصرت ..

[مها88]

شوفي قاعة ازادن القاعه تشيل 280 شخص ب 10500ريال

موقعها ف الدفنه

هلا أختي / شبه الملاك ..

هي سعرها حلو .. بس ما تشل معازيمنا ..

ما شاء الله عليهم وااايد ..

الله بعيننا إن شاء الله ..

*****

تسلمين خيتي ..

[مها88]

الله يرحم زمان اول في البيت ولا صاله ولا شي ويتبارك بدال لفلوس الي تنقط في يوم واحد بعد هاليوم نست العالم وش صار لبركه في كل شي بدون تبذير الله يزوج بنات هل قطر كلهم

هلا أخوي / الكونغرس ..

منور الموضوع ..

بعد الزمن تغير .. والناس تغيروا ..

إن شاء الله ما هنا تبذير ..

ودنا بس المعاريس يستانسون .. والعروس تفرح بليلتها ..

والمعرس يحس إنه قدها وقدود ..

وربي يكون بالعون ..

وسهالات إن شاء الله ..

****

آمين يارب ..

****

الكونغرس / ما قصرت أخوي بمداخلتك اللطيفة ..

ربي يحفظك ..

[القلم الصريح]

خذي قاعة رجنسي ترا سعرها وايد حلو ومناسب وانتي تحكمي بعدد الاشخاص للبوفيه ، واقل سعر للبوفيه للشخص 165 ريال للشخص بعد خصم كيوتل والجيش والكيو بي ، واطلبي البوفيه ل 150-200 شخص والاكل يكفي ل400 شخص ، وانا شخصيا سويت هالحركه

[مها88]

خذي قاعة رجنسي ترا سعرها وايد حلو ومناسب وانتي تحكمي بعدد الاشخاص للبوفيه ، واقل سعر للبوفيه للشخص 165 ريال للشخص بعد خصم كيوتل والجيش والكيو بي ، واطلبي البوفيه ل 150-200 شخص والاكل يكفي ل400 شخص ، وانا شخصيا سويت هالحركه


هلا أخوي // القلم الصريح ..

تسلم على المداخلة الطيبة ..


توكلنا على الله وسويناها الحركة ..

والله يهني كل المعاريس ..

وتحياتي للجميع ..

ما قصرتوا..

كفيتوا ووفيتوا ..

[شمعة الدوحه]

قاعة في معيذر؟!! وينهي؟


عالعموم محد جاب طاري نادي الغزال..يقولون سعرها زين..

وعندج الخيم الملكية ارخص

اختي ستار هذا هو موقع القاعه

http://www7.0zz0.com/2010/07/02/10/600342391.jpg


اللي سمعته ان اسعارهم اللحين نار واغلى من ريجنسي والدانه والدفنه

اول ماافتحوها كانت بــ 40 بس

[مها88]

شمعة الدوحة

ما قصرتي / خيتي ..

شكراً لمداخلتك المفيدة ..

[شمعة الدوحه]

مها فندق لاسيجال فيه قاعه ترى

بس والله ماادري كم سعرها ؟؟

[مها88]

شمعة الدوحة ..

هلا بك وخيتي ..

تسلمين ..

خلاص ضبطنا مع قاعة ريجنسي ..

دعواتكم لنا بالتوفيق ..

[كلاسيك قطر]

انزين بسئلج مها

قاعة الرجنسي ابكم

[مها88]

عطونا ياها ..

لـ 350 بـ 42 ألف ..

وعندنا خصم 15% للقوات المسلحة

[مها88]

والعشا حق 200 شخص ..

[كلاسيك قطر]

عطونا ياها ..

لـ 350 بـ 42 ألف ..

وعندنا خصم 15% للقوات المسلحة


ل خصم عسكري كم يطلع كامل