استفسار بخصوص الشنغن والسفر الى فيينا -زلامسي !!

[رنج سبورت]

السلام عليكم
السؤال الاول بخصوص الشنغن لو حصلناها من السفاره الالمانيه وسافرنا الى مطار فيينا بدون المرور بالمانيا هل الموضوع عادي والا لازم الدخول يكون من المانيا؟؟

السؤال الثاني زلامسي هل الوصول لها عن طريق فيينا اقرب والا عن طريق ميونخ؟؟

وياليت الافاده من اللي زاروا زلامسي قبل لاني زرت المانيا واعرف اجراءاتهم وماعرف اجراءات فيينا :tease:

[واحد 11]

اخوي بالنسبة للفيزا اذا بتروح لفيينا لازم تاخذها من سفارة المانيا ... لان سفارة النمسا اللي اعرفه يحولونك هناك

والمسافة من زيلامسي الى ميونخ حوالي 3 ساعات بالقطار في تغيير القطار مرة واحدة عند دخولك للنمسا مدينة ما اذكر اسمها
والمسافة من زيلامسي الى فيينا 5 ساعات فيه تبديل للقطار في مدينة سالزبرغ

ومن واقع تجربة للوصول للفاتنة زيلامسي ( جنة الله في ارضه ) افضل النزول في ميونخ كونها اصلا احلى من فيينا بكثير واقرب لزيلامسي ...
لكن لو حبيت انزل في ميونخ وروح لزيلامسي وخل الرجعة تكون من فيينا .... هذا خط سيري في سفرتي السابقة
والاجراءات اخوي وحدة والشنغن تدخلك كل دول اليورو ...حتى دخولك للنمسا من المانيا ماراح يسئلونك عن الجواز ماعدا بعض الاحيان

[رجل شرقي]

بخصوص السفاره ، تستطيع اخذ الشنغن من السفاره الالمانية والنزول مباشره في فيينا ما عندك مشكله ابد ان شاء الله .
لان لا توجد سفاره نمساويه في قطر . ( من سابق تجربه ) .

بخصوص الاقرب الى زيلامسي فهي ميونخ ، فميونخ هي الاقرب الى زيلامسي ، فاذا كنت ستذهب بالقطار تذهب من ميونخ الى سالزبورغ النمساويه ومن سالزبورغ تبدل القطار الى زيلامسي مباشره .

وسالزبورغ تقع على الحدود الالمانية النمساوية .

وبالنسبة لي افضل الاتي:-

النزول في ميونخ واستئجار سياره من المطار والتوجه مباشره الى سالزبورغ او زيلامسي حيث ان المسافة الى سالزبورغ تقريبا ساعتين او اقل شوي ، وساعتين ونصف تقريبا الى 3 ساعات الى زيلامسي .

اذا ناوي النمسا وخاصة الريف النمساوي انصحك باستئجار سياره من المانيا لانها الارخص.

الله يوفقك اخي الكريم .

وسوف انزل الان تقرير مفصل لاحداثيات النمسا وسويسرا وادله سياحة عنهما.

[رنج سبورت]

واحد 11

ورجل شرقي

شكرا لردودكم والافاده

[qtrose]

الأخوان ما قصروا ، وأنا بس حبيت أقول أن زلامسي

تبعد عن مطار ميونخ بحوالي 3 ساعات أو ممكن أكثر ،

أما من فينا راح تكون المسافة أبعد بكثير يمكن 6 ساعات.

إختيار موفق ( ما شاء الله ).

[رنج سبورت]

الأخوان ما قصروا ، وأنا بس حبيت أقول أن زلامسي

تبعد عن مطار ميونخ بحوالي 3 ساعات أو ممكن أكثر ،

أما من فينا راح تكون المسافة أبعد بكثير يمكن 6 ساعات.

إختيار موفق ( ما شاء الله ).

صحيح بيض الله وجييهم وماقصروا في الرد

وانتي بعد جزاج الله خير ماقصرتي في ردج

يعني بها الطريقه الرحله تبدا من ميونخ -سالزبورغ-زلامسي-فيينا

في رايكم هل ميونخ تستاهل المبيت ليله بعد الوصول وثاني يوم يتم التوجه الى زلامسي والا الافضل التوجه مباشره من مطار ميونخ الى زلامسي :omen2:

[qtrose]

صحيح بيض الله وجييهم وماقصروا في الرد

وانتي بعد جزاج الله خير ماقصرتي في ردج

يعني بها الطريقه الرحله تبدا من ميونخ -سالزبورغ-زلامسي-فيينا

في رايكم هل ميونخ تستاهل المبيت ليله بعد الوصول وثاني يوم يتم التوجه الى زلامسي والا الافضل التوجه مباشره من مطار ميونخ الى زلامسي :omen2:


نعم تبدأ من ميونخ وتكفيها ليلتين أو ليلة اذا انت حاب اتبات فيها،

واذا فيك شدة عقب ما توصل ميونخ على طول تاخذ سيارة وتكمل

السفر وتروح زلامسي. الطريق واجد حلو بس أحياناً تحوشك الزحمة.

بالنسبة لسالزبورغ ما عجبتني ويكفيها يومين ، والناس بعد أذواق.

أما فينا ما زرتها من قبل.

بالتوفيق.

[واحد 11]

ميونخ تستاهل ع الاقل يومين ... واسواقها جدا راقيه وجميلة .... تكفيك زيارة المارين بلاتز شارع المشاة ومدينة قارمش الجبلية...

[رنج سبورت]

ميونخ تستاهل ع الاقل يومين ... واسواقها جدا راقيه وجميلة .... تكفيك زيارة المارين بلاتز شارع المشاة ومدينة قارمش الجبلية...

جزاك الله خير وشكرا على متابعتك والرد

خلاص شورك وهداية الله

الرحله
ميونخ-زلامسي-ميونخ وكنسلنا فيينا :nice:
مع العلم اني رايح 6 ايام فقط

ممكن ارقى الفنادق في زلامسي من ناحية الاكل والراحه والامان
وكذلك ميونخ اقرب وارقى فندق لشارع المشاه والسوق

وبخصوص الوصول لزلامسي من مطار ميونخ افضل طريقه للوصول والعوده لميونخ هل استخدام سياره وتاجيرها مع سائق والا القطار :omen2:

[Ali Mohammed]

جزاك الله خير وشكرا على متابعتك والرد

خلاص شورك وهداية الله

الرحله
ميونخ-زلامسي-ميونخ وكنسلنا فيينا :nice:
مع العلم اني رايح 6 ايام فقط

ممكن ارقى الفنادق في زلامسي من ناحية الاكل والراحه والامان
وكذلك ميونخ اقرب وارقى فندق لشارع المشاه والسوق

وبخصوص الوصول لزلامسي من مطار ميونخ افضل طريقه للوصول والعوده لميونخ هل استخدام سياره وتاجيرها مع سائق والا القطار :omen2:

السلام عليكم

أخوي افضل فندق في زيلامسي هو جراند مستواه جيد ويميزه انه في السنتر وعلى البحيرة .

أما بخصوص ميونيخ انصحك في المريديان او سوفتيل لانه مقابلين محطة القطارات الرئيسية والسنتر قريب منهم .

لو انت بروحك روح بالقطار ولو معاك عايله وشنط كبيرة اجر سيارة مع سايق

[q f]

مرحبا اخوي ,, اذا رحلتك 6 ايام فقط ,, اتوقع الجدول هذا بيعجبك

اول شي تنزل من المطار تحجز سياره على طول بتكون جاهزه واجراءاتها ماطول ,, واذا بتاخذ من محل ايجار اليوروب كار ,, بيكون فيه جارمن (( بالعربي )) تحط الجارمن على المارين بلاتز ,, ابد مقابله فندق 5 نجوم مادري شسمه بالالماني صعب شوي ,, المهم تحجز فيه وتريح لليوم الثاني ,, وتروح تتمشى بالمارين بلاتز كبير حيل بياخذ منك يوم كامل ,,
اليوم الي بعده تحط الجارمن على منطقه اسمها ( قارمش ) دامك وصلت المانيا لازم تروح هالمنطقه مو بعيده تقريبا ساعتين لين هناك ,, بتقضي يومك بقارمش فوق الجبال بتروح بالتل فريك ,, وتشوف الثلج يعني فظيعه صراحه ,, بعدها ترجع الفندق الساعه 10 بالليل ,, واليوم الي بعده الصباح تحط القارمن على زلامسي وتروحلها يبيلها يومين الى 3 ايام زلامسي ,, لان فيه جبال هناك تطلعها فوق ’’ وفيه بحيره فيها قوارب صغيره لازم تروحلها ,, وفيه بحر فيه سفينه كبيره تشيل الناس وتتمشى فيهم لمدة ساعه ونص ,, تمر فيهم على بحر النمسا وسويسرا والمانيا وترجع مكانها ,, والسفينه فيها مطاعم ومحلات وحلوه يعني ,, بعدها ترجع تسلم السياره بالمطار ,, وتروح تاخذ التاكس فري وتاخذ فلوسك ,, وترجع الدوحه ,,

اذا بغيت جدول اخر انت تبي تسويه مثلا تبي سايق مع سياره ,, او ماتبي فندق تبي شقق فندقيه
ابعثلي رساله على الخاص وانا اساعدك بكل شي ,, لان متواجد بالمانيا الان ,,

بالتووفيق

[لله الحمد]

ما زيد على اخواني الاعضاء .. انزل في ميونخ وساعتين وانت واصل زيلامسي .. في سياره ..

تاخذها من مطار ميونخ ..

تكلفك من 250 يورو الى 300 يورو ..

واذا ودك تشوف فيينا تكملها من زيلامسي .. والرجعه تكون من فيينا للدوحة

والله يوفقك

[واحد 11]

اولا مافيه بحر بين النمسا وسويسرا والمانيا .. نفس ماذكر الاخ شركة الفنار

اذا وصلت مطار ميونخ طبعا المطار يبعد عن السنتر حوالي ساعة الا ربع ... تاخذ تاكسي يوصلك للفندق وارشحلك سوفيتيل ومريديان موقعهم قريب من شارع المشاه اللي اسمه ( المارين بلاتز )
انا سكنت في شيراتون ارابيلا بارك وكان حلو صراحة بس حوالي 7 دقايق بالمترو للسنتر

ميونخ تستاهل يومين او ثلاثة والتنقلا افضلها بالقطار الا اذا كنت تعرف شوي لغة فالسيارة تستمع فيها اكثر اما السائق ما اؤيد بصراحة والامر راجعلك

خلال وجودك في ميونخ تروح لمحطة القطارات الرئيسية ( سنترال ستيشن ) مكتب الحجوزات يفتح على ماظن لين الساعة 7 تروح تاخذ من عندهم تذاكر لزيلامسي ...
ومادام فترة الرحلة عندك 6 ايام ... انصحك بالتوجة مباشرة من المطار الى زيلامسي بالقطار تقريبا 3 ساعات
فيها تبديل قطار في مدينة سالزبرغ او مدينة ثانية نسيت اسمها ( وانا مستعد للشرح عن السفر بالقطارات اذا حبيت )
وافضل السكن هناك في زيلامسي في فنادق جراند وهو افضلهم وفندق سي فيلا وفيه بعد نيوهاوس على ما اعتقد .... فندق لاتيني ما انصحك فيه بعيد شوي
واخر يوم في السفرة يفضل تخصصه لميونخ وتختار واحد من الفنادق اللي ذكرتهم وحق الشوبينق تقدر تزور في هاليوم على الاقل الحديقة الاولمبية وطبعا شارع المشاة اللي فيه كل شي

واذا بغيت تعرف شي ثاني اسئل ولاتتردد

[ام شهد قطر]

عيب زيلامسي الوحيد هو بعض الايام في شهر 7 تكون حاره شوي وعيب الفنادق أن ما فيها مكيفات بس اذا كلمت الفندق بيرسلون لك مروحه تخفف اشوي

[رنج سبورت]

شكرا لكل الردود

ممكن حد يعطينا طريقة الوصول الى فندق سوفيتيل من مطار ميونخ ؟؟

واحلى اماكن في ميونخ ؟؟

وكذلك افضل طريقه للانتقال من ميونخ الى زلامسي والعوده الى ميونخ