بغيت رايكم بخصوص هالموتر ( عطني رايك )

[yousef-89]

السلام عليكم


ياجماعة الخير بغيت اخذ رايكم في موتر ومحتار الصراحة


انا خاطري في Z350 يعني موديل 2003 هالشكل بسعر رخيص وحلو حق تمشاية طلعة
وناسة رزة هاللي حاطه فبالي وحق الدوام

فقلت مالي الا اخواني في المنتدى باخذ رايهم

حبيت اعرف بحدود كم اسعارهم

وقطع الغيار غالي ولا رخيص ومن ناحية الخرابات وهالاشياء يعني


واللي ماينصحني فيها ياليت يذكر السبب


والله يعطيكم العافية :telephone:

[MiSsY]

ان شاء الله الاعضاء يفيدونك

موفق

[بوجاسم 2009]

السلام عليكم

انا كنت باخذلي الزد و كنت حب هالموتر

واحد من الربع عنده و خذت من عنده و جربته

صراحة حلو

استانست فيه كم ساعة

عقب هونت و ماخذت

مافي سبب معين

بالنسبة القطع الغيار غالية وخربات ماعندي فكرة عنه

تحياتي

[yousef-89]

لاهنتو عالمرور وماقصرتو

في انتظار باقي الاعضاء

[على نياته]

عن نفسي لو باخذ خذت موستنج الله يوفقك

[زمن الغدر]

والله يالغالي قظع الغيار نار نفس الانفنتي تقريبا
الموتر ماعليه كلام
وفي زد توماتيك 2004 ممشاه شوي تحت 90 الف وبسعر 45 بمعرض الجزيره العربيه بعد دوار عين خالد

[al3ned]

اشتبغي بالزد ومشاكلها فك روحك من عوار الراس وعط نفسك الراحه
اسمعني وطع شوري خذ لك تويوتا اي نوع من انواعها وفك روحك من الدوام عند كراجات الصناعيه
هذا والله الي انصحك فيه

[QaTaR_OnE]

نصيحه اخذ لك موستنق احسن .. موتر حلو وخراباته شوي

وقطع غياره رخيصه لو تاخذها من السعوديه

وبالتوفيق

[$$ السنير $$]

السلام عليكم ورحمة الله

أخوي أنا ما أنصحك فيها لأن خراباتها واجد وقطع غيارها غالية

ولو إن إستعمالها زين كان شفت الناس ماخذينها

وبالتوفيق إن شاء الله

[boamir]

ماعندي اي فكره عن هالسياره

وان شاء الله الربع فادوك

والله يوفقك أخوي في السياره اللي تصلحلك

[راعي ال VXR]

انصحك اخوي ما ينفع هالموتر وخاصة قديم .. اذا بغيت موتر حق الدوام او مشاوير بسيطه احسن لك تاخذ اي شي من التيوتا او الكزس ..ومعظم شبابنا عندهم موترين واحد حق الكشخه والويكند والثاني بشي رمزي حق الكرف والدوام ...

[yousef-89]

الله يعطيكم العافية يالربع وماقصرتو