وين احسن مطعم يسوي تكة و كباب في قطر ؟!

[قلم محايد]

احب اعرف احسن مكان يضبط التكة و الكباب (البحريني) او (الايراني) .. سمعت عن مطعم اسمه شجاع .. بس في جوجل بعضهم كاتبين انه لازم يصيدك مغص عقبه ههههه .. فمادري عن احسن مطاعم تكة و كباب في الدوحة بقطر بصراحة صار لي فترة ادور و خاطري بتكة و كباب ..

[مها88]

مو شرط ...

شجاع / كلت من عنده .. بس هالله هالله في الليمون .. اعصره عدل ..:)

وعندك .. ( طرزان ) .. اللي عند سوق الذهب .. ما عليه كلام ..الكبدة المشوية .. عنده ما تفوّت ..:ok2:

وعندك ( ليالي اصفهااان ) .. بعد حلو ولذيذ .. وشغل مرتب ونظيف ..:cool:

[عاشق الشهادة]

ريكس او مطعم الشباب العربي او طرزان

[قلم محايد]

مشكورين والله ..

بس وين يصير مطعم طرزان ؟!

اخوكم لانه بحريني و بعده جديد في قطر .. وين يصير المطعم ماعليكم امر ووين تصير سوق الذهب ؟!

و مطعم طرزان اكله احلى من شجاع و انظف ؟!

يعطيكم العافية

[tnt789]

اخوي عندك كباب لمزاني خلف نابينا

[بوخالد911]

الشعب : صوب مسجد اسحاق بفريج اسحاق

وفي بشارع الأصمخ ماعرف اسمه ؛ قريب جدا من سفريات ريجنسي
حلوووو صج

كباب اللمزاني ؛ صوب نابينا

وأحلى كفته صج ؛ مطعم السندباد
بس للطلبات الخارجية مافي قعدة داخل

صووب شارع المطار قريب من اللولو

[عاشق الشهادة]

مشكورين والله ..

بس وين يصير مطعم طرزان ؟!

اخوكم لانه بحريني و بعده جديد في قطر .. وين يصير المطعم ماعليكم امر ووين تصير سوق الذهب ؟!

و مطعم طرزان اكله احلى من شجاع و انظف ؟!

يعطيكم العافية




مطعم طرزان اول ماتدخل سوق الذهب بيكون على يسارك

[F A W A Z]

ريكس ......

[Almossafer]

لاتروح مكان لا طرزان ولا شجاع

روح اللامازاني

ماراح تلقى الذ من كبابه وكل شي عنده

بتلقى محله

قبل ماتوصل محل العالم الجديد بتلقى لفه يمين ادخل اللفه وكمل سيده بتلقى الامازاني ع ايدك اليمين

اطلب لحم ودجاج وبالمره قوله خبز مهياوة واحد بعد الكباب ماياثر :)

اطلب من عنده وادعي لي

[مها88]

قلم محايد ..

اسأل عن سوق الذهب .. ولين وصلته .. بتلقى مطعم ( طرزان ) على راس العاير منه ..

أبد ما يضيع ..

[jajassim]

احب اعرف احسن مكان يضبط التكة و الكباب (البحريني) او (الايراني) .. سمعت عن مطعم اسمه شجاع .. بس في جوجل بعضهم كاتبين انه لازم يصيدك مغص عقبه ههههه .. فمادري عن احسن مطاعم تكة و كباب في الدوحة بقطر بصراحة صار لي فترة ادور و خاطري بتكة و كباب ..

احسنهم ،، تكا أبل عند شارع المعارض ،، :ok2:

[قلم محايد]

مشكوووورين والله شباب على الردود و انشالله اليوم نحصل واحد من هالمطاعم اللي قلتوا عليها ..

طبعا باخذه تيك اوي (طلب خارجي) يعني ماتهمني القعدة اهم شيء الاكل نظيف و مضبوط ...



تسلمون

[قلم محايد]

هههههه مشكورين والله اييه على تكة ابل بس يبي له مشوار خمس ساعات بالسيارة ولا نص ساعة بالطائرة لين نوصل خخخخخ ..

و شكلي ان شاء الله بجرب اللامزاني لان ادل العالم الجديد ..


و نرد لكم خبر اذا جربت واحد منهم


ماقصرتوا شكلكم كلكم من عشاق التكة و الكباب :)

[missperfect]

مافي احلي من الشاطر عباس

[قلم محايد]

رحت اللامزاني .. مشكووورين كلكم ماقصرتوا و كلينا من عنده و اكله الحمدلله زين و نظيف .. و الاهم موقعه سهل و قريب ..

بالنسبة للشاطر عباس يوم الخميس انا كنت عنده ههههه .. بس كنت حاب اجرب التكة من المطاعم الشعبية ..

و ماقصرتوا كلكم اللي رديتوا

[بوخالد911]

رحت اللامزاني .. مشكووورين كلكم ماقصرتوا و كلينا من عنده و اكله الحمدلله زين و نظيف .. و الاهم موقعه سهل و قريب ..

بالنسبة للشاطر عباس يوم الخميس انا كنت عنده ههههه .. بس كنت حاب اجرب التكة من المطاعم الشعبية ..

و ماقصرتوا كلكم اللي رديتوا

الله يحييك

هني وعاافية

بس عساك طلبت الرووب؟
:victory:

ويبييلك تجررب كرك النعيمي بالسد

:nice::nice::nice:

[قلم محايد]

الله يحييك

هني وعاافية

بس عساك طلبت الرووب؟
:victory:

ويبييلك تجررب كرك النعيمي بالسد

:nice::nice::nice:



الله يعافيك يالغالي ..


والله في المنيو مالقيت تكة بالروب ( او كباب بالروب) :discuss:

بس المرة الياية بسأله :victory:

و نجرب ان شاء الله كرك النعيمي او شاي كرك اللي بالسد و اقولك رايي :nice:

[.. الكاش ..]

روح شبستان ودعيلي

[مستر بن]

عندك كباب لمزاني

وهذا رقمه

5526345

[هدهد سليمان]

لمزاني صادني تسمم عنده :)

[رجل الجزيرة]

الشاطر عباس.