اللي يعرف حد فـ كيو بي يدخل ويفيدني [الأرشيف] - منتديات شبكة الأسهم القطرية

مشاهدة النسخة كاملة : اللي يعرف حد فـ كيو بي يدخل ويفيدني

Qtr.Girl

26-06-2010, 11:20 PM

السلام عليكم ورحمة الله وبركاته

عندي استفسار بسيط

انا سبونسر من كيوبي وحبيت اسال لو بغيت اطلع ( انهي العقد ) من عندهم هل ادفع لهم المبلغ اللي اندفع لي ولا شلون الوضع ؟؟

ارجوا الاهتمام بالموضوع للاهميه

Abdullah_89

26-06-2010, 11:24 PM

اختي ممكن اعرف انتي سبونسر في وين هل في شمال الاطلنطي ولا مبتعثة فالخارج

لاني كنت نفسج وبافيدج ان شاء الله

Gh2o

26-06-2010, 11:32 PM

الي اعرفه الجهه الي تروحين لها لازم تدفع تكاليف الدراسه

Qtr.Girl

26-06-2010, 11:36 PM

اختي ممكن اعرف انتي سبونسر في وين هل في شمال الاطلنطي ولا مبتعثة فالخارج

لاني كنت نفسج وبافيدج ان شاء الله

لا اخوي بجامعة قطر

وناويه اطلع بس اللي موقفني موضوع كيو بي مب عارفه شنهي الاجراءات !

ياريت تفيدني اخوي

الي اعرفه الجهه الي تروحين لها لازم تدفع تكاليف الدراسه

هلا اخوي انا بجامعة قطر وهي ماتدفع تكاليفها الجامعه فري للقطريين

Abdullah_89

26-06-2010, 11:38 PM

هل انتي من البدايه داخله عشان وظيفة واهم ابتعثوج ولا انتي كنت طالبة الجامعه ؟

يعني انتي لما رحتي كنتي مقدمة على وظيفة ولا منحة دراسية ؟

Qtr.Girl

26-06-2010, 11:41 PM

هل انتي من البدايه داخله عشان وظيفة واهم ابتعثوج ولا انتي كنت طالبة الجامعه ؟

يعني انتي لما رحتي كنتي مقدمة على وظيفة ولا منحة دراسية ؟

لا اخوي على منحه

اعالي الجنان

26-06-2010, 11:43 PM

اذا انتي مبتعثه منهم تدفعين اللي عليج وتنهين العقد
فانتي شوفي شنو مكتوب في العقد ولازم تتبعينه
واي استفسار حاضر

ANONYMOUS

26-06-2010, 11:45 PM

انا بثير اسئله يمكن تساعدج

عندج رقم وظيفي في كيوبي ولا لا ؟

وقعتي عقد وياهم ولا لا ؟

واذا وقعتي عقد.. بيكون مكتوب فيه اجابة سؤالج

Abdullah_89

26-06-2010, 11:47 PM

منحه لازم تدفعين اللي عليج بس لو اهم طرشوج من كيفهم فأنتي مو ملزومة تدفعين

Qtr.Girl

26-06-2010, 11:49 PM

اذا انتي مبتعثه منهم تدفعين اللي عليج وتنهين العقد
فانتي شوفي شنو مكتوب في العقد ولازم تتبعينه
واي استفسار حاضر
اي اخوي مبتعثه منهم
ناس يقولون لي تردين المبلغ الي اندفع لج
وناس يقولون ماتدفعين شيء !
مب عارفه شسالفة

اي انشالله بجوف العقد الحين

انا بثير اسئله يمكن تساعدج

عندج رقم وظيفي في كيوبي ولا لا ؟

وقعتي عقد وياهم ولا لا ؟

واذا وقعتي عقد.. بيكون مكتوب فيه اجابة سؤالج

اي اخوي عندي رقم وظيفي
ووقعت العقد من سنتين معاهم
انشالله بجوف العقد مادري شلون نسيته !

بس ياريت تفيدوني لان في ناس اطلعوا بدون مايدفعون لهم شيء

Qtr.Girl

26-06-2010, 11:56 PM

بالنسبه للعقد

مافي شي عن اللي انا ابغيه

الموجود فقط اذا هم الغوا الاتفاق !!!!!! مب اذا انا قررت انهي العقد !

ياريت حد يفيدني !!!!

Qtr.Girl

27-06-2010, 12:00 AM

منحه لازم تدفعين اللي عليج بس لو اهم طرشوج من كيفهم فأنتي مو ملزومة تدفعين

اخوي انا قدمت عندهم على اساس بعثة دراسه

وخيروني بين جامعات قطر او الدراسه فالخارج بلستة الدول اللي يبعثون لها الطلاب

في هالحاله وضعي شنو راح يكون معاهم ؟

CH Engineer

27-06-2010, 12:01 AM

القناص

27-06-2010, 12:01 AM

لا تدفعين شي دام العقد مانص على شي

اعالي الجنان

27-06-2010, 12:02 AM

بالنسبه للعقد

مافي شي عن اللي انا ابغيه

الموجود فقط اذا هم الغوا الاتفاق !!!!!! مب اذا انا قررت انهي العقد !

ياريت حد يفيدني !!!!

اختي اذا هم اذكرو انهم خلاص بينهون العقد باي لحظه في هالحاله تطلعين وماعليج شي
واذا انتي اللي تبي تطلعين على كيفج تدفعين لهم مستحقاتهم

Qtr.Girl

27-06-2010, 12:04 AM

اي اكيد عندها رقم وظيفي واكيد وقعت عقد ومدته 5 سنوات
والشرط انها تتوظف لمدة 5 سنوات

والحل اختي
انج تقدمين على شركة ثانية واذا اقبلوج بيشترونج من كيو بي..

نفس المحترفين في اوروبا :p

شدي حيلج وتفلسفي في المقابلات وبالتوفيق...

صح كلامك اخوي لمدة 5 سنوات على عدد سنوات الدراسه اللي راح ادرسها

بس انا ناويه انهي العقد لسبب وهو اني انشالله ناويه اكمل الدراسه في دوله عربيه

وهم اصلا مايبعثون طلاب لدول عربيه

وعلى حسب علمي مافي شركات تبعث لدول عربيه

هاي الموضوع المتأزم :rolleyes2:

اعالي الجنان

27-06-2010, 12:04 AM

Qtr.Girl

27-06-2010, 12:08 AM

لا تدفعين شي دام العقد مانص على شي

هاي اللي محيرني
بنجوف اخرتها معاهم

اختي اذا هم اذكرو انهم خلاص بينهون العقد باي لحظه في هالحاله تطلعين وماعليج شي
واذا انتي اللي تبي تطلعين على كيفج تدفعين لهم مستحقاتهم

اي اخوي المكتوب بس ان لو هم انهوا العقد بس ما اذكروا اي شي لو انا بغيت انهيه
كيفية الاجراءات المستحقات ...الخ

كلام صحيح 100%

:)

CH Engineer

27-06-2010, 12:12 AM

صح كلامك اخوي لمدة 5 سنوات على عدد سنوات الدراسه اللي راح ادرسها

بس انا ناويه انهي العقد لسبب وهو اني انشالله ناويه اكمل الدراسه في دوله عربيه

وهم اصلا مايبعثون طلاب لدول عربيه

وعلى حسب علمي مافي شركات تبعث لدول عربيه

هاي الموضوع المتأزم :rolleyes2:

اختي صار لج سنتين وبتكملين الدراسه في دولة عربيه ؟؟
سنتين تأسيسي ماعتقد.. لانه مايعطونج سبونسر الا اذا دشيتي التخصص...

Qtr.Girl

27-06-2010, 12:15 AM

اختي صار لج سنتين وبتكملين الدراسه في دولة عربيه ؟؟
سنتين تأسيسي ماعتقد.. لانه مايعطونج سبونسر الا اذا دشيتي التخصص...

لا اخوي مش تاسيسي تخصص الحمدلله ماعلي تاسيسي مخلصته
انا في جامعة قطر وابي اغير التخصص والجامعه :)

اعالي الجنان

27-06-2010, 12:18 AM

اختي اتصلي بكره لقسم البعثات عند نواف الكعبي في راس بوعبود وهو بيفيدج بالموضوع ويعلمج كل شي
لان المعروف انه بيدفعونج اذا نويتي تنهين العقد
والله يسهل امورج

CH Engineer

27-06-2010, 12:21 AM

لا اخوي مش تاسيسي تخصص الحمدلله ماعلي تاسيسي مخلصته
انا في جامعة قطر وابي اغير التخصص والجامعه :)

عليج انذارات من قبل؟؟
اختي الحل المناسب في هالحاله
انج تسجلين 9 سااعات فالجامعه وماتحضرين وبتنزل لج رسوب..
وانتي بهالوقت تدرسين فالجامعه الي تبينها..
وبعدها بيوقفون راتبج كيو بي لانه عدد الساعات تحت ال12
ومعدلج تحت ال2.5
والفصل الي بعده سوي نفس الحركه وبتنلغي البعثه..
وترتاحين من كيو بي
بس اذا بتطلعين من الجامعه وبتكلمينهم انج طلعتي اعتقد بيطالبونج تدفعين اللي عليج..
روحي لنواف الكعبي فكيو بي وقوليله انج تبين تدرسين فجامعه عربية شوفي اذا يقدر يحولج او يوقف البعثه بدون مايدفعونج..
واذا مايصير سوي الي قلته لج..

وبالتوفيق

Qtr.Girl

27-06-2010, 12:24 AM

اختي اتصلي بكره لقسم البعثات عند نواف الكعبي في راس بوعبود وهو بيفيدج بالموضوع ويعلمج كل شي
لان المعروف انه بيدفعونج اذا نويتي تنهين العقد
والله يسهل امورج
انشالله بكرا راح اتصل
امين اخوي ويسهل عليك كل صعب انشالله

عليج انذارات من قبل؟؟
اختي الحل المناسب في هالحاله
انج تسجلين 9 سااعات فالجامعه وماتحضرين وبتنزل لج رسوب..
وانتي بهالوقت تدرسين فالجامعه الي تبينها..
وبعدها بيوقفون راتبج كيو بي لانه عدد الساعات تحت ال12
ومعدلج تحت ال2.5
والفصل الي بعده سوي نفس الحركه وبتنلغي البعثه..
وترتاحين من كيو بي
بس اذا بتطلعين من الجامعه وبتكلمينهم انج طلعتي اعتقد بيطالبونج تدفعين اللي عليج..
روحي لنواف الكعبي فكيو بي وقوليله انج تبين تدرسين فجامعه عربية شوفي اذا يقدر يحولج او يوقف البعثه بدون مايدفعونج..
واذا مايصير سوي الي قلته لج..

وبالتوفيق
اي اخوي عندي انذارين من الجامعه وعندي اخر انذار من كيوبي
بجوف الموضوع الي قلت عليه ومنها بتصل وبستفسر

واذا عرفتوا اي شي يخص الموضوع لاتبخلون علي

روح الاطلس

27-06-2010, 12:25 AM

وان مادفعتي بيسجنونج؟ خلهم يولون
الا ان كانوا طلبوا كفيل عند توقيع العقد

بوخالد911

27-06-2010, 12:25 AM

موووفقة

blueZircon

27-06-2010, 12:27 AM

اختي , دشي على علي تلفت مدير التدريب , وقولي له انا ناويه اطلع وافسخ العقد لظروف ما او عطيه اسباب مقنعه , وراح يقولج شاوري عمرج عدل وارجعي لي عقب يومين عشان تفكرين عدل وصح ويمكن تغيرين رايج,

بيقولج احنا محتاجين قطريين وقطريات وفرصتج كبيره في كيوبي والمستقبل زين ,

قولي له انا عارفه هالشئ واتمنى اني استمر بس الظروف ماتسمح ,

بيقولج خلاص راح نعفيج عن المستحقات اللي عليج , وفوق هاي كله بيقولج عقب مانفسخ العقد , روحي استلمي مكافاة نهاية الخدمه :)

واحد من الربع صارله نفس السيناريو , وفسخ العقد بعد ثلاث سنين وماطالبوه بشئ

الله يوفقج

Qtr.Girl

27-06-2010, 12:28 AM

وان مادفعتي بيسجنونج؟ خلهم يولون
الا ان كانوا طلبوا كفيل عند توقيع العقد
لا اخوي ماظن سجنن شدعوا

ومافي كفيل ولا شي:secret:

كل واحد مسؤل عن نفسه ماخبر في حد وقع وجاب كفيل :secret:

شاكر لك مرورك اخوي

موووفقة

تسلم اخوي بو خالد

CH Engineer

27-06-2010, 12:35 AM

انشالله بكرا راح اتصل
امين اخوي ويسهل عليك كل صعب انشالله

اي اخوي عندي انذارين من الجامعه وعندي اخر انذار من كيوبي
بجوف الموضوع الي قلت عليه ومنها بتصل وبستفسر

واذا عرفتوا اي شي يخص الموضوع لاتبخلون علي

بهالحالة ماعتقد يحولون البعثه
الحل فهالحاله تتوكلين على الله وتسجلين في الجامعة العربية الي تبينها وتروحين اداومين..
وتسحبين على جامعة قطر بدون ماتقولين لهم انج تبين تطلعين ولا تعلمين البترول..

طبعا عليج انذارين والراتب متوقف..
وهذا الانذار الاخير وبيوقفون البعثه عنج..

وبالتوفيق

المغروره

30-06-2010, 01:08 AM

الله لايهينج اتصلي على خليل الانصاري مساعد مدير التوظيف
بيفيدج
تحياتي لج

^امـ نواري^

10-07-2010, 09:57 AM

عليج انذارات من قبل؟؟
اختي الحل المناسب في هالحاله
انج تسجلين 9 سااعات فالجامعه وماتحضرين وبتنزل لج رسوب..
وانتي بهالوقت تدرسين فالجامعه الي تبينها..
وبعدها بيوقفون راتبج كيو بي لانه عدد الساعات تحت ال12
ومعدلج تحت ال2.5
والفصل الي بعده سوي نفس الحركه وبتنلغي البعثه..
وترتاحين من كيو بي
بس اذا بتطلعين من الجامعه وبتكلمينهم انج طلعتي اعتقد بيطالبونج تدفعين اللي عليج..
روحي لنواف الكعبي فكيو بي وقوليله انج تبين تدرسين فجامعه عربية شوفي اذا يقدر يحولج او يوقف البعثه بدون مايدفعونج..
واذا مايصير سوي الي قلته لج..

وبالتوفيق

صراحة الفكره عجييييبه !!!! :eek5:" ارسبي وبتنلغي البعثه ؟؟؟؟

الله يحفظكم بس:secret:

اختي Qtr.Girl شصار معاج ؟