لليــ يبيـــ ايطاليا يدشــ :)

[karak]

مراااحب يالربعــــ

للي يبي يروح ايطاليا ويبي ترتيب جدول والا اسامي مدن ترى حاظريــن :nice:

[قطري فلته]

كرك اسوي خير قاعد ارتب ياريال اروح المانيا ولا لندن ولا ايطاليا اسوي خير شوف ترتيب مع الفنادق واشلون ايطاليا امان ولا يعني ابي تفصيل المملل وطرشني فى الخاص يكون احسن

اخوك
قطري فلته

[karak]

هلا بك اخوي...ابشر بسعدك بس حسابي مايسمح اطرش خاص ... طرش لي ايميلك خاص وبعطيك تفاصيل المحل اللي تبيه ... عموما ايطاليا امان وجدولها غير عن لندن وباريس ماعدا ميلان نفس البلاد ذيك تقريباً ..

[clouds]

انا رحت روما وفينيسا وميلان من قبل ومابي ارجع اروح لهم
خاطري في منطقه بايطاليا تكون على البحر او منتجع اخذ العيال ونروح
ياريت لو تقدر تساعدنا بمكان ينفع للعائله في ايطاليا

[karak]

ممم اذا تحب البحر في مناطق في الساحل الشمالي الغربي (احذا فرنسا) في جينوفا والجزر طبعا صقليه اللي هي تكون جنوب غرب ايطاليا وجزيرة كابري تعتبر جنة الجزر هناك... واللي يبي التمشيه فلورنسا واحذاها اقليم توسكانا وبيزا اللي فيها البرج وساحة مايكل انجلو .. مدينة هادية نوعا ما مب مثل غثى ميلانو وروما .. بس حلووه للي يبي يروّق فيه مناطق حول ميلانو رهيــــــبـــه مثل بحيرة كومو ... فيها جبل لو درجة الحرارة في البحير 30 فوق الجبل تصير 17 وشي غير طبييعي كوفي شوبات ع البحيره ومحلات ومحل يشرح الصدر... احذى ميلانو بعد منطقه صغيره يسكن فيها الاغنيا والمشاهير هاديه بعد وهاي اسم منطقة شمال شرق ميلانو اسمها ماججوري ولاقاردا فيها اكبر مدينة العاب في ايطاليا وهي عبارة عن بحيرة كبيره وفيها اشيا وايد للسياح(بين ميلانو وفينيتزيا) ومنطقة بومبيي وايد امااكن هذا غير المناطق اللي بين تورينو وسويسرا .. بعطيك هاللنك وشوف شيجوز لك وارجعلي وانشالله مايصير خاطرك الا طيب.. اماكن غيرهم بعد .. تسينكوي تيرري، ترينتينو التو اديج وغيرهم ..
http://www.alltravelitaly.com/Italy/Destination_Guides/Top_Attractions.htm

[Darco]

الله لايهينك أخوي على خدماتك :) ..

سؤالي سلمك الله.. في طيارة direct من ميلان لين فينيسيا؟ وإذا لا فيه قطارات توصل هناك؟

[ام عزيزان]

مشكوررر

[karak]

من ميلان لين فينيسيا ساعتين قطار .. وبتشوف مدن حوولك وانت رايح بتكون لاقاردا وحده منهم ... احسن لك اتجرب القطار هناك اما الطياره ماظن فيه طال عمرك ويمكن يكون مطار قريب من فينيسيا وتروح بتاكسي ....
وبيّض الله ويهك وحياج يا ام عزيزان ولاهنتي ع المرور

[karak]

الحجي انك اتروح بقطار وتنيشن على كم مدينه لانك لوصلت هناك بتلقى بروشرات في كل فندق ويمكن اتطيح في خاطرك مدينه من هالمدن لان حول ميلان مدن صغيره وفيها بحيرات وكل مدينة لها جوها ماراح اتملل... في سوق ياجماعه على حدود ايطاليا سويسرا اسمها فوكس ماركت يبيع ماركات برخص التراب ومعروف من تروحون هناك بيقولون لكم عنه

هذا موقع السوق

http://www.foxtown.ch/info.php?lingua=en&centro=mendrisio

http://www.city-discovery.com/milan/tour.php?id=3143

[غـيـد]

ممكنـ تكتبـ لنا كلــ إلليـ تعرفهـ عنـ ايطاليا هنيـ عشانــ كلنا نستفيد

ويعطيكــ العافيهــ

[karak]

في وايد اشيا اعرفها برتب شي وبطرشه ابشري طال عمرج ... لكن انا افضل كل واحد يطلب المكان عشان اضيق جائرة البحث عندي ...لانني استعين بشباب يشتغلون هناك واحط اسامي المدن اللي ييتهم من جذي افضل كل واحد يحدد نوع والا طبيعة سفرته ... شوبنق - بحر - مدينه - تراث كل شي له مدينته وجوه

[karak]

السموحه على التاخير ومسّاكم الله بالخير...
المعلموات اللي قدرت اجمعها كالتالي:
في الشمال بحيرة كومو + بحيرة قاردا وحولهم قرى رهيبه بتلقون اسواق ومناظر واهل الشمال في ايطاليا معرفين بان مدنهم فيها اسواق...كومو يسكن فيها مشاهير الممثلين ..
في النص عندكم فلورنسا وتوسكانا وبيزا فيه منطقه اسمها فورتي دي مارمي وهذي كانت مدينة اغنياء ايطاليا في السبعينات
الشرق عندكم ريميني ريككوني وفي هالمدن اكثر الحفلات الصيفية (مب حق عايلات)...
الجنوب عندكم ساحل امالفي جنه في المناظر الطبيعية وحولها بوسيتانو وسورينتو ...
مع مدن الشرق تروحون جزيرة كابري ايسكيا
كابري من اجمل جزر العالم...
سيسلي رهيبه ... واكثر السياح الايطاليين يروحون هناك فيها جزر بركانية وجزيرة سترومبول وبااناريا

منطقه رهيبه ينصح بها بورتو كيرفو في ساردينيا
مونتيكارلو
وووو بورتو فينو ووايد اماكن وانشالله يكفيكم ...

[المدحوب]

ماشااللة عليك بحر فى المعلومات جزاك اللة خير كفيت وبعد نبى منك المزيد