هديه لأمي في عيد ميلادها

[Abdullah_89]

صبحكم الله بالخير :taunt:

يعطيكم ألف عافيه

بإختصار شديد أبي اقتراحات حق هدية عيد ميلاد الوالده :nice:

بس بعيد عن الذهب والساعات والعطورات :secret:

أبي شي مبتكر :victory:

همتكم معاي :app2:

[tulepq]

صبحك الله بالنور والسرور ..

عاد ماعندنا أغلى من ست الحبايب .. بس طلبتك طلبه ..

تقول تبي شي بعيد عن العطور والذهب والساعات ..

طلبتك طلبه ..



إحجز لها وخلها تسافر تغير جو .. إشرايك ؟

[بروق QTR]

اخوي ما تبي تاخذ ذهب ولا ساعات ولا عطورات..

ودها العمره واكسب الاجر في الدنيا والاخره....وصدقني احلا هديه واحلا مفاجأه

والله يجزاك خير على بر والديك ويثبتك..

[Abdullah_89]

اخوي tulepq

تم أبوي بس السفره صعبه هالفتره

تونا رادين من سفر 3 أسابيع برع الدوحة

عاااد اهي صادتني امس حست اني باسوي شي خخخخخخخخ

[Abdullah_89]

اخوي بروق

قلتلها بتروحين العمره قالت لا خلها بعد العيد :(

[tulepq]

اخوي tulepq

تم أبوي بس السفره صعبه هالفتره

تونا رادين من سفر 3 أسابيع برع الدوحة

عاااد اهي صادتني امس حست اني باسوي شي خخخخخخخخ


أنا اخووووووووووووك ؟؟؟؟
الله يسامحك

أنا إختك تيوليب قطر

[Abdullah_89]

خخخخخخخخخخخخ

السموحه اختي

بس فالمكتب ومتلخبط

كل مكان اوراق لحد يزعل عاد :)

[بروق QTR]

اخوي بروق

قلتلها بتروحين العمره قالت لا خلها بعد العيد :(


معاك اختك بروق قطر...

خلاص خلها بعد العيد...وأجل الهديه...

[tulepq]

ههههههههههه حتى إنتي ما سلمتي من اللبس ..

شوف أخوي عبدالله ... إذا سالفة السفر ما تنفع .. عليك باللي قلبها يحبه .. دز عليها خواتك يشوفون وش اللي بخاطرهااااااااااااااااااا ..

[فارس بلا جواد]

السلام عليكم

صبحك الله بالخير اخوي عبدالله

ونعم الأبن البار والله

شوف اخوي وشو اكثر شي تحبه ام عبدالله وتسولف عنه

وتكون فرحانه ومستانسه اذا شافته

ومب موجود عندها ؟

حاول تعرف الي تحبه وجيبه لها

تعال لها في وقت مناسب

قول لها يمه عندي لج شي حلو وتحبينه بعد

قول لها غمضي عينج

وعقب روها الهدية

الله يفرح قلب امك فيك يالغالي

وربي احلى شي سويته

تكون بار مع والديك

وياريت كل يوم عيد حق امهاتنا

وربي يستاهلون كل خير

اخبر مره واحد من الشباب يقولي سالفته ويا امه

اقرا السالفه

امه من النوع الي تحب المطبخ والطباخ

عاد ذاك اليوم دش عليها المطبخ وعرقانها تهطل خبرك المطبخ حار

يقول انا كلمتها كم مره قلت لها يمه الله يخليج لا تروحين المطبخ

الطبابيخ موجودين

قالت له انا باطبخ لكم مابي اكل الطبابيخ

المهم ذاك اليوم رفيجي قال حق امه يمه انا مابي غدا لا تسوين حسابي

انا معزوم برع

ثاني يوم العزيمة تكنسلت

رفييجي عود البيت وهو مب متغدي يوعان

قالت امه

هاه يا وليدي احط لك غدا ؟

قال لها اي يمه حطي لي شوي انا يوعان تكنسلت العزيمة

ربعنا مشغولين

اتصدق انه امه ما تغدت المسكينه توها بتحط غداها

شافت ولدها قالت له على طول الحين باحط غداك

اتصدق تمت بيوعها لين العشا وما تغدت ؟!!


وهي مستانسه وفرحانه

الريال ما كان يدري

يوم دري زعل وحس بالذنب وصاح

يقولي يا فارس انا تميت اصيح

ارقد شبعان وامي يوعانه ؟!!

وربي ما كنت اعرف انها مب متغديه

انا اناني وما استحق كل الي تسويه امي عشاني

اتصدق امه كان خاطرها في شي من زمان

بس الريال رفيجي متعييز شوي

قام وشرا لها الي تحبه

وماكان عنده الا 2000 ريال

صرفها كلها

قلت له كان خليت لك 500 ريال على الاقل الشهر طويل ؟!!

قال لا هذي امي الي سووته عشاني مب شي هين

وايد كبير

اتصدق عنده عيال وكان ذاك اليوم مواعد عياله يوديهم الاند مارك يلعبهم في الالعاب

اتصدق انه ما وداهم خلاهم في البيت

كله هذا عشان من ؟

عشان امه

اللهم اغفر لهم وارحمهم وارزقهم وعافيهم واعفو عنهم يا ارحم الراحمين

تحياتي لك يالغالي

[Abdullah_89]

اخوي فارس بلا جواد

الله يسلمك مالي إلا هالأم فالدنيا :shy:

أهي اللي ربتني وكبرتني وعلمتني وسوت لي كل شي فخاطري
حلو انك تدخل عليها وتفرح قليبها :whistling:
وللعلم أنا الوالد متوفي ومن يوم وانا صغير امي اللي شالة البيت فديتها :)

والصراحة رفيجك سوى اللي ممكن اي واحد يسوية لأمة عشان يردلها المعروف اللي سوتة طول حياتها :shy::thumbup1:

[alwale]

السلام عليكم اخوى عبدالله ودى اقول شى غير عن لى قالوه الاخوه والاخوات اى عيد ميلا د او عيد حب او خرابيط الام عندها يوميا عيد ميلاد وحب لما تشوفك راد لها انت وخوانك وخواتك من العمل او المدرسه عندها عيد ميلاد لما تشوفك اذا اذن الاذن قمت وتوضيت وخذيت اخوانك معاك المسجد وهذا عندها اغلى ساعه فى حياتها عندها يوم عيد اذا جيت من العمل او السفر وقبلت راسها ويدها ورجلها هذا اغلى هديه تقدمها لها

[حنان k]

السلام عليكم اخوى عبدالله ودى اقول شى غير عن لى قالوه الاخوه والاخوات اى عيد ميلا د او عيد حب او خرابيط الام عندها يوميا عيد ميلاد وحب لما تشوفك راد لها انت وخوانك وخواتك من العمل او المدرسه عندها عيد ميلاد لما تشوفك اذا اذن الاذن قمت وتوضيت وخذيت اخوانك معاك المسجد وهذا عندها اغلى ساعه فى حياتها عندها يوم عيد اذا جيت من العمل او السفر وقبلت راسها ويدها ورجلها هذا اغلى هديه تقدمها لها





سلم فييك يا ابن الأجواد ... الله يحرم وجهك من ربتك من النار يارب

الأم كل يوم لها عيد ... بـ الأسلام مافي إلا عيدين , من وين جا عيد الأم ؟؟

وإذا ملزم ملزم مافي أحلى من أنك ((( تحب راسها ويدينها ورجلينها ))) .... الهدية بمعنويتها مب بماديتها

الله يحفظ لنا أمهاتنا يارب ويطول بأعمارهن بطاعة الرحمن


كم عمر العيد ذا لاهنت :shy:

[بو منيرة]

سبحان الله يا جماعه ... حب الأم هو الحب الوحيد الي ماله شروط ... يعني لو فيك عيوب الدنيا امك بعد بتحبك بدون شروط ... حتى الاب يمكن يكره ولده بس الام مستحيل ... وهذي فرصه نتذكر الحديث الشريف ونعرف رحمة رب العالمين لنا

في الصحيحين: أن النبي صلى الله عليه وسلم لما انتهى من حرب هوازن.. أُتي إليه بعد المعركة بأطفال الكفار ونسائهم ثم جمعوا في مكان.

فالتفت النبي صلى الله عليه وسلم إليهم فإذا امرأة من السبي.. أم ثكلى.. تجر خطاها.. تبحث عن ولدها.. وفلذة كبدها قد اضطرب أمرها وطار صوابها.. واشتدّ مصابها..

تطوف على الأطفال الرضع.. تنظر في وجوههم.. يكاد ثديها يتفجر من احتباس اللبن فيه..

تتمنى لو أن طفلها بين يديها.. تضمه ضمة.. وتشمه شمة.. ولو كلفها ذلك حياتها..

فبينما هي على ذلك..

إذ وجدت ولدها.. فلما رأته جف دمعها.. وعاد صوابها..

ثم انكبت عليه.. وانطرحت بين يديه.. وقد رحمت جوعه وتعبه.. وبكاءه ونصبه..أخذت تضمه وتقبله..

ثم ألصقته بصدرها.. وألقمته ثديها..

فنظر الرحيم الشفيق إليها.. وقد أضناها التعب.. وعظم النصب..

وقد طال شوقها إلى ولدها.. واشتد مصابه ومصابها..

فلما رأى ذلها.. وانكسارها.. وفجيعتها بولدها..

التفت إلى أصحابه ثم قال:

أتُرَون هذه.. طارحة ولدها في النار.. يعني لو أشعلنا ناراً وأمرناها أن تطرح ولدها فيها.. أترون أنها ترضى..

فعجب الصحابة الكرام: كيف تطرحه في النار.. وهو فلذة كبدها.. وعصارة قلبها..كيف تطرحه.. وهي تلثمه.. وتقبله.. وتغسل وجهه بدموعها.. كيف تطرحه..

وهي الأم الرحيمة.. والوالدة الشفيقة..

قالوا: لا.. والله.. يا رسول الله.. لا تطرحه في النار.. وهي تقدر على أن لا تطرحه..

فقال صلى الله عليه وسلم: والله.. لله.. أرحم بعباده من هذه بولدها

سبحان الله

[الجزوع]

الله يخليك لاميمتك ولايحرمكم من بعض ، وعسى ربي يرزقني بالولد الصالح اللي يرضي ربه ثم يرضيني ..

[Doha Sun]

بوسة على الراس والخد واليد ..
وعلى طول سوق الذهب ( شيميلات ،خوص ، حب الهيل ، خواتم ) ..

[sara jsm]

السلام عليكم اخوي ,,
كل عام والوالده بالف خير ,, وعسى الله يطولكم في عمرها يارب ,, :)
انا اقترح تجيب لها طقم ضيافه ,,
اخبر الحريم بـ انواعهم يحبون هالسوالف وايد ,, :nice:
وانتظر آراء باقي الاعضاء يمكن يفيدونك اكثر ,,
يعطيك العافية ,,

[Abdullah_89]

تسلموووووووووووووووون كلكم ياجماعه ماقصرتوا

وربي يخليلكم امهاتكم وابهاتكم
والمتوفي منهم ربي يرحمهم برحمته ويغمد روخهم الجنه

امي ماقصرت معاي وانا صغير ولازم اردلها لو شوي بس من اللي سوته لي
لاتلوموني من حبي لها ماابيها تحس ان انا ناسيها ابدا

[وطن]

عادة الامهات يحبون المواعين وايد خصوصا اذا كانت الام راعية مطبخ

طقم دلال مع فناجيلهم و استكاناتهم
او طقم صحوون

طقم للبيت مثلا مفرش للسرير او للحمام

شي بتشوفه يوميا تقريبا وبتتذكر انه هديه من ولدها

:)

بس اذا بتجيب هديه لها وتكون شي للبيت جيب معاها شي بسيط كهدية شخصية
مثل عطر او كوليكشن كريمات ... الخ

[ابو محمد7]

في فكرة حلوة انا طبقتها مع الوالد لان صعب جدا اشتري له هدية

ممكن تروح اي جهة خيرية وتتصدق بنية ان الثواب يكون حق الوالدة وبيعطونك ايصال ومكتوب اسمها

وتجيب لها الايصال ! صراحة نساعد اخوانا المسلمين احسن من بعض الهدايا اللي بتكون زايدة ومافي اي حاجة لها

للعلم فقط انا مب من المشجعين على عيد الميلاد

[Abdullah_89]

اخوي بو محمد فكره حلوة بس معاك عبدالله للعلم :)

وطن البيت كله مواعين فكرة مفرش للسرير حلوة

وجاتني فكره غرفة نوم جديده غرف نابكو روووعه شكلي باروح العصر ان شاء الله
فكررره رووووعه

يعطيكم ألف عافيه

[ابو محمد7]

اخوي بو محمد فكره حلوة بس معاك عبدالله للعلم :)

وطن البيت كله مواعين فكرة مفرش للسرير حلوة

وجاتني فكره غرفة نوم جديده غرف نابكو روووعه شكلي باروح العصر ان شاء الله
فكررره رووووعه

يعطيكم ألف عافيه

السمووووووووووووووحة تم تعديل المشاركة

وانا قعدت ساعة افكر اقول شنو يعني معاك عبدالله للعلم !

[Abdullah_89]

ههههههههههههههههههه


يعطيك العافيه

[خليدان]

الله يخليك لاميمتك ولايحرمكم من بعض ، وعسى ربي يرزقني بالولد الصالح اللي يرضي ربه ثم يرضيني ..

اللهم آمين ..

وإن شاء الله رب العالمين يرزقج بالذريه الصالحه ..

[Abdullah_89]

خليدان

مكتوب اسمي عبدالله

تسلم اخوي :)

[بوحارب]

تبي نصيحتي

اشتر لها قدر من النوع القديم

ترى العيايز يحبون هالسوالف

بعدين ياخوي ترى اعياد الميلاد وهالسوالف حرام عندنا واول مرة اشوف واحد يعطي امه هدية في عيد ميلادها !

ما شاء الله عليك كيوت حدك

[خليدان]

السلام عليكم اخوى عبدالله ودى اقول شى غير عن لى قالوه الاخوه والاخوات اى عيد ميلا د او عيد حب او خرابيط الام عندها يوميا عيد ميلاد وحب لما تشوفك راد لها انت وخوانك وخواتك من العمل او المدرسه عندها عيد ميلاد لما تشوفك اذا اذن الاذن قمت وتوضيت وخذيت اخوانك معاك المسجد وهذا عندها اغلى ساعه فى حياتها عندها يوم عيد اذا جيت من العمل او السفر وقبلت راسها ويدها ورجلها هذا اغلى هديه تقدمها لها

بيض الله وجهك يــآآ سنافي

ولو تسمحلي أضيف على كلامك فتوى لسماحة الشيخ ابن عثيمين ~ رحمه الله ~

فتوى للشيخ محمد بن عثيمين - رحمه الله - في حكم الاحتفال بأعياد الميلاد :

ما حكم أعياد الميلاد؟

الجواب

الحمد لله والصلاة والسلام على رسول الله ، وبعد :
فأجاب بقوله: يظهر من السؤال أن المراد بعيد الميلاد عيد ميلاد الإنسان، كلما دارت السنة من ميلاده أحدثوا له عيداً تجتمع فيه أفراد العائلة على مأدبة كبيرة أو صغيرة.
وقولي في ذلك أنه ممنوع؛ لأنه ليس في الإسلام عيد لأي مناسبة سوى عيد الأضحى، وعيد الفطر من رمضان، وعيد الأسبوع وهو يوم الجمعة وفي سنن النسائي عن أنس بن مالك رضي الله عنه قال:كان لأهل الجاهلية، يومان في كل سنة يلعبون فيهما فلما قدم النبي، صلى الله عليه وسلم، المدينة قال : "كان لكم يومان تلعبون فيهما، وقد بدلكم الله بهما خيراً منهما يوم الفطر ويوم الأضحى". ولأن هذا يفتح باباً إلى البدع مثل أن يقول: قائل: إذا جاز العيد لمولد المولود فجوازه لرسول الله -صلى الله عليه وسلم- أولى وكل ما فتح باباً للممنوع كان ممنوعاً. والله الموفق .

[خليدان]

خليدان

مكتوب اسمي عبدالله

تسلم اخوي :)

والنعم فيكـ يــآآ عبدالله

لكن أنا رآآد على أختي الجزووع .. لاحظ مقتبس ردها ..

[خليدان]

ما شاء الله عليك كيوت حدك

:eek5::eek5::eek5::eek5:
:anger1::anger1::anger1:
:D :whistling: :oops::tomato::dance

[فلتة زمانها]

خذلها مواعين حق رمضان خصوصا اطقم ضيافه وصحون حلى ترا الحريم لعبتهم هالسوالف

[Abdullah_89]

ياجماعه انتوا فاهمين السالفه غلط

امي مو عيوز خخخخخخخخخخخخخ

يعني مو كبيره وايد

عشان جي محتار

وبصراحه بالنسبة للحرام والحلال ممكن اصحح المعلومة من عير ميلادها ل ( يوم ودلاتها) :)
عشان محد يزعل وياخذ بخاطره

ويعطيكم الف عافيه

[Abdullah_89]

خليدان السموحه اخوي ماانتبهت

حقك علينا :)

[طــمــوحــة]

احجز لها يوم vip في سبآ

وطبعا من غير لا تدري حط لها كرت فيه شكر لتعبها وانك ناوي تريحها باللي تقدر عليه

وبين لها ان عمرك ما تناسيت التعب اللي تتعبه عشانك

اتوقع شي مادي بسيط+ كلام يرفع المعنويات ومليان بالامتنان= هدية اكثر من روعه


والله يخليها لك ويخليلي امي الغاليه بعد

[وطن]

احجز لها يوم vip في سبآ

وطبعا من غير لا تدري حط لها كرت فيه شكر لتعبها وانك ناوي تريحها باللي تقدر عليه

وبين لها ان عمرك ما تناسيت التعب اللي تتعبه عشانك

اتوقع شي مادي بسيط+ كلام يرفع المعنويات ومليان بالامتنان= هدية اكثر من روعه


والله يخليها لك ويخليلي امي الغاليه بعد

:victory:

[ذيبة الريان]

باريس نيلز اللي في فيلاجيو يقدم كوبونات على حسب المبلغ اللي حاب تحطه
لو 500 أو 1000 وهي بعدين تروح عندهم تختار

وشي ثاني
روح هوم سنتر
خذ لها شموع واشياء كثيره لغرفتها وحمامها

بطاقه اشتراك في الشوتايم لهآ أو شي جديد

[سحابة]

تشارك لها في حفر ابار ولا بناء مساجد برا وتجيب لها الشهاده من الجهه المسؤوله كهديه ..مكتوب عليها اسمها بتفرح وتدعي لك ..والله يخليك لها ويخليها لك يارب ويرزقني وياكم بالابناء البارين ..

[ريمية قطر]

ورده حمرا والا بيضا

[Abdullah_89]

تسلمون جميعا

والله افكار روووعه يعطيكم ألف عافيه

[خليدان]

وبصراحه بالنسبة للحرام والحلال ممكن اصحح المعلومة من عير ميلادها ل ( يوم ودلاتها) :)
عشان محد يزعل وياخذ بخاطره



حبيت أعقب على هالكلام .. بعد اذنك ..

لو جيت وقلت لفلان من الناس انت زنيت .. ورد عليك وقالكـ .. لا أنا أشبعت رغبتي

هل بيكون الشي اللي سواهـ حلال ..

أو واحد يدخن تقوله انت تذبح نفسك .. يقولك لا أنا أعدل المزاج .. !!

@@

[Abdullah_89]

خليدان يسلم لسانك على هالكلام الحلو

[clouds]

اذا مب عيوز فانا اقترح تسوي لها موعد مع دكتوره او دكتور تجميل تسوي بوتوكس او فلرز ترى الحريم ذبحتهم هالسوال قامو يسوونها من عمر العشرينات وصدقني بتستانس لو هي زقرتيه وتحب تتعدل

ولو ماتحب ممكن عبايه حلوه وراقيه من سيدتي او المتحجبه لان الحين العبايات بالالاف فبتقدر الهديه

وممكن دهن عود وكيلو عود

او شنطه ماركه من ال في او ديور او بتويغا

او بوك لو عندها وايد شناط

[فاضل العنزي]

اخوي قبل لاتشتري شوف هذه الفتوى

السؤال:

ماحكم الاحتفال بعيد الميلاد؟

قد دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها . وقد قال الله سبحانه وتعالى: ( أم لهم شركاء شرعوا لهم من الدين ما لم يأذن به الله ) وقال سبحانه : ( ثم جعلناك على شريعة من الأمر فابتعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .
وقال سبحانه : ( اتبعوا ما أنزل إليكم من ربكم ولا تتبعوا من دونه أولياء قليلاً ما تذكرون ) .
وصح عن رسول الله صلى الله عليه وسلم ، أنه قال : ( من عمل عملاً ليس عليه أمرنا فهو رد ) أخرجه مسلم في صحيحه . وقال عليه الصلاة والسلام : ( خير الحديث كتاب الله وخير الهدي هدي محمد صلى الله عليه وسلم ، و شر الأمور محدثاتها وكل بدعة ضلالة ) . والأحاديث في هذا المعنى كثيرة.
ثم إن هذه الاحتفالات مع كونها بدعة منكرة لا أصل لها في الشرع هي مع ذلك فيها تشبه باليهود والنصارى في احتفالهم بالموالد . وقد قال عليه الصلاة والسلام محذراً من سنتهم وطريقتهم : " لتتبعن سنة من كان قبلكم حذو القذة بالقذة حتى لو دخلوا حجر ضب لدخلتموه : قالوا يا رسول الله : اليهود و النصارى ؟ .. قال : فمن ) أخرجاه في الصحيحين . ومعنى قوله " فمن" أي هم المعنيون بهذا الكلام وقال صلى الله عليه وسلم : "من تشبه بقوم فهو منهم "
(فتاوى إسلامية 1/115) .


وقد جاء فى معرض كلام للشيخ يوسف القرضاوي حول هذا الموضوع ما يلى:-



منشأ هذا السؤال هو التقليد الأعمى، إننا نريد أن نصبح أذناباً لغيرنا
وقد خلقنا الله رؤوساً، وأن نكون عبيداً للغرب وقد خلقنا الله أحراراً، الغرب يحتفل بأعياد الميلاد للأطفال وللكبار، فنحن نقلد الغربيين ونفعل مثل هذا حتى الإنسان الكبير يعمل لنفسه عيد ميلاد، فقد مرت عليك سنة والمفروض أن تحاسب نفسك على هذه السنة، وتقعد تبكي على نفسك لا أن تشعل الشموع وتحتفل بنفسك، أيضاً بالنسبة للأولاد اتخاذ هذه العادة لهم سنوياً لا يجوز، أنا أقول أنه يمكن أن نحتفل بالأولاد في مناسبات معينة مثل عندما يولد المولود نحتفل به، ونعمل له عقيقة، وعندما يبلغ سبع سنوات نحتفل به ونقول له هذه سن الصلاة، فهذه حفلة الصلاة، وعندما يبلغ 10سنين نعمل حفلة أخرى "حفلة الضرب" نقول له: لقد احتفلنا بك من 3 سنوات سابقة حتى تصلي، الآن كبرت وإذا لم تصل تستحق الضرب، وبعدما يبلغ 15 سنة نعمل له حفلة أنه بلغ سن التكليف، هذه حفلات بمناسبات وليس كلما ازداد سنة نحتفل به، ثم نحتفل بمناسبات أخرى ، وكذلك بالنسبة للفتاة، بالإضافة إلى ما سبق يمكن أن نحتفل بها عندما ترتدي الحجاب، فهذه الحفلات لمناسبات ولا نحتفل بهم كل سنة.

والله أعلم

وفقني ووفقك الله للطاعة :)

محبك في الله
فاضل العنزي

[Abdullah_89]

clouds :omg:

عملية تجميل مره وحده

الله يسامحك بس

احنا وين وهالسوالف وين

اقولك باوديها العمرة تقولي تجميل :weeping:

الصراحة انت :thumbdown:

عالعموم مشكور على الفكرة :whistling:

[Qatarianes]

الحين التجار بيدشون عليها هههههه
والله رايي تروحين لها وتلمينا ساعه ساعه وشي وتبوسينها ستين بوسه وقولي لها ماقصرتي لي بحياتج وطول الله عمرج واعنا على حسن طاعتج لانه طاعتج من طاعة الله ابرك لج

[بن جلبان]

الله يخــلي لك الوالده وعساهـا كل سنه في خير وصحــه ..

والله زين يوم تعرف يوم ميلادهـــا وتحتفل وياهاا بهاليوم ..

أغلب اللي في المنتدى تواريخ ميلاد امهاتــنا .. غير معروفه شلون صدت تاريخ ميلادهــاا :eek5:

أغلب امهاتنااا :

1/1/؟؟19

[Abdullah_89]

بن جلبان :rolleyes2:
شدخل 1/1/19.. ليييييييييش :weeping:

تأكد من الجواز أو البطاقة بتلاقي يوم أكيد :victory:

[clouds]

اول شي انا بنت مو شاب
ثاني شي ماقلت عمليات تجميل قلت بوتكس او فلرز هاي ابره الكل الحين يضربها حتى بنات العشرين يعني عادي وبالعكس الحريم يحبون هالشي وماتكلمت الا من واقع حولي

[tulepq]

بن جلبان :rolleyes2:
شدخل 1/1/19.. ليييييييييش :weeping:

تأكد من الجواز أو البطاقة بتلاقي يوم أكيد :victory:






هلا Abdullah_89

ترا صج كلام بن جلبان ..

بعدين بشر وين وصلت .. ؟ :)

إفتح ألبوم العائلة .. وهات صورتها وضبطها في كريستال أو في شغله حلوه تطبع صورتها عليها ..

صدقني بتنبسط منك .. وبعدين تقدر تسويها باي وقت مب ضروري هدية عيد ميلاد ..

[برشلوني قطر]

الله يخلي لك والدتك..ويعطيها طوولة العمر




اخوي قبل لاتشتري شوف هذه الفتوى

السؤال:

ماحكم الاحتفال بعيد الميلاد؟

قد دلت الأدلة الشرعية من الكتاب والسنة على أن الاحتفال بالموالد من البدع المحدثة في الدين ولا أصل لها في الشرع المطهر ولا تجوز إجابة الدعوة إليها ، لما في ذلك من تأييد للبدع والتشجيع عليها . وقد قال الله سبحانه وتعالى: ( أم لهم شركاء شرعوا لهم من الدين ما لم يأذن به الله ) وقال سبحانه : ( ثم جعلناك على شريعة من الأمر فابتعها ولا تتبع أهواء الذين لا يعلمون . إنهم لن يغنوا عنك من الله شيئاً وإن الظالمين بعضهم أولياء بعض والله ولي المتقين ) .
وقال سبحانه : ( اتبعوا ما أنزل إليكم من ربكم ولا تتبعوا من دونه أولياء قليلاً ما تذكرون ) .
وصح عن رسول الله صلى الله عليه وسلم ، أنه قال : ( من عمل عملاً ليس عليه أمرنا فهو رد ) أخرجه مسلم في صحيحه . وقال عليه الصلاة والسلام : ( خير الحديث كتاب الله وخير الهدي هدي محمد صلى الله عليه وسلم ، و شر الأمور محدثاتها وكل بدعة ضلالة ) . والأحاديث في هذا المعنى كثيرة.
ثم إن هذه الاحتفالات مع كونها بدعة منكرة لا أصل لها في الشرع هي مع ذلك فيها تشبه باليهود والنصارى في احتفالهم بالموالد . وقد قال عليه الصلاة والسلام محذراً من سنتهم وطريقتهم : " لتتبعن سنة من كان قبلكم حذو القذة بالقذة حتى لو دخلوا حجر ضب لدخلتموه : قالوا يا رسول الله : اليهود و النصارى ؟ .. قال : فمن ) أخرجاه في الصحيحين . ومعنى قوله " فمن" أي هم المعنيون بهذا الكلام وقال صلى الله عليه وسلم : "من تشبه بقوم فهو منهم "
(فتاوى إسلامية 1/115) .


وقد جاء فى معرض كلام للشيخ يوسف القرضاوي حول هذا الموضوع ما يلى:-



منشأ هذا السؤال هو التقليد الأعمى، إننا نريد أن نصبح أذناباً لغيرنا
وقد خلقنا الله رؤوساً، وأن نكون عبيداً للغرب وقد خلقنا الله أحراراً، الغرب يحتفل بأعياد الميلاد للأطفال وللكبار، فنحن نقلد الغربيين ونفعل مثل هذا حتى الإنسان الكبير يعمل لنفسه عيد ميلاد، فقد مرت عليك سنة والمفروض أن تحاسب نفسك على هذه السنة، وتقعد تبكي على نفسك لا أن تشعل الشموع وتحتفل بنفسك، أيضاً بالنسبة للأولاد اتخاذ هذه العادة لهم سنوياً لا يجوز، أنا أقول أنه يمكن أن نحتفل بالأولاد في مناسبات معينة مثل عندما يولد المولود نحتفل به، ونعمل له عقيقة، وعندما يبلغ سبع سنوات نحتفل به ونقول له هذه سن الصلاة، فهذه حفلة الصلاة، وعندما يبلغ 10سنين نعمل حفلة أخرى "حفلة الضرب" نقول له: لقد احتفلنا بك من 3 سنوات سابقة حتى تصلي، الآن كبرت وإذا لم تصل تستحق الضرب، وبعدما يبلغ 15 سنة نعمل له حفلة أنه بلغ سن التكليف، هذه حفلات بمناسبات وليس كلما ازداد سنة نحتفل به، ثم نحتفل بمناسبات أخرى ، وكذلك بالنسبة للفتاة، بالإضافة إلى ما سبق يمكن أن نحتفل بها عندما ترتدي الحجاب، فهذه الحفلات لمناسبات ولا نحتفل بهم كل سنة.

والله أعلم

وفقني ووفقك الله للطاعة :)

محبك في الله
فاضل العنزي



الله يجزيك خير اخوي..وجعلها الله ف ميزان حسنااتك...بس ليش مشاركتك محد علق عليها:eek5:

[Gh2o]

احجز من الحين وممكن تسافر بعدين

[Gh2o]

الله يخــلي لك الوالده وعساهـا كل سنه في خير وصحــه ..

والله زين يوم تعرف يوم ميلادهـــا وتحتفل وياهاا بهاليوم ..

أغلب اللي في المنتدى تواريخ ميلاد امهاتــنا .. غير معروفه شلون صدت تاريخ ميلادهــاا :eek5:

أغلب امهاتنااا :

1/1/؟؟19

هاهاهااااااي صااااااااادق شكله صغير :nice: ولحقوا على شهادات الميلاد