لتطويل الشعر

[عيون الغلا]

السلام عليكم ورحمه الله وبركاته ,,


خواتي ممكن حد فيكم يفيدني بزيت ولا كريم يطول الشعر بـــــس ابي عن تجربه مو حد سامع عن الشغله الفلانية ومن هالكلام لا .

ومشكورين

[MiSsY]

حبوبه انا عن نفسي اروح عند دكتورة جلد ف العزيزية اسمها دكتورة بدريه

وااااااااااااااايد ممتازه جربيها وان شاء الله تفيدج

بالنسبه للزيوت انا ماحط ف شعري لان كل ماجرب شي يحت شعري زود بدال لا يوقف التساقط

والله يوفقج

[اخت الرجال]

بخصوص الدكتوره على كم اسعارها اختي ؟؟؟

[أم مريومه]

زيت دابر املا اللي لونه اسوود
صج ريحته لوعه
بس والله والله عن تجربة حطيه ساااااااااعه فقط لااغير
انا قمت استعمله ومن اسبوعين تقريبا قصيت شعري
الحين ماشالله طوووووويل ومستغربة تبااارك الرحمن

[ولد الرسلان]

اختي في وحده اسمها ام نواف من الكويت تحط اعلان عن منتجاتها دوم بمجله الجريمه

والله جربت زيت الشعر عندها والله استفدت منه واااايد صدق شعري طول ماشاء الله

صدق سعرها مبالغ فيه قيمته بــ 500 ريال

بس وايد اوكي للشعر

وربي يوفقج

[سارونه]

اختي بالنسبة للشعر لازم تسوين تحليل ( دم ) وتشوفين شو ناقصج من فيتامينات

مهما حطيتي من زيوت ما بيطول ويتم يتساقط لقلة التغذية

بالتوفيق يا الغالية

[عيون الغلا]

حبوبه انا عن نفسي اروح عند دكتورة جلد ف العزيزية اسمها دكتورة بدريه

وااااااااااااااايد ممتازه جربيها وان شاء الله تفيدج

بالنسبه للزيوت انا ماحط ف شعري لان كل ماجرب شي يحت شعري زود بدال لا يوقف التساقط

والله يوفقج

سلمين اختي ,,

بس شلون علاجها لج وايش برنامجها واذا مافيها ازعاج او تطفل انتي تراجعينها بخصوص شنو ؟؟
واسعاها شلون تستاهل يعني ؟

[روضه الجنة]

دابر املا يمدحونة واايييد واناا ابي حط منه لكن ما استحمل ريحتة الصراحة !!

[المغروره]

في وحده اخذ منها زيت فيه 100 زيت
وعجيب بس ما ادري عن شعرج الشيخه
تبين رقمها انا حاضره
تحياتي لشخصج

[Noora.]

مرحبا حبيبتي ,
بخصوص الدكتوره بدريه فـ انا اعرفها لأانها من الأهل و سمعت عنها انه شغلها حلو و ممتاز لكن ما اعرف عن اللأسعار , بس عندي بنت عمتي راحت لها بخصوص شعرها لأانه كان يتساقط بكثره و الحمدالله الحين احسن.

المهم , اذا شعرج صحي و مافيه تساقط لكنه ما يطول هذا معناه وصل للحد الأدنى للطول , و بعد ترا الطول وراثي. لكن اذا عندج تساقط و شعرج تحسينه تعبان فـ انصحج تروحين لدكتوره و تسوين فحص دم مثل ما قالت الاخت سارونه.. يمكن تكون المشكله داخليه تمنع الشعر من انه يطول.

اما انا عن نفسي فـ شعري طويل و صحي ما شاء الله و الحمدالله , من فتره لاني قصيته و حبيت يرجع طويل اسنخدمت زيت عبدالصمد القرشي جدايل لتطويل الشعر وايد حلو , بس ريحته لوعه.. تحطينه قبل السبوح بساعه و لما تحطينه تسوين مسااج للفروه. و مرات استخدم زيت داابر املاا وايد حلوو ينعم شعري و يخلي فيه لمعه و يكون غاامج.

الوالده اللي يحفظها كانت تهتم في شعورنا وايد يوم كنا صغار , كانت تحنيهم و دايما تحط زيت زيتون و هالشغلات. بس يوم كبرنا ما عادد اهتمينا في شعرنا و قام يتساقط و نستشور. فـ نصيحه ابعدي عن الإستشوااار عشان ما يضر شعرج و يخربه خلال فترة العنااايه , و خلج على نوع معين من الزيت و استمري عليه. لأنه لو غيرتي ما راح تلقين نتيجه. و ان شاء الله ربي يرزقج بطول الشعر و الصحه و العافيه اللهم امين.

بنات ادعو لي الله يوفقني و يفرج همي..

[لوردغاليري]

اختي بالنسبة للشعر لازم تسوين تحليل ( دم ) وتشوفين شو ناقصج من فيتامينات

مهما حطيتي من زيوت ما بيطول ويتم يتساقط لقلة التغذية

بالتوفيق يا الغالية

فعلا كلام سليم

عالجي فقر الدم ونقص الفيتامين اول ولوتحطين ماتحطين مابينفع اسالي مجربه

ومن بعد علاج نقص الفيتامين لوتحطين اي زيت بس يغذي الشعر بتلاحظين الفرق

[لـبـيـه]

السلام عليكم
اول نقطه اهتمي بالتغذيه الداخليه للشعر من فيتامينات ، او يوجد حل بديل وهو ضرب ابر الفيتامينات بالراس
ثانيا ، استقري على شامبو معين وخفيف للشعر وابعدي عن الشامبوهات التعبانه او الطبيه القويه

ولاتستخدمين زيوت البيوت ترا مالها امان ومب اي حد يضبط لج الزيت
في زيت ينباع بالجمعيات الغرشه لونها ازرق وب7 ريال اسمه (شامله) من بارشوات وانصحج به ولاتغترين انه رخيص يعني ماراح ينفع
ولي تجربتي الخاصه بهالموضوع وعندي خلفيه عن انواع العلاج سواء بالليزر او با ابر التغذيه

اي استفسار بالخدمه