التركي
27-06-2010, 11:47 AM
انا ابو خماس، واحنا في عام 1972 والساعة 2 الظهر، ابوي طاردني من البيت:(، والسبة بايق حمام عيال عمي، وصايدني ابيعهم، ولاني من اسبوع بايق كلب سلق من بيت الجيران ام اربع عيون، ولهذا انضربت ضرب وما غدوني ورحت المكان اللي يتجمعون فيه الشباب خرابة الفريج، والمهم وانا قاعد بين القواطي الحليا، واتضلل بين التواير وبحذايا قوري قديم، قمت العب فيه وانظفه واحكه شوي، والا طلع لي مارد لابس وزار مبكر، قال لي : شوبيك لبيك عبدك بين ايديك،اول شي تخرعت وشردت، قال لي :يا ابوك تعال انا المارد قول ايش تبي:omen2: ، قمت فكرت وقلت: ابيك توديني عام 2010 ،المارد ما قصر وشالني على رأسه وجابني 2010، ونزلني عند الشيراتون، وحسيت ان المكان نظيف، قلت له ابي خرابة، قام وداني خرابة في الريان، والريان اهل كرم وخرايبهم حلوة وايد،خبركم جوعان ما تغديت ، لقيت فيها اشياء باردة، وجرايد واشوف صور غريبة فيها، واقول للمارد: ايش مكتوب فيها، قام يقرأ ويقول :قسم التحقيقات ،سرقات رسمية بالملايين مثبته، غير السرقات اللي لسه يحققون فيها، او مستورة، قمت اقول: ليش ما يسرقون حمام وكلاب وتواير؟! قال لي: يا ابوك هم يسرقون فلوس ويشترون حمام وكلاب ام اربع عيون وتواير، قلت ردني 1972 احب السرقة المباشرة، حمام وكلاب ام اربع وتواير، ونفسي ما تطاوعني ابوق فلوس :nice:، خلني ارد 1972 ابرك على الحمام ووالكلاب ام اربع عيون والتواير والظبان بعد!
هناك تزايد ملحوظ في السرقات في مجتمعنا في المال العام وغير العام،
ما هي وجهة نظرك في معالجة مثل تلك السرقات ؟!
هناك تزايد ملحوظ في السرقات في مجتمعنا في المال العام وغير العام،
ما هي وجهة نظرك في معالجة مثل تلك السرقات ؟!