ما هو تقيمكم في الشغل؟

[هلاقطر]

الموضوع واضح ما هو تقيمكم في الشغل هل ممتاز او غير ذلك وكم الزيادة اللي حصلتها على التقيم

[ahmad3]

الحمد لله ، تقييمي ....

ممتاز :nice:

وللسنة العاشرة على التوالي

... الحمد لله

[بوحارب]

توالناس على التقييم

على العموم انه توه جايني انذار هالأسبوع

يعني التقييم بيكون زفت

[مهل]

للحين ما جانا شي .. لكن اذا فعلا حرمونا من الامتياز والجيد جدا فما اقول الا حسبي الله ونعم الوكيل

لان الاشاعة اللي منتشره هالحين في الشغل تقول ان الامتياز والجيد جدا للمديرين و لرؤساء الاقسام ولقله من الموظفين فقط

[صلاتي]

توالناس على التقييم

على العموم انه توه جايني انذار هالأسبوع

يعني التقييم بيكون زفت


الله يرفع قدرك في الدنيا والاخرة أمين

[بدوور]

تقديري جيد جدا والمعايير في جهة عملي للا متياز تكاد لا تنطبق على اي موظف قطري

[شيزكيك]

تقديري جيد جدا مع اني استحق ممتاز بس ان شاء الله مايضيع حقي عند ربي

[بوخالد911]

للحيين

ما يندرى

مسؤوولي قيمني ممتاز

ولكن بنتظرر
لعل وعسى

[طلعة الروح]

اكيد محلك سر بدون ما يقيموني انا عارفه نصيبي مافي انصاف مع مديرتي واللي تحتها والشكوى لله وحده لأني قطريه كنه البونس طالع من جيبهم ولا لو عطوني تقييم عدل بيشلونهم وبقعد مكانهم ويستغربون وايد اذا الواحد قدم استقالته ياناس في حد يقدم استقالته غير منقهر ومظلوم او بأحسن الاحوال محصل وظيفه ثانيه والله عجبي عالظلم والظلام..

[روح الاطلس]

هل صحيح بيصير محد ياخذ ممتاز الا نسبة 6% بس في الادارة؟

[Calm Queen ~]

هل صحيح بيصير محد ياخذ ممتاز الا نسبة 6% بس في الادارة؟

نسبة لا تزيد عن 15% ممتاز
نسبة لا تزيد عن 20 % جيد جدا
والباقي يتوزع مابين الجيد والمقبول والضعيف !!! :rolleyes2:

للأسف في ناس وايد بينظلمون
وبعض المدراء عشان يبعدون نفسهم عن المشاكل حطو الكل من جيد وتحت وابعدو عن الامتياز والجيد جدا :victory: اووونهم بيسووون شي عدل وبيعدلون بين الناس عشان محد يزعل

عندي كلام وايد عن القانون ذي بس خلني ساكتة :secret:

[ولد الخال]

أنا تقييمي جيد

حسبي الله ونعم الوكيل

[قلم حائر]

أنا امتياز :nice:
بس للحين ما حصلنا شي :weeping:
والظاهر لأنه السالفة فيها فلوس :anger1:
( بكون الامتياز اللي اخذته الحلقة الاخيرة في مسلسل التقييم ):shy:

[La Bella]

:eek5::eek5::eek5:
مايندرى السنه شلوون بيكون
:discuss:

[سهم سهم]

للحين ما قيمونا مع الوزارة التعبانه
لانها اسم على مسى بيئه

[cristal]

كنت اليوم اتناقش فى تقيمي مع مسؤلتى ومساعده المدير
الحمد الله انا واثقه من شغلى واهم شي ارضي ضميري وربي
بس لين ياج المسؤل واقف مع الاجنبي ضد القطري هذا القهر


ناقشتني فى نقاط مش من مهامي ولاموجوده عندي فى ورقة التكاليف الادارية
ولادربتني اصلاً
وتحاسبني عليهم ومساعده المديره تقوول لي اي المفروض تبحثين وادورين انا شغلى مب ملحقه فيه وتبيني ابحث؟؟؟ قاهرتني بدال لاتوقف معاي :anger1:

شنقول لى حطووو الغريب وعطوه جواز وصار قطري بالغصب

بس الحمد الله باقي المهام Perfect

واتوقع جيد جداً

[Doha Sun]

ولله الحمد والمنة امتياز لسنة السادسة على التوالي

[ماني بهين]

موفقين جميعا

انا جيد جدا

[Calm Queen ~]

ترا باقولكم شي
ترا المسؤولين المباشرين ماينلاموووون
لان هم مجبوووورين على نسبة معينة خاصة هالسنة بالذاااات
فاتوقع لازم يصير فيه توعية لكل الموظفين بهاي الخصوص عشان محد يتظلم على مسؤووله وهو مابيده شي
اتمنى تكون اول سنة واخر سنة يتطبق فيها هالقانون
لان حتى معايير التقييم اللي في النموذج ماحسيتها مناسبة لكل الوظايف
يعني هي اسئلة عامة تعتبر
الله المستعااااان

[فارس بلا جواد]

نزلو لنموذج الجديد مال التقييم ؟

الي عنده صوره يا جماعه او نسخه من هلنموذج

يحط الصوره اهنيه في المنتدى عشان نقراه

ما عليكم امر

ومبرك للي خذ امتياز وجيد جدا

وهارد لك للجيد والضعيف والمقبول

اشوفهم في القهوه كل يوم الساعه 10 الصبح

يمكن اذا سوو هلحركه بيحصلون امتياز

[s o s o]

فاق التوقع

[بوحارب]

الله يرفع قدرك في الدنيا والاخرة أمين

امين والله يسمع منك اخوي

هذا احلى تقييم وفاز ورب الكعبه من اخذ هذا التقييم :)

[الـعــضــيـد]

هل صحيح بيصير محد ياخذ ممتاز الا نسبة 6% بس في الادارة؟



صحييح في القانون
بس اعرف كم من المسؤوليين عطو جميع موظفيهم امتياز ولا افتكر
وقالو عندنا حجة جميع الموظفين على اعلى مستوى اعطي من وخلي من

بس ياجماعة الخير عندي سؤال حق الي حط القانون
اكثر المسؤوليين في هذا الوقت يختار من افضل الموظفيين والكفاء وشغلى ماشي 100%
ماعرفو ان في ظلم

تحياتي للمسؤول الي وضع القانون
وانا شخص احب اقراء حق الحسن البصري
يا ابن آدم
إياك و الظلم
فإن الظلم ظلمات يوم القيامة
و ليأتين أناس يوم القيامة
بحسنات أمثال الجبال
فما يزال يؤخذ منهم
حتى يبقى الواحد منهم مفلساً
ثم يسحب إلى النار ؟

[Calm Queen ~]

ال6% اللي تقصدونها هي مايستحقه الموظف من علاوة اذا تم تقييمه ك"ممتاز"
و 5% من الراتب علاوة اذا كان جيد جدا
و 3% جيد
1% مقبول
ولا يستحق علاوة اذا كان ضعيف

الشي الثاني
بالنسبة للموظفين من الدرجة الخامسة وطالع
لا يقيم بممتاز او جيد جدا ولا جيد !! :
- الموظف الذي اتيحت له فرصة تدريب ولم يجتز الدورة بنجاح
- اذا كان هناك جزاء تاديبي
- اذا توقف عن العمل لمدة تزيد عن 5 ايام
- اذا كان فيه خصم من الراتب لمدة تزيد عن عشر ايام

بخصوص النموذج
فيه جزء عن جدية الموظف وحماسه للعمل
تعاونه مع زملاءه
التعلم الذاتي
تعامله مع رؤسائه
تبادل الخبرات مع زملاءه
الحضور
الانصراف
استغلال ساعات العمل في مصلحه العمل
حسن التصرف
قدرته على حل مشاكله التي تصادفه في العمل
الابداع

[المنسى]

للحين ما قيمونا مع الوزارة التعبانه
لانها اسم على مسى بيئه

اخوى سهم و ش سالفت علاوه السياره كنها هالشهر انقطعت

[Abdullah_89]

تقييمي ممتاز الحمد لله مثل ويهي :)

اما الزياده مثل ويه مديري خخخخخخخخخخخخخ

[مناحي السادس عشر]

تقييم في شهر سبعه؟؟؟؟؟؟؟؟؟؟

[ضوى]

ال6% اللي تقصدونها هي مايستحقه الموظف من علاوة اذا تم تقييمه ك"ممتاز"
و 5% من الراتب علاوة اذا كان جيد جدا
و 3% جيد
1% مقبول
ولا يستحق علاوة اذا كان ضعيف

الشي الثاني
بالنسبة للموظفين من الدرجة الخامسة وطالع
لا يقيم بممتاز او جيد جدا ولا جيد !! :- الموظف الذي اتيحت له فرصة تدريب ولم يجتز الدورة بنجاح
- اذا كان هناك جزاء تاديبي
- اذا توقف عن العمل لمدة تزيد عن 5 ايام
- اذا كان فيه خصم من الراتب لمدة تزيد عن عشر ايام
بخصوص النموذج
فيه جزء عن جدية الموظف وحماسه للعمل
تعاونه مع زملاءه
التعلم الذاتي
تعامله مع رؤسائه
تبادل الخبرات مع زملاءه
الحضور
الانصراف
استغلال ساعات العمل في مصلحه العمل
حسن التصرف
قدرته على حل مشاكله التي تصادفه في العمل
الابداع

اختي الكريمة من وين جبتي الكلام اللي بالاحمر؟؟؟

مافي شئ في النماذج اللي وصلتنا يقول هالكلام عدا هذا البند كل ماجئتي به صحيح

[وريث الطيب]

11 سنه تقيمي ممتاز ولله الحمد
بس شكلها السنه الجايه مب معطيني بسبب النسبه الي حطوها في مجلس الوزراء الي هي
15% ممتاز
25%جيد جدا
و40% بين جيد ومقبول
بيباي ممتاز:(

[قلم حائر]

تقييمي ممتاز الحمد لله مثل ويهي :)

اما الزياده مثل ويه مديري خخخخخخخخخخخخخ

ههههههههههههههههههههه حلوة:nice::nice:

[قلم حائر]

للحين ما قيمونا مع الوزارة التعبانه
لانها اسم على مسى بيئه

اخوي اخبر انهم قيمونا بشهر مارس وعلى ما سمعت انهم راح يتبعون النظام الجديد للسنة الجاية الا اذا كانوا اقصون علينا:protest::protest:

[هام السحاب]

الحمد لله
تقييمي السنوي %98

[تحداني]

.. تقيمي الحمد لله راضيه عنه كل الرضى ..
والشكر والفضل يعود لرب العالمين ولدعوات أهلي ورضى الناس عني

[Calm Queen ~]

اختي الكريمة من وين جبتي الكلام اللي بالاحمر؟؟؟

مافي شئ في النماذج اللي وصلتنا يقول هالكلام عدا هذا البند كل ماجئتي به صحيح

هالكلام موجود في المادة (65)
:)

[kitmat]

شلون تحسبونها تطلع كم

[هلاقطر]

الله يوفق الجميع

[*Shadow*]

تقيممي جيد جدا ولين الحين ماشفنا علاواتهم مع انهم يقولون انزلت هالشهر

[غــ قطر ــلا]

للسنه الثالثه على التوالي تقيمي جيد جداً

مع إني طول السنه أغطي شغل الي معاي بسبة الحمل والولاده

وفي الأخير تقيمي نسخه من تقييمها ولا بعد حاطين لها معايير أعلى مني مع اني الحمد لله عمري ماقصرت في شغلي

بس الواحد مايقول الا حسبي الله ونعم الوكيل ..

[basma222]

الحمد لله طول خدمتي تقييمي ممتاز
وبعد هالخدمه تحاولي للبند المركزي وبعدين تقاعد
حتى ترقيتي باثر رجعي ما شفتها لا الدرجه ولا الفلوس
بس ماقول الا حسبي الله ونعم الوكيل

[برشلوني قطر]

الحمد لله طول خدمتي تقييمي ممتاز
وبعد هالخدمه تحاولي للبند المركزي وبعدين تقاعد
حتى ترقيتي باثر رجعي ما شفتها لا الدرجه ولا الفلوس
بس ماقول الا حسبي الله ونعم الوكيل


:eek5: الله يعينج اختي...

ياماا فالحبس مظااليم << اشدخخخل

تقييمي امتياز والعلاوة 360 ريال وبسسس

[المقهوره]

اخرتقييم 2009 كان 1 يعني ممتاز

بس 2010 تو الناس

[تحداني]

شلون تحسبونها تطلع كم



في ورقه خاصه للتقييم تقوم الإداره بتوزيعها على الموظفين
جدول مقسم لعدد من الخانات في كل خانه امور تتعلق اما بالعمل
او بالشخصيه والتعامل والمظهر

هناك بعض الخانات مجموع درجاتها 20 وهناك من تكون مجموع درجاتها 10
وهكذا يقوم الموظف اولا بتقييم نفسه حتى تصل النتيجه الى 100
ومن ثم يقوم المدير بتقييمك


90 الى 100 امتياز
80 الى 89 جيد جدا
60-79 جيد
50-59 مقبول
1-49 ضعيف

ولكل مستوى تم تخصيص علاوه لها
1%
2%
3%
وهكذا



اتمنى أن تكون الصوره اتضحت لديك




جملك الله برضى الرحمن