ويـن تنصحوني؟ ابي الكل يشارك بليز<<ضايعه..

[غـيـد]

السلام عليكم ورحمه الله وبركاته ..


اخواني انا تخرجت العام بنسبة 85٪ ، ودخلت الجسر الاكاديمي وماكملت فيه مع ان بقى لي القليل واخلص منه .. على كل حال (الجسر الاكاديمي مب مهم لذيك الدرجه)..
وقدمت على الجامعات وماقبلوني وما ودي بجامعه قطر..

والحين نفسيتي تعبانه من هالسالفه وماودي اقعد في البيت سنه كامله بدون لاعمل ولاشي
ف ابي نصيحتكم يا اخوان .. ايش تنصحوني على اي جهه اقدم اداوم فيها وبعدين اخذ تفرغ عشان اكمل دراستي في احد الجامعات اذا ابي اخذ ابتعاث ..
بلييز اي احد يفيدني الي عنده خبره ولو شي بسيط او دعوه.. =)

[التيما]

طيب كملي في الجسر دام باقي لج شوي ليش ما تكملين ؟؟ في الأخير لازم بتاخذين لغة .. ماتبين الجسر اخذي لج توفل وبيقبلونج الجامعات كلهم ..

[طــمــوحــة]

اختي الغاليه نسبتج حلوه ما شاء الله

اذا توفر عندج الايلز بنسبه 6.5 او ما فوق وتسمح ظروفج انج تدرسين فالخارج

درسي في استراليا لان التسجيل للحين شغال والدراسه تبدا في شهر 1

وبالتوفيق

[روح الاطلس]

اختي الغاليه نسبتج حلوه ما شاء الله

اذا توفر عندج الايلز بنسبه 6.5 او ما فوق وتسمح ظروفج انج تدرسين فالخارج

درسي في استراليا لان التسجيل للحين شغال والدراسه تبدا في شهر 1

وبالتوفيق

مع هالراي

لو عندج ايلز توكلي على الله واخذي بعثه سواء داخليه او خارجية

واعتقد سنه ونص في الجسر اكيد بيكون مستوى اللغه عندج اوكيه ولا انا غلطانه:rolleyes2:

[Mr.Hamad]

ما شاء الله عليج نسبة عالية

أول شي توكلي على الله

وبعدين خذي لج توفل من دولة مجاورة يعني "مشي عمرج" هون ولا هون

لأنه ما يمشي معاهم إلا الواحد يمشي عمره "يعني يصيير عيار" :nice:

وأخيراً وليس آخراً "الواسطة" تعلب دور بعد

[روح الاطلس]

التوفل من الدول الثانيه مايقبلونه!

[طــمــوحــة]

الانترناشونال مقبول في كل مكان ومن وين ما كان

< داشه عرض ومشتطه عالدراسه

[bentalgala]

أنا أقولج
إستري على عمرج
ولا تسافرين برع
وجامعة قطر ما فيها شي
وأغلب كلياتها عندهم الإعتراف الدولي

وصدقيني خريجي جامعة قطر أفظل بمليون مرة من خريجي الخارج
أو خريجي المدينة التعليميه

الله يوفقج إن شاء الله
ولا تنسين قبل الاستشارة فيه إستخارة

[جمال النعيمي]

تعوذي من الشيطان

راح الكثيــــــــــر ما


بقى لي القليل واخلص منه

[فلتة زمانها]

ليش ماكملتي الجسر الاكاديمي الدنيا يبيلها صبر ونعب
انصحج تكملين وعقب تقدمين على جامعات المدينه التعليميه
وان شاءالله بيقبلونج

[طــمــوحــة]

أنا أقولج
إستري على عمرج
ولا تسافرين برع


??????

[Doha Sun]

جامعات البلاد مكفية وموفية

[غـيـد]

مشكوريين ويعطيكم الف عافيه

بس انا ماقدر ادرس برع..ومابي جامعه قطر..
وكنت اسال عن وظيفه مب دراسه لان ان شالله راح اقدم على فرجينيا للسنه الجايه
بس كنت اسال عن مكان اوكي اتوضف فيه وبعدين اخذ تفرغ واكمل ف فرجينيا هذا الي اقصده :)))

[غـيـد]

فـــــــــــــوق

[MaRuKoO]

مادري والله ماعندي فكرة بس حبيت ادعيلج
الله يوفقج يارب وينولج اعلا الشهادات يااارب ^^

[تحداني]

.. معظم جهات العمل لا تمنح الموظف تفرغ من أجل الدراسه ..
لذلك كوني حذره جدا من هذه الخطوه ..
وان كان التفرغ بهذه السهوله لوجدتي الكثير منهم ترك العمل والتحق بهذه الجامعات او تلك


الاخوان والأخوات لم يقصروا في النصائح
وكلها مجديه .. والقرار الأخير يعود إليكي



نقل صوره سلبيه عن جامعه قطر عرض الكثير من طلابنا من من يستطيعون الإنخراط
والدخول في التخصص دون المرور بالسنه التأسيسيه جعلهم يأخذون إنطباع سئ عن جامعه قطر
مع العلم خريجي هذه الجامعه الحمد لله استطاعوا ومازالوا قادرين
على مواجهه صعوبات الحياه وتطورات العلم وتقدمها ..





الله يوفقك يارب .. ويجملك برضى الرحمن

[مضارب دوسري]

استخيري

[مضارب دوسري]

مافي دوام يعطيك تفرغ اختي الا اذا كان باقي لج سنه او سنه ونص علي التخرج
غير هذا صعبه اختي

[MaRuKoO]

مافي دوام يعطيك تفرغ اختي الا اذا كان باقي لج سنه او سنه ونص علي التخرج
غير هذا صعبه اختي

سلامتك اخوي بعض البنوك تعطي :nice:<< بس ناس وناس :rolleyes2: :weeping:

[روضه الجنة]

كملي الجسر او قدمي حق الجامعات التعليمية وكملي هناك .. بالتوفييق