اللي جرب يحجز فنادق ماليزيا من موقع بوكينغ ينصحنا فيه ولا ماينصح

[باشا البدو]

جماعه الخير أنا بسافر ماليزيا ورحت مكتب السفريات قالي السعر بحدود 20 ألف وشيكت موقع بوكينق نفس الفنادق ونفس نوع الغرفه طلع لي السعر أقل إلى قريب النص
شرايكم أحجز منه ولا
نبي آراء اللي جربوا يحجزون منه لماليزيا

[Northman]

عن نفسي ,, انا كل حجوزاتي عن طريق البوكينغ دوت كوم ,,, و مرتاح اخر راحه,, و مفتك من عوار راس المكاتب ,, و النطره فيها ,,

توكل على الله و احجز

[رجل شرقي]

لي ثلاث سنوات وكل حجوزاتي من بوكنق .

موقع رائع بالفعل .

[باشا البدو]

شباب أنتوا حجزتوا لماليزيا منه ولا لوين
وهل لما توصلون الفندق فيه رسوم إضافيه

[المزن الرياني]

توكل على الله واحجز من بوكينق

جربته لماليزيا وتونس وحالياُ مصر
هو طريقته انك تحجز عن طريقه وتحط رقم الفيزا بس مايسحب منها
ويوم توصل الفندق تدفع لهم الفلوس سواء كاش او بالفيزا
يعني مايخصم من بطاقتك ولا ريال

يخصم في حال ماأستخدمت الحجز .. ويحجز قيمه ليله وحده بس

[المزن الرياني]

شباب أنتوا حجزتوا لماليزيا منه ولا لوين
وهل لما توصلون الفندق فيه رسوم إضافيه

ولا ريال زياده
أهم شي تتأكد وقت الحجز ان القيمه مشموله بالضرائب

[باشا البدو]

توكل على الله واحجز من بوكينق

جربته لماليزيا وتونس وحالياُ مصر
هو طريقته انك تحجز عن طريقه وتحط رقم الفيزا بس مايسحب منها
ويوم توصل الفندق تدفع لهم الفلوس سواء كاش او بالفيزا
يعني مايخصم من بطاقتك ولا ريال

يخصم في حال ماأستخدمت الحجز .. ويحجز قيمه ليله وحده بس

وكم يجرجون علي ??نفس السعر اللي طلع لي في بوكينق و لا أكثر
وشكرا على التجاوب

[المزن الرياني]

وكم يجرجون علي ??نفس السعر اللي طلع لي في بوكينق و لا أكثر
وشكرا على التجاوب


أي نعم أخوي
سعر ليله وحده بس بتسعيرتهم

[خالد624]

اخوي باشا البدو

انصحك تدش موقع دليل ماليزيا

هذا الموقع تابع للشركه العربيه للسياحه

اغلب السعوديين والاماراتيين يحجزون عن طريق موقع دليل ماليزيا

واسعاره مناسبه جدا في حجز الفنادق والطيران الداخلي

اكلمك عن تجربه سافرت مرتين عن طريق الشركه العربيه للسياحه

أي استفسار انا حاضر

[La Bella]

أحجز عن طريق موقع بوكنغ
وثاني يوم اتصل الفندق نفسة وتاكد من الحجز
أنا عن نفسي حاجزة عن طريق بوكنق

[باشا البدو]

ولا ريال زياده
أهم شي تتأكد وقت الحجز ان القيمه مشموله بالضرائب

حاولت أحجز بس يطلع لي السعر غير مشمول الضريبه

شلون أخليها مع الضريبه

أو كم ضريبتهم

[سحر الليالي]

عندك بوكينغ ممتاز
وعندك دليل ماليزيا السياحي متخصص في حجز فنداق وشقق
وحجز سيارات

[جنون قطر]

صراحه ما عليه كلام

[شيخ القبيلة]

موقع حلو بصراحة ،،،،،،،،،،وأنصحك تحجز في فندق الريتز عجييييب ومعاملتهم حلوة .

[karak]

بوكنق مظبوط وماعليه كلام...بس عندك كذا موقع غيره جربهم
www.agoda.com
www.asiarooms.com
the super website is
www.travelsupermarket.com
,والله يوفقك

[Gh2o]

من سنين حجوازتي كلها عن طريق بوكينج ومره في لندن خذو لي حقي من الفندق ورجعوا فلوسي !! موقع رائع

[بدوي]

انصحك فيه وبشده :nice:

نعم ياليت حد يفيدنا بخصوص الضريبة

لأني مره حجزت على دبي وطلعلي ارخص من السفريات :nice:

ولما جيت ادفع لهم طلع العكس اغلى من السفريات ::rolleyes2:

بعدها قالي هالسعر مع الضريبة :eek5:

بس الموقع ممتاز وماعليه كلام

[almaf1a]

بوكينغ موقع يعطيك السعر غير شامل السيرفس والضريبه