ساعدوني في اختيار دولة اوروبية لمدة اسبوع !

[ذيبة الريان]

ساعدوني في اختيار دولة اوروبية لمدة اسبوع !


السلام عليكم ..

طالبه مساعدتكم في اختيار دولة اوروبية فيها امان واسعارها حلوه
والرحلات مباشرة لها لشخصين لمدة اسبوع أو 10 ايام

وتنصحوني بفندق يكون جنب السوق على طول وجنب الناس وامان ..

فكرت في سويسرا بس الكل يقول غاليه ..

ياليت تساعدوني بأقرب وقت

بالدولة والفندق والطيران اللي تنصحوني فيه ..

جزاكم الله خير ..

[البعد الخامس]

أنصحك بسويسرا

بلد أمان

والسكن فيها لمدة أسبوعين كالتالي

زيورخ - أنترلاكن - جنيف

وبكذا تكوني غطيتي البلد كامل

الوصول لزيورخ والجلوس بها 3 أيام وأستكشاف المنطقة والذهاب لشارع التسوق رائع جداً والبلدة القديمة - زيارة قرية هايدي (( رحلة اليوم الواحد )) - زيارة شلالات الراين (( رحلة اليوم الواحد )) .


ثم الذهاب لأنترلاكن والجلوس بها أسبوع 7 أيام فهي منطقة رائعه وموقعها قريب من الأماكن السياحيه - توجد العديد من الأماكن التي لا يمكني حصرها بهذه المشاركة .

ثم الذهاب لجنيف والجلوس بها 4 أيام والذهاب لآنسي الفرنسية (( رحلة اليوم الواحد ))

والذهاب من جنيف للوزان ومونترو (( ممكن جمع هاتين المنطقتين بيوم واحد)) واليوم الثالث

والرابع التجول بجنيف وأستكشافها

حيث يوجد بها الكثير من الأماكن الرائعه ولكن يلزمك القراءة قبل السفر

لتحديد الأماكن المرغوب بزيارتها

تمنياتي لك برحلة موفقه

تحياتي

[ذيبة الريان]

ماشاءالله كفيت ووفيت
جزاك الله خير والله نفعتني وان شاءالله اقرأ اكثر عنها من التقارير
حتى مايفوتني اي شي
ربي يسلم ايدينك على تخطيطك لسفرتي ..
الله يعطيك العافية ..

[Gh2o]

سويسرا حلوه وايد بس غاليه وايد روح لندن احسن شي

[لوردغاليري]

زيورخ - أنترلاكن - جنيف

فعلا كفى وفى البعد الخامس

احسنت الاختيار ورأي موفق

[ضوى]

زيورخ وجنيف مافيها شئ كئيبة

انترلاكن حياة صاخبة وحلوة صج حلوة

وسويسرا مو غالية وايد اسعارها عادية ، ماحسينا بذاك الغلا

[ضوى]

لو الخيار لي اختار النمسا فقط ولا اطلع منها تجنن بجد حلوة

[العضو الماسي]

لو الخيار لي اختار النمسا فقط ولا اطلع منها تجنن بجد حلوة

النمسا ,,, و سلوفاكيا ,,, و سويسرا ... بس ... :nice:

[هذلان]

التاريخ المتوقع للسفر ؟

اجابتي بحسب التاريخ

[jassem777]

اذا تبي

1- سوق غيرطبيعي ومناسب

2- اكل ولاتحتاج تاجرشقه مطاعم حلال

3- تبي تطلع رحلات يوميه او ساعات

4- جوهاا حلو

5- وفنادقها مناسبه

وامان 100% بعد الله

لندن وبس

[clouds]

سويسرا كئيبه وكريهه خاصه زيورخ كل شي فيها مييييت
انا ارشح النمسا
او باريس
او ايطاليا

[البعد الخامس]

فيينا الجو حالياً ما يساعد ... الجو فيها حار جداً

أما باريس زحمة وكلها عرب وكأنك لم تغادري الخليج الى جانب الجو الحار

أما بالنسبة لزيورخ فهي منطقة لا يرغب بها العرب لنظافتها وهدوءها وجوها بارد

بالنسبة لسويسرا جوها بارد جميل من غير أمطار غزيرة تعكر المزاج

سويسرا البراد والخضرة والثلج في مكان واحد

تحياتي

[وارث العز]

الذيبة ماغير لندن بلاد .....والاختيار لج

[وحيد-الشوق]

انا ارشح تركيا لأنها حلوة وبلد مسلمة ومثل طخه اوروبا

وعندج باريس حلوة بعد ممكن تلفونها في اسبوع مع ديزني لاند وبالامكان تروحين بلجيكا لأنها قريبة من باريس

بالنسبة للطيران طبعا الخطوط الهندية لأنها دايركت على طول او ممكن الاماراتية حلوة بعد :)

[نون]

النعيريه في الشتاء يا لذيبه

[راعي 2006]

لنــــــــــــــــــــــــدن انا توني راجع ..

وودي ارجع لهااا ..

[بدوي]

سبحان الله

لندن جيتها 4 او 5 مرات

ولا ارتحت لها ابد .. تمشي وتسلم

والجدول اليومي معروف مايتغير :anger1: نفس الاماكن تمر عليها يوميا :omen2:

وان فكرت احجز سيارة .. سواقتهم عكس والواحد يخاف يجيب العيد :shy:

غيييييير اوروبا ( دول الشنجن ) ماااااافيه :victory:

ان بغيت فرنسا ومدنها .. السيارة ماتقول لا

او المانيا وضواحيها

او النمسا واريافها الساحرة

او سويسرا وطبيعتها الخلابه

او ايطاليا وعبق الماضي والعصور الوسطى

فــ انصحج بأوروبا لأن الخيارات كثييييييرة ومتعدده :nice:

الله يوفقج

[ذيبة الريان]

أشكر كل شخص اعطاني من وقته حتى يجاوب على استفساري
والنمسا لا ينمل منها والله ,

جزاكم الله على خير ويعطيكم العافية أخواني واخواتي ..

[karak]

كل الربع ارااهم حلوه ... ومافيهم قصور... الساحل الجنوبي لاوروبا جنه ياجماعه .. من اسبانيا وفرنسا لين قبرص ...اسعارهم معقوله يعني مثلا لو بتروحين نيس في فرنسا بتكون احذاج موناكو وكان وسانت تروبيي غير اذا نويتوا على اسبانيا والسواحل الباقيه من ايطاليا وقبرص وغيرها
www.tripadvosor.com
بينفعج وايد

[ذيبة الريان]

قبرص شكلهآ حلوه الكل يمدحهآ ,,
بلقي نظرة على الموقع الحين ,,
جزآك الله خير ماقصرت اخوي ..

[ام شهد قطر]

زيوريخ وما راح تندم وأحس أسعارها نفس باقي أوربا يعني ما حسيت أنها أغلى من الباقي وعندك منطقة لوزيرن طبيعتها مالها حل

[N7eEeS]

اختي تبين طبيعه ولا تسوق
اذا تسوق لندن ولاتفكرين بغيرها.
اذا طبيعه سويسرا
انزلي في زيورخ واطلعي منها على انترلاكن طبيعه حلوه وفيها جبل الثلج فيه طول السنه والمنطقة حلوه ومطاعمها احلى.
واذا قررتي على اي مكان قولي وراح افيدج اكثر ان شاء الله

[abu abdulla]

بما ان الرحله من 7 الى 10 ايام اقترح لك بلجيكا او ديسلدورف او النمساء واختاري احد هذه المدن وكل مدينه لها طابعها وجمالها والاسواق حدث ولاحرج

[Chambray]

قبرص شكلهآ حلوه الكل يمدحهآ ,,
بلقي نظرة على الموقع الحين ,,
جزآك الله خير ماقصرت اخوي ..

وجهة اليهود الاولى هي قبرص :)
احس مابها وجهات سياحيه كثيره وماتستاهل العنوه

[البعد الخامس]

بشرينا أيش قررتي

أقترح عليك برلين عاصمة ألمانيا

عاصمة رائعه وتستحق شهر وليس أسبوع

العرب بها قليل

وإليك هذا البرنامج وأتمنى أن ينال أستحسانك


اليوم الأول : الذهاب الى شارع Kudamm ثم Potsdamer Platz مركز و وسط المدينة .

اليوم الثاني : منطقه Mitte وسط برلين ساحة Pariser Platz - منطقه Alexanderplatz نيكولاس وساحة إلكسندر - شارع Rathaus.strasse مبنى البلديه برج التلفزيون حديقه AquaDom حوض الاسماك فندق الردسون بعدها اخذ جوله فى النهر الذهاب بوابة براندنبورغ Brandenburg
ثم حديقة Tiergartenو شارع Unter den Linden ليلاً .

اليوم الثالث : شارع Kudamm – Kurfurstendam اسواق برلين ALEXA - kaufhof GALERIA – Arkaden - Potsdamer Platz - Europa Center - New Kranzler Eck – KaDeWe - Sony Center

اليوم الرابع : Berlin zoo حديقه الحيوانات - حديقة Treptower Park - متحف الشمع Madame Tussauds Berlin

اليوم الخامس :
الذهاب الى الى بحيرة الفانزي Petzinsee جنوب برلين مدينة بوتسدام Potsdam وضواحيها.
الذهاب من برلين محطة Zoologischer Garten S 7 محطه الوصول عن طريق القطار محطه Hauptbahnhof Potsdam S 7 ثم العودة .

اليوم السادس: زياره مبنى الرايخ (مبنى البرلمان الفدرالي) ثم منطقه Potsdamer Platz مركز و وسط المدينة.

اليوم السابع : الذهاب لأوت لت برلين .


تحياتي

[ورده فوشيه]

موووووفق بالسفره

[Millennium]

سبحان الله وبحمده سبحان الله العظيم