مطلوب زياده حد السرعه في الشوارع

[حمد 2002]

مطالبات بزياده بحد السرعة في الشوارع الشرق 2010 -06-28


طالب مواطنون بضرورة زيادة حد السرعة في بعض الطرقات، خاصة على شارع الخليج الغربي الذي لا تتجاوز السرعة فيه 80 كيلو مترا، وأشاروا إلى أن الطريق يحتمل سرعة أكثر، ولا يوجد فيه ازدحام، بالإضافة إلى أنه طريق طويل، ويمكن أن تكون السرعة فيه أكثر من ذلك.

[tulepq]

:nice::nice:

[كازانوفا]

صحيح كلامك الشارع ما عليه زحمه والسرعه فيها 80 ونفس الحال بشارع السلاح الجوي الشارع طويل وواسع والسرعه فيه 80 وتغير الى 100 ورجعو غيروه السرعه لل 80 ...

ان شالله يتغير ل الى 100

[مناحي السادس عشر]

الركاده زينه والتسرع جهاله

[ابو محمد7]

والله تعبنا المفروض الرادار مايصيدك اقل من 100 !

مب معقولة تكون ماشي تحت ال 100 وتدفع مخالفة سرعة زائدة !

انا اقترح يرفعون ال 60 وال 80 الى 100 ويرفعون ال 100 الى 120

[عزووز قطر]

وشارع وادي السيل من دوار نادي قطر الى دوار الدفاع المدني المفروض يكون 100


والمشكلة مو في زيادة السرعة ،، المشكلة في عقلية (( بعض )) السائقين ..

نفرض ان الشارع سرعته 80 والرادار الثابت موجود .. تحصل بعض السائقين يمشي طول الطريق 70 وماسك المسار الأيسر ومن يوصل الرادار يضرب بريييييييك حتى تصير سرعته 40 والله ماأبالغ
فاليت المرور يتخذون اجراءات في هالنوعية من السائقين ..

[كلاسيك قطر]

اذا كذا عادي

انا شفت العنوان قلت اشدعوه امريكا

اذا كذا المضوع نطالب احنى بعد

[سهم بن سهم]

نعم انا مع زيادة السرعة في الشوارع الرئيسية الهاي وي مثل شارع 22 فبراير ومن غير المعقول ان يكون هذا الشارع سرعة 100 !!!!!!

شدعوه تمشي على بيض !!!

[مرتبش]

اي زيادة
الشوارع زحمة وما تلحق تسرع اصلا..لكن هالمتهورين اللي يسرعون واخرتها يتجاوز من اليمين او يطلع الخط الاصفر على اليسار ..بسنا حوادث

[ابو محمد7]

اي زيادة
الشوارع زحمة وما تلحق تسرع اصلا..لكن هالمتهورين اللي يسرعون واخرتها يتجاوز من اليمين او يطلع الخط الاصفر على اليسار ..بسنا حوادث

انت تشوف ان 90 تهور وسرعه ! وحتى اذا انت خليت السرعة 100 مب معناها الكل بيمشي 100 !

[rawda]

قمه التخلف

خط الوكره اللي كله شاحنات السرعه فيه ١٢٠ !! وخط ٢٢ فبرابر اللي ولاشاحنه تمر عليه حدود السرعه فيه ١٠٠ !!!

[مضاربه]

اخ لو يخلوني مسؤوله في المرور كان بحط رادار يصيد الي يسوقون اقل من 60
مادري مايدوسون على البنزين السياره تمشي بروحها صج قاهريني

[@فهد@]

اخ لو يخلوني مسؤوله في المرور كان بحط رادار يصيد الي يسوقون اقل من 60
مادري مايدوسون على البنزين السياره تمشي بروحها صج قاهريني



:nice::nice::nice:
اي والله .. الركاده زينه بس احيانا تقهرك بعض الناس الي ماتعرف متي تطبق الركاده
مدوخيني حزة الدوام .. ماسك يسار ولا عليه في الدنيا مفهي مدري شيفكر فيه من الصبح

[الجـــــــرح]

والله تعبنا المفروض الرادار مايصيدك اقل من 100 !

مب معقولة تكون ماشي تحت ال 100 وتدفع مخالفة سرعة زائدة !

انا اقترح يرفعون ال 60 وال 80 الى 100 ويرفعون ال 100 الى 120

:nice: :nice: :nice:

[تحداني]

^
^
^
:)


الي راح يمشي 90 وإلي راح يمشي 100 وإلي راح يمشي 120
الكل راح يوصل فلا تستعجلون الركاده والهداوه زينة وبسكم سرعه

[بوخالد911]

في التأني السلامة

الكل بيووصل

وبسكم سررعة وحوادث

تبوون تسرعووون ؛ روحوا نادي قطر لسباق السيارات وفكووونا من شرركم

[ابو محمد7]

^
^
^
:)


الي راح يمشي 90 وإلي راح يمشي 100 وإلي راح يمشي 120
الكل راح يوصل فلا تستعجلون الركاده والهداوه زينة وبسكم سرعه

اي سرعه الله يرحم والديك احنا نطالب ان الرادار يكون 100 وفي خطوط كبيرة نفس 22 فبراير مثلا يكون 120

واذا خلوا سرعة الشارع 100 في ناس بتمشي 80 وناس 90 واكثر واحد مستعجل حده 100 يعني مب الكل بيمشي لك 100

[ابو محمد7]

في التأني السلامة

الكل بيووصل

وبسكم سررعة وحوادث

تبوون تسرعووون ؛ روحوا نادي قطر لسباق السيارات وفكووونا من شرركم


انا ما اعرف كلامك موجه لمن ومادري اي شر تقصد !

احنا اقترحنا واكثر الردود تقول هالشي ان الرادار يصيد فوق ال 100 !

يعني تبيني اروح نادي قطر لسباق السيارات لاني ابي امشي 100 !

فكر قبل لاتكتب

[ابو محمد7]

ياجماعة حوادث السرعة في قطر وخاصة الحوادث الكبيرة تصير من ناس تمشي فوق ال 120 يعني عادي 140 ولا 160 وعلى بعض الخطوط 180 في ناس في خطوط السفر تمشي فوق ال 200 !!!!!!!!!!!!!

سرعة 100 مب هي سبب الحوادث !

[تحداني]

اي سرعه الله يرحم والديك احنا نطالب ان الرادار يكون 100 وفي خطوط كبيرة نفس 22 فبراير مثلا يكون 120

واذا خلوا سرعة الشارع 100 في ناس بتمشي 80 وناس 90 واكثر واحد مستعجل حده 100 يعني مب الكل بيمشي لك 100




هذا إنت جاوبت على طلبك .. اذا كانت السرعه 100 بيمشون 80 بعض الناس
وان كانت 120 هم بيمشون 100 .. :)

[ابو محمد7]

هذا إنت جاوبت على طلبك .. اذا كانت السرعه 100 بيمشون 80 بعض الناس
وان كانت 120 هم بيمشون 100 .. :)

زين واللي مستعجل يبي يمشي 100 واذا شارع رئيسي وارفعوا سرعته يبي يمشي 120

انا كان قصدي حتى لو ارفعوا الحد المسموح مب معناها الكل راح يزيد سرعته بس على الاقل اللي مستعجل يقدر يمشي 100

واهم شي نفس ماقلت قبل ما تتسجل علي مخالفة سرعة زايدة وانا ما طفت 100

[تحداني]

زين واللي مستعجل يبي يمشي 100 واذا شارع رئيسي وارفعوا سرعته يبي يمشي 120

انا كان قصدي حتى لو ارفعوا الحد المسموح مب معناها الكل راح يزيد سرعته بس على الاقل اللي مستعجل يقدر يمشي 100

واهم شي نفس ماقلت قبل ما تتسجل علي مخالفة سرعة زايدة وانا ما طفت 100






اذا ما راح تتجاوز الحد المسموح
خلاص نرفع السرعه ونخليها منطقيه .. بعض الشوارع 100
وبعض الشوارع مثل 22 فقط 120 .. بس هم 120 وايد :secret::)

[عزووز قطر]

اذا ما راح تتجاوز الحد المسموح
خلاص نرفع السرعه ونخليها منطقيه .. بعض الشوارع 100
وبعض الشوارع مثل 22 فقط 120 .. بس هم 120 وايد :secret::)

السرعة المقررة في شارع 22 فبراير 100

بس شوفي بعض السائقين كم يمشون :rolleyes2: والله ان بعضهم يمشي 60 و70 ويضربون بريك عند الوصول للرادار..

يعني لو يقررون الشارع 180 بتحصلين البعض يمشي 80 .. كأنهم حالفين مايطوفون الـ 100

[تحداني]

السرعة المقررة في شارع 22 فبراير 100

بس شوفي بعض السائقين كم يمشون :rolleyes2: والله ان بعضهم يمشي 60 و70 ويضربون بريك عند الوصول للرادار..

يعني لو يقررون الشارع 180 بتحصلين البعض يمشي 80 .. كأنهم حالفين مايطوفون الـ 100





:happy::happy:
خلاص ما راح نرفع السرعه .. واحد يقول 100 واحد يقول 120
وواحد يقول 180 والنتيجه في النهاية انه ما راح يتخطون الــ100 معظم السائقيين
قلنا لكم من الأول الركاده زينه لكن إنتوا الله يهداكم مصريين إطيرون .. ما أعرف على إيش مستعجليين :)

[ابو محمد7]

اذا ما راح تتجاوز الحد المسموح
خلاص نرفع السرعه ونخليها منطقيه .. بعض الشوارع 100
وبعض الشوارع مثل 22 فقط 120 .. بس هم 120 وايد :secret::)

شكرا على تفهمج وشكرا على قرار رفع السرعه 100 :app2:

اهم شي وافقتي على ال 100 وان شاء الله في المستقبل تغيرين رايج وتسمحين ب 120 في الطرق الرئيسية

انا المهم عندي سالفة الرادار الي اقل من 100 مابي حد يقول لي عليك مخالفة سرعة وانا اصلا ما اسرع !!!!!!!!!!!!!!!

وصراحة هم متسببين يوم يحطون الرادار على الشوارع اللي اقل من 100 !

ولا 22 فبراير فيه 6 او 7 رادارات وبعد يحطون متحرك !!!!!!!!!!!!!!

احنا مب ضد القانون , وانا مع المرور في محاربة السرعة بس شوي يكونون متفهمين وتكون في شوية مرونة

[عزووز قطر]

يازين رادارات الامارات
سمعت انها ماتصيد الا فوق 160 :victory:

والعهدة على الراوي :secret:

[ابو محمد7]

:happy::happy:
خلاص ما راح نرفع السرعه .. واحد يقول 100 واحد يقول 120
وواحد يقول 180 والنتيجه في النهاية انه ما راح يتخطون الــ100 معظم السائقيين
قلنا لكم من الأول الركاده زينه لكن إنتوا الله يهداكم مصريين إطيرون .. ما أعرف على إيش مستعجليين :)

اذكري الله توني احتفل بانج فكرتي وقدرتي الموقف !!!!!!!

محد قال 180 ! مافي عاقل بيقول 180 ولا حتى 160 ولا حتى 140 داخل البلاد !

الموضوع كان مجرد ضرب مثل على الناس اللي تمشي 40 و 60 لا وماخذ اليسار ومعطل الدنيا !

والله ماينلام اللي متضايق منهم امس دوار المول زحمة من قلب وفي اخ يوم افتحت الاشارة يمشي يمكن 10 !!!! انا استغربت مع اني كنت بلحق عالاشارة يعني ثاني سيارة بس تميت اهرن له علشان يسرع ازعجته لان الناس ورا منحشرين والاخ ولا هامه

اذا ممكن ارجعي واسمحي بال 100 !:victory:

[ابو محمد7]

يازين رادارات الامارات
سمعت انها ماتصيد الا فوق 160 :victory:

والعهدة على الراوي :secret:

انا سمعت ان في 20 سماح قبل لايصيدك يعني اذا رادار 120 مايصيد لين 140

والعهدة على الراوي

[الكولونيل]

الحقيقة أمر مهم جدا موضوع النقاش وفعلا يجب تغيير حدود السرعة على الطرق الداخلية لأنها بالوضع الحالي تسبب ازدحام كبير لعدم قدرة السائقين على التصرف بسبب البطء في السواقة فأنا مع الراي اللي يقول برفع السرعة من 60 الى 80 و80 الى 100 وابقاء سرعة ال 100 على ماهي عليه في الطرق الداخلية

[تحداني]

الحقيقة أمر مهم جدا موضوع النقاش وفعلا يجب تغيير حدود السرعة على الطرق الداخلية لأنها بالوضع الحالي تسبب ازدحام كبير لعدم قدرة السائقين على التصرف بسبب البطء في السواقة فأنا مع الراي اللي يقول برفع السرعة من 60 الى 80 و80 الى 100 وابقاء سرعة ال 100 على ماهي عليه في الطرق الداخلية




هذا هو الرأي السديد والحكيم
خلاص قرار نهائي .. الحد النهائي للسرعات 100 فوق 100 تحت 100 مرفوض
وإلي مو عاجبه نرسل له أحد من الدوريات ونعطيه مخالفه صريحه
وعليها شهود :)

[فيحان]

السرعه المعتدله 120

عندنا بالرياض على الدائري مانقدر نتجاوز 120 ابدا وبعض الاماكن 100 فقط

ونتمنى يطبقونها على طريق خارج المدن للمسافرين

لان المسار الايسر 180 وبعد الخط الاصفر 240 والله يستر من السرعه

[حمد 2002]

مشكورين اخواني على التجاوب حول الموضوع ، ومن رايي ضروره زياده السرعه على الكورنيش الى 100 بدال 80