بشاااااااااره لكل من ارد تسديد دينه تعااااال بسرررررعه

[Gh2o]

لكل متدين متبهدل مع البنك وخايف من المحاكم انا اقولك ومن تجررررررررربه حول على بنك اسلامي حتى لو خذوا عليك زياده ترى انت والله المستفيد على الاقل تعرف دينك متى ينتهي
يا الربع ان الله يمحق الربا ويربي الصدقات



﴿‏ يَمْحَقُ اللَّهُ الرِّبَا وَيُرْبِي الصَّدَقَاتِ وَاللَّهُ لاَ يُحِبُّ كُلَّ كُفَّارٍ أَثِيمٍ ﴾ (البقرة:276)


اخواني لاحد يدور له حكومه ولا جهه تدفع دينه انت اصلح امورك بالاول ونقل حسابك ولا تتعايز وتحط لنفسك الف عثره وعثره ترى الشيطان يلعب براسك

[دولة قطر.]

البقرة (آية:279):
(فان لم تفعلوا فأذنوا بحرب من الله ورسوله وان تبتم فلكم رؤوس أموالكم لا تظلمون ولا تظلمون)


هذه الآية الكريمة من سورة البقرة أية 279 نصها حرب من الله بعد الأمر بالأذن تأدب من الله وتحذير لعباده إن لم يفعوا ما يأمرهم به ويتوبوا إليه , وقد جعل الله قياس لتعدي الحدود الربا والمراباة وأقر لهم رؤوس أموالهم دون ظلم ولا مظلمة , حيث قال
لا تظلمون ولا تظلمون ,
عدلا بعدل والله يحب المقسطين

[فلتة زمانها]

انزين في بنك اسلامي يعطي قرض شخصي!!

[أبورودي]

انزين في بنك اسلامي يعطي قرض شخصي!!

يمكنك اخذ قرض فى صوره اسهم

البنوك الاسلاميه لاتقرض سيوله ماليه

[Gh2o]

انزين في بنك اسلامي يعطي قرض شخصي!!

رد عليج الاخ الي فوقي وببساطه لان القرض الشخصي الكاش هو عباره عن ربا والربا انك تستقرض مال من شخص وترجعه له بعد وقت معين مبلغ اكبر ولكن البنوك عباره عن شركات ومنها ما يتجه للطرق الاسلاميه ومنها مايتجه بصراحه للربا
وكككككككل الي متضررين من الديون بنوكهم ربوووووويه
الله يمحق الربا

[وريث الطيب]

جزاك الله خير على هل معلومه وانا حاليآ افكر اني اغير بنكي الربوي الى المصرف الا سلامي لانه هواقل نسبه من البنوك الثانيه الا سلاميه صحيح انه ياخذ اقصاد من الراتب اكثر من البنك الربوي الي انا فيه بس مثل ماقلت اتعرف ايش لك وشعليك ويبين القرض انه ينزل من كل قصد ينسحب منك
انا في بنك ربوي وساحب 250 الف وسحبو علي اول قصد2600 ريال في تاريخ 1/4/2006ولين تاريخ اليوم سئلت بعد علي 250 الف يعني ماننزل شي من القرض
الله يكفينا شر الربا والحرام

[qtr35]

من تجربة شخصيه

انا مع الاخ Gh2o :nice:

عالاقل طريق اسلامي .. حتى مع كلام بعض الناس ( كلهم نفس الشي وكلهم ياخذون فايده )
وارد عليهم دايما بـ " حلل الله البيع حرم الربا " :)

قروض اي مصرف اسلامي .. تعتبر عقود بيع وشرا ( من اسهم او حديد ) .. وعقود مدتها ثابته .. مستحيل يزيدون المده .. واذا دفعت(ي) المبلغ كامل .. يردون 100٪ من الارباح الي لهم (مصرف الريان) او جزء (بعض المصارف الاخرى) - وتسمى مكافأة سداد مبكر :victory:

اما البنوك الربويه .. يعتبر سيوله شخصيه (نفس ماتفضلوا الاخوان ) ونسبة ربحهها على الزمن ( كل ماطال .. زادت الارباح ) - والسداد المبكر مايكون مكافأه .. بل غرامة نسبتها 1٪ من المبلغ الاجمالي ! :eek5:

الله يكون فالعون
نصيحتي لأي مقدم على قرض او تمويل ... ( اعرف شنو الي لك(ج) وشنو الي عليك(ج) .. حتى لو يتمون يشرحون لك(ج) الطريقه لساعات )

بالتوفيق واسفين على الاطاله :victory:

[Gh2o]

تسلم على التوضيح اخوي كنديشن

[عبدالمحسن]

انا اعرف واحد شرى له البنك الاسلامي ( حديد ) وباعها الشخص بربح :)

[سداوي&مدريدي]

انا أتفق مع أخوي Gh2o

الحمد لله السلفه الي على توها مخلصه

وانا مرتاح مع الدولي الأسلامي .. والمعامله :nice:

[الأصيلة]

نعم فكروا وتدبروا قبل أن يفوت الآوان وينتهي الأجل...
الربا إثمه عظيم وعقابه شديد لاتستهينوا به...
أسأل الله أن يطهر أموالكم من الربا والباطل
والحرام بكل أشكاله...

[فارس قطر]

انا دخلت الموضوع وتوقعت ان الامير اسقط ديون البنوك على الشعب

[Gh2o]

انا دخلت الموضوع وتوقعت ان الامير اسقط ديون البنوك على الشعب



احلام يقضه اخوي :nice:

[سداوي&مدريدي]

انا دخلت الموضوع وتوقعت ان الامير اسقط ديون البنوك على الشعب



:whistling:

[فيحان]

جزاك الله خير

[ولد البوكوارة]

جزاك الله خير اخوي ع الموضوع

وكل كلامك اللي قلته عن البنوك الربويه صحيح ومن الواقع للاسف

عسى الله يبعدنا عن هالبنوك ولا يحوجنا لها

واحب اضيف نقطه وهي ، الوطني الاسلامي عندهم عرض اذا حول العميل الراتب عندهم

العرض هو :

* تمويل بقيمة 30000 ريال من دون ارباح
* 10% استرجاع نقدي من أرباح أي تمويل يتقدم العميل الحالي أو المستقطب من البنوك الأخري للحصول عليه والذي يشمل التمويل الشخصي وتمويل السيارات والبضائع والخدمات وغيرها من الباقات المتنوعة للتمويل الإسلامي

وزياده على هالشي ان العميل بيعرف التزاماته متى بتنتهي واوضاعه بتتحسن بإذن الله

[بوخالد911]

جزيت خيرا

وأذكركم : مد ارجوولك قد الحافك

والقناعة كنز لا يفنى

[وحيد-الشوق]

الحمدلله طلعت من البنك الأهلي الملعون وحولت مديونية السيارة عالمصرف

مادري ليش من بعدها حسيت براحه غريبة وصرت ما افكر في الدين نفس قبل :)

الله يجزاك خير أخوي

[العودي V.X.R]

عن تجربه في البنوك الاسلاميه ... ارخص فايده عند المصرف ..

وانا احمدالله الف مره .. اني مادخلت بنك ربوي ... مع ان احيانا الواحد يضطر انه ياخذ كاش .. وفي البنوك الاسلاميه اجراءاتهم تطول وتعور الراس ... لكن ابرك ... على الاقل هم عارف متى بيتدي ومتى بخلص والفايده كم ....

جزاك الله خير اخوي على الموظوع اللي يشد الانتباااه

[fzaa_qatar]

انزين واللي ما يقدر يحول راتيه على بنك اسلامي ,, شالحل بنظركم او اي طريقه تنفع مع هالوضع الصعب الي انا فيه .. انا فبنك الدوحه حسبي الله عليهم وصار لي 6 سنين ولا تغير الحال وكل ماله والمديونيه تزيد وتزيد ,, فمادري اخذ برايكم احول عالاقل الدوحه الاسلامي وهل الدوحه الاسلامي بياخذ قرضي على شكل اسهم وبالتالي بتقل المده والمبلغ والا اهو مجرد نقل للمديونيه كنك تنقل من فرع لفرع .. وجزاكم الله خيرا واللي عنده فكره يا ريت يقول ولا يبخل علينا واهم شي تجارب كل شخص لتعم الفااااااااااايده ... علما اني رحت لكل البنوك الاسلاميه ومافي اي فايده بحكم قانون ال 7 سنين اللي ذبحنااااا .. عالاقل يرفعونها شوي عشان تقدر الناس اتحول .. وماعتقد حد بيقدر يحول بمدة 7 سنين ..

[Gh2o]

اخوي لازم سبع سنين مب مثل الربويه والتمويل ل٣٥ سنه لو تحسبها انت المستفيد على الاقل دينك ينقص مايزيد وفوق هذا بعيد عن الحرام الاسلامي بيشتري قرضك من البنك الثاني مب دافع لك انت كاش وبياخذ عليك زياده بس بعد اقل من الي قاعد ياخذه البنك الربوي

[الكــاســــر]

{يَا أَيُّهَا الَّذِينَ آَمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ} [البقرة: 278، 279].

[fzaa_qatar]

يا جماعة الخير انا ادري القانون في مصلحتي ومصلحة الكثيرين بس لا تنسوووون ان القانون حمى ناس ووهق نااااس وايد وانا منهم يعني حالتي ما خليت بنك اسلامي الا ورفض بسبة ال 7 سنين كل ماروح يقولون ماااا نقدر وانطر يمكن يزيدون مدة السداد لان المشكله الحين فالمده ناس وايد تبي تحول ما تقدر .. وعاد الله يعينا ننظر ونشوف يمكن يشوفون لنا حل للي ما يقدر يحول .. والمشكله القرض ما ينزل لانه لو نزل بغمضة عين اقدر احول على اسلامي بس البنوك للاسف ما ترحممممم ...

[qatari 111]

جزاك الله الف خير على الموضوع القيم والمهم لاخواننا واخواتنا اللي في البنوك الربويه والله ييسرها ويسهل دربهم ويبعدهم الربا والحرام

[Rashid554]

انا الحمدالله بديت بهالموضوع من اسبوع باقي شهاده المديونية وبسدد ديني

[جلمود]

جــــزاك الله خير

نفس ماحصلي حسيت أول مانقلت من البنك إللي كنت فيه

[fzaa_qatar]

طيب فيه بنك اسلامي بيشتري مديونيتي مليون ومية الف ومب مشكله المده اهم شي انقل وافتك لاني خلااااااص والله تعبت من البنك ومن كثر ما رحت على البنوك الاسلاميه ويتعذرون لي بال7 سنين ....

[ذيبة الريان]

صادق ياخوي ..
أمورك في البنك الاسلامي مرتبه , وتعرف وش اللي لك ؟ و وش اللي عليك ؟
قروضي على الوطني الاسلامي والحمدلله الأمور طيبه ..

أنصحكم بالوطني الاسلامي ,,

[خيال شمر]

انا وعن تجربه شخصيه نقلت من بنك ربوي الى بنك اسلامي خذوا على فايده وخذيت سلفه بعد .... ولله الحمد اللحين مرتاح ...... ولا شهر احس نقص علي شي .... اللهم لك الحمد والشكر :)

[stocker]

السلام عليكم ورحمة الله وبركاته

الله يفرج عليكم جميعا والله يسهل عليكم ويوفقكم
اشكرا صاحب الموضوع وجزاك الله الخير وبيض الله ويهك
بخصوص الاخوان اللي مديونتهم اكثر من سبع سنين اعتقد في حل سمعته وهو ان البنك الاسلامي يعطيك سلفه لمدة سبع سنين وفقا لشروط المصرف المركزي ويضيف سنتين اضافيتين كقرض عقاري
يعني يكون القرض كامل تسع سنوات وهذا والله اعلم يكون باتفاق بينك وبين البنك .

والاخوان والاخوات اكبر دليل على البنوك الربويه ومافيها من ضرر فلينظرو الى الازمه الماليه في العالم ومن سببها فيتضح لهم انها البنوك الربويه

[((غلا قطر))]

يجــــــــــــــــــــــــــــــــزاك الله ألف خـــــــــــــــــــــــــــــــير ،،،،،

[A.L.I]

جزاك الله خير اخوي

[missperfect]

:victory::victory::victory:

[المقهوره]

انا يوم بغيت انقل من ربوي الا اسلامي

رحت للمصرف والدولي وقالوا لي قرضك مانشتريه :(

لان البنك المركزي ما ادري ايش وخرابيط كثيره

وعقب نقلت من الوطني الى التجاري وخليتها 7 سنوات (رفعت القسط)

ابي اخلص بسرعه على شان عقبها انقل للاسلامي


لانها كانت بالوطني النصاب على 29 سنه
ياحليلهم مايخلص القرض عندهم ابدا

[بو خليفه 123]

جزاك الله خير على النصيحه .. ونعم النصيحه


و لكن من وجهة نظر بنكيه :

الحذر من بعض البنوك الاسلاميه عندما تعطي التمويل على Flat Rate

[Gh2o]

جزاك الله خير على النصيحه .. ونعم النصيحه


و لكن من وجهة نظر بنكيه :

الحذر من بعض البنوك الاسلاميه عندما تعطي التمويل على flat rate

ممكن توضح لنا اخوي بوخليفه

[alshahen]

السلام عليكم صباح الخير للجميع
الصراحه في عمري ماشفت حد يتعامل مع بنك ربوي مرتاح والبنوك الاسلاميه هي الحل والله العظيم ان الربا ( الفايده ) تمحق البركه من المال
وَعَنْ عَبْدِ اللهِ بْنِ مَسْعُودٍ رَضِيَ الله عَنْهُ، عَنِ النَّبِيِّ صَلَّى الله عَلَيْهِ وَسَلَّمَ قَالَ:
"الرِّبَا ثَلَاثَةٌ وَسَبْعُونَ بَابًا أَيْسَرُهَا مِثْلُ أَنْ يَنْكِحَ الرَّجُلُ أُمَّهُ".

[ابن مانع]

الله يجزاك خير
ويكتب لك اجر من ينقل بسبتك

[بو خليفه 123]

ممكن توضح لنا اخوي بوخليفه



على الخشم

لي عوده ان شاء الله

[*^*محمد*^*]

الحمد لله ابشركم توني مخلص اموري ونقلت من بنك ربوي لمصرف الريان

مع العلم قرضي كان 150000 بدون فوايد تقريباً وبعد ما نقلت وشرو القرض اللي علي خذو 19700 ارباح والأقصاد 5650 ريال

لأني رافع القصد ومقلل المده خليتها سنتين ونص والله يعلم مرتاح نفسياً

[Gh2o]

محمد مبروك اخوي والله ان شاء الله مب مضيعك وان شاء الله يرزقك بالحلال