ما بعد المرحله الثانويه .. فيدوهم تنقذوهم

[خليدان]

السلام عليكم ورحمة الله وبركاته

. . . شحالــكم يــآآ عـــــــرب . . .

طبعــاً وصلنـــآآ لنهــآآية السنة الدراسيه ..

وإن شاء الله الجميـــع نآآجـــح .. :telephone:

بدرجــآآت تبيض الوجه .. :omen2:

وكثيـــر من الطــلآب في انتظـــآآر النتآيــــج .. :eek5:

وطبعـــاً بعد النتايــج الطالب إن كــآآن نآآجــح .. جدآمــه خيارين .. :victory:

إمــآ إنــه يكمل درآآستـــه أو يشتغـــــل ..:nice:

واللي نبيــه منـــكم .. إنكم تقترحون على طــلآبنــا :discuss:

لو بيدرسوون ويــن يكملون في أي جامعه تنصحونهم وأي تخصص .. :shy:

لو بيشتغلون ويــن يشتغلــون وشلون نظـــآآم الشغل .. مع ذكــر الرآتب .. :anger1::nice:

والله يوفقني ويوفقكم لمــآآ يحــب ويرضــى :shy:

[العودي V.X.R]

ليش يدرس ويتعب عمره وفي النهايه مابيلقى وظيفه..

والحين زمن الواو .. عندك ها الحرف ... بتحصل مرادك ... واذا ماعندك الله يكون بعونك ...

والله الواحد فينا يبي يكمل دراسته ويبي يتطور .. لكن يسكرووون كل الطرق اللي بوجهك ليش مادري ...

ونشوف باقي الاخوان ويش يقولون ... تسلم على الموظوع اللي زاد فيني المواجع

[al-sadd]

اولا يعطيك العافيه اخوي ع الموضوع
الي انشاء الله الجميع يناقش فيه
انا واحد من هـ الطلاب الي مخلصين الثنويه وينتظرون النتيجه
وربك يستر =)

بخصوص بعد الثنويه
ان شاء الله ناوي اكمل دراستي
وادرس بالجامعه وبتحديد i.t engineering
"هندسة حواسيب"

طبعا دراسة خارجيه ان شاء الله بوجه التحديد امريكا D=
وربك يعين ان شاء الله

[خليدان]

بعد النتايج الحلوهـ ..

ما نقووول غير الله كريم ..

والله يكون في عون الطلاب وأولياء الأمور

[ahmed jasim]

لاتعتمد إعتماد كلي على الدولة ولا على المجلس الأعلى
روح أمريكا وإدرس على حسابك
تحتاج 100 ألف ريال فى السنة للدراسة والسكن والمعيشة
خل عندك هدف إتخلص فى 7 سنوات
أول سنتين يبقيلهم صبر ويمكن ماتحقق شىء وهذى طبيعي
بعدين تبتدى تتأقلم وبتتغير نظرتك للحياة
وعقب سنتين بتشوف مافى شىء إسمه مستحيل

طبعا فى خلال هالفترة راسل الوزارات والمؤسسات علشان تخفيف حمل الدراسة بس مثل ماذكرت لا تعتمد عليهم وخل هدفك الرئيسي هو الدراسة

[رجل الجزيرة]

الطيران المدني طالب طلبة خريج الثانوية عندهم 20 تخصص خارج قطر و10 تخصصات في داخل قطر، فالله يوفقهم لأنهم حطوا إعلان من إسبوعين.

[^امـ نواري^]

الافضل للطالب الجامعي انه يكمل دراسته طبعا ..

وعلى حسب التخصص اللي هو يرغب فيه وحسب درجاته وتقديراتها يقدم للجامعات هني في قطر !!
وما ننسى انه يشوف له " سبونسر " يتكفل بمصاريف الجامعه ..

والله يوفق جميع الطلاب والطالبات

[الملا]

اخوي شيل من راسك فكره الشغل بعد الثانوية . والله يجي يوم وتتحسف وتقول ياليتني درست

كمل دراستك وشوف جامعة قطر واذا جايب نسبه مرتفعه الدولة ماتقصر