][ تعالووو نحقق احلامنا بــ" قوة التوقع " ][

[بنت ذياب]

السلام عليكم ورحمة الله وبركاته

شحالكم ؟؟

ادري مستغربين ..
من زماااااااااااااااااااااان ماكتبت موضوع

اكيد : تقولون.. هاذي من وين اطلعت لنا :looking:

بس طرى على بالي اكتب لكم ..

الله يسلمكم من الملل قاعده واسمع بـ يوتيوب عن التنمية البشرية وهالسوالف << لعبتها:tease:

وقلت خل افيدكم معااي

فالبداية كلنا نعرف ..

من توكل على الله فهو حسبه :)

وتفاءلوا بالخير تجدووه


ولازم نعرف ..عشان الامل يطلع للحياه لازم يكون عندك توقع
وتوقعاتك تكون ايجابيه...


قيمــة التوقع :

هي انك لما تدعي الله سبحانه وتعالى وتتوقع منه الاجابه ..راح يحقق لك اللي تبيه
شعور رائع جدا

عقل الانسان مثل المغناطيس أي شي تتوقعه وتحط معاه شعورك واحاسيسك ..
بتحصل الشي يتحقق شوي شوي من غير ماتحس ..

مثلا رحت مجمع وكان زحمه
بس انت متوقع تحصل موقف.. وفعلا لقيت
هاي هو التوقع .. وممكن نربطه بحسن الظن بالله ..

:nice:

مثلا هل توقعت تشوف حد .. وشفته ؟؟

او مثلا رن التلفون الفجر وتوقعت ان مصيبه صارت ..؟؟
ف بتضايق نفسك و تعطيها ايحاء سلبي عالفاضي

ويطلع بكل بساطة واحد مغلط بالرقم :looking:
:tease:


يقولكم :اكثر من 80% التحدث مع الذات للاسف سلبي:(

لذلك : اي شي تتوقعه وتحط معاه احاسيسك ومشاعرك يتحول لـ اعتقااد في العقل اللاواعي

التوقع الايجابي يخليك تشوف اشيا ايجابيه ف كل مكان
اما السلبي العكس تماماً

عندنا 4 انواع من التوقع:

1- توقعك من نفسك :

تتوقع انك راح تنجح ؟ .. تتوقع انك بتفشل ؟؟... الخ
وحاول يكون توقعك من نفسك ايجابي ..
وتذكروا:
وراء كل سلوك ...نية ايجابية ..

2- توقعك من الاخرين :


متوقع من الناس يقولون لك شي معين
او يزورك حد هالساعه وما يا ..
فتتوقع توقع سلبي ان صار له شي مثلا.. وهكذا
ف حاول تخلي توقعاتك بالناس دايما ايجابية وتوقع منهم الخير دائماً

3- توقعات الاخرين منك :


يعني مثلا الناس تتوقع منك انك تنجح او تفشل

مثلا ام تقول لولدها دايما : انت عمرك مابتنجح وبتفشل ووو الخ ..
ف هاي توقع امك عنك
جذي يعني..
او مثلا ام تقول لولدها .. انت طالع على ابوك غبي وماتفهم ههههههههههههه << تكون منقهرها من ريلها وماتقصد
بس لا اراديا بيصير الولد يتوقع من نفسه هالشي .. !!

وطبعا أراء الناس في النهاية مجرد ارااء.. وخذ من ارائهم الشي الايجابي .. وخل عنك الاشيا السلبية..

ولما تتوقع شي.. ينجذب لك هالشي ..


وفي شي حلوو بعد .. :nice:

ان مافي شي اسمه توارد خواطر

انت لو فكرت بشخص تحصل هالشخص مثلا جدامك؟؟ تصير صح؟

فـ هاي من فعل الطاقة البشريه .. يعني انت بعثت له طاقه وهو بعث لك طاقة واتصل لك

انت فكرت فيه .. وهو فكر فيك

وهكذا ,,

وهاي قانون الجذب..

ف اي شي تتوقعه .. يرجع لك بنفس النوع ..



4- توقعاتك من الحياة

شتتوقع من الحياه؟؟

مثلا واحد يقوم الصبح ويحس اليوم سخيف وممل وكئيب

وواحد يقوم ويحس اليوم حلوو

وصج لما نتوقع اليوم حلو يصير حلو.. شلون ماندري :omen2:
وهاي كله يرجع لتوقعاتنا وافكارنا

ووبس

صراحة كنت متضايقة وحزينة.. :( فقلت اسمع هالاشيا .. واكتب لكم

والحمدلله صرت الحين متفائله .. وباروح ارقد وانا مرتاااحه ..

:nice:

ان شاء الله استفدتوا من هالمعلومات .. :victory:

,
,

اختكم/ بنت ذياب

[qatar911]

بالتوفيق انشاءالله

[هند88]

كلامج صح مليون بالمية
وانا دايما اقول ان لازم دايما نتفائل ولا نخلي الافكار السليبه تطغي على تفكيرنا
حلو الشخص يكون دائما متفائل وتلاقين هالشعور ينتقل للاشخاص الي حوله

وهاي اسمه الله يسلمج برمجة العقل الباطن
http://www.qatarshares.com/vb/showthread.php?t=375456

:victory:
تحياتي لج

[أ التميمي]

تفائلو بالخير تجدوووووووه



تسلمين يالغاليه وصباحج ورد

[وطن]

The Secret ;)


نفس النظام بالضبط

الله يعطيج العافية بنت ذياب

[شبح الصمت]

ارحم الله والديج يا بنت الذيب

سبحان الله من توكل على الله واجتهد فالشيء بيحصله

بس بخصوص التوقع

صراحة في اشياء الواحد يتوقعها بس يتوقعها يعني من ناحية ايجابية يعني مب يتوقع تجيه مليون وهو ما عنده غير قمل ثيابه

هههههاي

يعني التوقع في حدود التفكير وامور الحياة الي تمر عليك سابقاً ولاحقاً

يعني مره انا قاعد اتوقع انه تجيني زيادة فالراتب وسبحان الله كان توقعي لها 80% انها بتنضاف لي وسبحان الله انضافت لي بس بعد ما رقدت وقعدت ورقد وقعد لمدة شهرين عقب انزلت ( الحمد لله على كل شيء )

يعني ما كنت متوقع اني خلال 6 شهور توصل مشاركتي في المنتدى 5 آلاف وصار ووصلت !!

موضوع حلو وشـيق ونشوف باقي الأخوان والأخوات

اي نسيت ما توقعت انه بوحارب يسوي كرك وطلع يسوي كرك

:nice:

[missperfect]

يعني ما كنت متوقع اني خلال 6 شهور توصل مشاركتي في المنتدى 5 آلاف وصار ووصلت !!









حللللللللللووووووووة يالشبح كثر منهااا:tease:

يعني انا بعد ماتوقعت مشاركاااتي في خلال ثلاثة ايام توصل 200 ووصلت ،، يعطيج الف عافيه بنت ذياااااب ،، موووووووووفقه:):):nice:

[طموحي عالي]

يعطيج العافية وهذا دايم يصير معاي


ان مافي شي اسمه توارد خواطر

انت لو فكرت بشخص تحصل هالشخص مثلا جدامك؟؟ تصير صح؟

فـ هاي من فعل الطاقة البشريه .. يعني انت بعثت له طاقه وهو بعث لك طاقة واتصل لك

انت فكرت فيه .. وهو فكر فيك



>>>>>>>>>>>دايم دايم يستوي لي

وحتى اقول لشخص ترى اليوم حاسه اني بكلمك او بشوفك لاني فكرت فيك الصبح

ياسبحان الله

عيل بفكر كل يوم

[sara jsm]

وايد حلو موضوعج ,,
واستفدت منه ,, :)
جزاج ربي الجنة ,,

[شجرة الدر]

اشتقنا لمواضيعج الحلووه بنت ذياب ،،

ووايد عجبني الموضوع واستمتعت بقرايته ،،

لاتحرمينا من هالمواضيع يعطيج الف عاافيه ،،

[بنت ذياب]

بالتوفيق انشاءالله

اجمعيييين :)

[بنت ذياب]

كلامج صح مليون بالمية
وانا دايما اقول ان لازم دايما نتفائل ولا نخلي الافكار السليبه تطغي على تفكيرنا
حلو الشخص يكون دائما متفائل وتلاقين هالشعور ينتقل للاشخاص الي حوله

وهاي اسمه الله يسلمج برمجة العقل الباطن
http://www.qatarshares.com/vb/showthread.php?t=375456

:victory:
تحياتي لج

هلا حبيبتي هنودة

صح .. هاي برمجة العقل الباطن .. وتكلمت عنه سابقا .. :nice:

واهم شي تبرمجين عقلج ع الايحاءات الايجابية ..

اشكررج عالمرور فديتج

[بنت ذياب]

تفائلو بالخير تجدوووووووه



تسلمين يالغاليه وصباحج ورد

الله يسلمك اخوي
حياك الله


the secret ;)


نفس النظام بالضبط

الله يعطيج العافية بنت ذياب

يس ..نفسه ..

يسلمو عالمرور حبيبتي..

[ام عزيزان]

صححححححح

[هدهد سليمان]

موضوع في خانة الايجابيات .. توظيف الاحساس بأشياء ايجابيه شي طيب ..

[شويهينــه]

موضوع قيم ويفيد في الحياه وذكرني ببنات افكار قطر4اوول:tease: <<<<<< وينه مختفي؟؟:telephone:

دايم الواحد لازم يكون متفائل ويكون تفكيره positive عشان تتحقق كل امنياته

[بو خليفه 123]

مرحبا بنت ذياب

شاف من عاشج ...

عفواً .. اقصد عاش من شافج :)


شد انتباهي الموضوع و اذكر لي مشاركه بخصوص تنمية التوقعات و ردود الافعال و لي وجهة نظر من هالناحيه .. و مثل ماتفضلت وطن نفس فلم ذا سيكرت و طريقة السيناريو ..


هناك كتاب يتحدث عن ال Positive thinking من تأليف " نورمن فنسن" انصحك بقرائته ..

دائماً توقعاتنا تكون تلقائيه او ردة فعل تجاه الاشخاص . مثال : عندما مسؤولك يطلب منك مقابلته في مكتبه بعد ساعات العمل , سوف تواردك افكارك تلقائياً عن سوء تقييمك السنوي او عن اصدار كتاب انذار موجه لك او الخ الخ الخ ..


او عندما ترى سيارة الشرطه خلفك تظن انها تلاحقك و تبدأ بالتفكير هل لأني لم اربط حزام الأمان .. هل لأني تحدث بالهاتف خلال سواقتي .. الخ الخ :) :)


و لذلك ارى ان المقترحات ادناه هي من افضل الوسائل او الطرق للتوصل الى التوقعات الايجابيه :

1- عندما تشعر أنك تقول لنفسك أشياء سلبية عليك أن تتنبه فورا وتأمر عقلك الباطن بالإلغاء.."أي إلغاء هذه الأشياء السلبية".

2- عليك بتغيير السلبيات الى إيجابيات فإذا سمعت نفسك تقول "أنا لااستطيع عمل ذلك وانني لن أنجح" عليك بتبديل هذه الرسالة الى "أنا أستطيع عمل ذلك وسأنجح,وإذا كان من الممكن لأي شخص أن ينجح في ذلك فأنا بالمثل يمكنني النجاح".

3- قم بالتصرف فورا تبعا لخطتك واحذر الرسائل والإشارات السلبية التي يتلقاها عقلك الباطن من أصدقائك وأفراد عائلتك والمحيطين بك,ولاتسمح لأي شخص أن يبرمج لك توقعاتك بطريقة سلبية.

4- ابدأ يومك بتوقعات إيجابية وقل لنفسك "أنا أتوقع أن يكون اليوم يوما ممتازا إن شاء الله"..وثق بأن شيئا جيدا سيحدث لك.


تقبلوا تحياتي ..

[مرتبش]

جميل الموضوع
يستاهل 5 نجمات والتعليقات ايضا جميلة وتستاهل 4 نجمات

[بنت ذياب]

ارحم الله والديج يا بنت الذيب

سبحان الله من توكل على الله واجتهد فالشيء بيحصله

بس بخصوص التوقع

صراحة في اشياء الواحد يتوقعها بس يتوقعها يعني من ناحية ايجابية يعني مب يتوقع تجيه مليون وهو ما عنده غير قمل ثيابه

هههههاي

يعني التوقع في حدود التفكير وامور الحياة الي تمر عليك سابقاً ولاحقاً

يعني مره انا قاعد اتوقع انه تجيني زيادة فالراتب وسبحان الله كان توقعي لها 80% انها بتنضاف لي وسبحان الله انضافت لي بس بعد ما رقدت وقعدت ورقد وقعد لمدة شهرين عقب انزلت ( الحمد لله على كل شيء )

يعني ما كنت متوقع اني خلال 6 شهور توصل مشاركتي في المنتدى 5 آلاف وصار ووصلت !!

موضوع حلو وشـيق ونشوف باقي الأخوان والأخوات

اي نسيت ما توقعت انه بوحارب يسوي كرك وطلع يسوي كرك

:nice:

هههههههههههههههههههه

بس اخوي اخر شي توقعاتك اطلعت في محلها

اهم شي زاد الراتب وصار اللي توقعته :nice:


وانا اشوف في اشياا احنا مثلا مافكرنا فيها من قبل وصارت

ف شي طبيعي نقول ماتوقعت ان مثلا بوحارب يسوي كرك

لانك اخوي ماعطيت نفسك مجال تفكر قبل لا يصير الشي ولا سالت نفسك :هل تتوقع ان بوحارب يعرف يسوي كرك :omen2: هههههه

:( اسمح لنا اخوي بوحارب .. استخدمناك كمثال عشان نوصل الفكرة لا اكثر:tease:

يعطييك العافيه اخوي..:nice:

نورت الموضوع ..

[بنت ذياب]

يعني ما كنت متوقع اني خلال 6 شهور توصل مشاركتي في المنتدى 5 آلاف وصار ووصلت !!









حللللللللللووووووووة يالشبح كثر منهااا:tease:

يعني انا بعد ماتوقعت مشاركاااتي في خلال ثلاثة ايام توصل 200 ووصلت ،، يعطيج الف عافيه بنت ذياااااب ،، موووووووووفقه:):):nice:

وانا ماتوقعت اتييني فترة واقطع المنتدى :weeping:

هههههههه

مشكورة حبيبتي عالمرور..

[بنت ذياب]

يعطيج العافية وهذا دايم يصير معاي


ان مافي شي اسمه توارد خواطر

انت لو فكرت بشخص تحصل هالشخص مثلا جدامك؟؟ تصير صح؟

فـ هاي من فعل الطاقة البشريه .. يعني انت بعثت له طاقه وهو بعث لك طاقة واتصل لك

انت فكرت فيه .. وهو فكر فيك



>>>>>>>>>>>دايم دايم يستوي لي

وحتى اقول لشخص ترى اليوم حاسه اني بكلمك او بشوفك لاني فكرت فيك الصبح

ياسبحان الله

عيل بفكر كل يوم

ههههههههههههههههههههههههههه فكري فكري

بتشوفين كل الناس تفكر فيج اليوم :tease::tease:

نورتي الموضوع بطلتج واللله :shy:

:nice:

[بنت ذياب]

وايد حلو موضوعج ,,
واستفدت منه ,, :)
جزاج ربي الجنة ,,

احلوت ايامج حبيبتي
حياج الله :nice:



اشتقنا لمواضيعج الحلووه بنت ذياب ،،

ووايد عجبني الموضوع واستمتعت بقرايته ،،

لاتحرمينا من هالمواضيع يعطيج الف عاافيه ،،

فديت قلببج:(

حتى انا اشتقت لكم والله :weeping:

مشكورة فديتوج عالمررور

:nice:

[الوان]

اضافة صغنونة .... خل دايما عندك هدف + أمل و توقع تحقيق هذا الهدف بإذن الله

[الوان]

اضافة أخرى خل دايما على لسانك كلمة أنا + شي ايجابي ... يعني انا حلوة - انا قوي ...
و لا تحط أنا + شي سلبي مثل أنا غبي ...
و لا تحط أنا + نفي مثل أنا مب تعبان
لأن المخ يجزئ الجملة إلى : أنا - مب - تعبان و يمحي كلمة ( مب ) و يفهمها على انها ( انا تعبان ) فيكون تأثيرها سلبي...

[meme~qatar]

حلو موضوعج بنت ذياب
دايما مبدعة
وكثري من هالمواضيع

وكنت ماخذة دورة بهالخصوص عند ابراهيم الفقي
دار راسي

ارقدي يابنت ذياب قريرة العين كفيتي ووفيتي

[sweet_lemon]

تفائلوا بالخير تجدوه

موضوع جداً رائع وشيق

تسلم يمينج بنت ذياب على الموضوع

ربي يسعدج ويوفقج دنيا واخره :victory:

[findi]

جزاج الله خير بنت ذياب

دوم مواضيعج هادفه و مميزه

استمتعت جدا بقراءة موضوعج وحفظته عندي

قواج الله خيتو

[ظبيــღــه]

ما شاء الله موضوع قيم :nice:

تسلميين بنووته والله يبعد عنج الهم والحزن

والشكر لكل من زااد من عنده

استفدناا منكم ورفعتوا من قيمه الموضووع:victory:

[بنت ذياب]

صححححححح

صح ابدنج :nice:


موضوع في خانة الايجابيات .. توظيف الاحساس بأشياء ايجابيه شي طيب ..

يعطيك العافيه اخوي عالمرور..

حياك الله .. :nice:


موضوع قيم ويفيد في الحياه وذكرني ببنات افكار قطر4اوول:tease: <<<<<< وينه مختفي؟؟:telephone:

دايم الواحد لازم يكون متفائل ويكون تفكيره positive عشان تتحقق كل امنياته

هههههههههههههه اي والله

مشكورة قلبونتي عالمرور

:nice:

[بنت ذياب]

مرحبا بنت ذياب

شاف من عاشج ...

عفواً .. اقصد عاش من شافج :)


شد انتباهي الموضوع و اذكر لي مشاركه بخصوص تنمية التوقعات و ردود الافعال و لي وجهة نظر من هالناحيه .. و مثل ماتفضلت وطن نفس فلم ذا سيكرت و طريقة السيناريو ..


هناك كتاب يتحدث عن ال Positive thinking من تأليف " نورمن فنسن" انصحك بقرائته ..

دائماً توقعاتنا تكون تلقائيه او ردة فعل تجاه الاشخاص . مثال : عندما مسؤولك يطلب منك مقابلته في مكتبه بعد ساعات العمل , سوف تواردك افكارك تلقائياً عن سوء تقييمك السنوي او عن اصدار كتاب انذار موجه لك او الخ الخ الخ ..


او عندما ترى سيارة الشرطه خلفك تظن انها تلاحقك و تبدأ بالتفكير هل لأني لم اربط حزام الأمان .. هل لأني تحدث بالهاتف خلال سواقتي .. الخ الخ :) :)


و لذلك ارى ان المقترحات ادناه هي من افضل الوسائل او الطرق للتوصل الى التوقعات الايجابيه :

1- عندما تشعر أنك تقول لنفسك أشياء سلبية عليك أن تتنبه فورا وتأمر عقلك الباطن بالإلغاء.."أي إلغاء هذه الأشياء السلبية".

2- عليك بتغيير السلبيات الى إيجابيات فإذا سمعت نفسك تقول "أنا لااستطيع عمل ذلك وانني لن أنجح" عليك بتبديل هذه الرسالة الى "أنا أستطيع عمل ذلك وسأنجح,وإذا كان من الممكن لأي شخص أن ينجح في ذلك فأنا بالمثل يمكنني النجاح".

3- قم بالتصرف فورا تبعا لخطتك واحذر الرسائل والإشارات السلبية التي يتلقاها عقلك الباطن من أصدقائك وأفراد عائلتك والمحيطين بك,ولاتسمح لأي شخص أن يبرمج لك توقعاتك بطريقة سلبية.

4- ابدأ يومك بتوقعات إيجابية وقل لنفسك "أنا أتوقع أن يكون اليوم يوما ممتازا إن شاء الله"..وثق بأن شيئا جيدا سيحدث لك.


تقبلوا تحياتي ..

عاشت ايامك اخووي

انا قريت كتاب ذا سيكريت .. بس ماشفت الفلم ..

واستفدت منه واايد .. :nice:

مشكور اخوي ع النصايح والاضافة

لاهنت .. :victory: