امتحان القبول بكلية المجتمع [الأرشيف] - منتديات شبكة الأسهم القطرية

مشاهدة النسخة كاملة : امتحان القبول بكلية المجتمع

نايف قطر

29-06-2010, 02:53 PM

بخصوص امتحان القبول بكلية المجتمع
في اي حد قدمه
واللي قدموه اشلون كان صعب اوسهل؟؟؟؟؟؟؟؟؟؟؟؟؟؟؟؟؟
لاتبخلون علينا

Qtr.Girl

29-06-2010, 03:10 PM

هلا اخوي

انا قدمته وااايد سهل الصراحه

والامتحان عالكمبيوتر مش اوراق

وفيه امثله قبل كل سكشن

اول شي فيه ماث وطبعا بالانجلش وماتذكر كم بس تقريبا 10 اسئله ( جذور , عامل مشترك , ضرب , ... الخ اشيا بسيطه )

وعقب ريدنج . فيه امثله قبل السؤال وسهل الفقرات قصيره .

لسننج . نفس الشي فيه مثال قبل الاسئله.

رايتنق . الوقت 45 دقيقه والموضوع جانا سهل عن اممم هل يصير ان المره والريال يتشاركون في اعمال المنزل ؟ وتكتب رايك

بس بسيط يعني :victory:

بالتوفيق انشالله

ريم المدينة

29-06-2010, 03:14 PM

عقبال القبول...

ام خليفة

29-06-2010, 04:28 PM

اليوم قدمت الامتحان

تفاجأت فيهم يقولون محد يدخل الحاسبه الامتحان وتستخدمون حاسبه الكمبيوتر !!

الاسئله كااااااااااانت سهله جدا لكن ماعرفت اشتغل على حاسبه الكمبيوتر من جذور وجمع وطرح الكسور لان ماعمري اشتغلت عليها من قبل ،، حليت الاسئله عشوائي :(

الانجليزي كان سهل وااااااااايد ..

بس ياريتهم وقت التسجيل قايلين لنا عن الحاسبه على الاقل

الجوكر90

29-06-2010, 04:57 PM

السلام عليكم
حتى عندنا فالنورث مايصير نستخدم الحاسبه بس طبعا يقولون لنا من قبل
بس حتى الاساتذه الي فالنورث ينتقدون هالشي
لان يقولون يوم يدرسون الماده لازم يستخدمون الحاسبه اشلون وقت امتحان القبول مايخلون

وبالتوفيق لكم ان شاء الله

basma222

29-06-2010, 05:16 PM

يوم التسجيل قالوا لنا جيبوا معكم حاسبه

ليش الحين ممنوع

بنتى موعدها يوم الاحد يارب يوفقها ويوفق الجميع

تحداني

29-06-2010, 06:05 PM

الله يوفقكم يارب .. وينور طريقكم
ويرزقكم ما تتمنونه .. وتحققون شئ من أحلامكم

الإمتحانات كانت سهله لا تقلق منها
اهم شئ القبول من بعده

جملكم الله برضى الرحمن

الغلا

29-06-2010, 07:38 PM

انا متخوف عندي امتحان يوم الخميس ....

ثرية

29-06-2010, 07:51 PM

بالتوفيق للجميع

STAR

29-06-2010, 11:59 PM

والله زين الامتحان سهل .. الله يوفقكم

qatari009

30-06-2010, 12:05 AM

نزين بغيت اسجل في الجامعه وين موقعها

وهل فترت التسجيل انتهت وللعلم شهادتي سنة 2008

ابغي الرد ضروري تكفون يالربع لاحد يبخل علينا

الله يوفق الجميع

نايف قطر

30-06-2010, 12:55 AM

نزين بغيت اسجل في الجامعه وين موقعها

وهل فترت التسجيل انتهت وللعلم شهادتي سنة 2008

ابغي الرد ضروري تكفون يالربع لاحد يبخل علينا

الله يوفق الجميع

اخوي للاسف وقفو التسجيل
حتى لو شهادتك قديمه يقبلونك
مكان الجامعه في منطقة السلطه عند جامع ابي عبيده
قدم السنه الجايه

نايف قطر

30-06-2010, 12:57 AM

basma222

30-06-2010, 06:04 AM

نزين بغيت اسجل في الجامعه وين موقعها

وهل فترت التسجيل انتهت وللعلم شهادتي سنة 2008

ابغي الرد ضروري تكفون يالربع لاحد يبخل علينا

الله يوفق الجميع

إقبال كبير على كلية المجتمع
الدوحة - قنا : أعرب سعادة السيد سعد بن إبراهيم آل محمود وزير التعليم والتعليم العالي الأمين العام للمجلس الأعلى للتعليم عن ارتياحه الكبير إزاء الإقبال المتزايد من قبل الطلبة على كلية المجتمع التي تعتبر الأولى من نوعها في قطر .. مشيراً إلى أنها ستفيد الطلبة والمجتمع على حد سواء وتخدم جميع مجالات التنمية المستدامة في البلاد. يأتي هذا فيما قررت كلية المجتمع في قطر استئناف تسجيل الطلبة لاختبارات تحديد المستوى (ACT COMPASS Placement Test) في شهر سبتمبر القادم مباشرة، وذلك بعد أن تم استيعاب أكبر عدد من المتقدمين للاختبار خلال فصل الصيف الحالي. وسيتم عقد الاختبارات مرة كل أسبوع للراغبين في الانضمام للكلية، كما يمكن إعادة الاختبار بعد شهر من تاريخ آخر اختبار أداه الطالب.

راسي براسك

30-06-2010, 06:53 AM

الحمدالله رب العالمين ,

بس بغيت اسأل هل هو أمتحان قبول وعليه درجات ؟!
أم هو أمتحان تحديد مستوى للتأسيسي ؟؟

بوعبدالعزيز1

30-06-2010, 08:08 AM

هل تعادل شهادة جامعيه ام دبلوم

h a m a d

30-06-2010, 08:27 AM

صباح الخير ، ،

شهادة دبلوم والدراسه سنتين

هو امتحان تحديد مستوى واتقدمه مره وحده بس واذا ما اقبولك الحين ضمن الـ 300 بيقبلونك مع الدفعة الجاية , وبالنسبة للامتحان هو سهل حق طلبة المستقله او الخريجين الجدد اللي ادرسوا الرياضيات بالانجليزي في الثانوية واذا انت خريج ثانوية قديم نفسي شوف لك مدرس يدرسك يومين رياضيات ، اما الانجليزي سهل وبسيط .

والله يوفقنا ويوفق الجميع ان شاء الله

غزوله

30-06-2010, 08:44 AM

زين اشوة انه سهل امتحانا يوم السبت

Air Craft

30-06-2010, 09:58 AM

مشكورين يا أخوان على المعلومات القيمه
انا انشاء الله عندي اختبار بعد كم يوم

ياريت اذا حد عنده مدرس رياضيات جيد علشان أخليه يدرسني خلال هاليومين قبل الاختبار

toomi9

01-07-2010, 02:20 PM

أنا قدمت الأمتحان اليوم
والحمدالله وااايد سهل
الانقلش بعد اسهل منه مافي حق سادس ابتدائي وعدادي واي حد يقدر يعديه
والماث ,,, امم سهل بس بعد يبي له تركيز

طــمــوحــة

01-07-2010, 06:48 PM

اخوي قدمة وقال عنه سهل وقدر يحل فيه

عسى الله يوفقه ويجعله من المقبولين

وكل اللي قدمو بعد