ابي ابيع سيارتي واهي على الوظني الاسلامي ارجوكم ساعدوني

[أم شيوخ]

السلام عليكم والرحمه

انا ابي ابيع سيارتي كورولا2009
اللون ابيض
الاسطوانات 4
ماشيه 13882
ماصارلها سنتين
انا على البنك الوطني الاسلامي وقالولي ماقدر اتصرف ولا ابيعها الا لين ادفع الباقي كاااش بعدين اقدر اتصرف فيها والباقي 36 الف
ولا اقدر بعد احول الشيكات..
وابي اعرف بكم تجيبلي السياره وشلون اتصرف معاهم اذا يبون كاش وانا ماعندي كاش وما ادري اذا الشاري بيعطيني كاش واروح ادفع لهم وبعدين ياخذها يمكن فيه اوراق شي

ابي مساعده ولكم جزيل الشكر

[أم شيوخ]

الوطني اسمحولي خطا مطبعي

[Gh2o]

اختي المبلغ الباقي على الموتر بسيط وممكن تروحين البنك تطلبين ورقه تحرير منهم لانج تبين تبيعين السياره بيعطونج ان شاء الله هالاجراء عادي ومتبع في جميع البنوك على حسب علمي والله يوفقج

[بوعبدالله100]

عااادي اختي ... شو المشكله لوو عرضتيها للبيع وبعتيها بأقساطها .. بمعنى تتحول على شخص ثاني وهو يتحمل الباقي ..وتاخذين منه الفرقيه

[بويعقوب]

ممكن عن طريق كعرض الرجال يدفع المبلغ كامل

مثلا : 40 ألف

ومندوب المعرض يروح البنك ويسدد المبلغ المستحق


وياخذ ورقة فك رهن للسيارة وانتي تاخذين المبلغ الزايد من البنك ..

والله يوفقج ...

[QaTaRViP]

اختي دخلي موقع قطر سيل لبيع السيارات وشوفي اسعار الكورولا 2009 ع كم وبعدهاا حطي اعلان بلجريده ( الشرق ) ياانج تطلبين كاش مثل 45 واتروحين البنك وتسددين اللي عليهاا والباقي لج او انج تطلبين مبلغ والشراي يتحمل الباقي اللي عليهااا فالبنك 36 الف ويحيول الشيكات عليه وثاني شي سيارتج جديده وماشيه شي بسيط يبين انه السياره نظيفه وان شاء الله يتجيبلج سعر حلو والله يوفقج ويوفق الشراي والجميع والسموحه ع الازعاج تحياتي لج وللجميع

[أم شيوخ]

سألت وحددولي سعر السياره تقريبا 55 الف او اعلى بشوي
الي جاد بليز يراسلني علىالخاص

[MP3]

اختي عرضيها برع المنتدى وديها معارض وماعليج من قطر سيل لازم يرفعون السعر فوق شوي