المساعد الشخصي الرقمي

مشاهدة النسخة كاملة : استفسار عاجل جدا .. افيدونا لا هنتم


ابو مشعل
30-06-2010, 10:49 AM
السلام عليكم
عندي مشكلة في السيارة .. عداد السرعة يشير على 60 ..!!
وما يبدل إلا بعد وقت ( قير توماتيك )
والمشكله تتكرر داييما .

هل المشكله ممكن تكون من القير ؟
ولا من شي ثاني ؟


يعطيكم العافيه ..
بوسيف الهاجري
30-06-2010, 10:54 AM
هلا الشيخ
هذا العطل من ترس العداد الي في القير مر اي كهربائي يبدله لك ما يكلف 150 ريال
بويعقوب
30-06-2010, 10:59 AM
وشو نوع الموتر ؟؟

وهل الموتر يوقف على هالسرعه .. ولا بس العداد ؟؟
ابو مشعل
30-06-2010, 11:07 AM
ياماها
هلا الشيخ
اشكررك

بو يعقوب
حياك الله يالغالي
نيسان التيما 2006
لا الموتر يتم على سرعه 60
ومايطلع عن هالسرعه الا بعد فتره
يعني دقيقتين او ثلاثه وتمشي الامور

واذا وقفت او نزلت عن 60 ترد المشكله
مادري شسالفته
ابو مشعل
30-06-2010, 11:09 AM
استفسار اخر
وين موقع وكالة النيسان ؟
بوراشد 66
30-06-2010, 11:11 AM
يمكن الكلجات محترقة

ولو فعلا الله يعينك
ولد الانصاري
30-06-2010, 11:12 AM
يمكن السنسر..

وكالة النيسان .. اشارات المناصير باتجاه الصناعية >> اول دوار يمين >> اول دوار يمين >> الوكالة ع يمينك

وان شاء الله العطل بسيط...

والله يوفقك
ابو مشعل
30-06-2010, 11:20 AM
يمكن الكلجات محترقة

ولو فعلا الله يعينك

:omg:
اشكرك على المرور اخوي
ابو مشعل
30-06-2010, 11:20 AM
يمكن السنسر..

وكالة النيسان .. اشارات المناصير باتجاه الصناعية >> اول دوار يمين >> اول دوار يمين >> الوكالة ع يمينك

وان شاء الله العطل بسيط...

والله يوفقك

تسلم يالغالي
:victory:
ابو مشعل
30-06-2010, 11:27 AM
شباب مافي مكان ثاني غير الوكاله اقدر اجيك ع الموتر فيه ؟
يعني التيسير اللي في المطار ما فيه فحص على القير وتصليح ؟
او اي كراج ثاني
بوراشد 66
30-06-2010, 11:38 AM
روح وكالة النيسان بس الفروع .. في فرع جديد في محطة ابوهامور
ولد الانصاري
30-06-2010, 12:41 PM
تقدر تروح كراج دكا .. او دكار .. اثنينهم في شارع 10 .. ف الصناعية

يعني اول دوار يمين وكمل سيده ... بتحصلهم ع يسارك
ابو مشعل
30-06-2010, 06:06 PM
على راسي والله
:)
علي عليوه
02-07-2010, 12:28 AM
أخوي شيك على على زيت القير يمكن من زمان ما بدلته ومحترق

أو فيه نقص ,, السيارات الأمريكية غالبا تسوي كذا وتكون مشكلتها في الزيت مستهلك
al-obaidly
02-07-2010, 02:09 AM
اذا تبي قيرعندي
بوعلي-Qtr
02-07-2010, 05:35 AM
اغلب الظن اخوي الهد محترق

لانه موتري gxr 1998 وصار نفس هالشي
الموتر يبيله دقيقتين لين 3 دقايق علشان يوصل لم 80

ووديته الوكاله وقالولي الهد
والحين هو في الوكاله


بس موترك جديد .. اتوقع شي ثاني
Mody
02-07-2010, 07:08 AM
استفسار اخر
وين موقع وكالة النيسان ؟

موقع وكالة نيسان يابومشعل في وادي السيل :omen2:

اخوي القير عندك فيه مشكلة عنك كراج بوأحمد في الصناعية
قريب الفحص الفني وذا تبي رقم علمني
قطر دزاين
02-07-2010, 12:09 PM
متى اخر مره غيرت فلتر القير
ابو مشعل
03-07-2010, 10:52 AM
رحم الله واليديكم ..
وديت الموتر اليوم داكار
ماعنده فحص الكمبيوتر .. الا بعد العيد !!
ودكا ما عنده شي !

لكن اللي نسيت اذكره بالموضوع
اني منزل المكينه ف كراج .. لتبديل الصبابات
والقازقيت ..

ومن بعدها ظهرت المشكله !