رايكم في بيت شعبي باللقطه

[حمد]

شباب جايني عرض لبيت شعبي في اللقطه ....

البيت رايح فيها .... مايسوى 20 الف .... بس القيمه في الارض ...

وحبيت اخذ رايكم الارض هي حدود980 متر وواجهتها على الشارع 36 ...

على شارع واحد ....

بس انا سامع ان اللقطه بيمسحونها ... والدولة بتاخذها .... فهل الكلام صح ....

وياريت اتردون علي

تطلع قيمة الارض تقريبا 870,000

حمد

[bu shhab]

السلام عليكم


اولا بخصوص الازاله وما شابه ما سمعت هذه اول مره ممكن من فتره بعيده سمعت اللحين لا


وبخصوص البيت بالنسبه للسعر مناسب لو ينزل شوي افضل


وبالتوفيق ان شاء الله

[سهم عتيج]

سؤال,, ماهو غرضك من البيت,,؟؟ هل تريد ازالته وبناءه من جديد,, ام استثماره على ماهو عليه؟؟

[حمد]

بس انا متردد ... لان في حالة اني هدمت البيت وبنيت بيتين ( براحه طبعا )

بتكون مشكلة ان الفريج تعبان ... والجيران بيوتهم تعبانه ... والشارع محفر ( الحفر الي فيه اكثر من القار )

فخايف مايجيب اجار ...

حمد

[حمد]

اي استثمار يالعتيج البيت مأجر بــ 1500 والله لو اتشوفه ... اتصيح ....

ياريال لقيت مغسله معلقه على الطوفه .. اتقولي اخليه ....

لا الشيخ ابي اهدم وابني

[سهم عتيج]

اذا هذا توجهك ,, وعندك السيولة اللازمة,, فأعتقد بأن ذلك مجدي في هذه الأيام,, لأن عرض الأرض كبير,, وتقدر تبني فلتين بالراحة,, وترى هالأيام الكل يدور ومب لاقي,, لذلك فأتمنى لك التوفيق في قرارك,, بس بعد عليك بالاستشارة أكثر,, وقبل ذلك عليك بالاستخارة,, وتوكل على الله

[الصمت]

السلام عليكم.

للبيع رقم سيــــــاره 9999x

تحياتي:)

[حبيـ M ـبها]

اخوي حمد ترى اللقطة بتنشال .. وازيدك من الشعر بيت سوق العلي اللي مصبر على بن سلطان عليه يدري انه بيجيه مبلغ محترم من الدولة فيه .. فاذا بتاخذه اول شئ اذا عندك واسطة في التخطيط خلهم يشوفونه لك وهل هو ضمن مخططات الدولة ولا لا ..

واذا بياخذونه منك بعدين شوف بكم واحسب حسبتك اخوي وعليك اهم شئ بالاستخارة..

بارك الله فيك

[الناصح القنوع]

حمد المنطقة التي تكلمت عنها وهي اللقطه عليها كلام انها سوف تصبح منطقة عمارات مثل بن عمران ومدينة خليفةلذلك عليك التحري في البلدية والاستخارة ايضا لا تنساها

[الناصح القنوع]

مهم الرقم 9999 مطلوب حالا كم سعرك ارجو الرد بسرعة

[عزيز]

عاجل جدا بكم طالب الرقم 9999 اخوي الصمت ؟ :)

وثاني شي ياخوان ممكن حد يقولي شسالفه ازاله بيوت بن عمران ؟؟ تراني ساكن هناك ومابيهم يشلوني مع البيت :d
خخخخخخخخخخخ

ممكن حد يقولنا شسالفه الاراضي ياخوان ؟؟ واكون شاكر لكم

تحياتي لكم :)

[غشيم]

حمد اشتر ونت امغمض
المكان ذيه قريب من المنطقة التعليمية و100% دكاترة الجامعات يبون يسكنون قريب من جامعاتهم
لو تسوي لك فلتين صغار وتأثثهم بعد بتأجرهم باذن الله بحوالي 20 - 25 الف للفلا الوحده
شاور ربعك وعقب استخير ربك وتوكل على الله