متحف الشيخ فيصل

[qqqtttoooppp]

بسم الله الرحمن الرحيم

السلام عليكم

شخباركم شباب

باغيت اعرف اشلون اقدر اوصل حق المتحف لانه بعد كم بستقبل وفد طلابي و ناوي انظم لهم زياره له بس ما عرفة اشلون اتواصل مع المسؤولين عن المتحف


و مشكورين مقدما

[كلاسيك قطر]

انا كل يوم امر ع المتحف بس ماشوف ناس يرحون حق المتحف وااايد

وانا ودي اروح واشوف شسالفه

[bo_besht]

تاخد تصريح من قصره الي بالغرافة الصبح
وماتقدر اتروح على المتحف يوم الخميس والجمعه

[كلاسيك قطر]

بل اشدعوه من صجك انت اتروح الغرافه
انزين مايصر من نفس المتحف

[bo_besht]

انه مرة رحت مع هلي الجمعه ومادخلوني
قالي الحارس انه الشيخ موجود داخل والزيارات بس ايام الاسبوع ماعدا الخميس والجمعه
وقالي لازم تاخد تصريح من قصر الشيخ بالغرافة

[بنت ابوها 19]

رحت المتحف اربع مرات بس صج متحف رهييييب وخاصه البنين بيستانسون عليه لانه كله سياير كانت تستخدم بالزمن الاولي ونادر وجودها الحين


المكان رهيب

تقدر تروح له القصر وتستفسر شلون توصل للمتحف عند الدريوليه الي برع والناطور الي برع
انا كنت اروحه لانه كنا كلنا ربع وبناته ربعي فكنا نزور هل المكان واخبر حتى مزرعته فيها متحف للعلم يعني



لكن والله انصحك به , ,

[qqqtttoooppp]

تسلمون على الرد
يالربع لاهنتوا
اي صوب قصر الشيخ فيصل في الغرافه
؟

[ذيب الغداري]

تفضل هذا رقم مدير المتحف ..

وليد الدليمي : 5691406


ويالربع انا رحته اكثر من مرة لا قالوا لي جيب تصريح ولا شي ..

وعندكم هالرقم تقدرون تستفسرون منه في اي شي..

وجزاكم الله خير

[bo_besht]

على اليمين الدوار الي قبل جسر الغرافة (طريق الشمال) وانت جاي من الدوار المايل

[qqqtttoooppp]

جزاكم الله الف خير و في ميزان حسناتكم

[الجوكر90]

السلام عليكم
يالربع ممكن سوال
وين هالمتحف اول مره اسمع عنه
فاي منطقه
وبالتوفيق ان شاء الله

[Store]

انا مره رحت قالوا لي مصكر لان البلوشي الي عنده المفتاح مسافر اجازة

[qqqtttoooppp]

يالربع جوالي الدليمي مصكر ؟؟؟