تعال تخيل معاي لو مثلا .... قلت مثلا لو طلعت فودافون من قطر

[Gh2o]

لو طلعت فودافون من قطر لاي سبب من الاسباب كيف سوف تتعامل معانا كيوتل بعد هالدلع والاسعار الزينه والعروضه المتجدده بسبب منافستها مع فودافون ,,, شبتسوي فينا كيوتل لو فودافون طلعت وتمت الساحه لها بروحها وعادت ايام الاحتكار !!!!!!!!!!!


التفكير بالموضوع لوحده يخيفني :anger1:

[بيانو]

بترجع نفس الاسعار والمعامله مثل الاول وممكن أغلى كمان تعويضاً للى عملته كيوتل من خصومات

والله خوفتنا من هذه الفكره الله يستر

[Gh2o]

انا اتوقع كيوتل بقطعون تلفونات العالم وبيجرون الاسعار ترد فوووووووووووق والموظف الي الحين يقول ابشر وتامر وافا عليك بيقلب وبيقول انجلع اذلف وتف عليك

[Petroleum]

رفع أسعار
معاملات بنفسية خـ .....
مافي عروض منوعة , عرض وااحد و غصب عليك تآخذه
انترنت بطىء و العذر ان الكيبل البحري قاعد يتبدل
الأنترنت بيكون على البايت الواحد ريالين مش الميغابايت
فاتورتك تدفعها في السد وبيسكرون كل افرعهم
طوابير الفواتير مافي كراسي عشان مايتكلفون
المسج بريال انتقاما و تعويضاً لمافات
نصيبها بيكبر من دخل الفرد 95%
بيمنعون الدشات و غصب عليك تآخذ الكيبل فيجن وبدون كأس العالم
تبي تقطع خدمة معينة بيقولون لك انت متعاقد معانا لمدة سنة ادفع اجار السنة كامل مكمل و فوقه رسوم قطع الخدمة و رسوم التوصيل لأنك كنت ماخذ التوصيل مجاني

[Gh2o]

مع اني مب مستخدم لشبكه فودافون بس احب الشركه وايد لانها خلتنا نشوف الويه الحلو لكيوتل الي سنيييييين ماشفناه

[الـمـرقاب]

بنرجع حق "طير ياللي"..
نرجع للعصر الحجري لكيوتل، حيث لا وجود للعروض ولا أسعار منافسه!

ماذا لو تم افتتاح اكثر من شركة اتصالات في قطر؟ تخيلوا...

[الكــاســــر]

الصراحة أنا بعطي تصريح حق كيوتل تسوي الي تبيه وبسامحها على كل الي فات
لما يركبون ال FTTH :dance
http://www.al-sharq.com/articles/more.php?id=184227&date=2010-02-28

[هدهد سليمان]

لو كفو يدخلون زين للمنافسه :)

[The Watcher]

ما اعتقد بيصير اي تغيير

[م. عبدالعزيز]

اتوقع بتبقى الاسعار ثابته مثل هاي الان ، بس العروض بترجع تعبانه مثل اول ( مكالمات أرخص بعد الساعه 11 بالليل ، مسجات بالليل ارخص ..الخ )

[الـمـرقاب]

الصراحة أنا بعطي تصريح حق كيوتل تسوي الي تبيه وبسامحها على كل الي فات
لما يركبون ال FTTH :dance
http://www.al-sharq.com/articles/more.php?id=184227&date=2010-02-28


الخدمه موجوده من زمان عند الغرب، واحنا كل شي عندنا متأخر!
ويكتبون تصريح وكأن الخدمه مب موجوده إلا في قطر :omen2:

[السديم]

لو كفو يدخلون زين للمنافسه :)



اللي اعرفه ان زين هي نفسها فودافون :secret:

[الجوكر90]

السلام عليكم
انا رايي يختلف عن رايكم
اول شي كيوتل راح تستانس وتحاول كثر ماتقدر تكسب العميل
وثاني شب اذا فودا فون اطلعت ع طول راح نحصل 100 شركه يتنافسون عشان يكونون بدال فودا فون
وبالتوفيق ان شاء الله

[بولينجر]

لو طلعت فودافون بتدخل غيرها.... السوق لن يبقى حكرا لكيوتل فقط......

[N.B.A]

الشيء الزين اللي صار انه صارت هناك عروض ادت الى نزول أسعار المكالمات
بس يا خوك ان جيت للصج انا أشوف ان فودافون طلعت فاشلة وفي قطر تحديدا
شدعوة شركة صار لها فوق السنة تشتغل وليلحين ماعندهم اشتراكات مفوترةcrazy


لو كفو يدخلون زين للمنافسه :)

احنا ألحين شركتين كيوتل وفودافون ونتفة فيرجن وكل واحد عنده ثلاث جوالات وأربعة شلون لو تدش زين معاهم
ما اعتقد انها بتكون فكرة صائبة




اللي اعرفه ان زين هي نفسها فودافون :secret:

فودافون العالمية تحط زين وكيوتل واتصالات معاهم في مخبا واحد

زين تختلف عن فودافون كليا"

[طلعة الروح]

لن اتكلم عن كيوتل كشركه خدميه للاتصالات لاني اعرف انه هاي حال اي شركه

بس كيوتل اكثر مكان في الدوحه فيه واسطه ومحسوبيه من ناحية التوظيف والعداله الوظيفيه
وللاسف المحسوبية واضحه للعيان وفوق الطاولة وقد لاحظت ذلك على مدار السنين...

[Gh2o]

الشيء الزين اللي صار انه صارت هناك عروض ادت الى نزول أسعار المكالمات
بس يا خوك ان جيت للصج انا أشوف ان فودافون طلعت فاشلة وفي قطر تحديدا
شدعوة شركة صار لها فوق السنة تشتغل وليلحين ماعندهم اشتراكات مفوترةcrazy



احنا ألحين شركتين كيوتل وفودافون ونتفة فيرجن وكل واحد عنده ثلاث جوالات وأربعة شلون لو تدش زين معاهم
ما اعتقد انها بتكون فكرة صائبة



فودافون العالمية تحط زين وكيوتل واتصالات معاهم في مخبا واحد

زين تختلف عن فودافون كليا"

صدقت اخوي فودافون لو تبي تحط كيوتل بمخباها بس فودافون مركزه على شغله ثانيه ومايهمها الي تسويه كيوتل واحنا المستفيدين اولا واخرا