سرقه 3 اسكوترات

[يافا]

--------------------------------------------------------------------------------

السلام عليكم ورحمة الله وبركاته

تم سرقه عدد 3 سكوترات من فريج كليب ومن امام البيت فجر اليوم

وتيدر لأربع سكوترات جديد

عدد 2 سكوتر سيدو موديل 2010 جداد

و سكوتر ج بي ار 1300 ياماها موديل 2007 اسود وذهبي


السكوترات حق اخوي وعليهم اقساط

من يعرف عنهم شيء الله يجزيه خير

والله يعطيكم العافيه

[قطـ VERTU ـر]

لاحول ولا قوة الا بالله العلي العظيم ..

الله لايهنيه اللي بآقهم .. والله يعينكم بصرآحهـ

وان شااءالله تلقونهم في أسرع وقت باذن الله

[v_h3]

اخوي خلوو كم واحد من الشباب يتوزعون صوب البندر والغربي وان شاء الله بتلقونهم والله لا يوفقهم

[بومحمد911]

ان شاءالله ما يتهنون فيهم

الشيخ سوو لكم مجموعة بحث على الشواطى المعروفة وخاصة في عطلة نهاية الاسبوع

وان شاءالله بتلقونهم

حسبي الله ونعم الوكيل

[halcrow]

ليش اللي باقهم غبي بينزلهم ع طول البحر أكيد راح ينصاد .

اخذ الكلام مني بعد ماتسوي بلاغ روح بنفسك لمحلات اللي يصبغون الاسكوترات وشيك عليهم أكيد بيصبغهم وبيغير ملامحهم لحق عليهم و التيدر بيصبغه وبيغير الرنجات ومن بيصيده وقتها !!

[Qtr Denver]

عليكم السلام ورحمة الله وبركاته

اخوي بكره الجمعه توزعو صوب السافلية وبنانا وصوب الخليج الغربي

وان شاء الله راح تلقونه ..

تقبل مروري

[رياني qtr]

اخوي لا تستعجلون يمكن حد من ربع اخوك وحب يمزح معاه
انا مرة سويتها في رفيجي بس كانت دراجة رينو مسكين كان بيستخف :tease:
اخذتها الخميس ورجعتها يوم السبت في اليل
قطر دار الامن والامان

[الكونغرس]

لاتنتظر قدم بلاغ بمركز الشرطه وروح الله لايهينك المحلات الي تصبغ لسكوترات وعطهم مواصفاتهم ولاتقصر عليك بهل البحر وهل الاسكوترات عطهم خبر بمواصفاتهم
والله يقويك
عسى الله لايوفق الي سرقهم

[WAR]

لاحول ولا قوة الا بالله

[بور بلاك]

لاحول ولا قوة الا بالله

[باشا البدو]

العوض على الله

وبلغ الشرطه

وشد حيلك فالدواره عالبحر كله

وروح محلات السكوترات شيك عندهم

[باشا البدو]

اخوي لا تستعجلون يمكن حد من ربع اخوك وحب يمزح معاه
انا مرة سويتها في رفيجي بس كانت دراجة رينو مسكين كان بيستخف :tease:
اخذتها الخميس ورجعتها يوم السبت في اليل
قطر دار الامن والامان

مزحك خقيف وعسل على القلوب!!!!!!!!!!!

[*^*محمد*^*]

اخوي لا تستعجلون يمكن حد من ربع اخوك وحب يمزح معاه
انا مرة سويتها في رفيجي بس كانت دراجة رينو مسكين كان بيستخف :tease:
اخذتها الخميس ورجعتها يوم السبت في اليل
قطر دار الامن والامان



اخوي كلامك فات عليه الزمن

من 5 شهور انسرق من اخوي بورت كابن وللحين لا خبر ولا علم والمشكله اللي اكبر من هاذي راح اخوي وبلغ الشرطه وعطاهم الوصف والشكل والمكان وبعد فتره شار عليه واحد من الربع يطلب من الشرطه السي دي حق الكاميرات لأن الشارع مصور كامل بالكاميرات وبالفعل جابوا الفلم حق ذاك اليوم وطلع البورت كابن وحتى اللي وقفوا عنده يسحبونه كانت موترين جيات او نياسين مش متأكدين واحد ابيض سحب البورت كابن والثاني اسود وللحين ماجابوا الحرامي وعذرهم طرشنا الفلم للدعم الفني عشان يقربون الزوم ويطلعون الرقم والبلاغ كان شهر فبراير

وش رايكم شباب قال بلغ الشرطه الله يهديك بس هذولا شاطرين فالمخالفات علينا وبس



اخوي بخصوص السكوترات روح حق الشركه وعطهم ارقام السكوترات او الفاتوره وقول لهم انها مسروقه ويبلغون عليها اذا جاتهم وحتى اللي يصلحون السكوترات مر عليهم وذكرهم وقول اللي بيحصلها له مكافأه كبيره

[alwahesh]

لاحول ولا قوة الا بالله

[يافا]

شكرآ اخواني على التفاعل في الموضوع

والله يعطيكم العافيه

[MLAAS]

روح كراجات الي تصلح السكوترات وعطهم مواصفاتها واذا حصلوها لهم مكافأه ..


يمكن يصبغهم او يبيعهم قطع

[mohd222]

اخوي الله ايعوض عليك والله ليوفق البايق بس اخوي هذي سرقه كبيره لازم لازم اتبلغ الشرطه اوبعدين وص الشباب اوحاول تبحث عنهم ابطريقتك الخاصه والله ايردحلالكم انشالله بس لتخلي محلات اوقراجات صبغ لسكوترات اكيد بيغيرهم

[ALRAYYAN]

الله يعوض عليكم يالشيخ .. والله لايوفقهم واكيد مب موفقهم