وش افضل هارد دسك وارخص مكان يبيعة

[بوليد]

السلام عليكم
ناوي اشتري هارد دسك اي مقاس يا
2.5
او
3.5
يا خارجي او داخلي والغرض منه ابي اركبة على جهاز ملتي ميديا
المهم رحت جرير واللولو حصلت انواع كثيرة نوع يشتغل بدون كهربا ونوع بالكهربا ونوع حجمة كبير ونوع اصغر والصراحة احترت وش اشتري
المهم هل هناك نوع تنصحوني فية غير وسترون ديجتال لانة يقولون فيه مشاكل مع جهازي
وهل هناك اشياء مثلا السرعة او الرام عشن افرق بينهم
ووش ارخص محل اقدر اشتري منه
والحجم المطلوب يا 500 قيقا او 1 تيرا
وشكرن

[The Queen]

ويسترون ديجتال هو افضل هاردسك جربته الى الان ويليه التوشيبا

[طموحي عالي]

انا بعد جربت ويستون ديجتال وماخذته من جرير

[جنوب الدوحه]

الشباب ما قصروا بس حبيت اقولك .. بنسبه للي بو كهربا والي بدون

بدون كهربا تشيله معاك وما يحتاج واير كهربا بس بتكون سرعه نقل الملفات بطيئه نوعا ما

انا الي بكهربا بيكون نقل الملفات اسرع بوايد ..

[لـبـيـه]

عليك بالـ1تيرا

ولو فيك صبر آطلبه من موقع آي باي بيطلع ارخص

[bojassem13]

مرحبا اخوي

بالنسبه اللي على واير كهربا مثل ما قالو اللي قبلي اسرع في نقل الملفات وفي فتح الملفات بس كثير ما يخترب وبسرعه يخترب
وثاني شي ان حجمه يكون اكبر من اللي بدون واير كهربا
واما من ناحية الانواع او الشركات فاسمح لي اخالف راي الاخوان اللي قبل لان الويسترن ديجيتال القديم ممتاز ولكن الجديد تعبان وكثير ما يخترب
مع ان الاثنين صناعه صينيه بس في جوده في الصنع واختلاف بهالشي بين القديم والجديد
وانصحك لا تفكر تاخذ غير التوشيبا بدون كهربا

وللعلم كل ما قللت مساحته كانت سرعته افضل :)

[نون]

ارخص محل في سوق الغنم

[كرستال]

ارخص محل في سوق الغنم

وش دخل الله يهديك :)


ما ازيد على الاخوان الافاضل


الوستن ديجيتل افضل ما جربت

واخذت الانواع المتاحة كلها عبر الزمن (شسوي مستعجل وادور الجديد ):discuss:

التيرا متاح الحين في وايد اماكن وانا خذته بـ 680 من احدى المحلات بشارع سلوى

المشكله كلها في سرعة نقل الملفات
كل ما كبرت السعة التخزينية .. كلما قلت السرعة نوعا ما


اذا كنت تفكر في استخدام الهارددسك هذا حق الملتي ميديا

ففيه الحين هارددسك نازل بـ 2 تيرا حق الملتيميديا بس
ميزته يشغل اي ملف فيديو على الكمبيوتر مباشرة او حتى على التلفزيون
حتى لو كان بملف مضغوط يشغله مباشرة من غير ما يحتاج فك ضغط
عيبه ( لو اعتبرناه عيب) انه لازم يشتغل مع وصلة للكهرباء + الحجم كبير عن الهاردسكات الجديده الحالية

موفق ن شاء الله

[كرستال]

حصلت لك فري ايجينت

1 تيرا

بـ 580 ريال

في المجمع الي بشارع الريان الي فيه مطعم الحمرا

المحل مقابل محل ادوات الصيد البحرية

[بوليد]

مشكووورين ياجماعة الخير
والله يجزيكم الخير
شريت 1 تيرا ونص داخلي للملتي ميديا بس شريتة من امازون رحت السوفيتيل مرتين وماحصلت موقف للسيارة فرجعت وبالاخير شريتة من امازون

وحاليا شريت نوع ويسترون ديجتال بعد نصايحكم حجم 500 خارجي بركبة بدريم بوكس

[Chambray]

http://www.amazon.com/Seagate-FreeAgent-Portable-External-ST910004FAA2E1-RK/dp/B002SYYO3A/ref=sr_1_2?s=pc&ie=UTF8&qid=1284871536&sr=1-2

هالماركه ممتازة وجربها اكثر من مرة
Seagate