كم دمعة وكم لحظة ترقب وخوف مرت علينا أمس..حسبنا الله ونعم الوكيل

[هتـان قطر]

حسبنا الله ونعم الوكيل ..اتقوا دعوة المظلوم يا المجلس الاعلى للتعليم

حسبنا الله ونعم الوكيل في من تسبب في نزول دمعة حزن وقهر نزلت أمس

سواء من الطالب او من ولي أمره..

حسبنا الله ونعم الوكيل في من تسبب في حالة القلق والخوف والترقب بالامس

اللي حصل أمس ما راح ينسى ولا راح نغفره لكم يا المجلس الاعلى


تعب سنة كاملة..وتعب 12 سنه من العمل وبناء الاحلام ..تهدم في لحظات


كم طالب وطالبه بذلوا جهدهم وطاقتهم وقدموا بحوثهم وكل شي تمام التمام

وينصدمون في الاختبارات النهائية بأسئلة خارج المنهج..وتحتسب عليها

النسبة الاكبر اللي هي 70 % من الدرجة النهائية..!!!!!

طيب فهمونا شالفايدة اذن من الدراسة في المدرسة ان كانت غير مهمة للطالب

وابدا ما فادته ولا شفعت له في النهاية..؟؟؟



السنة اللي طافت الكل نجح وبنسب مرتفعه..

السنة هذي كان الرسوب بشكل واضح وبنسب مرتفعه

لا .. واعادة سنة للبعض منهم..وفي الاخير يطلع الوزير وهو فرحان

بالنتائج الايجابية على قولته...اي نجاح واي نتايج ايجابية والطلاب

حاسين بالظلم وانعدام الامان والثقة حتى في قدراتهم..


ما نقول الا حسبنا الله ونعم الوكيل

[فرحة الكواري]

حسبي الله ونعم الوكيل

الله يعين طلابنا وطالباتنا

[أم حمد ومحمد]

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[نايم سهران]

الله يكون في عونهم
يا زين ايامنا المدارس الحكوميه

[STAR]

حاسة فيج يا هتاااان...

اخوي يا نااااس راسب خمس مواد يعني مافي دور ثاني له..

حرااام ضاعت سنة م عمره عالفاضي...


تهقووون المدارس مايقدرون يزورون بالدرجات وينجحوون
الطلاب لو بالحفة؟!‏

[الخير كله]

ضعف في المناهج وطرق التدريس وصعوبه في الامتحانات ...
والله كسرتو خاطري لله يعيين اعيالنا

[سمو]

بنتي 3 مواد بس مهب راضية لا تقدم دور ثاني ولا تبغي حتى تكمل

من المسؤول عن صعوبة الامتحانات وضعف التدريس وتخبط النتائج
حتى المدرسين الخصوصين ما كان في يدهم ماده واضحة لتدريسها
الفلوس مقدور على تعويضها بس هالنفس الي انكسرت في ظل هالظروف الغامضه في المجلس الاعلى اشلون الواحد يعدلها ...

حسبي الله ونعم الوكيل

[STAR]

سمو تحملي تخلينها..شجعيها تكمل

[قطرية فذة]

عادي مب اول مره

الكل قابل

وبترضون بعد بالي أدمر منه لما ترضون خاضعين

[s o s o]

عادي مب اول مره

الكل قابل

وبترضون بعد بالي أدمر منه لما ترضون خاضعين

... :( ...

[أم حمد ومحمد]

بنتي 3 مواد بس مهب راضية لا تقدم دور ثاني ولا تبغي حتى تكمل

من المسؤول عن صعوبة الامتحانات وضعف التدريس وتخبط النتائج
حتى المدرسين الخصوصين ما كان في يدهم ماده واضحة لتدريسها
الفلوس مقدور على تعويضها بس هالنفس الي انكسرت في ظل هالظروف الغامضه في المجلس الاعلى اشلون الواحد يعدلها ...

حسبي الله ونعم الوكيل



وبنتي رافضه مبدأ الدور الثاني
وتبي تعيد السنه منازل حكومي

[قطرية فذة]

حاسة فيج يا هتاااان...

اخوي يا نااااس راسب خمس مواد يعني مافي دور ثاني له..

حرااام ضاعت سنة م عمره عالفاضي...


تهقووون المدارس مايقدرون يزورون بالدرجات وينجحوون
الطلاب لو بالحفة؟!‏

أختي مايبونهم يدخلون جامعات يخلون العيب في عيالكم مب فيهم

عشان بكره يقولون مافي تخصصات الا نجيب من برى

وهذه بدايه انبثاق لعهد جديد من الجهل

[قطرية فذة]

وبنتي رافضه مبدأ الدور الثاني
وتبي تعيد السنه منازل حكومي

أختي الكريمه

وضعنا بقطر مايحتاج اعاده سنه يحفظك الرحمن

المسائل معروفه انها تمشي بالواسطات

من ناصحه خيره لبنتك تعيد الدور الثاني بدل ضياع العمر

اذا بالامكان تشوفون جامعات مناسبه تكملون بها كملو

لاتضيعون العمر لأن الواقع مزري يبارك الله فيك والكيس من دان نفسه

ييسر الله لكم الخير

[هتـان قطر]

اتمنى بس يعطونا نسبة النجاح بشكل عام..

من الخدع اللي يخدعونا بها انهم يعطونا نسبة كل مادة على حده

علشان نثق ونصدق كلامهم..

للامانه ادخلوا موقع النتايج وحطوا ارقام عشوائية وبعدين

تسلسلوا في الارقام..وبتنصدمون بكثرة الرسوب..وفي اكثر من مادة



هذا الولد حزني ..معقوله ما يقدرون يزيدونه 10 درجات ..ويفرحون قلبه

لاحظوا الشرعية والفيزياء



495 التربية الإسلامية
572 اللغة العربية
669 اللغة الانجليزية
736 علوم اجتماعية
780 الرياضيات
. الكيمياء
848 الأحياء
495 الفيزياء

[STAR]

سوسو شخبار نتيجة ولدج؟‏!‏

[STAR]

هتان.‏!‏‏!‏‏! ‏5‏ درجات ع كل ماده باااال حرام

[هتـان قطر]

هتان.‏!‏‏!‏‏! ‏5‏ درجات ع كل ماده باااال حرام



ستار انتي دشي عشوائي وبتشوفين العجب

[STAR]

وبنتي رافضه مبدأ الدور الثاني
وتبي تعيد السنه منازل حكومي

لا يا ام حمد لا تغلطين هالغلطة..عن تجربة..خليها تقدم دوور ثاني واذا ما انجحت تدرس منازل...لا تخلين يضيع سنة م عمرها عالفاضي

[STAR]

ستار انتي دشي عشوائي وبتشوفين العجب

شفته العجب..:weeping:

بس هل المجلس الاعلى راح يكون عنده الجرأة بوضع احصائية عدد الرسوووب؟!‏

[cristal]

حسبي الله ونعم الوكيل

اش هالنظام التعبان ..ظلموا الطلاب :anger1:
نسبة الرسوب كبيره ..

وين ايام الحكومه لجنة تصحيح وذمة ومصداقيه
الحين تخبط فى تخبط
لاذمة ولاضمير ولانظام وقوانين عشوائية

[فارس الكلمة]

هل نضع اللوم فقط على المجلس الأعلى .. أم على ضعف أهتمام أبنائنا بالتعليم و الدراسة ..؟!

نسأل الله أن يكتب لأبنك و أبنائنا النجاح في الدنيا و الآخرة ..

[قطرية فذة]

هل نضع اللوم فقط على المجلس الأعلى .. أم على ضعف أهتمام أبنائنا بالتعليم و الدراسة ..؟!

نسأل الله أن يكتب لأبنك و أبنائنا النجاح في الدنيا و الآخرة ..

أخي الكريم فارس

لاجدوى من التبريرات للمجلس

الواقع يحدث اخباره

[ANONYMOUS]

ْْْْ الثانوية المستقلة للبنين المدرسة


الدرجة المادة
646 التربية الإسلامية
598 اللغة العربية
750 اللغة الانجليزية
577 علوم اجتماعية
754 الرياضيات
. الكيمياء
730 الأحياء
525 الفيزياء



هاي نتيجة اخوي الجعده

الزين قالوا انه ناجح والحمد لله

بس والله مب فاهم.. الدرجه من كم.. وكم النتيجه النهائيه.. يعني كم نسبته.. وهل هاي نتايج المجلس ولا المدرسه ولا الاثنين.. و وين البحوث ولا العمل التطوعي

في حد يقدر يشرح لو لا ؟

[هتـان قطر]

هل نضع اللوم فقط على المجلس الأعلى .. أم على ضعف أهتمام أبنائنا بالتعليم و الدراسة ..؟!

نسأل الله أن يكتب لأبنك و أبنائنا النجاح في الدنيا و الآخرة ..



اكيد في حالة الرسوب بيكون الملام بالدرجة الاولى الطالب

ولكن .. ركز على ما بعد لكن اخي الكريم...ان كان الاختبار

جاء من ضمن المنهج وما أخذه الطالب طول السنة في المدرسة

وما قدمه من بحوث ..ثم رسب الطالب ..فاللوم يقع عليه وحده

ولكن ان تأتي باختبار خاااارج المنهج وتقيس عليه قدرات الطلاب

المتفاوته ..فهنا يقع الظلم

[فارس الكلمة]

اكيد في حالة الرسوب بيكون الملام بالدرجة الاولى الطالب

ولكن .. ركز على ما بعد لكن اخي الكريم...ان كان الاختبار

جاء من ضمن المنهج وما أخذه الطالب طول السنة في المدرسة

وما قدمه من بحوث ..ثم رسب الطالب ..فاللوم يقع عليه وحده

ولكن ان تأتي باختبار خاااارج المنهج وتقيس عليه قدرات الطلاب

المتفاوته ..فهنا يقع الظلم

سيدتي الكريمة ..

ماذا نفسر نجاح الطلاب الآخرين .. في هذه الحالة ؟

[هتـان قطر]

سيدتي الكريمة ..

ماذا نفسر نجاح الطلاب الآخرين .. في هذه الحالة ؟


اخوي فارس القدرات متفاوته ومختلفة ومن الظلم مساواتها

انا اعرف قدرات بنتي ومستواها بين المتوسط والجيد..لكنها

هذي السنة بالذات بذلت مجهود كبير لرفع مستواها..

الصدمة كانت قاسية وغير متوقعة..

واللي يشكك في طريقة التصحيح هو نجاح بعض الطلاب

الكسالى ممن نعرفهم شخصيا فكيف تفسر هذا

[zeroo10]

اخوي فارس الكلمه

انا كطالب اعرف مستواي واعرف وينعرف مستوا الطالب الثاني حتى يعني لم تشوف من يجيب اقل منك درجاات

بفارق ! ناجح وانت راسب هذا شيء غريب


انا درجاتي كلها عاليه ولكن انصدم ان في ماده درجتي في ال 300

الله اعلم بالحقيقه

ولكن هل المصححين الامريكان هم الي ينجحون الطلاب ؟.؟

[فارس الكلمة]

واللي يشكك في طريقة التصحيح هو نجاح بعض الطلاب

الكسالى ممن نعرفهم شخصيا فكيف تفسر هذا

هذه الظاهرة موجودة في السنوات الماضية أيضاً ..

أتفهم وقع الصدمة .. و أتعاطف معكم .. و نسأل الله أن يكون في ذلك خيراً ..

و ليست نهاية العالم .. و المسلم أمره كله خير إن شاء الله .. دعيها تعيد المواد الراسبة فيها

و سيكون حليفها النجاح إن شاء الله ..

[al-sadd]

Anonymous

نسبته 654 من ألف
واذا تبيه من اميه
65.4%


طريقة الحسبه
اجمع المواد وقسمهم على 7

[روح الاطلس]

هذي نتائج المستقلة

بس لاتزعلون على النسب الحين النسبه مش مهمه ابد حتى لو على الحفة المهم هو الايلز او التوفل عشان الجامعه مافي فرق الحين بين ابو 99 او 70 كلهم سيم سيم

[ضوى]

الظاهر بدوا من السنة سالفة النجاح والرسوب

بنت اختي كنا متوقعين تكون ساقطة بثلاث لاربع مواد ، ولكن الحمد لله طلعت بس راسبة في الاجتماعيات تركت كل المواد ورسبت في الاجتماعيات

وبالفعل مثل ماقالت الاخت روح الاطلس ماتهم النسبة ابدا سواء 50 او 90 كله واحد اهم شئ التوفل والايلز

الله يوفق بناتنا وابنائنا في الدور الثاني اللي اتوقع الكل بيكون ناجح ان شاء الله

[الجني]

حسبنا الله و نعم الوكيل . . . حسبنا الله و نعم الوكيل . . . حسبنا الله و نعم الوكيل

5 درجات من 1000 درجة = نصف درجة من 100 درجة

و الله
و بالله
و تالله حرام

ان نتجرع جهلهم بصبرنا

على قولة القايل: "خمةٍ مجتمعه" تلعب بمصائرنا و مصائر ابنائنا

العام الماضي ولد اخوي قال لي إنه قدم الورقة فاضية و جاب 80%
و هذا ولد أخوي ما قول سمعت من أحد

و هذا المجلس بين إفراط و تفريط

أختي هتان, الله يأجركم في مصيبتكم و ينجح العيال ان شاء الله ,

اعتقد ان احد عباقرتهم قال لهم رسبوا الكل في الدور الأول و نجحوا الكل في الدور الثاني

حتى يغيرون فكرة التنجيح العمياني مثل الأعوام السابقة

آخر الكلام : لكل داءٍ دواءٌ يستطب به الاّ التعليم اعيا من يداويه

[روح الاطلس]

اي فعلا يالجني هالكلام صحيح

بعد ما فاحت ريحة المجلس الاعلى وصار الكل يقول ان المجلس ينجح الجميع ومحد يسقط والكل نسبته عالية والكل ناجح

قالوا خلاص هالسنة بنسقطهم ونشوف شنو بيقولون الناس

!! تخبط في تخبط ومحد ماكلها الا فيران التجارب عيالنا

حسبي الله على " شلة الحريم " المتجمعين في المجلس الاعلى


على بالهم الحرمة مبدعه في التعليم قاموا مسكوها القيادة من وزيرة الى عميدة جامعة الى موظفين المجلس الاعلى ومحد خرب التعليم الا هم

[al-sadd]

شلون اخوي روح الاطلس مافي فرق
هو صحيح مافي فرق كبير مثل قبل
لأكن في فرق فالبعثات والجامعات المخصصه لكل نوع من البعثات
يعني مثلا بعثات الشيخ حمد هي اعلى وافضل البعثات
وتدخل اكبر الجامعات
وتتواصل مع الشيخ حمد بنفسه
وتاخذ اعلى الرواتب اثنا الابتعاث
وطبعا هذا للمتميزين او بالأخص للي فوق التسعين


وكذالك عندك للي نسبهم في الثمانين وطالع
بعثه الشيخ تميم تقدر أتواصل معاه شخصيا وانت في الغربه
وحتى الجامعات من افضل الجامعات
والمعاش كبير

وللي تحت الثمانين لهم بعثات لأكن يسمونها فقط بعثه وليست منتسبه لاحد
بس ع الاقل في بعثات يعني مهما كانت نسبتك و وافقت عليك الجامعه ممكن تروح وتدرس

هذا هو الفرق اخوي

[سيزن]

يشهد الله يا اختي هتان , اني سمعت بهذي المآآآسي واستغربت من نتايج بعض عيال وبنات جماعتنا .
اللي كانوا متفوقين طوال فترة دراستهم
ولو اني مالي خص ولكن ضاااق خاطري عليهم .


وعلى ما قال اخونا الجني ( "خمةٍ مجتمعه" تلعب بمصائرنا و مصائر ابنائنا )

حسبي الله ونعم الوكيل ........

[تربوي]

والله هذا مستقبل الطلاب
ومستقبل قطر
ومستقبل كل فرد في المجتمع

ليش التجارب في مستقبل .....

[الهاجري 2]

حسبنا الله ونعم الوكيل حرام والله حطموا طموحات الكل
ولد عمي باقيله 13 درجه وينجح وغيره اللي باقي 10 درجات في كل ماده 5 وغيره وغيره
حراااااام والله حرام هذا غير اللخبطه اللي صايره منهم والحركات اللي مالها داعي انك تجيب شركه امريكيه تسوي الامتحانات و95% من الاسئله خاااارج المنهج هذي غير سالفة التصحيح اللي تاخرت النتائج بسبتها
حتى النتيجه مافيها من كم ولا النسبه !!!!!!!!!!
الله يعيينا صراحه

[Me&OnLy]

لاحول ولا قوة الا بالله ... ماذا يجري في قطر ....

[saladen2009]

لاحول و لا قوة الا بالله

يعني الي ادرسو واتعبوا من مناهج المدارس

واخرتها يحطون اسأله ماله خص بالمقرر

ايش مفتكرين الطلاب دكاتره

وين تعليم الوزارة قبل امتحانات يا زينها

سهلة وبسيطة ومن المنهج وكتب موحده على كل المدارس

والي يقهر بعد ان نظام الدرجات معقد بال1000 وفوق

ولا ينعرف كيف تحسب الدرجات :court:

[M O H A D]

يا جماعة الخير لا تخوفونا :weeping:
السنه الجايه ثالث و متوتر من الحين :weeping:
الله كريم !

[مـــــنــاف]

حـــسبُنا الله ونـــعم الـوكــيل

إلـــى مــتى أيـــهّا الــمسؤول .. نُـشاهــد هــذا الــتخبّـط والــتخربــط والـعشوائـــيه وعــدم وضـــوح الــرؤيــا للــــعمـليه الــتعلـيمـيه ..؟

إلــى مــتى أيُـــّها الـــمسؤول .. يــقع أبـــنائـنا جــــراءّ تــــجارب تُــــطّبق عــليهم دون مــــراعاه للـــفائــده والــثُمار الــتي ســـوف يـــجنونــها ويــقطفونــها مُــستقبلاً ..؟

إلـــى مــتى أيُـــّها الــمسؤول .. يـــكدح ويــتعب أبــنائــنا ويـــدفعون الــغالي والــنفيس فـــي ســبيل الــوصول إلـــى الأهــداف الــمنشوده والآمــال الــمعقوده عــلى تـــفوقــّهم , ولـــكن يـــذهب كــل ذلـــك هــباءً مـــنثوراً ..؟

إلـــى مــتى أيــُهّـا الــمسؤول .. يـــدرس أبــنائــنا طــوال الــعام ومـــن ثُــــم يــأتــــى الإخـــتبار (الـــمُضحك الــمُبكـي) والــذي يُــكتب بــقلم (الــرصاص) مــن خــارج الــمنهـــج ..؟


كــــــم واحـــداً مـــن أبـــنائـــنا (فــــجِع) مــن نـــتيـــجتــــه ..؟

كـــم مـــن الآباء والأُمـــهات تــــبكي قــلوبـــهم حــسرة ونــــدامـــةً عــلى نــتيجه أبــنائــــهم ..؟

كــــم مـــن الــمبالــغ الــنقديــه الــتي تــــم إنـــفاقـــها عــلى مـــعلـمّي الــدروس الــخصوصـيه , ولـــكنــها ذهــــبت أدراج الــرياح ..؟

وكــــم ..؟ وكـــــــم ..؟ وكــــــــم ..؟

إلــــى مــــتى ونــــحنُ نُــــشاهــد فــصول الـــمسرحـيه الــهزلــيه والــتي لا تـنــتـهي فــصولــها ..!!


أرجــــوا مــن الله الــعلي الــقديــر أن يٌـــوفـّق ولــــي أمـــرنا (حــفظـه الله) ويـــنظر إلـــى هـــذه (الـــمأســـاه) الــتي تـــُطال أجـــيالاً كـــامـــله وتُــــهدد مـــستقبـلهم ..!!

[ريان]

لاحول و لا قوة الا بالله

الله يكون في العون

[روح الاطلس]

شلون اخوي روح الاطلس مافي فرق
هو صحيح مافي فرق كبير مثل قبل
لأكن في فرق فالبعثات والجامعات المخصصه لكل نوع من البعثات
يعني مثلا بعثات الشيخ حمد هي اعلى وافضل البعثات
وتدخل اكبر الجامعات
وتتواصل مع الشيخ حمد بنفسه
وتاخذ اعلى الرواتب اثنا الابتعاث
وطبعا هذا للمتميزين او بالأخص للي فوق التسعين


وكذالك عندك للي نسبهم في الثمانين وطالع
بعثه الشيخ تميم تقدر أتواصل معاه شخصيا وانت في الغربه
وحتى الجامعات من افضل الجامعات
والمعاش كبير

وللي تحت الثمانين لهم بعثات لأكن يسمونها فقط بعثه وليست منتسبه لاحد
بس ع الاقل في بعثات يعني مهما كانت نسبتك و وافقت عليك الجامعه ممكن تروح وتدرس

هذا هو الفرق اخوي

انت وضحت الفرق في البعثات فقط وطبعا انت عارف شلون الواحد يقدر يحصل على بعثه الشيخ حمد ولا تميم ولا عندك فكرة اصلا عن الجامعات ؟؟ جامعات التوب في العالم حتى لو نسبتك 100 وجايز الايلز مو بالسهولة تنقبل منا والطريق !!

لذلك انا قلت مافي فرق لان موضوع البعثات ما شملته في جملتي
انا قصدت داخليا مافي فرق المهم ايلز وبس عشان الجامعات هنا تقبله

اما موضوع البعثات شي ثاني وتدري كم اصلا مبتعث من قطر ؟ ولا خلنا ساكتين احسن
مجرد تسكيت للناس اننا نبعث وعندنا قائمات لكن فعليا محد مستفيد من البعثات الا اشخاص على اصابع يدك الوحده

[حقيقه]

الله يعين طلبة المستقله ويوفقهم

الحمدلله خلصت حكومي :)

[الخير كله]

انتهى الامتحان .....
الحي انصحكم فكرو ما هو الحل ..
ضعو نصب اعينكم ان لا تعاتبو اعيالكم بل ادفعوهم للتغلب على هالوضع والنظر للامام
هم للحين اصغار والمستقبل لهم لا هو لشياب المجلس الاعلى ولا للي ظلمهم ...
بليز تعاملو مع الوضع بالبتسامه وقولو بنواصل وبننجح ...
الله يوفق اعيالنا وعيالكم

[الكــاســــر]

انتهى الامتحان .....
الحي انصحكم فكرو ما هو الحل ..
ضعو نصب اعينكم ان لا تعاتبو اعيالكم بل ادفعوهم للتغلب على هالوضع والنظر للامام
هم للحين اصغار والمستقبل لهم لا هو لشياب المجلس الاعلى ولا للي ظلمهم ...
بليز تعاملو مع الوضع بالبتسامه وقولو بنواصل وبننجح ...
الله يوفق اعيالنا وعيالكم

المسألة مب مسألة امتحان انتهى
الموضوع عن مجلس أعلى متخبط صار له كم سنة يظلم الجميع ويدمر التعليم ويستعين بالمؤسسات الأجنبية الفاشلة في سبيل "تطوير التعليم"

[al-sadd]

انت وضحت الفرق في البعثات فقط وطبعا انت عارف شلون الواحد يقدر يحصل على بعثه الشيخ حمد ولا تميم ولا عندك فكرة اصلا عن الجامعات ؟؟ جامعات التوب في العالم حتى لو نسبتك 100 وجايز الايلز مو بالسهولة تنقبل منا والطريق !!

لذلك انا قلت مافي فرق لان موضوع البعثات ما شملته في جملتي
انا قصدت داخليا مافي فرق المهم ايلز وبس عشان الجامعات هنا تقبله

اما موضوع البعثات شي ثاني وتدري كم اصلا مبتعث من قطر ؟ ولا خلنا ساكتين احسن
مجرد تسكيت للناس اننا نبعث وعندنا قائمات لكن فعليا محد مستفيد من البعثات الا اشخاص على اصابع يدك الوحده

صحيح كلامج اختي
لاكن حبيت اوضح للي كان يعتقد ان البعثات نفس الشي فكل النسب
ع العموم حبينا انوضح للي اعتفست عليه الحسبه
اما بخصوص الي يروحون بعثات يمكن مش بالنسبه الكبيره
لاكن الدوله ماقصرت !
يعني انا واحد بإذن الله بقدم على بعثه
وبيوافقون ان شاء الله
اعرف شباب فيهم الخير وبركه ماشاء الله عليهم جابو التوفل وجابو كم شهاده مثل السات
والحين مبتعثين بعثة الشيخ حمد !!

ولو تشوف بعثات قبل مش نفس الحين
قبل لازم فوق التسعين علاشان يبعثونك
الحين بس جيب القبول ولو كنت 50% اهم شي جيب القبول !

وعلى فكره لو حد جاب القبول صدقني المجلس الاعلى مايقدر يمنعك انك تبتعث !
:victory:

لاكن للأسف الي اشوفه...
ان بعض الطلاب الي ولله الحمد انجحو
يروحون ترشيحه ولا يقولون لك امريكا صعبه وغربه ومادري ايش !
لا بالعكس في البدايه بس وبعدها بتكون سهله ومايبيلها شي وبالعكس بتونس هناك :nice:
واكبر دليل شوفي كلية المجتمع
3000 طالب !!!!
كانو يقدرون يقدمون على جامعات خارجيه وحتى لو ماجابو التوفل او الايلز يقدرون ياخذون دوره
فنفس الجامعه وبعدها يكملون الجامعه عااااادي !!
:discuss:

لاكن للأسف خلونا نفكر فيها
- معضم الشباب على طول العسكريه او الترشيحه
- على طووول يبي يشتغل
- وحتى ولو يبي يكمل بيكمل فـ كليه
- واذا يبي يدرس بالجامعه يروح جامعة قطر
- وقليل الي يفكر بالخارج
:rolleyes2:

فـ اكيد بيكونون قله الي يروحون بعثه !
الكلام الي جالس اقوله مش من الباب والطريق
هـ الكلام عن تجربه !
كل الي اعرفهم ولله الحمد مبتعثين
وماواجهتهم اي مشكله
وحتى السفاره هناك ماتقصر اتواصل معاهم بشكل مباشر وشبه يومي !

ولو الواحد يبي يبتعث في ستين الف جهة رسميه يقدر يقدم عليها !

[مضاد]

لاحول ولا قوة الا بالله ... ماذا يجري في قطر ....

تخبط ,

ولاحد يدري وين الله حاشره :confused:

[%حورية قطر%]

الله يكوون في عونكم

وحسبي الله ع المجلس الفاشل ونعم الوكيل

[الذيب الحزين]

حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل

[ام السعف]

Hooray, Hooray It's a Holi-Holiday

الغصة اللي في قلب اختنا هتان تفقدنا الاستمتاع بالعطلة وبترديد هوراي هوراي

شنهي الحكاية وما سر النتائج المعلنة؟

صدمة بكل ما تعنيه الكلمة من معنى ،، وربنا يحاسب كل من تسبب
في مثل هالصدمة ،، حتى بعض الطلاب مب مصدقين انهم ناجحين
وطلاب منصدمين من نتايجهم و سقوطهم :(

وبلا

Hooray, Hooray It's a Holi-Holiday

[£عبدالعزيز£]

حسبنا الله ونعم الوكيل ..اتقوا دعوة المظلوم يا المجلس الاعلى للتعليم

حسبنا الله ونعم الوكيل في من تسبب في نزول دمعة حزن وقهر نزلت أمس

سواء من الطالب او من ولي أمره..

حسبنا الله ونعم الوكيل في من تسبب في حالة القلق والخوف والترقب بالامس

اللي حصل أمس ما راح ينسى ولا راح نغفره لكم يا المجلس الاعلى

الصراحة الطلاب هالسنة احسن من غيرهم بوايد

على الاقل كان عندهم سيرفرين يطلعون من خلالهم النتايج

مب نفس ايام الوزارة سيرفر واحد وتعبان وما يشتغل





تعب سنة كاملة..وتعب 12 سنه من العمل وبناء الاحلام ..تهدم في لحظات


كم طالب وطالبه بذلوا جهدهم وطاقتهم وقدموا بحوثهم وكل شي تمام التمام

وينصدمون في الاختبارات النهائية بأسئلة خارج المنهج..وتحتسب عليها

النسبة الاكبر اللي هي 70 % من الدرجة النهائية..!!!!!

طيب فهمونا شالفايدة اذن من الدراسة في المدرسة ان كانت غير مهمة للطالب

وابدا ما فادته ولا شفعت له في النهاية..؟؟؟


على ايام الوزارة .. كانت امتحانات الوزارة عليها 100%

اما الحين على الاقل في 30% من المدرسة

ومادري الصراحة اذا صج الاسئلة من برع المنهج ولا التدريس تعبان

بس لو في ناس حصلوا درجة كاملة اعتقد انه بيكون رد لكل اللي يقولون هالكلام

لكن لو كان صج من برع المنهج .. هني نقدر نسميها مصخرة

وحتى لو كان التدريس ضعيف في بعض المدارس .. فالغلط بعد على المجلس الاعلى مب على الطلاب !!






السنة اللي طافت الكل نجح وبنسب مرتفعه..

السنة هذي كان الرسوب بشكل واضح وبنسب مرتفعه

لا .. واعادة سنة للبعض منهم..وفي الاخير يطلع الوزير وهو فرحان

بالنتائج الايجابية على قولته...اي نجاح واي نتايج ايجابية والطلاب

حاسين بالظلم وانعدام الامان والثقة حتى في قدراتهم..


سالفة النتائج المرتفعة تنقال كل سنة

والمسؤولين يكونون مجهزين التصريح قبل ما تطلع النتايج حتى

واذا جات شكاوي من امتحان معين

لازم يطلع واحد ويقول ان عملية التصحيح الاولية بدات

واكثر من طالب حصل على الدرجة الكاملة :telephone:



ما نقول الا حسبنا الله ونعم الوكيل


اعتقد ان المجلس الاعلى للتعليم اثبت فشله

ولازم يرجعون الوزارة مرة ثانية !!

[ANONYMOUS]

anonymous

نسبته 654 من ألف
واذا تبيه من اميه
65.4%


طريقة الحسبه
اجمع المواد وقسمهم على 7



هذي الطريقه العاديه

بس وش سالفة طريقة المعادله اللي سووها العام

يقولون بتطلع النتيجه غير

[zeroo10]

فعلا الامتحانات من خارج المنهج

والاسئله غريبه جدا لكن الحمدلله ^+^

[a.s]

انا امس اول مره اعرف بهالقانون الجديد اللي طالعين فيه وبهالماساه ...

صراحه الناس متحطمه في كل بيت واحد او اثنين عالاقل راسبين ...

معقوله ( الراس الكبيرة ) ما وصلها الخبرررررر . ..... ؟؟

ولا كالعاده ( نأأأذن في خراااابه ) ....


؟؟!!

[هتـان قطر]

السموحة منكم جميعا لعدم تفاعلي مع الردود ..اعذروني النفسية مش ولابد :(

الحمدلله على كل حال ..وان شالله فترة وتعدي ونفرح بنجاح اللي ما حالفهم الحظ

قولوا آآآآمييين..

الشي المحزن هو مطالبة المدرسة بحضور الراسبات لحفل التخرج المقام اليوم..!!!

بالله عليكم كيف لبنات مكسورات مصدومات من النتيجة وحاسين بحزن وبخوف من المستقبل

وهل فعلا بينجحون والا لا..بيقدرون يفرحون ويحضرون وهم لابسين ملابس التخرج؟؟؟

المفروض مراعاة لنفسياتهن..يتم تأجيل الحفل الى الانتهاء من الدور الثاني

شي يحز في الخاطر صراحة..احدى الامهات تقول بنتي من فترة واحنا نجهز ملابس التخرج

وتم بالفعل شراء روب التخرج من المدرسة من قبل جميع الطالبات..

وتم شراء بطاقات الدخول كل بطاقة بمئة ريال..تقول الام بنتي شرت عدة بطاقات

لخالاتها وعماتها..ياترى ايش موقفها الحين وهي راسبة


الراسبين هالسنة غير..لانهم عاشوا النجاح من قبل تبدا الاختبارات

الكل قالهم بتنجحون وما عليكم..يمكن حدث استهتار من قبل البعض

مما أثر على مستوياتهم لكن هذا ما يثني المجلس الاعلى من الخطأ في حق الراسبين



المدارس بدت باستعداداتها للتخرج من بدري لذلك حسوا انهم فعلا ناجحين

لكن حدث ما لم يكن في الحسبان وحدث الرسوب ولاعداد كبيرة من الطلبة

مما خسف بكل الاحلام وكأن زلزال حدث في هذا اليوم المشؤوم..

اللحظات اللي عاشها عيالنا ولساعات طوال..من الالم والترقب

من اللي بيعوضهم عنها .. من بيجبر كسر هالقلوب الصغيرة


اسأل الله العلي العظيم ان يجبر كسرهم وان يعوضهم خير


وان شالله الايام الجاية تحمل معها الفرح والعودة من جديد

الى التفكير بمستقبل مشرق بإذن الله

[الجني]

انتوا ملاحظين شيء

أخروا اعلان النتائج بعد ان انتهى

"برنامج وطني الحبيب تصبح على خير"

و كأنها صدفة

أغبياء بدرجة دكاتره

[طلعة الروح]

لاحول ولا قوة الا بالله

والله كسروا خاطري الطلاب حرام

انا من يوم عرفت انه ولد المحمود مسك المجلس وانا غاسله يدي من الموضوع

[sh50]

حسبنا الله ونعم الوكيل

[بوطويشم]

السلام عليكم

التعليم بكبره فاشل من مدارس الى جامعات

و المشكلة ان الوزير عباله احنا يهال يقول نسبة النجاح مرتفعة

وين مرتفعة وتقريباً كل مدرسة فيها رسوب

ما قول غير الله يمهل ولا يهمل

[فلتة زمانها]

غريب انا احس في ناس راحو المستقله
وارتفعت درجاتهم اخوي لصغير واحد منهم انسان مهمل
غير عنا كلنا لا يحب يدرس ولا يفتح كتاب دوم مستواه
فالخمسين واكبر نسبه جابها 61% في اول ثانوي
يوم صارت مدرستهم مستقله جاب 74% هالسنه
شلون مادري بروحه يقولي شكلهم مغلطين قلت له
اسكت واحمد ربك ويوم كنت ادرسه انجلش ورياضيات
كنت احسه مفهي ومايفهم طلع شاطر فالتاليف ونجح